تۈركىيە ئاۋازى رادىيوسى خەۋىرى: جۇڭگو تۆتىنچى ئەۋلاد رادارغا چۈشمەيدىغان ھەربىي ئايروپىلان ياسىغانلىقىنى ئېلان قىلدى.
ئامېرىكا، جۇڭگونىڭ بۇ خىل ئايروپىلاننىڭ مودېلىنى ياساپ چىققانلىقىنى، رەسمىي ئىشلەپچىقىرىش ئۈچۈن بىر قانچە يىل كېتىدىغانلىقىنى ئىلگىرى سۈردى.
جۇڭگو J-20دەپ نام بەرگەن ئايروپىلاننىڭ، جەنۇبتىكى چىڭدۇ شەھىرىدە سىنالغانلىقى ۋە سىناقنىڭ مۇۋەپپەقىيەتلىك بولغانلىقى بىلدۈرۈلدى.
جەنۇبىي كورېيە ئاخبارات ۋاستىلىرىنىڭ جۇڭگونىڭ ھەربىي مەنبەلىرىدىن نەقىل ئېلىپ تارقاتقان خەۋەرلىرىدە، J-20ئايروپىلانىنىڭ ئەڭ يۇقىرى سۈرئىتىنى سىناش ئۈچۈن سىناق قىلىنغانلىقى، تۇنجى قېتىملىق ئۇچۇش سېنىقىنىڭ بولسا، مۇشۇ ئاينىڭ ئوتتۇرىلىرى ئېلىپ بېرىلىدىغانلىقى قەيت قىلىندى.
جۇڭگو، J-20ئايروپىلانىنى ئالتە يىل ئىچىدە ھاۋا ئارمىيەسىگە سەپلەشنى پىلانلىماقتا.
ئامېرىكا ھەربىي دائىرىلىرى، جۇڭگو ياسىغان بۇ ئايروپىلاننىڭ پەقەت بىر مودېل ئىكەنلىكى، ھاۋا ئارمىيەسىگە تەقسىم قىلىش ئۈچۈن يىللارچە ۋاقىتنىڭ كېتىدىغانلىقىنى ئىلگىرى سۈردى.
