يوللانغان ۋاقتى : 2008-05-25 11:13:26    كۆرۈلۈش سانى : 0  

قۇلاق ئىسسىق ياكى سوغۇقتىن ۋە يەلدىن ئاغرىيدۇ. شۇنىڭدەك قۇلاقنىڭ باشقا ھەرخىل زەھەرلىنىشلىرىگە قوشۇلۇپمۇ كېلىدۇ.   1. ئىسسىقتىن بولغان قۇلاق ئاغرىقى.  قۇلاق ئىچى قاتتىق ئېچىشىش بىلەن كىشىنى بىئارام قىلىدۇ. كۆز ۋە قۇلاق ئەتراپلىرى  قىزارغان بولىدۇ. بىمار قۇلىقىدا ئوت كۆيۈۋاتقاندەك ھېس قىلىدۇ، يىرىڭ ئاقىدۇ ۋە سوغۇق تەدبىرلەر قىلىنسا ئارام بېرىدۇ. مەئدىدىكى سەۋەبتىن كېلىپ چىققان بولسا قىزىلئۆڭگەچ ئېچىشىدۇ. ئۇسسۇزلۇق يامان بولۇپ، كۆزدىن ياش ئاقىدۇ. بەزىدە قاتتىق ئىسسىق ھاۋادا يول مېڭىش ياكى ئىسسىق ئارىشاڭلارغا چۈشۈش بىلەنمۇ قۇلاق ئاغرىقى  كېلىپ چىقىدۇ. ئالامەتلىرى يۇقىرىقىدەك بولىدۇ.   داۋاسى:  ئەگەر زۆرۈر بولسا، باسلىق تومۇردىن قان ئېلىش ۋە سوغۇق نەرسىلەر بىلەن ئوزۇقلىنىش كېرەك. قۇلاق ئىچىگە بىنەپشە يېغى، گۈل يېغى تامغۇزۇش ياكى بىرئاز ئەپيۈننى ئايال سۈتىدە ئېرىتىپ قۇلاققا تامغۇزۇش لازىم. گۈل يېغى بىلەن سىركىنى بىللە قاينىتىپ سوۋۇغاندىن كېيىن قۇلاققا تامغۇزۇش، قۇلاققا سوغۇق ئۆتكۈزۈش يۇمغاقسۈت، ھۆل قاپاق، ئوسۇڭ قاتارلىقلارنى كۆپرەك ئىستېمال قىلىش