يوللانغان ۋاقتى : 2008-06-02 17:58:07    كۆرۈلۈش سانى : 0  

سەۋەبى:  ماددىلارنىڭ كۆيۈشى بىلەن مېڭىگە ھەرخىل بۇخاراتلار توپلىشىپ قېلىشتىن كېلىپ چىقىدۇ. ساراڭلىق كېسىلى ئالامىتىگە قاراپ 14 تۈرگە بۆلۈنىدۇ. ئۇلاردىن ئەڭ كۆپ ئۇچرايدىغىنى دائىم تېرىكىپ تۇرىدىغان، ئۇرۇشقاق بولغىنى >مانىيا< دەپ ئاتىلىدۇ. ئادەم ئۆلتۈرۈشكە قەست قىلغۇدەك دەرىجىدىكىلىرى >جۇنۇنى قاتىل<، ئۆزىنىڭ يېقىن كىشىلىرى، يولدىشى، ئاتا - ئانىلىرىدىن قاچىدىغانلىرى >جۇنۇنى نەپسا<، ئاشىق بولۇپ قېلىپ ساراڭ بولغانلار >جۈنۇنى ئىشقى< دەپ ئاتىلىدۇ.   ئالامىتى:  روھىي ھالەتتىن تاشقىرى، قايسى خىلىتتىن كېلىپ چىققان بولسا شۇ خىلىتنىڭ ئالامەتلىرى كۆرۈلىدۇ. مەسىلەن: سەپرانىڭ كۆيۈشىدىن بولغان جۇنۇندا بىمارنىڭ ئۆزى ئورۇق، رەڭگى قارا كېلىدۇ. قاننىڭ كۆيۈشى ۋە ئىسسىقتىن بولغان جۇنۇندا بىمارنىڭ يۈزى ۋە كۆزىنىڭ ئىچى قىزىل  بولىدۇ.   داۋاسى:  كېسەللىك ماددىسىغا قاراپ ئاۋۋال شۇ ماددىنى پىشۇرىدىغان، ئاندىن سۈرۈپ تازىلايدىغان دورىلار بېرىلىدۇ. ئۇنىڭدىن كېيىن يۈرەك ۋە مېڭىنى قۇۋۋەتلىگۈچى دورىلاردىن مۇپەررىھى ياقۇتىⅠ )تەركىبى: تېشىلمىگەن مەرۋايىت، گاۋزىبان، بىخ مارجان، قۇرۇق يۇمغاقسۈت ئۇرۇقى، ئاق بەھمەن، قىزىلگۈل، كەھرۋا، تۇرۇنجى پوستى، يىپەك غوزىسى، سېمىزئوت ئۇرۇقى يەتتە گرامدىن، كاپۇر ئۈچ گرام، قىزىل ياقۇتتىن يەتتە گرام ئېلىپ، ياقۇتنى كۇشتە قىلىپ، بىخ مارجان بىلەن مەرۋايىتنى تۆمۈر قاچىغا سېلىپ چوغ ئۈستىگە قويۇپ كۆيدۈرۈپ، سالايە قىلىپ، قالغان دورىلارنى يۇمشاق سوقۇپ، ئەلگەكتىن ئۆتكۈزۈپ، يۇقىرىقىلار بىلەن ئارىلاشتۇرۇپ، ئىككى ياكى ئۈچ ھەسسە سېرىق ھېلىلە مۇرابباسىنىڭ شىرىسى بىلەن مەجۈن تەييارلىنىدۇ( دىن كۈندە ئىككى قېتىم، ھەر قېتىمدا يەتتە گرامدىن بېرىلىدۇ.