قىزچاق ئىككى ئوت ئۆچۈرگۈچىنىڭ پۇلىنى تۆلىۋەتتى، نەتىجە ئويلىغىنىمىزدىنمۇ ياخشى
تۆت پەسىل مېدىيەسى خەۋىرى: لىز ۋۇدۋورد يېڭى جېرسى شىتاتىدىكى بىر ئاشخانىنىڭ مۇلازىمى بولۇپ، بۇ يىل 24 ياشتا. (كۈلسە شۇنچىلىك چىرايلىق ھە)
بىر كۈنى سەھەر سائەت بەش يېرىمدا ھېرىپ جۇلۇقى چىقىپ كەتكەن ئىككى ئوت ئۆچۈرگۈچى ئۇ تۇرۇۋاتقان ئاشخانىغا كىرىپ ئىككى ئىستاكان قەھۋە ئالدى. ئۇلا بايىلا يېقىن ئەتراپتىكى ئوت كەتكەن نەق مەيداندا ئوت ئۆچۈرۈپ قايتىپ كەلگەن ئىدى، شۇڭا بەكلا ھېرىپ كەتكەن.
ئىككى ئوت ئۆچۈرگۈچىنىڭ جاپاسىنى كۆرۈپ، بۇ ئاقكۆڭۈل قىز ئۇلارنىڭ پۇلىنى تۆلىۋېتىشنى قارار قىلدى ھەمدە بىر پارچە خەت قالدۇردى.
خەتتە مۇنداق دېيىلدى: سىلەرنىڭ ئەتتىگەنلىك تاماق پۇلۇڭلارنى مەن تۆلەيمەن، سىلەرنىڭ كۆپچىلىك ئۈچۈن قىلغان ھەممە ئىشىڭلارغا بەكمۇ رەھمەت! باشقىلار ئوت كەتكەن جايدىن قېچىپ چىقىشنى ئويلايدۇ، سىلەر بولساڭلار قىلچە ئىككىلەنمەي ئوت ئىچىگە بۆسۈپ كىرىسىلەر. سىلەرنىڭ قانداق كىشىلەر بولۇشۇڭلاردىن قەتئىينەزەر سىلەر ئەڭ جەسۇر، قەھرىمان كىشىلەر! سىلەرگە رەھمەت، سىلەر بىزنىڭ ئۈلگىمىز! ياخشى ئارال ئالغايسىلەر!
ئىككى ئوت ئۆچۈرگۈچىمۇ چوڭقۇر تەسىرلەندى ھەمدە خەتنى ۋە ئاخشانىنىڭ سۆرىتىنى فەيسبۇكتا ئېلان قىلدى.
ئەمما، ئىككى ئوت ئۆچۈرگۈچىمۇ قىزچاقنىڭ ئائىلىسىنىڭ ئۇنچە باياشات ئەمەسلىكىنى بايقىدى. قىزچاقنىڭ دادىسى پالەچ بولۇپ ئۆيدە ئىدى، چاقلىق ئورۇندۇقنى قويغىلى بولىدىغان ماشىنا بولمىغانلىقتىن، ئۇنىڭ دادىسى ئۆيدىلا تۇرۇپ، سىرتقا بارالمايتتى.
شۇنىڭ بىلەن، قىزچاقنىڭ دادىسىغا چاقلىق ئورۇندۇق پاتىدىغان ماشىنىدىن بىرنى ئېلىپ بېرىپ، ئۇ بىر ئائىلە كىشىلىرىنىڭ بىرگە سىرتلارغا چىقالىشى ئۈچۈن، ئىككى ئاقكۆڭۈل ئوت ئۆچۈرگۈچى بىر پۇل يىغىش تۈرىنى باشلىدى.
دەسلەپكى نىشان 17 مىڭ دوللار ئىدى، بىراق ئوت ئۆچۈرگۈچىلەرنىڭ ياردىمى بىلەن 60 مىڭ دوللار يىغىلدى. ئىككى ئوت ئۆچۈرگۈچى ھەتتا لىزنىڭ ئۆيىگە بېرىپ ئۇنىڭ ئائىلىسىدىكىلەر بىلەن كۆرۈشتى.
لىز مۇنداق دەيدۇ: «ئۇلارنىڭ پۇلىنى تۆلىۋەتكەن چاغدا مەن ئەزەلدىن ھەرقانداق ياخشىلىق قايتىشىنى كۆزلىگەن ئەمەسمەن، ئۇلارنىڭ تەبەسسۈمىدىن باشقا…»
بىر قىزچاق بىزنى ئاقكۆڭۈل كىشىلەرگە ھامان ياخشىلىق يانىدىغانلىقىغا ئىشەندۈردى، شۇنداق ئەمەسمۇ؟
مەنبە: تۆت پەسىل مېدىيەسى
微信扫一扫，打赏作者吧～
