سىناق (تەرجىمە ھېكايە)

Ayberchin

	سىناق (تەرجىمە ھېكايە)     يوھان تونۇشقىلى ئۇزۇن بولغان سىرداش قىز دوستىنى ساقلاپ تۇراتتى.گەرچە ئۇ قىزنىڭ تەرقى تۇرقىنى بىلمىسىمۇ، ئەمما كىيىمىگە ئەتىرگۈل شەكىللىك  بۇلاپكا تاقىۋالماقچى بولغانلىقىنىلا بىلەتتى. 13 ئاي ئىلگىرى، فلورىدا شىتاتىدىكى كۈتۈپخانىدا ئارىيەتكە ئالماقچى بولغان كىتابتىن ئۇ قىز توغرىلىق دەسلەپكى چۈشەنچىگە ئىگە بولغان ئىدى، يەنى مۇلايىم يېزىلغان خەتلەر ئۇنىڭغا ئالدىنقى كىتاپ ئارىيەت ئالغۇچىنىڭ ئەقىللىق ، تەپەككۈر قىلىشقا ماھىر ئىكەنلىكىنى بىلدۈرگەن ئىدى.     كۈتۈپخانىنىڭ ئارىيەت ئالىدىغان ئورنىدىن، ئۇ بۇ كىتاپ ئالغۇچىنىڭ ئىسمىنى تېپىپ چىقتى. ئىسمى ھېللىر مېينىر خانقىز بولۇپ، كۈتۈپخانا باشقۇرغۇچىسىدىن ئۇنىڭ شەخسى ئۇچۇرىنى تېپىپ چىقىپ، شۇنىڭدىكى ئادرىسقا خەت يېزىپ، قارشى تەرەپنى خەت ئالاقە بىلەن پىكىر ئالماشتۇرۇشقا تەكلىپ قىلدى.     كېيىنكى بىر يىل بىر ئاي ئىچىدە، ئىككەيلەن خەت ئالاقە ئارقىلىق بىر بىرىنى چۈشىنىشتى. مۇھەببەت ئۇرۇقىمۇ ئۇلارنىڭ يۈرىكىدە تۇيدۇرمايلا بىخ تارتىپ قالدى. يوھان ھېللىر خانقىزغا بىر پارچە رەسىم ئىۋەتىپ بېرىشنى ئۆتۈنگەن بولسىمۇ، ئەمما قىز رەت قىلىۋەتتى. ئۇ يوھانغا ئەگەر ھەقىقەتەن ئۆزىگە كۆڭۈل بەرگەن بولسا، چىرايىغىمۇ پىسەنت قىلىپ كەتمەسلىكىنى ئېيتتى. كېيىن ئۇلار بىرىنچى قېتىم كۆرۈشىدىغان ئورۇن ۋە ۋاقىتنى يەنى سائەت بەشتە، نيۇ يورك شەھىرىنىڭ مەركىزى ۋوگزالىدا كۆرۈشمەكچى بولۇشتى.     «مېنى چوقۇم تونىۋالسىز، كىيمىمگە ئەتىرگۈل شەكىللىك بۇلاپكا تاقىۋالىمەن» دىگەن ئىدى قىز خېتىدە. يوھان بالدۇرلا مەركىزى ۋوگزالغا كېلىۋالدى. سائەت بەش بولغاندا، ئۇ بۇلاپكا تاقىۋالغان قىزنى دىققەت بىلەن ئىزدەشكە باشلىدى. سۇس يېشىل پەلتو كىيىۋالغان ياش قىز ئۇ تەرەپكە قاراپ كەلدى، قىز ئىگىز ۋە زىلۋا بولۇپ، بىر جۈپ تىنىق كۆك كۆزى تولىمۇ نۇرلۇق ئىدى. يوھان ئۆزىنى تۇتالماي قىزنىڭ ئالدىغا قاراپ ماڭدى، دەل شۇ چاغدا ئۇ ئەتىرگۈل شەكىللىك بۇلاپكا تاقىۋالغان 40 ياشلار چامىسىدىكى ئوتتۇرا ياش ئايالنى كۆرۈپ قالدى. چىرايلىق قىز تېز قەدەملەر بىلەن يوھاننىڭ يېنىدىن ئۆتۈپ كەتتى. يوھان زىددىيەت ئىچىدە قالدى، ئۇ ھېلىقى چىرايلىق قىزنى قوغلاپ يەتكۈسى بولسىمۇ، ئەمما كۆڭلىدە ئالىجاناپ، ئەقىللىق سىرداش دوستى ھېللىر بىلەن بىللە بولغۇسى بار ئىدى. ئاخىرى، ئۇ قىلچە ئىككىلەنمەستىن غەيرەتكە كېلىپ ھېلىقى ئوتتۇرا ياش ئايال تەرەپكە قاراپ كەلدى ۋە: - مەن يوھان بولىمەن، سىز چوقۇم ھېللىر خانقىزغۇ دەيمەن. سىز بىلەن كۆرۈشكەنلىكىمدىن ئىنتايىن خوشالمەن، ئىلتىپات قىلسىڭىز بىللە تاماق يىسەك قانداق؟ ئۇ ئايال كۈلۈپ كەتتى ۋە يوھانغا: - يىگىت، مەن بۇنىڭ قانداق ئىش ئىكەنلىكىنى بىلمەيمەن. ئاۋۇ سۇس يېشىل رەڭلىك پەلتو كىيىۋالغان ياش قىز مەندىن مۇشۇ بولاپكىنى تاقىۋېلىشىمنى ئۆتۈنگەن. ئۇ يەنە ناۋادا سىز مېنى تاماققا تەكلىپ قىلىپ قالسىڭىز، ئۆزىنىڭ كوچىنىڭ ئۇ تەرىپىدىكى تاماقخانىدا سىزنى ساقلاپ تۇرىدىغانلىقىنى، بۇ پەقەت سىزنى سىناپ باققانلىقىنى ئېيتىپ قويۇشۇمنى تاپىلىغان ئىدى.

kaplan19

	بەزىدە كىچىككىنە بىر ئىشلار ئارقىلىق بىر ئادەمنىڭ قانداقلىغىنى بىلىۋالغىلى بولىدۇ ...رەھمەت.

sakra

	تامچە سۇدىمۇ قۇياشنىڭ ئەھسىنى كۈرگىنى بۇلىدۇ...

Erkman

	sakra يوللىغان ۋاقتى  2012-2-1 16:03 تامچە سۇدىمۇ قۇياشنىڭ ئەھسىنى كۈرگىنى بۇلىدۇ... قۇياشنىڭ «ئەھسى» زادى نېمە بولغىيدى؟

Erkman

	sakra يوللىغان ۋاقتى  2012-2-1 16:03 تامچە سۇدىمۇ قۇياشنىڭ ئەھسىنى كۈرگىنى بۇلىدۇ... خەتنى پۇتىڭىزنىڭ ئۇچىدىلا يازغان ئوخشايسىز-ھە بىرقۇرغىمۇ توشمىغاندىكىن دەپ!

zamzam

	ئەجەپ تەسىرلىك ھىكايىكەن!  خۇددى ھازىر تور ئارقىلىق تۇنۇشۇپ، مۇھەببەتلىشىپ توي قىلىۋاتقانلاردەكلا...

sabirjan

	تەرجىمە قىلغاندا مۇشۇنداق  ئەسەرلەر بۇلسا ئەجەپ ياخشى

kvmvx

	مەن ئۇ ئەرنىڭ ئورنىدا بولغان بولسام، مېنى ئەخمەق قىلغىنىغا ئاچچىقىم كېلەتتى.كۆرۈشەر-كۆرۈشمەيلا نىمە سىناق ئۇ؟!

吐鲁汗

	تىخىمۇ ياخشى ھىكايىلەرنى تەرجىمە قىلىپ، مۇنبەرداشلارغا سوۋغا قىلىشىڭىزغا تىلەكداشمەن ،قەلىمىڭىزدىن گۈل ئۈنسۇن.

gulpira

	ھەجەپ ياخشى ئەسەركەن بۇ