ئارتۇچ كۈتۈپخانىسىدىن قېرىنداشلارغا سالام

ئارتۇچ

ئارتۇچ كۈتۈپخانىسىدىن قېرىنداشلارغا سالام



مەن كىچىگىمدىن كىتاب كۆرۈشكە ھېرىسمەن ئىدىم. كۆپىنچە ھاللاردا باشقىلاردىن ئارىيەتئ ېلىپ ئوقۇيتتىم .ئارىلىقنى يىراق كۆرمەي خوشنا شەھەر -يېزىلاردىن ئەكېلىپ قىلچىمۇ ئېرىنمەيتتىم .ئەدەبىياتقا، جۈملىدىن شېئىرغا يۈرىگىمدە بىر ئۇلۇغ ئوت ياناتتى  .

شۇنداق قىلىپ يىللار بىلەن تەڭ چوڭ بولدۇم ، ھەر قايسى گېزىت - ژورناللاردا شېئىرلىرىم ئېلان قىلىنىشقا باشلىدى . بىر تەرەپتىن مىللىي سىرچىلىق ھۈنىرىنى قىلغاچ ۋاقىت چىقىرىپ كىتاب كۆردۈم ، ئەدەبىي ئىجادىيەت بىلەن شۇغۇللاندىم.2005-يىلدىن 2009-يىلغىچە شىنجاڭ ۋە ئچكىرى ئۆلكىلەردە ئىشلىدىم ، ئۇششاق تىجارەت بىلەن شۇغۇللاندىم . 2009-يىلى ھەم تىجارەتتە ھەم تۇرمۇشتا ئېغىر قىسمەتكەيولۇقتۇم .تىجارەتتە ئېغىر زىيان تارتقاننىڭ ئۈستىگە،  قىزىم ئېغىر كېسەل بولۇپ 2014-يىلى ئاندىن ئىشلىرىم ئىزىغاچۈشتى .
مەن ھاياتىمنىڭ بۇ دوقمۇش ،كاتاڭلىرىدىن تۈز ئۆتتۈم ، ھاياتلىق مىزانىمدا بىرنەرسىنى چوڭقۇر تونۇپ يەتتىم . ئۇبولسىمۇ ئىجادىيەت ئارقىلىق ئۆزۈمنى ئىزدىگەچ روھىمنى ھامان پاكلىدىم ،تاۋلاپ تۇردۇم .ھەر بىر ئىنسانغا پاكلىقنى ئىستەپ كەلدىم . 2015-يىلى ئۆزۈمگە يارىشا ئۆي سالدىم . ئۆزۈمنى ھەم كەڭ دېھقان خەلقىمنىڭ مەنىۋى ئېھتىياجىنى قاندۇرۇش ، مەنىۋىيىتىنى بېيىتىش مەقسىتىدەپۈتكەن ئۆيۈمنىڭ بىرىنى ） 40كۇۋادىرات مېتىر  ) كۈتۈپخانا قىلىپ ئېچىشنى ئويلىشىپ، يېزا مەدەنىيەت پونكىتىغا ئىلتىماس سۇنۇپ تەستىقلاتتىم. مۇناسىۋەتلىك ئورۇنلار ئاستا - ئاستا قوللاپ قۇۋۋەتلەيدىغانلىغىنى بىلدۈرۈشتى . نۆۋەتتە كۈتۈپخانىنى بېزەش تەييارلىقنى قىلىۋاتىمەن . ھازىرچە500دىن ئارتۇق ھەر قايسى ژانېردىكى ئۆزۈم يىغقان كىتابلىرىم بار . مەقسەتكە كەلسەم  :  ھەر قايسى يۇرتلاردىكى كەڭ ئوت يۈرەك ، مەرىپەتسۆيەر قېرىنداشلىرىمنىڭ كۈتۈپخاناقۇرۇشقا ئائىت پايدىلىق تەكلىپ پىكىرلەرنى بېرىشىنى ، پارتىيە ۋە ھۆكۈمىتىمىزنىڭ ئەۋزەل سىياسەتلىرىدىن مېنى خەۋەر قىلىشىنى سورايمەن . مەن كۈتۈپخانامغا  تارىخىي ، تەزكىرە ، قانۇن ، ئەخلاق تېمىسىدىكى كىتابلارنى تىزىپ كەڭ دېھقان ئاممىسى ۋە ئوقۇغۇچىلار، باشقا كىشىلەرگىمۇ ئارىيەت بەرمەكچى . شۇڭا كەڭ قېرىنداشلىرىمنىڭ يېقىندىن قوللاپ قۇۋۋەتلىشىنى ،مەدەت ،مەسلىھەت بېرىشىنى  چىن دىلىمدىن سەمىمىي ئۈمىد قىلىمەن.


ھۆرمەت - ئېھتىرام بىلەن :  ئەمەتجان زۇنۇن ئارتۇچ

چ چ  :2536190268  .يانفۇن : 15699088894  . تېلىفۇن : 0908-4801868   

ئادىرىسىم : ئاتۇش شەھەر ئازاق يېزا قۇلانچى كەنىت 5-ئەترەت 38-ئۆي

阿图什市阿扎克乡库兰其村5-队038号。

邮政号  ：  845350

艾买提江.祖伦

2015-يىلى 10-ئاي 6-كۈنى


قېرىنداشلارنىڭ بۇ خەۋەرنى سالۇن ، ۋە باشقا تاراتقۇلارغا تارقىتىپ قويۇشىنى ئۈمىد قىلىمەن .

پىنھانە

كارامەت ئىش قىپسىز يىگىت. يارايسىز.

پىنھانە

كارامەت ئىش قىپسىز يىگىت. يارايسىز.