مارالبېشى ناھىيەسىدە فوتو سۈرەت، خەتتاتلىق ۋە رەسىم كۆرگەزمىسى ئۆتكۈزۈلدى
مارالبېشى ناھىيەسىدە «پۇرسەتنى چىڭ تۇتۇپ، ئىناقلىقنى ئىلگىرى سۈرۈپ، يېڭى يىلنى تەبرىكلەيلى» تېمىسىدا فوتو سۈرەت، خەتتاتلىق ۋە رەسىم كۆرگەزمىسى ئۆتكۈزۈلدى
مەدەنىيەت ئىشلىرىنىڭ چوڭ تەرەققىي قىلىشىنى ئىلگىرى سۈرۈش، مەدەنىيەت ئارقىلىق ناھىيەنى گۈللەندۈرۈش سىتىراتىگىيىسىنى يولغا قويۇپ، ناىيەدىكى ھەر مىللەت خەلقىنى « ئۇلۇغ ۋەتەننى قىزغىن سۆيۈپ، يۇرت-ماكاننى تېخىمۇ گۈزەل قىلىپ قۇرۇپ چىقىش» قا ئىلھاملاندۇرۇش، پارتىيە 18- قۇرۇلتىيىنىڭ ئېچىلىشىنى كۈتىۋېلىش، ناھىيەنىڭ ئىسلاھات ئېلىپ بېرىلغان، ئىشىك ئېچىۋىتىلگەندىن بۇيانقى غايەت زور نەتىجىلەرنى مەدەنىيەت مەھسۇلاتلىرى ئارقىلىق كەڭ ئاممىغا نامايەن قىلىش ئۈچۈن 2-ئاينىڭ 2-كۈنىدىن 14-كۈنىگىچە مارالبېشى ناھىيەسىدە «پۇرسەتنى چىڭ تۇتۇپ، ئىناقلىقنى ئىلگىرى سۈرۈپ، يېڭى يىلنى تەبرىكلەيلى» تېمىسىدا فوتۇ- سۈرەت، خەتتاتلىق ۋە رەسىم كۆرگەزمىسى ئۆتكۈزۈلدى.
ناھىيەلىك پارتكوم تەشۋىقات بۆلۈمى، ئەدەبىيات- سەنئەتچىلەر بىرلەشمىسى، مەدەنىيەت تەنتەربىيە، رادئېو-تېلىۋىزىيە، ئاخبارات- نەشىرىيات ئىدارىسى تەشكىللەپ ناھىيەلىك مەدەنىيەت مەركىزىدە ئۆتكۈزۈلگەن بۇ قېتىمقى كۆرگەزمىگە ناھىيە تەۋەسىدىكى ھەر مىللەت ئەدەبىيات- سەنئەت خادىملىرى ئىجاد قىلغان 120پارچىدىن ئارتۇق فوتۇ- سۈرەت، ماي بۇياق رەسىم، سۇ بۇياق رەسىم ۋە ھۆسىنخەت ئەسەرلىرى، نەققەشلىك قاپاق ئەسەرلىرى قويۇلۇپ، يېقىنقى يىللاردىن بۇيان مارالبېشى خەلقىنىڭ تۇرمۇش، ئىشلەپچىقىرىش ۋە روھى قىياپىتىدە يۈز بەرگەن غايەت زور ئۆزگۈرۈشلەر سەنئەت يۈكسەكلىكىگە كۆتۈرۈپ ئەكىسئەتتۈرۈلۈپ ناھىيەنىڭ ھەر ساھە كەسىپلىرىنىڭ تەرەققىيات يېڭى مەنزىرىسى روشەن كۆرگەزمە قىلىندى. ئىلگىرى- كېيىن بولۇپ بۇ قېتىمقى كۆرگەزمىنى كۆرگەن 5000ئادەم- قېتىمدىن ئارتۇق كادىر، ئىشچى- خىزمەتچى، ئوقۇتقۇچى-ئوقۇغۇچىلار ۋە دېھقان- چارۋىچىلارغا ئىسىل بىر مەنىۋى ئوزۇق ئاتا قىلىندى. كۆرگەزمە ئاخىرىدا فوتۇ-سۈرەت تۈرى، خەتتاتلىق تۈرى، رەسساملىق تۈرى بويىچە ئالدىنقى 1-لىكتىن 3-لىككىچە ئىرىشكەن ئەسەر ئاپتۇرلىرى ماددىي ۋە مەنىۋى جەھەتتىن مۇكاپاتلاندى ۋە تەقدىرلەندى.
سۈرەتتە: فوتۇ- سۈرەت، خەتتاتلىق ۋە رەسىم كۆرگەزمىسىدىن كۆرۈنۈشلەر.
توغراق فوتۇسى
يوللىغان ۋاقتى 2012-2-14 19:03:05
