2007- يىللىق نوپۇس سىتاتىستىكىسىغا ئاساسلانغاندا، ئۇيغۇرلارنىڭ جۇڭگودىكى نوپۇسى 9،413،796 بولۇپ، 10 مىليونغا يېتىشكە ئازلا قالغان ئىدى. شۇنىڭدىن كېيىن، 4 يىل جەريانىدا توردىن ئۇيغۇر نوپۇسىغا ئائىت بىرەر ياخشىراق سان- سىغىر تاپالماي يۈرەتتىم.
نەچچە كۈننىڭ ئالدىدا تور ئارىلاۋېتىپ، ب د ت نىڭ 2010-يىللىق نوپۇس سىتاتىستىكىسىدا، ئۇيغۇرلارنىڭ جۇڭگو تەۋەسىدىكى نوپۇسى 11 مىليونغا ئازلا قالغانلىقى قەيت قىلىنغانلىقىنى كۆرۈپ قالدىم.
مەنبە:
http://www.joshuaproject.net/countries.php?rog3=CH \
جۇڭگودىكى ئاساسلىق ئۇيغۇر توپى 10 مىليون 833 مىڭ بولۇپ، ئۇنىڭدىن باشقا لوپنۇر ئۇيغۇرلىرى 65 مىڭ، خوتەن قارىقاش ئۇيغۇرلىرى 41 مىڭ، تەكلىماكان ئۇيغۇرلىرى 300 ، جەمئىي 10 مىليون 939 مىڭ 300 بولۇپ، 11 مىليونغا 60 مىڭ نوپۇس كەملىك قىلىدىكەن.
شۇنداق بولغاندا، ئۇيغۇرلار جۇڭگودىكى نوپۇسى 10 مىليوندىن ئاشىدىغان ئاز سانلىق مىللەتلەرنىڭ 4-سى بولۇپ قاپتۇ. ئالدىنقىلىرى جۇاڭزۇ، مانجۇ ۋە تۇڭگانلار بولۇپ، ئۇيغۇردىن كېيىن يەنە مىياۋزۇلار بار.
گەرچە بۇ 2010-يىللىق مەلۇمات دىگەن بىلەن، ئەمەلىيەتتە 2009-يىلىنىڭ ئاخىرىدىكى مەلۇماتلار بولۇپ، ھازىر 2011-يىلى يانىۋار، ئارىلىقتا بىر يىل ئۆتتى. ئۇيغۇرلارنىڭ يىللىق كۆپىيىش نىسبىتى كەم دىگەندىمۇ 200 مىڭ ئەتراپىدا بولۇپ، ئەگەر 2010- يىلىنىڭ ئاخىرىدىكى مەلۇماتنى ئاساس قىلدىغان بولسا، جۇڭگودىكى ئۇيغۇرلارنىڭ نوپۇسى كەم دىگەندىمۇ 11 مىليون 100 مىڭدىن ئاشىپ قالاتتى.
مەنبە:
http://bbs.12tagh.com/baghdax/bbs/read.php?tid=2715 
