(1-قىسىم) زىۋىدە ئابدۇكېرىم ‹‹تەڭرىتاغدا سۆھبەت›› پىروگراممىسىدا

نىدائىي

	زىۋىدە ئابدۇكېرىم ‹‹تەڭرىتاغدا سۆھبەت›› پىروگراممىسىدا (1)    قەدىرلىك تورداشلار، بىز بۇ قېتىم تەڭرىتاغ ئۇيغۇر تورى <<تەڭرىتاغدا سۆھبەت>> پىروگراممىسىنىڭ بۇ سانىدا، شىنجاڭ تېلېۋىزىيە ئىستانسىسىنىڭ <<مەدەنىيەت بوستانى>> پىروگراممىسى، شىنجاڭ خەلق رادىيو ئىستانسىسىنىڭ مۇناسىۋەتلىك پىروگراممىلىرىدا پىسخىكا ئىلمى ھەققىدە نۇتۇق سۆزلەپ خەلقىمىزنىڭ قىزغىن ئالقىشىغا سازاۋەر بولۇپ كېلىۋاتقان شىنجاڭ مائارىپ ئىنىستىتۇتى پىسخولوگىيە پەنلىرى فاكۇلتېتىنىڭ دوتسېنتى، شەرقىي جۇڭگو پېداگوگىكا ئۇنىۋېرسىتېتى ئاساسىي پىسخولوگىيە كەسپىنىڭ دوكتۇر ئاسپىرانتى، شىنجاڭ ئالىي مائارىپ ئىلمىي جەمئىيىتىنىڭ مۇئاۋىن باش كاتىپى زىۋىدە ئابدۇكېرىم بىلەن مەخسۇس سۆھبەت ئېلىپ باردۇق. بۇ سۆھبەت ئىككى قىسىمغا بۆلۈنگەن بولۇپ، ھازىر دىققىتىڭلاردا بولىدىغىنى سۆھبەتنىڭ 1-قىسمى. بۇ سۆھبەتنىڭ 2-قىسمىمۇ پات ئارىدا تورداشلار بىلەن يۈز كۆرۈشىدۇ.    كەڭ تورداشلار، سىلەرنىڭ ئۆز تۇرمۇشۇڭلاردا، مۇھەببەت مەنزىلىڭلاردا،  نىكاھ سەپىرىڭلاردا، روھىي ئالىمىڭلاردا كۆرۈلگەن تۈرلۈك-تۈمەن پىسخىك مەسىلىلىرىڭلارغا مەزكۇر سۆھبەتتىن مۇئەييەن جاۋاب تاپالايسىلەر. ئىنكاس ۋە تەسىراتىڭلارنى ئىنكاس شەكلىدە ئوتتۇرىغا قويۇشۇڭلارنى سەمىمىي ئۈمىد قىلىمىز.    <<تەڭرىتاغدا سۆھبەت>> پىروگراممىسىنىڭ 2-سان 1-قىسمىنى ئىشلەشكە قاتناشقۇچىلار:     باش پىلانلىغۇچى:  قەيسەر قېيۇم     پىلانلىغۇچى، ئاپتورى: توخنىياز ئىسمائىل نىدائىي     ئوپېراتورلار: ئارسلان كامىل، نىجات نىياز ئېھسان     رىياسەتچى: شەمسىيە ئەبەيدۇللا     كىرىشتۈرگۈچىلەر: ئادىل سىدىق، ئۆمەرجان تۇرسۇن، ئەلى ئىمىن     سۈرەت تەھرىرلىرى: ئارسلان كامىل، نىجات نىياز ئېھسان     تېخنىك: ئەكرەم ئەركىن     نازارەتچى: قەيسەر قېيۇم     ئالاھىدە ھەمكارلاشقۇچى ئورۇن: ئۈرۈمچى لۇڭبو مەدەنىيەت تارقىتىش چەكلىك شىركىتى يوۋكۇ قويغۇچ :    نورمال كۆرۈلەلمىگەن دوسلار بۇ ئادىرىستىن چۈشۈرۈپ كۆرسەڭلەرمۇ بولىدۇ . /vidio/ziwida.flv مەزمۇننى كۆچۈرۈۋېلىش ياكى بۇ يەرنى بىسىپ چۈشۈرۈڭ بۇ يەرنى بېسىپ زىۋىدە ئابدۇكېرىم بىلەن بولغان سۆھبەتنىڭ 2-قىسىمىنى كۆرۈڭ.

noshirwan

	ئىشلىرىڭلار بەركەت تاپقاي. سۆھبەتمۇ كۆپ قىسىملىق تېلېۋىزىيە تىياتىرىدەك پارچىلاپ-پارچىلاپ بېرىلىدىغان بوپتۇدە. ئاۋال ئاڭلاي.

SARBAX

	بۇ سۆھبەت بەك ياخشى ئورۇنلاشتۇرۇلۇپتۇ،مەن مۇنبەر باشقۇرغۇچىسى توخنىياز ئەپەندى ئارقىلىق زىۋىدەخانىمغاسالام يوللايمەن. مۇمكىن بولسا جەنۇبىي شىنجاڭ يېزىلىرىدا نىكاھ، ئائىلە، مۇھەببەت توغرىسىدا لېكسىيە ئۇيۇشتۇرۇلسا. قاغىلىق ناھيەسىدىن مۇساجان ياسىن

نىدائىي

	نۇشرىۋان ئەپەندىم، ئادەتتە توردا تېلېۋىزىيە ئىستانسىسىنىڭ پىروگراممىلىرىدەك ۋاقىتنىڭ چەكلىمىسىگە ئۇچرىمىغاچقا بىر قەدەر ئەركىن بولىدىغان گەپ. ئۇنىڭ ئۈستىگە سىز قاتارلىق تورداشلىرىمىزنىڭ زىۋىدە مۇئەللىمدىن سورايدىغان سوئاللىرىڭلار نىسبەتەن كۆپكەن. بۇ ھەرگىزمۇ قىسقا بىر قېتىلىق سۆھبەتتە ھەرگىز تۈگىمەيدىكەن، تورداشلارنىڭمۇ تەلىپى قاندۇرۇلمايدىكەن. تېلېۋىزىيە ئىستانسىسدىمۇ بەزى سۆھبەتلەر سۆھبەت ئېھتىياجىغا ئاساسەن قىسىملىق قىلىپ ئىشلىنىدۇ. شۇ ۋەجىدىن بىزنىڭ بۇ قېتىمقى سۆھبىتىمىزمۇ ئىككى قىسىملىق قىلىپ ئىشلەندى.    نۇشرىۋان ئەپەندىم، بىز كېيىنچە تېخى سۆھبەت ئېھتىياجىغا ئاساسەن سىز دېگەندەك تېلېۋىزىيە تىياتىرىسىمان سۆھبەتلەرنىمۇ ئىشلىشىمىز مۇمكىن. بۇنىڭدا گەپ يوق.    تورداشلارنىڭ بۇ سۆھبەتكە نىسبەتەن ئىنكاسى ھەرخىل بولۇشى مۇمكىن. بىز بۇنى توغرا چۈشىنىمىز. لېكىن سىلەرمۇ بىزنى توغرا چۈشىنىشىڭلار كېرەك. بىز بۇنىڭدىن كېيىن تېخىمۇ سەرخىل، خەلققە ئەمەلىي نەپ يەتكۈزىدىغان سۆھبەتلەرنى ئىشلەشكە تىرىشىمىز.

ئىلقۇت

	ئاۋۋال چۈشۈرىۋېلىپ، كەچتە ئۆيگە قايتىپ كۆرەي، ھازىر خىزمەت ۋاقتى، كۆرگىلى پۇرسەت يوق...

hokumran

	ئەھمىيەتلىك سۆھبەتتىن  تەڭرىتاغ مۇنبىرىگە ئوتلۇق تىلەكلەر ياغقۇسى.

sabirjan

	بۇ سۇھبەت ياخشى كىنۇ پىلىملىردەك ياخشى ئىشلىنىپتۇ ،جاپا چەتىڭلار

ياپراق

	100 سائەت ۋاقىتنى سەرىپ قىلىپ كورىيەنىڭ  تېلېۋىزىيە تىياتىرلىرىنى كۆرۈپ مودا بولۇشنى ئۆگەنگەندىن كۆرە ، بۇ سۆھبەتنى  كۆرۈپ ، ئۆي تۇتۇش ، پەرزەنت تەربىيەلەشنى ئۆگىنىۋېلىش ناھايىتى مۇھىمدۇر .    مېنىڭچە بۇنداق پىروگراممىلار قىسىملىق تۇرسۇن مەڭگۈلۈك ئىشلەنسۇن ! ! !

kaplan19

	بۇ قېتىملىق سۇھبەت بەك ياخشى ئورۇنلاشتۇرۇلۇپتۇ زىۋىدە مالىممۇ تورداشلارنىڭ سورىغان بەزى سوئاللىرىغا چوڭقۇر چۈشەنچە بېرىپتۇ شەخسەن ئۇزەم تولىمۇ خۇرسەن بولدۇم باشقۇرغۇچىلار جاپا چەكتىڭلار رەھمەت.

ئۆتۈكەن

	بۇ قېتىمقى سۆھبەتنىڭ ئەمەلىيەتچىلىكى بىر قەدەر كۈچلۈك بوپتۇ! ئالدىنقى مۇناسىۋەتلىك تېمىغا يوللانغان ئىنكاسلاردىكى سوئاللارغا ئاساسەن دېگۈدەك جاۋاب بېرىلىشىنى ئۈمىد قىلىمەن!   ئىشىڭلار خەيرلىك باشلىنىپتۇ، خەيرلىك داۋاملاشقاي!