مەسئۇل دوختۇرنىڭ دورىنى خاتا بېرىشىدىن كېلىپ چىققان بەختسىزلىك

nazli007

مەسئۇل دوختۇرنىڭ دورىنى خاتا بېرىشىدىن كېلىپ چىققان بەختسىزلىك

    ئەسسالامۇ ئەلەيكۇم مېنىڭ بىر تۇنۇشۇمنىڭ بالىسى 2يىل ئىلگىرى قىزىپ قالغانلىق سەۋەبىدىن دوختۇرخانىغا ئېلىپ بېرىلغان ئىدى ،مەسئۇل دوختۇر دورىنى خاتا بېرىپ قويغانلىق سەۋەبىدىن بالا پالەچ بولۇپ قالدى .ئىقتىسادى قىيىنچىلىق سەۋەبىدىن چوڭ دوختۇرخانىلارغا ئاپىرىپ داۋالىتالمىغان ئىدى ،ئەمدى ئىقتىسادى سەل ياخشىلنىپ داۋالىتاي دېسە بالا دورىدىن زەھەرلەنگەن ئىكەن. 60مىڭ يۈەن تاپشۇرساڭلا داۋالاپ ساقايتىمىز دەپتۇ .مەن قانۇن كەسپىدە ئوقۇيدىغان بولغاچقا تونۇشۇم مەندىن مەسلىھەت سوراپ كىرىپتۇ . شۇ دورىنى خاتا بىرىپ قويغان مەسئۇل دوختۇر ئۈستىدىن سوت مەھكىمسىگە ئەرز قىلسام بولامدۇ ؟ دەيدۇ .
2يىل ۋاقىت ئۆتۈپ كەتكەن تۇرسا ئۇنىڭ ئۈستىگە ئۇ دوختۇر مەسئۇليەتتىن قىچىپ مەسئۇليەتنى ئۈستىگە ئالغىلى ئۇنىمىسا يىتەرلىك دەلىل- ئىسپات بولمىسا، ئاقماي قالار مۇ دەپ ئېنىق بىرنەرسە دېيەلمىدىم .تەجرىبىسى بار ئۇستازلارنىڭ ياردەم قىلىشىنى ئۈمىد قىلىمەن . مۇشۇ دېلودا دورىنى خاتا بىرىپ قويغان مەسئۇل دوختۇر ئۈستىدىن سوت مەھكىمسىگە ئەرز قىلسا يوللۇق بولامدۇ ؟دوختۇر قانچىلىك تۆلەم جاۋاپكارلىقىنى ئۈستىگە ئالىدۇ ؟

ئىلقۇت

ئەينى ۋاقىتتىكى دىئاگنۇز قەغىزى يوقمىكەن؟
ھەي، بىز خەقنىڭ قانۇن ئېڭىمىزنىڭ تۆۋەنلىكىدىن باشقىلار نېمە قىلسا شۈكرى دەپلا تۇرىمىز دېسە... بىچارە بالا...

halpambag

مېنىڭ ئاناممۇ دوختۇرخانىدۇ، خۇدا ساقلىسۇن شۇنداق ئىشلاردىن.

قۇتلۇق

1.مەسئول دوختۇرنىڭ دورىنى خاتا بېرىپ قويغانلىق سەۋەبىدىن بالىنىڭ پالاچ بولۇپ قالغانلىقىنى ئاتا -ئانىسى شۇ ۋاقىتتا بىلگەنمۇ ياكى بىلمىگەن ؟
2.  ئەگەر بىلگەن بولسا نەق بىلگەن ۋاقىتتىن باشلاپ بىر يىل ۋاقىت ئۆتتىمۇ يوق؟
3.ئەگەردە دورىنىڭ خاتا بېرىلگەنلىكىدىن پالاچلىك كېلىپ چىققان بولسا ئۇنى يەنە كېلىپ يېققىندا بىلگەن بولسا مۇناسىۋەتلىك ئورۇنلارغا شۇ قېتىملىق دورىدىن زەھەرلەنگەن ياكى زەھەرلەنمىگەنلىكى توغرىسىدا باھالاشقا ھاۋالە قىلىپ سەۋەپ نەتىجە مۇناسىۋىتىنى ئايدىڭلاشتۇرسۇن .
4. ئەگەر پالاچلىكنىڭ شۇ قېتىم بېرىلگەن دورىنىڭ سەۋەبىدىن كېلىپ چىققانلىقىنى بىلگىلى بىر يىلدىن ئاشقان بولسا بۇ تەرىپى بىۋاستە دەۋە سۈرىكى مەسىلىسىگە بېرىپ چىتىلىدۇ ، دەۋادا ئۇتۇپ چىقىش مۈمكىنچىلىكى تۆۋەن بولىدۇ .
5.تۆلەم سوممىسىنىڭ قانچىلىك بولۇشى بالىنىڭ ھازىرقى مېيىپلىق دەرىجىسى ، بۇندىن كېيىن ھەم ئىلگىرى چىقىم قىلغان پولنىڭ سوممىسى ھەم داۋالىنىش ۋاقتىنىڭ ئۇزۇن قىسقىلىقى ،،،،،،،دوختۇرنىڭ دىئاگنوزى .....قاتارلىق بىر قاتار مەسىللەرگە چېتىلىدۇ .
6. دەۋا سۈرىكى ئوتمىگەن ياكى دېلونىڭ ئەمەلىي ئەھۋالىغا ئاساسەن دەۋا سۈرىكىنى يېڭى باشتىن باشلاش مۈمكىنچىلىكى تۇغۇلۇپ قالسا ئۇچاغدا دوختۇرخانا ئۈستىدىن ئەرز سوت مەھكىمىسىگە ئەرز قىلىسا بولىدۇ ،يوقۇرقى جاۋابىمدىن پايدىلىنىپ كۆرەرسىز.......

kaplan19

مۇشۇ تىببى ساۋاتلىرىنى كۇپرەك كۇرۈپ قويۇش كېرەككەن ئويلىسام مەنمۇ نۇرغۇن ئىشلاردا كەتكۈزۈپ قويۇپتىمەن.

sakra

  مەسئۇلىيەت ئىڭى سۇس بۇلسا شۇنداق بۇلىدۇ.

nargiz

مېنىڭ بىر دوستۇمنىڭ ئىنىسىنى  ماشىنا سۇقۇۋەتكەن ئىكەن ئۇ بالىنى دوختۇرخانىغا ئاپىرىپ  ئۇيىگە خەۋەر قىلىپ  پۇل ئەكىلىپ ئۆتكۇزۇپ قىلىپ، بولغۇچە ئۇ بالا ئۇلۇپ قالدى  دوختۇر دىگەنگە پۇل بولسىلا بولامدىكىن دەيمەن

gulpira

ئەينى ۋاقىتتىكى دىئاگنۇز قەغىزى بۇلسا ياخشى بۇلاتتى. بىراق ۋاقىتنى ئۆتكۇزۇپ قۇيۇپسىز ئەمەسمۇ

吐鲁汗

ئامىرىكىدا 50 يىل بولغان دەۋالارغىمۇ  سوت ئاچىدىكەن،بىزنىڭمۇ قانۇنلىرىمىز مۇكەممەللىشىۋاتىدۇ، ئەگەر دورىدىن زەھەرلەنگەنلىكى ئىنىق بولسا دوختۇر يازغان رېستىپ دوختۇرخانا  ئارخىپىدا ساقلىنىدۇ، ھەل بولۇپ قالار .

sabirjan

مەسۇلىيەتسىز كەسىپ ئەھىلىرىگە بۇ بىر ساۋاق بۇلغۇدەك

intil

تېببىيدىن خەۋىرى بولمىسا بۇ ئىشنى چۈشەنمەك تەس....

nazli007

بالا پائالەچ بوپ قالغاندىلا ئاتا-ئانسى بىلىپتىكەن ،بالنى ساقايتىمەن دەپ يۈگۈرۈپ يۈرۈپ بۇ مەسلىگە سەل قاراپ قاپتۇ ،مانا ئەمدى ئىككى يىل ۋاقىت ئۈتۈپ كەتتى .بالىنى يۈدۈپ يۈرۈپ بەك جاپا تارتىۋاتدۇ.ھىلقى دورىنى خاتا بەرگەن دوختۇر تۇنۇشۇمنىى كۈرسە ئۈزىنى ئىلېپ قاچىدۇ .قەشقەر ۋىلايەتلىك 2-دوختۇرخاننىڭ دۇرىدىن زەخەرلەنگەنلىك دىئاگىنۇز قەغىزى بار .ئۇستازلارنىڭ بەرگەن جاۋابىغا رەھمەت ئىيتىمەن

قۇتلۇق

ئۇنداقتا مەزكۇر دەۋانىڭ سۈرىكى ئۆتۈپ كېتىپتۇ ،،چ چ نومۇرىڭىزنى قالدۇرۇپ قويۇڭ ،سۈرۈكنى ئەسلىگە كەلتۈرۈشنىڭ ئامالىنى قىلىپ بېرەي

nazli007

ماقۇل چ چ نۇمۇر 280818946رەھمەت سىزگە

nazli007

280818946چ چ نۇمۇر رەھمەت !

★Jackie★

ئەگەر دورىدىن زەھەرلەنگەنلىكى توغرىسىدىكى باھالاشنامە بولسا ، يەنەكېلىپ شۇقېتىمقى دورىنىڭ تەسىرى ئىكەنلىكى توغرىسىدىكى ئىسپات بولسا تىببى ئىلىم جەمىيىتىگە داۋالاش ھادىسىسىنى باھالاشنى ئىلتىماس قىلسا بولىدۇ . بىراق بۇنىڭمۇ شەرتى بولىدۇ ، مەسىلەن : شۇقېتىم كېسەل كۆرسەتكەن چاغدىكى دىئاگىنۇز ئىسپاتى ، دورا سېتىۋالغان تالون (مۇنتىزىم دوختۇرخانا بولسا تالون ئارقىلىق رېتسىپنى تاپقىلى بولىدۇ) قاتارلىق ئەڭ ئاددى ئىسپاتنى تۇتقا قىلىپ يەرلىك (ۋىلايەت ، ئوبلاست دەرىجىلىك) تىببى ئىلىم جەمىيىتى ئارقىلىق شۇقېتىمقى كېسەل كۆرسەتكەن ئامبۇلاتۇرىيە كېسەللىك خاتىرىسى ، رېتسىپ قاتارلىقلارنى كۆپەيتكىلى بولىدۇ . يەرلىك تىببى ئىلىم جەمىيىتىنىڭ باھالاشنامىسىگە قايىل بولمىسا ئاپتۇنۇم رايۇنلۇق تىببى ئىلىم جەمىيىتىگە قايتا باھالاپ بېرىشنى ئىلتىماس قىلىدۇ . يەنە قايىل بولمىسا يەرلىك سوت مەھكىمىسىگە ھەق-تەلەپ ئەرزى سۇنسا بولىدۇ .
ئەڭ ئىنچىكە ھالقا : سىزنىڭ شۇدوختۇرخانىغا كېسەل كۆرسەتكىنىڭىزنى قانداق ئىسپاتلايسىز . ئادەتتە مۇنتىزىم دوختۇرخانىلاردا كېسەللىك تىزىملاش خاتىرىسى بولىدۇ ، شۇنداقلا تىزىملاشتىن چۈشۈپ قالىدىغان ئەھۋال مەۋجۈت ئەمەس . چۈشۈپ قالدى دېگەندىمۇ نومۇر ئېلىش ، ۋە كېسەل كۆرسىتىش كارتىسىنى سۈركەش جەريانى ، دورا سېتىۋېلىش خاتىرىسى خاتىرلىنىدۇ . مەن سىزنىڭ بايانىڭىزدىن شۇنى جەزىملەشتۈرەلەيمەن ، سىز كېسەل كۆرسەتكىنىڭىز قارا ئامبۇلاتۇرىيە بولمىغاندىمۇ ئانچە مۇنتىزىم بولمىغان ئادەتتىكى خۇسۇسى ئىگىلىكىدىكى شىپاخانا . ئارىدىن ئىككى يىل ئۆتۈپتۇ . سىز داۋا قىلسىڭىزلا ئۇلار ئەڭ تېز سۈرئەتتە پۈتۈن خاتىرىنى ئۆزگەرتىپ بولىدۇ . قولدا يازغاننى ئۆزگەرتىش بەكلا ئاسان ، چۈنكى ھەر ئىككىسى ئۆزىنىڭ پۇچۇركىسى . شۇڭا سىز مېنىڭ دېگىنىم بويىچە تەدبىر قوللىنىڭ . ئەگەر مۇنتىزىم دوختۇرخانا بولسا دادىللىق بىلەن ھەركەت قىلىڭ . ئەگەر ئادەتتىكى ئامبۇلاتۇرىيە بولسا «پارتىزانلىق ئۇۇرۇشى» قىلىش ئارقىلىق ئىسپات توپلاپ ، ئاندىن باھالاشنى ئىلتىماس قىلىڭ .

دوستلارغا سەمىمى ئەسكەرتىشىم : كېسەل كۆرسەتكەندە مەيلى قانداقلا دوختۇرخانا بولسۇن تىزىملاش خاتىرىسى بار يوقلۇقىغا ۋە سىزنىڭ كېسەل كۆرسەتكىنىڭىزنى تىزىملىغان ياكى تىزىملىمىغانلىقىغا دىققەت قىلىڭلار . دوختۇرنىڭ تىزىملىكىگە چۈشتى دېگەن گەپ  دوختۇر بىلەن بىمار ئوتتۇرىسدا «داۋالاش كىلىشىمنامىسى» تۈزۈلدى دىگەنلىك بولىدۇ . تىزىملاش خاتىرىسىگە چۈشمىگەن بولسىڭىز مەن بولساممۇ سىزنىڭ مەندىن دورا ئالغىنىڭىزنى تېنىۋالىمەن . قولىڭىزدا قانداق ئىسپات بار؟؟؟؟

ئەڭ ياخشىسى مەيلى دۆلەت ئىگىلىكىدىكى ياكى خۇسۇسى ئىگىلىكتىكى بولسۇن مۇنتىزىم دوختۇرخانىلاردا كېسەل كۆرسىتەيلى . «سېغىزخانلارنىڭ» ئېغىز تەشۋىقاتىغا ئىشىنىپ قارا ئامبۇلاتۇرىيەدىن ، چالاساۋات دوختۇرخانىلاردىن دورا سېتىۋالمايلى . شەھەر ئەتىراپىدا ، يېزا-بازاردا ئولتۇرۇشلۇق دوستلار «دورىخانا» غا كىرىپ ئوكۇل سالدۇرمايلى ، چۈنكى دورىخانىدا پەقەت دورا (ئوكۇل) سېتىشقىلا بولىدۇ . ئاددىسى جىددى قۇتۇلدۇرۇشقا ئىشلىتىدىغان كىسلارۇد (ئوكسىگىن) مۇ يوق مۇھىتتا ئوكۇل سالدۇرۇش مېنىڭ كاللامدىن پەقەتلا ئۆتمەيدۇ .   ھايات ئادەمگە پەقەت بىرلا قېتىم كېلىدۇ !!!!!!!!!

hamxohla

مىنىڭ بىر دوستۇممۇ ئۇلۇغچات ناھىيەسىدىكى پىيادىلەر كوچىسى دىيىلىدىغان قاتناش قۇراللىرىنىڭ كىرىشى بىردەك چەكلىنىدىغان كوچىدا كىتىۋاتقاندا 3ئادەم ھەم بىرەر يۈز كىلو يۈك بېسىلغان ئۈچ چاقىلىق موتسىكىلىت ئۇنىڭ ئارقا تەرپىدىن كىلىپ قاتتىق سوقىۋەتكەن،دوستۇم،يىقىلغان ھەم ھۇشىدىن كەتكەن،ئەتراپىدىكى كىشىلەردەرھال قاتناش ساقچى ئەترىتىگە ھەم دوختۇرخانىڭ جىددى قۇتقۇزۇش مەركىزىگە تىلفۇن قىلغان،قاتناش ساقچى ئەتىرتىدىكىلەر كىلىپ موتوسىكىلىت مىنگەن كىشىنىڭ مەس ياكى ئەمەسلىگىنى سۈرۈشتە قىلماستىنلا ئۇنى ئۇنىڭ قاتناش ساقچى ئەتىرتىدە ئىشلەيدىغان بىر تۇغقان قېرىندىشىنىڭ بۇ قاتناش ۋەقەسىنى بىجىرىشىگە ئورۇنلاشتۇرۇپ،زىيانلانغۇچىنىڭ كىملىكىنى ئېلىپ كەتكەن،موتو مىنگۈچى قاتناش ساقچى ئەترىتىدە ئىشلەيدىغان تۇغقىنى ئارقىلىق دوستۇمغا ھېچ قانداق دەۋا دەستۇرۇم يوق،دىگەن تىلخەت يېزىپ بىرىشنى تولا جىكلەتكەن،لىكىن دوستۇم شۇ قېتىمقى قاتناش ۋەقەسىدە مىڭىسى قاتتىق سىلكىنىپ سول پۇت پاقالچاق سۆڭىكى ھەم بېلى ئېغىر چىم بولۇپ كەتكەن،ئۇلۇغچات ناھىيەلىك خەلىق دوختۇرخانسىنىڭ دىياگۇنۇز نەتىجىسىدە (مىڭە ئېغىر دەرجىدە سىلكىنگەن،پۈتۈن بەدىندىكى يۇمشاق توقۇلمىلار بۇزۇلغان،سول پۇت پاقالچاق ھەم بەل نىڭ زەخمىلىنىشى ئېغىر)دىگەن دىياگۇنۇز قويۇلغان.دوستۇم شۇ قاتناش ۋەقەسىدىن كىيىن ئاسانلا قورقىدىغان،تىتىرەپ كىتىدىغان،بەزى كۈنلىرى كىچە كىچىلەپ ئۇخلىيالمايدىغان،تىنىچلاندۇرغۇچى دورىلارنى ئىستىمال قىلمىسا ئۇيقىسىز يۈردىغان بولۇپ قالغان،ئۇلۇغچات ناھىيەلىك قاتناش ساقچى ئەتىرىدىكى دوستۇمنى سوقۇپ يارلاندۇرغۇچىنىڭ بىر تۇغقان قاتناش ساقچىسى ئىنىسى دوستۇمغا تولا تىلفۇن قىلىپ ئۇنىڭ ئاڭالايدىغان بولغاندىكىن قاتناش ساقچى ئىدارىسىغا كىلىپ تىزدىن ھېچ قانداق دەۋا دەستۇرىم يوق دىگەن خەتنى يېزىپ بىرىشىنى سۈيلىگەن.قانۇن، قىرغىزلار قانينى،ئۇيغۇرلار قانۇنى دەپ ئايرىلامدۇ؟دوستۇم 2011-10-26-كۈنى شۇ ۋەقەگە ئۇچۇرغاندىن ھازىرغىچە مىڭىسى قاتتىق سىلكىنگەنلىكى تۈپەيلى بەزىدە ئازمۇز سۆزلەپمۇ قالىدۇ،مۇناسىۋەتلىك قانۇن ئورگانلىرىنىڭ ئۇلۇغچات ناھىيەلىك قاتناش ساقچى ئەتىرتىدىكى شۇ كەسپى ئەخلاقى تۆۋەن ساقچى يولداشنىڭ دوستۇمنى دەۋا دەستۇرۇم يوق دەپ خەت يېزىپ بىرىشكە داۋاملىق مەجبۇرلىشىنىڭ ئاساسى بار يوقلىقى توغرىسىدا مەسلىھەت بىرشىنى سورايمەن.دوستۇم نىڭ ھازىرقىدەك ئەھۋالدا قاچانغىچە ئۇلارنىڭ ئۈستىدىن سوتقا ئەرىز قىلىش ھوقۇقى بار؟ھەم ئۇ ئۆزى راۋرۇس ساقىيىپ قانچىلىك مۇدەت ئىچىدە دەۋا دەستۇرۇم يوق دىگەن خەتنى يازاسا  بولىدۇ؟

hayat

ياخشىراق ئادۇكاتتىن بىرنى تىپىپ مەسلىھەت سوراپ كۆرسەڭلار ئېنىق بولىدۇ. بۇ يەردە ھېچكىم ئۇ ئىشنىڭ تولۇق جەريانىنى بىلمىگەچكە بىر نېمە دىيەلمەيدۇ.