گۇمىغا باراي دەيمەن،باراي دەيمەن(شاھىدى)

شاھىدى

	گۇمىغا باراي دەيمەن، باراي دەيمەن قۇربان داۋۇت شاھىدى كۈيچىلەر كۈيلىرىدە سېنى يازغان، توپاڭغا تىنىپ كەتكەن روھنى قازغان، شەيتانمۇ تاغلىرىڭدا تېنەپ، ئازغان، گۇمىغا باراي دەيمەن، باراي دەيمەن. سەن دېگەن يىراق بىر جاي، يىراق بىر جاي، يوللۇرۇڭ ئۆتمۈشۈمدەك سوزۇلغان ساي، ھاسام سۇندى ئۇزاق يولغا چىداي، پايلاي،   گۇمىغا باراي دەيمەن، باراي دەيمەن. قەدىمكى بىر كىتابتىن سېنى تاپتىم، تەرىپىڭ، داستانىڭنى ئوقۇپ باقتىم، دەردلىرىڭ دەرياسىدا چۆمۈپ ئاقتىم، گۇمىغا باراي دەيمەن، باراي دەيمەن. تۈنىسەم ئۆتەڭلەردە گۈلخان ياقاي، ئەركەكلىك يالقۇنىدا بىر چايقىلاي، قىلىچتەك قېنىمدىن چىقاي، نۇر چاچاي، گۇمىغا باراي دەيمەن، باراي دەيمەن. كوچاڭغا كىرىپ كەلسەم چىڭ-چىڭ دەسسەپ، سەن ئۈچۈن يانغانلارنى ئويلاپ، ئەسلەپ، شاپتۇللار مەي بولغاندا شېخى پەسلەپ، گۇمىغا باراي دەيمەن، باراي دەيمەن. بارخانلار تۆگەمنىڭ ئىزىنى يۇتما، ئاسمانلار بوۋامنىڭ سۆزىنى يۇتما، ئاچ بۆرە شۇ نادان قوزىنى يۇتما، گۇمىغا باراي دەيمەن، باراي دەيمەن. بىسلىرى قايرىلماس بىر نامە تۈزۈپ، لاچىندەك ئېگىزدە مەردانە ئۈزۈپ،      مۇز يېرىپ چوڭقۇردىن دۇردانە سۈزۈپ، گۇمىغا باراي دەيمەن، باراي دەيمەن.   بەگتۈرك دەپ ئاداشىم بار، ئاداشىم بار، پاسئاندەك قاياشىم بار، قاياشىم بار، ئۆزۈمچە ياشاشىم بار، ياشاشىم بار، گۇمىغا باراي دەيمەن، باراي دەيمەن. «گۇما دىيارى» مۇكاپاتلىق ئەسەرلەر مۇسابىقىسىگە سۇنۇلغان ئەسەر

گۇزەل

	ئەسىرىڭىز ياى شى چىقىپ دۇ گۇما سىز نى قارشى ئالىدۇ،مۇبارەك بولسۇن.

رىسالەت

	گۇمىغا بىرقېتىم بېرىپ باقتىم. ئەمما ئىككى سائەت تۇرۇپلا قايتتم. ماڭا بەك مېھرى ئىسسىق يۇرت بىلىندى.

شاھىدى

	رىسالەت مەردان ئىسىملىك بىر قىز، سېنىڭ كوچاڭدىن ئۆتۈپ كېتىپتۇ. كۆڭلى چۈشۈپ، مېھرى چۈشۈپ ساڭا، سەن ھەققىدە بىر نامە پۈتۈپ كېتىپتۇ، سالامەت بولغاي ئۇ قىز، ياخشى ياشىسۇن قىزلىرىمىز...

begturk

	كەل دوستۇم،ھۇپپىدە ئېچىلغان بىر تال چوغ ئېلىپ ئالدىڭغا چىقاي!

رىسالەت

	شاھىدى يوللىغان ۋاقتى  2014-1-16 20:42 رىسالەت مەردان ئىسىملىك بىر قىز، سېنىڭ كوچاڭدىن ئۆتۈپ  ... ھى ھى ھى ئەمما مەن تونۇيدىغان قەلەمكەشلەردىن ھېچكىم بىلەن كۆرۈشەلمەي قايتتىم دە ئۇ چاغدا...

تۆتتاش

	ئانار يۇرتى  گومىغا  بولغان  سېغىنچىڭىز  ياخشى  ئىپادىلنىپتۇ. ياقتۇردۇم.سالامەت  بۇلۇڭ.

ئۈنچە

	بۇ شېئىرىڭىز بەك بەلەن شېئىر بوپتۇغۇ. گۇمىغا بېرىپ قالسىڭىز بىزنىمۇ ھەمرالىق ئېلىۋالارسىز(چاخچاق).

mamutomar

dohturbiz

	يۇرتۇم گۇما توغۇرسىدا يازغان بۇ شېرىڭزنى كىچىكىپ كۆگەن بولساممۇ سىزدىن بەك مەمنۇن بولدۇمسىزگە ئۇتۇق تىلەيمەن

قوشتاغ

	نىيەت بولسىلا يول يىراق ئەمەس،گۇما ئوغلانلىرى سىزنى قىزغىن قارشى ئالىدۇ.

ھەدىيە

	باشقىلار گۇمىدا "گۇمان"بار دەيدىكەن،ئەسلىدە گۇمىدا گۇمان يوق مىھىر-مۇھاببەت بار،ئىككىلەنمەي  كىلىۋىرىڭ.