بەگتۈرك : تەزمىنلەر -6

begturk · ۋاقتى: 2012-7-28 20:46:55


	ئەخمەتجان تۇرۇپ بەگتۈرك يىغلار غەرىبدۇرمەن بۇ ھالىمغە ئۆزۇمدەك بىناۋا يىغلار، كېرەك بەختى قارانىڭ ھالىغە بەختى قارا يىغلار. -مەشرەپ شۇتاپ تۇرقۇم يىتىم قالغان كىيىكنى ئەسلىتەر بىلسەڭ، قاراپ سۇلغۇن چىرايىمغا ياقا يىرتىپ گادا يىغلار. سەھەردە يۇلتۇزى كۆيگەن زىياغا تەلمۈرۈپ ئۆتكەي، كۆزۈمدىن بىر قۇياش ئىزدەپ تۇمانلىق كۆك-سامايىغلار. ئۆزۈمنى ياندۇرالماستىن داۋام خۇمدانغا ئوت ياقتىم، ئىزىمنى ئاختۇرۇپ بىر-بىر ئۇزۇن چاچلىق سابا يىغلار. پەسىللەر يەكلىگەچ بۇلبۇل شېخىمدا باقمىدى سايراپ، يېزىپ بۇلبۇل ئۈچۈن مەكتۇپ قېنىم ئىچرە جۇلايىغلار. بۇقۇلداپ ئۈنلىسەم قۇشلار بېشىمغا قوندى سەپ تارتىپ، يۈرەكنىڭ تەكتىگە باقساڭ شىپا تاپماس يارا يىغلار. ئېگەمنىڭ رەھمىتى ياغسا قورام تاشتىن بۇلاق تاشقاي، مېنى ۋسالغا يەتكۈز دەپ تىلىمدامىڭ دۇئا يىغلار. بۇ يازمىنى ئاخىرىدا begturk تەھرىرلىگەن. ۋاقتى 2012-7-28 20:47

مىر · ۋاقتى: 2012-7-28 21:06:52


	يەنە بىر ئىسىل تەزمىننى كۆرگىنىمدىن خۇشالمەن .

HOJAKABIZ · ۋاقتى: 2012-7-28 21:08:12


	خاسىيەتلىك كۈنلەردە تىلى ساپ بولغان بىر غەزەل يوللاپتىلا، ئېگەمنىڭ رەھمىتى ياغسا قورام تاشتىن بۇلاق تاشقاي، مېنى ۋسالغا يەتكۈز دەپ تىلىمدامىڭ دۇئا يىغلار. اللاھ ياخشى بەندىلىرىنى ۋىسالغا-مۇرادىغا چوقۇم يەتكۈزىدۇ!

AMIRJAN · ۋاقتى: 2012-7-28 21:31:42

huxhuy · ۋاقتى: 2012-7-29 00:52:50


	شائىر ئىنىمىز بەگتۈركنىڭ ئېسىل چىققان بىر پارچە تەزمىندىن بەھىرلەندۈرگىنىگە تەشەككۈر!تەزمىن مەيلى شەكىل ياكى تىماتىك جەھەتتىن بولسۇن ئوت يۈرەك شائىر مەشرەپنىڭ غەزەلىگە تولىمۇ جىپسىلىشىپ چىقىپتۇ. ئېگەمنىڭ رەھمىتى ياغسا قورام تاشتىن بۇلاق تاشقاي، مېنى ۋسالغا يەتكۈز دەپ تىلىمدامىڭ دۇئا يىغلار. _____________________________________ يۇقارقى بېيىتنىڭ كېيىنكى مىسراسىنى مۇنداق ئوقۇپ باقتىم: مېنى ئارمانغا يەتكۈز دەپ دىلىمدا مىڭ دۇئا يىغلار! بۇ يازمىنى ئاخىرىدا huxhuy تەھرىرلىگەن. ۋاقتى 2012-7-29 00:54

begturk · ۋاقتى: 2012-7-29 13:31:25


	ھۆرمەتلىك شائىرىمىز خۇشخۇي ئەپەندىنىڭ بەرگەن تەكلىپىگە كۆپ رەھمەت،شۇنداق دېسەم تىخىمۇ جايىغا چۇشىدىكەن .

قوشتاغ · ۋاقتى: 2012-8-3 01:58:26


	قەلىمڭىز مەڭگۈ ھارمىسۇن، نادىر تېمىڭىزنى داۋاملىق كۈتىمىز.

Dihan · ۋاقتى: 2012-8-5 02:44:13


	ئاپىرىن ،نادىر تىمىلارنى يوللاپ تۇرغاي سىز

سەزگۈر · ۋاقتى: 2012-8-6 19:08:31


	ئاپرىن ئۇستاز!تەزمىن دېگەن سۆزنىڭ مەنىسى نېكىن؟

arkan · ۋاقتى: 2012-8-18 22:45:19


	ئېگەمنىڭ رەھمىتى ياغسا قورام تاشتىن بۇلاق تاشقاي، بۇلاقتىن سۇ ئىچىپ كارۋان قىينالماي داۋان ئاشقاي. رەھمىسى كەلسە ئىگەمنىڭ ئەل- ئاۋام بىچارىگە، ئەجرىدىن گۈللەر ئۈنۈپ قەلبىدىن ھىدايەت تاپقاي. قاملاشمىسىمۇ ئەگىشىپ قويدۇم ئەيىپكە بويرىمىغايلا ئۇستاز،

mamutomar · ۋاقتى: 2012-9-4 01:09:35


	بەگتۈرۈكنىڭ غەزەلىرىگە بەركەتلىك تىلەكلەر يار بولغاي.

maripatogli · ۋاقتى: 2013-2-22 23:57:39


	ئەسسالامۇ ئەلەيكۇم قەدىرلىك ئۇستاز ،سىزنىڭ نادىر شىئېرلىرىڭىزنى ئوقۇش پۇرسىتىگە ئىرىشكەنلىكىمدىن تولىمۇ خۇرسەنمەن،ئاپىرىن

مىكروبلوگ[ يېڭى | 24 سائەت | 7 كۈن | 30 كۈن ]