‹‹ تەڭرىتاغدا سۆھبەت ›› پىروگراممىسىنىڭ 3 - سانىدىكى ئەزىز مېھمانغا

تەڭرىتاغ

‹‹ تەڭرىتاغدا سۆھبەت ›› پىروگراممىسىنىڭ 3 - سانىغا تەكلىپ قىلىنىدىغان ئەزىز مېھمانغا بېلەت تاشلاڭ

    ئەسسالامۇ ئەلەيكۇم ھۆرمەتلىك تورداشلار، ياخشىمۇسىلەر، سىلەرنىڭ قوللىشىڭلار ، مەدەت بېرىشىڭلار ، ئاكتىپ بېلەت تاشلاپ سوئال سورىشىڭلار نەتىجىسىدە ‹‹ تەڭرىتاغدا سۆھبەت ›› پىروگراممىسىنىڭ 2 - سانىمۇ مۇۋەپپەقىيەتلىك ئىشلىنىپ ، كەڭ تورداشلارنىڭ ھۇزۇرىغا سۇنۇلدى . بىز سۆھبەتتە يەنىلا تورداشلارغا بەرگەن ۋەدىمىز بويىچە، تورداشلارنىڭ ئېھتىياجىنى كۆزدە تۇتۇش بىلەن بىر ۋاقىتتا ، تورداشلار ئۆزلىرى ياقتۇرۇپ بېلەت تاشلىغان ئەزىز مېھمانلار ئىچىدىن بېلەت سانى ئەڭ كۆپ بولغان ئەزىز مېھمىنىمىزنى بىزنىڭ ‹‹ تەڭرىتاغدا سۆھبەت ›› پىروگراممىسىنىڭ 3 - سانىغا تەكلىپ قىلىشنى ئويلاشتۇق .
    مەن ئالدىنقى قېتىممۇ مۇشۇ مەزمۇندا بىر تېما قالدۇرغانىدىم . تورداشلارمۇ ناھايىتى ئاكتىپلىق بىلەن بېلەت تاشلاپ، سۆھبەت پىروگراممىسىنى ناھايىتى قوللىغانىدى . ھازىر مۇنبەرگە ئەزا بولغان تورداشلىرىمىزنىڭ سانىمۇ كۆپەيدى، تورداشلارنىڭ سۆھبەت پىروگراممىسىغا بولغان قوللاش ۋە مەدىتى تېخىمۇ يۇقىرى كۆتۈرۈلدى . شۇڭا بۇ قېتىم رادىل ئابلا ئەپەندى ۋە زىۋىدە ئابدۇكېرىم خانىمنى نامزاتلار قاتارىدىن چىقىرىۋېتىپ ، ئالدىنقى قېتىم نامزاتلىققا تاللانغان 17 نەپەر ئەزىز مېھمىنىمىزنى نامزات قىلىپ تاللىدۇق . قالغان 3 نەپەر ئەزىز مېھماننى تورداشلار يەنە ئىنكاس شەكلىدە قالدۇرسا ، قالدۇرۇلغان ئىنكاس سانىغا قاراپ ، نامزات سانىنى 20 گە يەتكۈزىمىز  . بېلەت سانى ئەڭ يۇقىرى بولغان ئەزىز مېھمىنىمىز بىزنىڭ ‹‹ تەڭرىتاغدا سۆھبەت ›› پىروگراممىسىنىڭ 3 - سانىغا ئەزىز مېھمان سۈپىتىدە تەكلىپ قىلىنىدۇ .
    بېلەت تاشلاش 2012 - يىلى 10 - فېۋرال ئاياغلىشىدۇ . 10 - فېۋرالدىن 20 - فېۋرالغىچە تەكلىپ قىلىنغان ئەزادىن سوئال سوراش باسقۇچى ھېسابلىنىدۇ  . تورداشلارنىڭ پائالىيەتكە ئاكتىپ ئاۋاز قوشۇشىنى ئۈمىد قىلىمىز .
    ئەسكەرتىش : پەقەت ئەزا بولۇپ كىرگەن مۇنبەرداشلارلا بېلەت تاشلاشقا قاتنىشالايدۇ . 0991- 8521981 نومۇرغا تېلېفون قىلىپ، ئۆزىڭىزنىڭ سۆھبەتلەشكۈسى بار نامزاتىنى بىزگە خەۋەر قىلسىڭىزمۇ بولىدۇ. ئەزالارنىڭ رەت تەرتىپى ئەزالارنىڭ يۇقىرى - تۆۋەنلىكىنى بەلگىلىمەيدۇ .

    ھۆرمەت بىلەن :

   تەڭرىتاغ ئۇيغۇر تورى ‹‹ تەڭرىتاغدا سۆھبەت ›› پىروگراممىسى  

umidwar

مەن نۇرتاي ھاجىمغا بىر بىلەت تاشلىدىم  ، مۇمكىن بولسا ئەلدوسىت شىركىتنىڭ قۇرغۇچسىمۇ بۇ تىزىملىككە كىرگۈزۈلگەن بولسا

hamit

شىنجاڭ تىلۋىزىيە ئىستانىسى كۈندە سۆھبەت ئويۇشتۇرۋاتىدۇ . سىلەرمۇ بەك كەينىگە سوزىۋەتمەي ، ھەپتىدە بىر سۆھبەت قىلساڭلار بوپتىكەن ... بىزنىڭ يۇقارقى ھەممىسى بىلەن سۆھبەتلەشكۈمىز بار .

karwanim

بېلەت تاشلاش تامام

noshirwan

ھۆرمەتلىك باشقۇرغۇچىلار.
ئالدى بىلەن، «تەڭرىتاغدا سۆھبەت» پروگراممىسىغا سىڭدۈرىۋاتقان ئەجرىڭلارغا كۆپتىن كۆپ تەشەككۈر.
بىر تەكلىپ:
ھەر قېتىملىق سۆھبەتتە بىرلا ئەزىز مېھمان بىلەن سۆھبەتلىشىش ئۇسۇلىنى ئۆزگەرتىپ، ئەزىز مېھماندىن ئۈچنى تەكلىپ قىلىپ، رىياسەتچى بىلەن قوشقاندا تۆت ئادەم كەڭ-كۇشادە سۆھبەت قىلسا، بەزى پىكىرلەر ھەققىدە ئازدۇر-كۆپتۇر مۇنازىرە قوشۇلسا (ئەزىز مېھمانلار ئۆز-ئارا مۇنازىرە قىلىشسا)، بۇنداق سۆھبەت تېخىمۇ ئەھمىيەتلىك بولاتتى دەپ ئويلايمەن. شۇنداق قىلىشقا بولامدۇ يوق، ئويلىشىپ باققايسىلەر.

ئەگەر ماقۇل كۆرۈلسە، ئۆلىمالىرىمىزدىن ئابدۇرەئوپ پولات تەكلىماكانىي، ئابدۇقادىر جالالىدىن، توختى باقى ئارتىشى قاتارلىق ئۈچەيلەننى تەكلىپ قىلىپ، ئۇيغۇر تىل-يېزىقىمىز ۋە تەرجىمە ئىشلىرىمىزنىڭ نۆۋەتتىكى ئەھۋالى، كۆرۈلىۋاتقان مەسىلىلەر، قانداق تەدبىرلەرنى قوللىنىش قاتارلىق مەسىلىلەر ھەققىدە بىر قېتىملىق سۆھبەت ئويۇشتۇرۇشنى تەۋسىيە قىلىمەن.

Jasur971

مەن ياسىنجان سادىق چوغلانغا بىلەت تاشلىدىم !!  بىلەت تاشلاشقا كۆپرەك تورداشلا قاتناشقان بولسا بولاتتى ،، ئالدىنقى قىتىم بىلەت تاشلاشقا قاتناشقان ئەزالار بەك ئاز بولۇپ قالدى، ئاز دىگەندىمۇ مىڭ كشدىن يۇقىرى بولسا بولاتتى!!

نىدائىي

   قەدىرلىك دوستلار، مەزكۇر تىزىملىككە كىرگۈزۈلگەن بارلىق نامزاتلار پۈتۈنلەي سىلەرنىڭ ئەركىن تاللىشىڭلار بويىچە بولۇۋاتىدۇ. ھەتتا ئىككى سان سۆھبەتكە تەكلىپ قىلىنغان سۆھبەتكارلارمۇ سىلەر ئەڭ كۆپ بېلەت تاشلىغان نامزاتلار ئىچىدىن تاللاندى.  بىز بۇنىڭدىن كېيىنمۇ بۇ پىروگراممىغا نامزات تاللاشتا سىلەرنىڭ تاللىشىڭلارغا ھۆرمەت قىلىمىز.
   سەمىمىي ئەسكەرتىپ قويسا، سۆيۈملۈك تورداشلار، سىلەر نامزات تاللىغاندا سۆھبەتكە ئېلىپ چىقىش ئىمكانىيىتى بولمىغان ياكى دەماللىققا ئېلىپ چىقىش ئىمكانىيىتى بولمايدىغان نامزاتلارنى تاللاپ، بىزنى خىجىل قىلماسلىقىڭلارنى ئۈمىد قىلىمىز. مەسىلەن،  شىنجاڭ ئۇيغۇر ئاپتونوم رايونلۇق پارتكومنىڭ شۇجىسى جاڭ چۇنشيەن، ئاپتونوم رايوننىڭ رەئىسى نۇر بەكرى، ج خ نازارىتىنىڭ نازىرى،  ئاندىن چەت ئەللەردىكى بىر قىسىم كىشىلەر دېگەندەك شەخسلەر.
    سىلەرنىڭ نامزات تاللىغاندا تورنىڭ، مۇنبەرنىڭ نۇقتىىسىدا تۇرۇپ ئەستايىدىل ئويلىنىشڭلارنى ئۈمىد قىلىمىز.

kaplan19

مەن دىلنار ئابدۇللاغا بېلەت تاشلىماقچى ئىدىم...

ubulomar

مەن نۇرتاي ھاجىمغا بىلەت تاشلىدىم ، ئاجىزلارغا باش پاناھ بولغان، مائارىپقا كۆڭۈل بۆلگەن ئاكىمىزنى تەڭرىتاغ تورى ئارقىلىق يەنە بىر قېتىم كۆرۈشنى، كۆڭلىدىكىنى يەنىمۇ ئىچكىرلەپ بىلىشنى بەكمۇ ئۈمۈد قىلىمەن ھەم تەكرىتاغ تورىنىڭ بۇ جەھەتتە كۆرسەتكەن تىرىشچانلىقىغا چىن دىلىمدىن ئاپىرىن ئېيتىمەن. تەڭرىتاغنىڭ شىمالىدىن چىققان بۇ ئەزىمەتنى تەڭرىتاغنىڭ جەنۇبىدىكى بىزگە يەتكۈزگەن تەڭرىتاغقا رەھمەت!

Japagha_Wapa

مەن نۇر  تاي ھاجىمغا بىلەت تاشلىدىم. بۇ ئۇلۇغ ئاتىنىڭ يۈرەك سۆزلىرىنى  ئاڭلىغۇم بار.

zamzam

توختى باقى ئارتىشى ئاكىمىزغا بىلەت تاشلايمەن. سورايدىغان سۇئاللىرىم بار

jasur

شىرئەلى ئەلتىكىن يوققۇ ؟

نىدائىي

شىرئەلى ئەلتېكىنمۇ بولۇپ قالار. ئۈمىدۋار بولۇڭ.

mungdax

مەن ئۇستازىمىز بۇغدا ئابدۇللا مۇئەللىمگە بىلەت تاشلىدىم.

uyghur

ئۇستاز ئازاد سۇلتان مۇئەللىمگە بىر بېلەت تاشلىدىم ، مۇمكىن بولسا مۇشۇ كىشىمىز بىلەن پىكىرلىشەلىگەن بولساق، ئۇنىڭ سۆزلىرى تىللاغا تېگۈشكىسىز  ...

گۈلقىز

توختى باقى ئارتىشى ئۇستازنىڭ تەلىملىرىنى ئاڭلىغۇم بار، تەرجىمىلىرى تىلغا يېقىن، شۇنداق چۈشىنىشلىك ، راۋان، خۇددى ئۇيغۇر يازغاندەكلا....

mehri

مەنمۇ ئازاد سۇلتان ئەپەندىگە بىلەت تاشلىدىم .

ئىپار

مەن نۇرتاي ھاجىمغا بىلەت تاشلىدىم ، بۇ ئوت يۈرەك ئوغلانىمىزنىڭ يېقىنقى ئىش- پائالىيەتلىرىدىن ۋاقىپلانسام دەيمەن.

باھادىر1

مەن ئازات سۇلتان مۇئەللىمگە بىلەت تاشلىدىم

igilmes

        مەن توختى باقى ئارتىشى ئۇستازغا بىلەت تاشلايمەن