يوللانغان ۋاقتى : 2008-07-25 12:24:15    كۆرۈلۈش سانى : 0  

كۆزنىڭ ئەڭ ئالدىنقى قەۋىتى تەبىقەيى سەلبىيە يەنى قاتتىق قەۋەت دەپ ئاتىلىدۇ. بۇ پەردىنىڭ كېسەللىكلىرى ئاساسەن مۈڭگۈز پەردىنىڭ ياللۇغلىنىشى ۋە ئۇنىڭ قۇرۇپ قېلىشىدىن ئىبارەتتۇر.   باشقا قەۋەتلەرنىڭ ياللۇغى بىلەن بىللە كېلىشىمۇ مۇمكىن. ئاساسەن كۆرۈلىدىغان ئالامەتلەر، كۆزنىڭ سىرتقا چىقىپ كېتىۋاتقاندەك سېزىلىشى، كۆز گۆھىرىنىڭ چوڭقۇرى ئاغرىشتۇر. ئەگەر قان ماددىسى غالىب بولسا كۆز ئىچى قادىلىدۇ، قىچىشىدۇ. قان ۋە قويۇلغان سەپرادىن بولغان ياللۇغلىنىشتا، كۆز ئىچىدە قىزىش ۋە قىزىرىش يۈز بېرىدۇ. ئەگەر بەلغەمدىن بولسا، كۆز ئېغىر ۋە ھەرىكىتى سۇس بولىدۇ. مەيلى قايسى خىلىتتىن بولسۇن، مۈڭگۈز پەردىنىڭ ياللۇغى كۆزنىڭ سىرتقا پۇلتىيىپ چىقىشى )ھوجۇز( نى كەلتۈرۈپ چىقىرىدۇ.   داۋاسى:  ئەگەر قاندىن بولسا، بىنەپشە، نېلۇپەر، ئاق لەيلى، ئاقلىغان ئارپا، كۈنجۈت يېغى، شېكەرلەر ئېھتىياجىغا لايىق بېرىلىدۇ ۋە تۆۋەندىكى دورىلار بىلەن ھۆقنە قىلىنىدۇ. يەنى چىلان، سەرپىستان، ئەينۇلا، نېلۇپەر، ئاق لەيلى، يۇمغاقسۈت، كۈنجۈت يېغىنى يېتەرلىك مىقداردا ئېلىپ قاينىتىپ، تەرەنجىبىن قوشۇپ ھۆقنە قىلىش لازىم. بەدەن كېرەكسىز ماددىلاردىن تازىلانغاندىن كېيىن كۆزگە تۆۋەندىكى شامچىلار قويۇلىدۇ. نىشاستە، سەمغى ئەرەبى، كەتىرا ھەربىرى يەتتە گرامدىن، قەلەي كۇشتىسى 19 گرام، ئەپيۈن ئون گرام، بۇلارنى يۇمشاق سوقۇپ، ئەلگەكتىن ئۆتكۈزۈپ، تۇخۇم ئېقى بىلەن خېمىر قىلىپ ،جىگدە ئۇرۇقى چوڭلۇقىدا شامچە تەييارلىنىدۇ. ئەگەر ماددا سەپرادىن بولسا مەتبۇخى ئەفتىمۇن Ⅱ )تەركىبى: ئەفتىمۇن، كابىل ھېلىلىسى ۋە ئۈستقۇددۇستىن 33 گرامدىن، شاھتەررە، بىستىپايەج ۋە سانا 17 گرامدىن، غارىقۇن ئۈچ گرام، سەبرىدىن يەتتە گرامدىن ئېلىپ، ئەفتىمۇندىن باشقا دورىلارنى سوقۇپ، ئۈچ كىلوگرام سۇ قۇيۇپ، يېرىمى قالغۇچە قاينىتىپ، ئەفتىمۇننى بىر خالتىغا سېلىپ، ئاغزىنى ھىم ئېتىپ، قازانغا تاشلاپ قويۇش لازىم. دورىلارنى داكا بىلەن سۈزۈپ، سىقىپ، سۈزۈلگەن دورا ئۈستىگە سەبرە ۋە غارىقۇننى >سىم ئەلگەكتىن ئۆتكۈزۈلگەن< سېلىپ ئىستېمال قىلىنىدۇ(، ئارقىدىن بېھى ئۇرۇقى، ئاقلانغان ئارپا، تۇخۇمەك ئۈزۈمى ۋە ئەنزىرۇتلارنى ھاجەت مىقدارى ئېلىپ، بىرئاز قايناق سۇ بىلەن تەمىنى چىقىرىپ كۆزگە تېمىتىلىدۇ. مۈڭگۈز پەردىنىڭ قۇرۇپ قېلىشى — ئاغرىق كۆزىنىڭ ئارقىغا تارتىشىپ قالغانلىقىدىن زارلىنىدۇ. كۆزنىڭ ئېقى نۇرسىزلىنىدۇ.   داۋاسى: مېڭە ۋە بەدەننى ھۆللۈك تەرىپىگە مايىل قىلىدىغان دورا ۋە غىزالارنى بۇيرۇش كېرەك. ھۆل قاپاقتا ئاش قىلىپ بېرىش، بادام مېغىزى، ئوسۇڭ، كۈدە، پالەك، يۇمغاقسۈت، توخۇ گۆشى، پاقلان گۆشى قاتارلىقلار بېرىلىدۇ. بۇرۇنغا قوي سۈتى، بىنەپشە يېغى تامغۇزۇش، بۇنىڭدىن باشقا قوي سۈتى قۇيۇش بىلەن كۆزگە قوي كۆزىنى تېڭىپ قويۇش لازىم. 