‹‹ لاداخ يولىدا كارۋان ›› نىڭ تەڭداشسىز قىممىتى

Barcelona

	<< لاداخ يولىدا كارۋان >> مەشھۇر ئەدىب ئەھمەد زىيائىنىڭ 1947 - يىلى نەشر قىلدۇرغان ساياھەتنامىسى .        1962 - يىلى جۇڭگو - ھىندىستان ئۇرۇشى پارتلايدۇ ، شۇنىڭ بىلەن ھىندىستان ھۆكۈمىتى جۇڭگو ھۆكۈمىتىگە ئورۇنسىز بىرمۇنچە زېمىن تەلىپى قويىدۇ . بۇ زېمىن تەلىپىنىڭ ئىچىدە << ئاقسايچىن >> دەپ ئاتىلىدىغان چوڭ بىر پارچە يەر بولغان . ئەينى يىللىرى بۇرھان شەھىدى يۇقىرى سىياسىي سەزگۈرلۈك بىلەن ئوتتۇرىغا چىقىپ ، ئەھمەد زىيائىنى ئىزدەپ : سىز ئەينى يىللىرى يېزىپ ئېلان قىلغان ۋە ئۆزىڭىز كۆرۈپ ، قۇلىقىڭىز بىلەن ئاڭلاپ يېزىپ چىققان << لاداخ يولىدا كارۋان >> ناملىق ساياھەتنامىڭىزدە << ئاقسايچىن >> دېگەن نامنى تىلغا ئالغانتىڭىز ( ئەينى يىللىرى بۇرھان شەھىدى بۇ ساياھەتنامىنى گېزىتتىن كۆرگەن ئىكەن ) ، شۇ قايسى گېزىتنىڭ قايسى سانىدا ئىدى ؟ دەپ ئالاھىدە مۇھىم ۋەزىپە سۈپىتىدە سۈرۈشتۈرگەن . ئەھمەد زىيائى << لاداخ يولىدا كارۋان >> ناملىق ساياھەتنامىسى ئېلان قىلىنغان گېزىتنىڭ ئېنىق ئۇچۇرىنى دەپ بەرگەن . بۇ گېزىت دەرھال تەييارلىنىپ ، مۇناسىۋەتلىك چۈشەندۈرۈشلەر بىلەن قوشۇلۇپ ، بېيجىڭغا ئەۋەتىلگەندىن كېيىن جوۋ ئېنلەي زۇڭلى ۋە تاشقىي ئىشلار مىنىستىرلىقىغا يەتكۈزۈلگەن ۋە جۇڭگو - ھىندىستان سۆھبىتىگە قاتنىشىۋاتقان دۆلىتىمىز ۋەكىللىرى بۇ ماتېرىيالنى سۆھبەتتە كۆرسىتىپ ، تالاش - تارتىش قىلىنىۋاتقان يەرنىڭ بىر قىسمىنىڭ << ئاقسايچىن >> دەپ ئاتىلىدىغانلىقىنى ، بۇنىڭ << جۇڭگونىڭ ئاقسېيى >> دېگەن مەنىدە ئىكەنلىكىنى ، بۇ سۆزنىڭ ئۇيغۇر - تۈركچە سۆز ئىكەنلىكىنى ، بۇنى جۇڭگولۇقلارنىڭ بۇرۇنلا خاتىرىگە چۈشۈرگەنلىكىنى ، << لاداخ يولىدا كارۋان >> ناملىق بۇ ئەسەر بۇنىڭ بىر مىسالى ئىكەنلىكىنى دەلىل قىلىپ كۆرسىتىپ ، سۆھبەتنىڭ يۆنىلىشىگە چوڭ تەسىر كۆرسەتكەن ئىكەن ھەم تاشقىي ئىشلار مىنىستىرلىقىمىزنىڭ باياناتىدا ئېنىق تىلغا ئېلىنغان ئىكەن .     شۇنداق قىلىپ ، ئەھمەد زىيائىنىڭ ئاددىي بىر سەپەر خاتىرىسى ئۇلۇغ ۋەتىنىمىزنىڭ چېگراسىنى ئېنىق ئايرىشتا مۆلچەرلىگۈسىز چوڭ رول ئوينىغان .       ( مەنبە : غەيرەتجان ئوسمان ئۇتغۇر << ئەھمەد زىيائى تەتقىقاتىغا دائىر بەزى مەسىلىلەر >> . قەشقەر پېداگوگىكا ئىنستىتۇتى ئىلمىي ژۇرنىلى 2011 - يىل 3 - سان )

sakra

	قىممەتلىك يۇللانمىكەن،رەخمەت.....

吐鲁汗

	مۇشۇنداق يوللانمىلارنى كۆپىرەك يوللاپ تۇرارسىز، سىزگە رەخمەت

Erkman

	نېمىشقا تىللا ئۆرۈم قىلمايسىلەر؟

sarsanroh

	لاداخ يولىدا كارۋان ناملىق بۇ ساياھەتنامەنى بىر ئوقۇپ باقاي دىگەن تاپقىلى بولارمۇ؟

gulpira

	مۇشۇنداق يۇللانمىنى كۆپرەك يۇللاپ تۇراسىز.

SARBAX

	رەھمەت ئەپەندىم،بۇ ئەسەرنىڭ تولۇقى تىپلغان بولسا ئەڭ قىممەتلىك ئىش بولاتتى