ئۈرۈمچى شەھىرىدە كىرا ئاپتوموبىللىرىنىڭ تىرانسىپورتى تەرتىپكە...

ئايتۈرك2

	ئۈرۈمچى شەھىرىدە كىرا ئاپتوموبىللىرىنىڭ تىرانسىپورتى تەرتىپكە سېلىنىدۇ    بۈگۈندىن باشلاپ، ئۈرۈمچى شەھىرىدىكى يولۇچىلار بېكەتلىرىدە كىرا ئاپتوموبىللىرىنىڭ تىرانسىپورتى مەركەزلىك تەرتىپكە سېلىنىدىكەن . كىرا توشۇش كەسپىي بىلەن شۇغۇللانغۇچىلاردا يولۇچىلارنى توشۇشنى رەت قىلىش، تاشلاپ كېتىش، ئۆلچەمدىن يۇقىرى ھەق ئېلىش قاتارلىق قائىدىگە خىلاپ قىلمىشلار كۆرۈلسە، تەكشۈرۈپ ئىسپاتلانغاندىن كېيىن، شۇ كىشىنىڭ كەسىپ بىلەن شۇغۇللىنىش لاياقەتلىك كېنىشكىسى بىكار قىلىنىپ، ئىككى يىل ئىچىدە يولۇچىلار تىرانسپورت كەسپى بىلەن شۇغۇللىنىشىغا يول قويۇلمايدىكەن.    شەھەرلىك پارتكوم، شەھەرلىك ھۆكۈمەت ئوتتۇرىغا قويغان شەھەر يولۇچىلار تىرانسپورت كەسپىنى تەرتىپكە سېلىش تەلىپىگە ئاساسەن، شەھەرلىك يولۇچىلار تىرانسىپورتىنى بىرتۇتاش باشقۇرۇش ئىشخانىسى 30 – يانۋار يولۇچىلار بېكەتلىرىدە كىرا ئاپتوموبىللىرىنىڭ تىجارەت تىرانسپورتىنى تەرتىپكە سېلىش لايىھەسىنى ئېلان قىلغان. بۇ قېتىمقى تەرتىپكە سېلىش دائىرىسى جەنۇبىي شەھەر ئەتراپى يولۇچىلار بېكىتى، شىمالىي شەھەر ئەتراپى يولۇچىلار بېكىتى، خۇمدانلىق يولۇچىلار بېكىتى، نۇرباغ ئۇزۇن يوللۇق يولۇچىلار بېكىتى، 1 – ئاۋغۇست ھەربىيلەر تەمىنات بېكىتى، شەھەر ئەتراپى يولۇچىلار بېكىتى قاتارلىق جايلارنى ئۆز ئىچىگە ئالىدىكەن. شەھەرلىك يولۇچىلار تىرانسپورتىنى بىرتۇتاش باشقۇرۇش ئىشخانىسى تەكشۈرۈش چوڭ ئەترىتى قەرەللىك، قەرەلسىز ھالدا ھەرقايسى يولۇچىلار بېكەتلىرىنىڭ ئەتراپىدىكى كىرا ئاپتوموبىللىرىغا قارىتا تەكشۈرۈش ئېلىپ بارىدىكەن.    بۇ قېتىمقى تەرتىپكە سېلىشتا، كىرا ئاپتوموبىللىرى شوپۇرلىرىنىڭ قائىدىگە خىلاپ قىلمىشى ئېغىر جازالىنىپ، كەسىپ بىلەن شۇغۇللىنىش لاياقەتلىك كېنىشكىسى بىكار قىلىنىپ، ئىككى يىل شەھەر يولۇچىلار تىرانسپورت كەسپى بىلەن شۇغۇللىنىشىغا يول قويۇلمايدىكەن. قائىدىگە خىلاپ قىلمىشى بەلگىلىمە بويىچە تىرانسپورت بەلگىسىنى ئىشلەتمەسلىك، تۈزۈمگە خىلاپ يولۇچى توشۇش (تىجارەتتىن توختاش بەلگىسى بىلەن يولۇچى توشۇش)، يولۇچى توشۇشنى رەت قىلىش، يولۇچىلارنى تاشلاپ كېتىش، ھەق ھېسابلاش ماشىنىسىنى ئىشلەتمەسلىك، ئۆلچەمدىن يۇقىرى ھەق ئېلىش، يولۇچىنىڭ رۇخسىتىسىز باشقا يولۇچىلارنى تەڭ توشۇش، شۇنداقلا مۇلازىمەت پوزىتسىيەسى مەسىلىسى قاتارلىقلارنى ئۆز ئىچىگە ئالىدىكەن.    شەھەرلىك يولۇچىلار تىرانسپورتىنى بىرتۇتاش باشقۇرۇش ئىشخانىسىنىڭ مۇئاۋىن مۇدىرى ئەكبەرنىڭ تونۇشتۇرۇشىچە، بۇلتۇر ئۈرۈمچى شەھىرى ئايرىم – ئايرىم ھالدا ئايرودۇرۇم، جەنۇبىي ۋوگزالدە مەركەزلىك تەرتىپكە سېلىش لايىھەسىنى يولغا قويۇپ، ئادەم كۈچى ئاجرىتىپ، پۈتۈن كۈنلۈك تەكشۈرۈش ئېلىپ بېرىپ، قائىدىگە خىلاپلىق قىلغان 54 نەپەر كىرا ئاپتوموبىل شوپۇرىنىڭ كەسىپ بىلەن شۇغۇللىنىش كېنىشكىسىنى بىكار قىلىپ، ئايرودۇرۇم، ۋوگزاللاردىكى يولۇچىلار تىرانسپورت تەرتىپىنى كۆرۈنەرلىك ھالدا ياخشىلىغان.    ئەكبەرنىڭ تونۇشتۇرۇشىچە، بۇ قېتىمقى تەرتىپكە سېلىش ئۇزۇن مۇددەتلىك بولۇپ، يولۇچىلار ئەگەر كىرا ئاپتوموبىللىرىغا ئولتۇرۇش جەريانىدا توشۇشنى رەت قىلىش، يۇقىرى ھەق ئېلىش، رۇخسەتسىز باشقا يولۇچىلارنى تەڭ توشۇش قاتارلىق قىلمىشلارغا يولۇقسا،  0991–3879999 غا تېلېفون قىلىپ پاش قىلسا بولىدىكەن. مەنبە : تەڭرىتاغ ئۇيغۇر تورى

Ayberchin

	ئوبدان ئىشلار بولىۋاتىدۇ، ھەقىقىي يولغا قويۇلىشىغا بىر زامان كەتمەس ھە؟

Erkman

	مەن ئىككىسىنى پاش قىلغان ئىدىم، بۈگۈن بىرىنىڭ ئۇچۇرى كەلدى، يەنە بىرىگە يازما ماتېرىيال ئەۋەتىڭ، دەۋاتىدۇ، قانداق قىلسام بولاركىن؟

Erkman

	پاش قىلىش تېلېفونى : 0991-3879999  (ئۇيغۇرچە مۇلازىمەتنى تاللىسىڭىزمۇ بولىدۇ) يازما ماتېرىيال يوللاش ئۈچۈن  فاكس : 0991-3872451

sakra

	بىخەتەرلىك ھەممىدىن مۇھىمدۇر.......

zamzam

	ئۈرۈمچىدىن باشقا شەھەرلەردىمۇ ئۇنداق ئىشلار ئاز ئەمەسكەن...

kaplan19

	بۇ ياخشى گەپكەن دىمىسىمۇ بەزەن تاكسىچىلار ئېشىپ كەتكەنتى بۇ تۈزۈمنىڭ شىنجاڭنىڭ ھەممە يېرىدە ئىجرا قىلىنىشىنى ئۈممۈت قىلىمەن.

吐鲁汗

	قاتناشنى تەرتىپكە سالغان ياخشى ئىش. بۇ ھەممىمىزگە پايدىلىق .

halpambag

	كىرا توشۇش كەسپىي بىلەن شۇغۇللانغۇچىلاردا يولۇچىلارنى توشۇشنى رەت قىلىش، تاشلاپ كېتىش، ئۆلچەمدىن يۇقىرى ھەق ئېلىش قاتارلىق قائىدىگە خىلاپ قىلمىشلار كۆرۈلسە، تەكشۈرۈپ ئىسپاتلانغاندىن كېيىن، شۇ كىشىنىڭ كەسىپ بىلەن شۇغۇللىنىش لاياقەتلىك كېنىشكىسى بىكار قىلىنىپ، ئىككى يىل ئىچىدە يولۇچىلار تىرانسپورت كەسپى بىلەن شۇغۇللىنىشىغا يول قويۇلمايدىكەن.

igilmes

	بۇنى باشقا جايلاردىمۇ يولغا قويسا بولغۇدەك.          ئايتۇرككۇ ئايتۇرك،                    باغدا پىشتى ئاق ئۇرۇك.         ئاق ئۇرۇكتەك ئاق يۇزۇڭ،         خۇشال ئوينا شات كۇلۇپ.

gulpira

	بىخەتەرلىكنىڭ ئالدىنى ئېلىش ئۇچۇن قاتناشنى تەرتىپكە سېلىش ھەممىدىن مۇھىم