يوللانغان ۋاقتى : 2007-12-30 19:46:39    كۆرۈلۈش سانى : 0  

سەۋەبى:   بۇ كېسەللىك، سىرتقى زەخىم، كۆپ تۇغۇش، قىيىن تۇغۇت، سۈنئىي ئۇسۇلدا كۆپ قېتىم بالا ئالدۇرۇش قاتارلىق سەۋەبلەردىن كېلىپ چىقىدۇ.   ئالامىتى:   دوۋسۇن، بەل قاتتىق ئاغرىش ۋە چىڭقىلىش، جىنسىي يولدىن گۆش يۇيغان سۇدەك سېسىق پۇراقلىق قان كېلىش، بەزىدە قان بىلەن يىرىڭ ئارىلاش كېلىش قاتارلىق ئالامەتلەر بىلەن ئىپادىلىنىدۇ.   1 - رېتسېپ   تەركىبى:   ئوغرىتىكەن، قوغۇن ئۇرۇقى، سۆئلەپ 15 گرامدىن، قەنت ئالتە تال، ئاق تۇدەرى، قىزىلگۈل 12 گرامدىن.   تەييارلاش ئۇسۇلى:   دورىلارنى يۇمشاق سوقۇپ، ئەلگەكتىن ئۆتكۈزۈپ، تالقان تەييارلىنىدۇ.   ئىشلىتىش مىقدارى:   كۈنىگە ئىككى قېتىم، ھەر قېتىمدا بەش گرامدىن ئىستېمال قىلىنىدۇ.   2 -  رېتسېپ   تەركىبى:   بابۇنە، شۇمشا ئۇرۇقى، ئاق لەيلى ئۇرۇقى، مۇرمەككى، ئانارگۈلى 30 گرامدىن، سۇ مۇۋاپىق مىقداردا.   تەييارلاش ئۇسۇلى:   دورىلارنى سۇدا قاينىتپ، تېرىپلىرىنى سۈزۈۋېتىپ تەييارلىنىدۇ.   ئىشلىتىش مىقدارى:   كۈنىگە ئىككى قېتىم جىنسىي يول يۇيۇلىدۇ.   3 - رېتسېپ   تەركىبى:   مامىرانچىنى، كەتىرا، قىزىلگۈل خەمىكى، موزا 20 گرامدىن، گۈل يېغى، 15 گرام.   تەييارلاش ئۇسۇلى:   گۈل يېغىدىن باشقا دورىلارنى يۇمشاق سوقۇپ، ئەلگەكتىن ئۆتكۈزۈپ، گۈل يېغى بىلەن ئارىلاشتۇرۇپ شامچە تەييارلىنىدۇ.   ئىشلىتىش مىقدارى:   كۈنىگە بىر  قېتىم، بالىياتقۇ ئاغزىغا قويۇلىدۇ.