خەير–خوش، باھانە
ئابدۇۋەلى مۇسا تەرجىمىسى
بىر ياپونىيەلىك توققۇز ياشقا كىرگەندە ، دادىسىنىڭ شىركىتى تاقىلىپ قاپتۇ. شۇنىڭدىن كېيىن ئۇ ئاياغ مايلاپ ۋە گېزىت سېتىپ تۇرمۇشىنى قامداپتۇ. ئۇ داۋاملىق ئىشنى قايتىدىن باشلىسام، دەپ ئويلايدىكەن، بىراق يېنىدا 100 يېنىلا بار ئىكەن. بۇنچىلىك پۇل بىلەن ئۇ نېمە قىلالىسۇن؟
ئۇ توققۇز يېشىدىن باشلاپ ۋېلىسىپىت سودىسى ئۇيۇشمىسىدا شاگىرت بوپتۇ. ئۇ بۇ يەردە تېخنىك ئىشچىلارغا ياردەملىشىپ ئىشلىگەن بولسىمۇ، ئالغان مائاشى پەقەت ئۆزىنىڭ تامىقىغىلا يېتىدىكەن. شۇنداق بولسىمۇ ئۇ يەنىلا سەمىمىيلىك بىلەن خىزمەت قىپتۇ.
بىر كۈنى، خوجايىن ئۇنىڭ خىزمەتتىكى ئەستايىدىللىقىنى كۆرۈپ، ئۇنىڭغا ئەقىللىق ئىكەنسەنغۇ، ئىش تاپشۇرسام قىلىپ باقامسەن؟ دەپتۇ. زېرەك ھەم سەمىمىي بۇ بالا ئۈچۈن خوجايىننىڭ ئىشەنچىسىگە ئېرىشىش تەس ئىش ئەمەس ئىدى. شۇنداق قىلىپ ئۇ ناھايىتى تېزلا رەسمىي ئىشچى بوپتۇ.
ئۇ لامپۇچكا قىستۇرغۇچنىڭ ئىقتىدارىنى ئاشۇرىدىغان يېڭى تېخنىكىنى بارلىققا كەلتۈرگەندە، 24 ياشتا ئىدى. ئۇ ياسىغان ‹‹قوش تۆشۈكلۈك چاتقۇ›› ئائىلىدىكى ئادەتتىكى ئېلېكتىر مەھسۇلاتلىرىدىن ئىلغار ئېلېكتىرىك ئۈسكۈنىلەر ۋە خام ئەشيا ماتېرىياللىرى سانائىتىگىچە ئىشلىتىلدى. 20 – ئەسىرنىڭ 80 – يىللىرىغا كەلگەندە، ئۇ ياپونىيەدە ‹‹باشقۇرۇش ئىلاھى›› دەپ نام ئالدى. پېنسىيەگە چىقىشتىن ئىلگىرى، ئۇ شىركەت باشقۇرغۇچىغا مۇنداق بىر جۈملە سۆز قىلدى: ‹‹كۆپچىلىك ئون يىل كېيىنكى شىركەتنى باشقۇرۇشنى ئويلاپ بېقىڭلار. بىراق مەن 100 يىلدىن كېيىنكى جەمئىيەتنى ئۆزگەرتىشكە قارايمەن››. ئۇ مۇشۇ ۋەدىسىگە ئەمەل قىلدى. ئۇ پەقەت 100 يېنىنىڭ 100مىليون ھەسسىسى 10 مىليارد يېنىنى ئىشلىتىپ، سىياسىي، ئىقتىسادىي جەھەتتىكى ئىختىساس ئىگىلىرىنى تەربىيەلەيدىغان مېخانىزىم بەرپا قىلدى.
بۇ مۇۋەپپەقىيەت خاتىرىسى، ئاز پۇل بىلەن روناق تېپىپ، ئەڭ ئاخىرىدا دۇنيا بويىچە داڭلىق باشقۇرغۇچىغا ئايلانغان ئالىمنىڭ ھەقىقىي ھېكايىسى. ئۇ بولسىمۇ <<سوڭشيا>> شىركىتىنىڭ ياراتقۇچىسى سوڭشيا شىنجىجۇ.
ھايات مۇساپىڭىزدە، سىزنىڭ قانچىلىك بايلىق ياراتقانلىقىڭىز مۇھىم ئەمەس. پۇل قاپچۇقىڭىزنى ۋە يانچۇقىڭىزنى ئالا قويماي ئاقتۇرۇشتىن بۇرۇن، ئالدى بىلەن ئۆزىڭىزنىڭ ئىچكى دۇنياسىغا قاراڭ. ئۆزىڭىزنىڭ مۇۋەپپەقىيەت قازىنالىشىڭىزدىن ئۈمىد بارمۇ – يوق؟ مۇقەررەر غەلىبە قىلىشىڭىزغا ئىشەنچىڭىز بارمۇ يوق؟ باشقىلارنى قىزغىن سۆيىدىغان تەبىئىتىڭىز بارمۇ – يوق؟ مۇشۇلارلا بولسا 100 يېنىڭىز بولغان تەقدىردىمۇ سىز چوقۇم ئۇتۇق قازىنالايسىز!
يوللىغان ۋاقتى 
