مەيلى باققىن چىمەنىمدە قوي (مۇشائىرە)

ۋولقانى

	مەيلى باققىن چىمەنىمدە قوي ھۆرىيەت مۇھەممەدنىڭ ‹‹ چىمەنىڭدە قوي باقاي بىردەم›› ناملىق شېئىرىغا مۇشائىرە چىمەنىڭدە قوي باقاي بىر دەم ھۆرىيەت  مۇھەممەد دۈنيا ئوتلۇق نەي چالغان بالا ئارقسىدىن قالسەن قاراپ . چىمەنىڭدە قوي باقاي بىردەم شاماللاردەك لېۋىڭگە تاراپ . ئېقىتىپ قوي بىر تال چېچىڭنى باغرىمدىكى ئۇلۇغ ئېقىندا . گۈل رەڭگىدە ئېچىلدى كېچەم زارىقمىسۇن بۇلبۇل بېغىڭدا . كۆينەك كېيدىم ياماق كۆڭلۇڭدە جۈل-جۈل بولدى تاشنىڭ ھەسرىتى . ئاق ئۈجمىلەر تۆكۈلگەن باھار يۈرىكىمگە قويار بېشىنى . پاتتى ماڭا قوياشنىڭ دەردى ئاسمان بولاي كەلگەن دىلبىرىم . يامغۇر بولۇپ تۆكۈلسەم ئەگەر كۆكلەپ چىقار باغرىڭدىن قەدرىم . 2015ـ يىلى 13ـ ماي مەيلى باققىن چىمەنىمدە قوي... نۇرمۇھەممەد خېلىل ۋولقانى مەيلى باققىن چىمەنىمدە قوي، شاماللاردەك لېۋىمگە تاراپ. ھىجرانىڭدا مۇڭلانغان قەلبىم، ئىچىۋالسۇن ۋەسلىڭدىن شاراپ. بىر تال چېچىم مەجنۇنتال بولۇپ، ئېقىنىڭدا ئاققىلى نېكەم. بۇلبۇل بولۇپ كىرگىن بېغىمغا، چوغ رەڭگىدە ئېچىلدىم ئەركەم. ياماق چۈشكەن كۆڭلۈم پەرىشان، سەن كەيگەندە ئۇنىڭدىن كۆينەك. ئاق ئۈجمىدەك چۈشسەڭ باغرىمغا، رەشىك قىلار تۈمەنمىڭ يۈرەك. . قۇياشنىڭمۇ دەردى بار بىلسەڭ، چۈنكى ئايغا ئاشىق يۇلتۇزمۇ. كۆكلەپ تۇرغىن تال-تال نۇر بولۇپ، مەنمۇ ساڭا ئوخشاش يالغۇزغۇ... 2015.5.13

تۈركزات

	قايناڭ دەردى بار باللا

پىنھانە

	ھوزۇرلاندىم. ئامەتلىك بولۇڭلار.

HOJAKABIZ

	ماۋۇ مۇشائىرە قاملىشىپتۇ. خۇددى ئالدىن دېيىشىۋالغاندەك... ئەمما كېيىنكىسىنىڭ " مەنمۇ ساڭا ئوخشاش يالغۇزغۇ... " دېگىنى يالغان!!!

ئەھەدى

	ماۋۇ مۇشائىرە ئوبدان قاملىشىپتۇ،داۋامى يوقمىكىنا...؟

ۋولقانى

	HOJAKABIZ يوللىغان ۋاقتى  2015-12-8 19:06 ماۋۇ مۇشائىرە قاملىشىپتۇ. خۇددى ئالدىن دېيىشىۋالغاندە ... ئۇستازنىڭ يامانلىقىنى. يەنە بىلىۋاپتۇ