مەن بىلەن __ ھەزرىتىئەلى

بۇ ھاياتتا بىر ئۆمۈر ئۆتەلەمسەن مەن بىلەن،
بەخت دېگەن يىراقتا، كۈتەلەمسەن مەن بىلەن.
كۈلكە دېگەن ھەر ۋاقىت يىغا بىلەن بىر تۇغقان،
يىغلىغاندا تەڭ يىغلاپ، كۈلەلەمسەن مەن بىلەن.

ھايات گويا بىر سەپەر، بورىنى بار يامغۇرلۇق،
چۆلدە قالسام بوراندا تۈنەلەمسەن مەن بىلەن.
ئېيتالمايدۇ ھىچكىممۇ، ئازابى يوق ھاياتنىڭ،
كەلسە باشقا دەرد-ئەلەم، يۈتەلەمسەن مەن بىلەن.

ئاتا-ئانا ئەڭ ئۇلۇغ، شۇڭا دەيمەن بۇلارنى،
گويا مېنى سۆيگەندەك سۆيەلەمسەن مەن بىلەن.
نە قىسمەت بار بېشىمدا، بىر كۈن ئەجەل يەتكەندە،
بۇ دۇنيادىن ۋاز كېچىپ، كېتەلەمسەن مەن بىلەن.

گۈلجاھان مېدىيەسىدە ئىشلەندى

يازما مەنبەسى: ../

تارتۇق

微信扫一扫，打赏作者吧～