تارىم ئويمانلىقىدىكى توغراق قوغدىغۇچىلارنىڭ تۇرمۇشى
تورىمىز خەۋىرى : لوپنۇر ناھىيەسى تارىم ئويمانلىقىغا جايلاشقان بولۇپ ، تارىم دەرياسى بۇ ناھىيەنى كېسىپ ئۆتىدۇ . بۇ يەردە كۆز يەتكۈسىز توغراقلىق بولۇپ ، بىر توپ توغراق قوغدىغۇچىلار كېچە-كۈندۈز چارلاش ئېلىپ بېرىپ، ئۆزلىرىنىڭ مەسئۇلىيىتىنى ئادا قىلىپ كېلىۋاتىدۇ .
لوپنۇر ناھىيەلىك ئورمانچىلىق ئىدارىسى ئورمان ئاسراش ، ئوت مۇداپىئە ئىشخانىسىنىڭ مۇئاۋىن مۇدىرى رەھىم مۇھەممەدنىڭ دېيىشىچە ، لوپنۇر ناھىيەسىدە ھازىر تەخمىنەن تۆت مىليون 300 مىڭ مو كۆلەمدە توغراقلىق بار بولۇپ، دۆلەت دەرىجىلىك قوغدىلىدىغان جامائەت پاراۋانلىقى توغراقلىق كۆلىمى بىر مىليون 294 مىڭ 593 مو كېلىدۇ . ئاپتونوم رايون يەنە بۇ ناھىيەنى مەركەز مالىيەسى ئورمان ئېكولوگىيە ئۈنۈم تولۇقلىما فوندى تۈرىگە كىرگۈزۈشنى تەستىقلىغان . ‹‹شىنجاڭ ئۇيغۇر ئاپتونوم رايونىنىڭ دۆلەت دەرىجىلىك جامائەت پاراۋانلىقى ئورمانلىقىنى ئاسراش، قوغداش چارىسى ›› بويىچە ، بۇ ناھىيە بىر تۇتاش ئاسراش ، قوغداش تەدبىرلىرىنى قوللىنىپ ، دۆلەت دەرىجىلىك جامائەت پاراۋانلىقى ئورمانلىقىنى ئاسراش ، قوغداشنى كۈچەيتىپ ، ھەر بىر كىشىنى ئوتتۇرا ھېساب بىلەن 3000 ~ 10000 موغىچە ئورمانلىقنى قوغداشقا مەسئۇل قىلغان ، ھازىر بۇ ناھىيەدە توغراق قوغدىغۇچىلار جەمئىي 180 نەپەر، ماسلاشتۇرغۇچى ، باشقۇرغۇچى 10 نەپەر بولۇپ ، 15 ئورۇندا باشقۇرۇش ، قوغداش پونكىتى تەسىس قىلىنغان . قوغدىغۇچىلار ئۆزىنىڭ قوغداش، باشقۇرۇش دائىرىسى ئىچىدە ھەر ئايدا ئېلىپ بارغان چارلاش، تەكشۈرۈش ۋە تەشۋىقات پائالىيىتى 22 كۈندىن يۇقىرى بولغان، خادىملار ئۆزلىرىنىڭ تەۋەلىكىنى قەرەللىك ۋە قەرەلسىز ھالدا تەكشۈرۈپ، بايقالغان مەسىلىلەرنى دەل ۋاقتىدا ھەل قىلغان.
تۆۋەندىكى سۈرەتلەردە لوپنۇردىكى توغراق قوغدىغۇچىلارنىڭ تۇرمۇشىدىن كۆرۈنۈشلەر:
يوللىغان ۋاقتى 
يوللىغان ۋاقتى 
