پەرىلەر ماكانى مۇز تاغقا ساياھەت ( قۇياش فوتوسى )

kuyax

	ئالدىڭلاردا تۇرغان بۇ قارلىق چوققا مەنزىرلگاھسى ...يەنى پانىي ئالەمدىكى پەرىلەر ماكانى .... ئەمسە مەن بۇ توغرۇلۇق قىسقىچە چۇشەنچە بىرىپ ئۆتۈپ كىتەي ...      مۇزلۇق تاغ ئويتاغ بازىرىنىڭ ( ئاتۇش ئاقتۇ ناھىيەسىنىڭ چەت بازىرى ) غەرىبى تەرىپىدىكى قاتمال تاغلىق ئىچىگە جايلاشقان بولۇپ ، ئاقتۇ ناھىيەسى بىلەن بولغان ئارلىقى 100 كىلومېتىر ، قەشقەر شەھىرى بىلەن بولغان ئارلىقى 120 كىلومېتىر .  جۇڭگو-پاكىستان تاشيولىغا 20 كىلومېتىر ، قاتناش ئىنتايىن قولايلىق.     ئاقتۇ ناھىيەسىدىن چىقىپ، ئويتاغ تاغ ئېغىزىغا كەلگەندە  ئالدىڭىزدا ئۇزۇنىسىغا سوزۇلۇپ ياتقان يىلاندەك  بىر جىلغىلىق دەريا ئېقىنىنغا ئۇچىرايسىز . ئالدىمىزدىكى دەريا  سۇيى ئىقىنىغا قارشى يۆنىلىشتە  ماڭساق ئۇزۇن قالماي كۆكتە لەيلەپ تۇرغان ئاپپاق بۇلۇتلار ئىچىدە قەد كۆتۇرۇپ تۇرغان پانىي ئالەمدىكى پەرىلەر ماكانى بولغان ئاپپاق قاردىن لىباس كەيگەن مۇزلۇق تاغ ساياھەت رايونى كۆز ئالدىمىزدا نامامەن بولىدۇ . يولدا كىتىۋىتىپ يەنە تاغ باغرىغا جايلاشقان كەنتىلەردىكى  چىرايلىق ئەتلەسلەردىن كۆينەك كىيۋالغان  ئۆزلىرىنى تۇركىمەن دەپ ئاتايدىغان بىراق كىملىكىدە مىللىتىنى قىرغىز دەپ ئالغان قىرىنداشلار بىلەنمۇ بىردەم يىرىمدەم ھەمنەپەس بولۇشقا ۋاقىت ئاجىرتىمىز ئەلۋەتتە ...... ئەتىراپ شۇنچە گۈزەل ...ئادەمنى خىيالي چۇشلەرگە باشلاپ كىرىدۇ .... مەنزىلگاھغا ئازلا قالدۇق .....ھايات داستانىڭىزدا مەڭگۇلۇك ئەسلىمە بولۇپ قالدىغان بۇ مەنزىرلەردىن قانغۇچە ھۆزۇرلىنىڭ ........شۇنداق ......ئەتىراپ شۇنچە گۈزەل.... مانا ئاخىرى يىتىپ كەلدۇق ، بۇ مەنزىلگاھنىڭ كىرىش ئىغىزى ... . .    بۇيەردە تىك جىلغىلىق ھاڭلىق تاغلار ، قويۇق ئورماندەك قەد كۆتۇرۇپ تۇرغان مۇزلۇق چوققا، ئۆركەشلەپ ئىقىپ تۇرغان دەريا ، قەدىمى ئورمانزارلىق ، ھەر خىل قۇشلار ، گۈل-گىياھلارنى قەدەمدە ئۈچىرتالايسىز ، تۆت پەسىل ئىنىق ئايرىلغان ، مەنزىرسى ئادەمنى ئۆزىگە تولىمۇ مەپتۇن قىلدىغان تەبىئي مەنزىرە ساياھەت رايونى..... دىېڭىز يۈزىدىن ناھايتى ئېگىز بولغان كۆز ئالدىمىزدىكى بۇ مەنزىرىمۇ سىرلىق ھالدا ئۆزگىرىش ھاسىل قىلىپ قارلىق تاغ ئاسماننى يۆلەپ تۇرغان قەددى قەمىتى بەستلىك گىگانىت ئادەمگە ئوخشاپ قالىدۇ ، ئاياق ئاستىدىكى خۇش پۇراق ئوت چۆپلەر تىخىمۇ ئەۋرىشىملىشىپ مەيىن تاغ شامىلىدا توختىماي ئۇسسۇل ئوينىشىدۇ ، گۈللەرخۇش پۇراق چىچىپ ، قۇشلاربەس-بەستە يىقىملىق ۋىچىرلىشىپ سايراپ ئابدۇللا ئاكىمىزنىڭ ئادەمگە زو ئاتا قىلدىغان ناخشىلىرىنى ئەسلىتىدۇ . 7-8-ئاينىڭ ئولتۇرلىرى ئاقتۇ ناھىيەسىنىڭ ھاۋا تېمپېراتۇراسى 30 گىرادوستىن ئاشقان چاغدا بۇ يەرنىڭ ھاۋا تېمپېراتۇراسى 10-20 گىرادوستىن ئاشمايدۇ ، شۇڭلاشىقمۇ ياز كۇنلىرى بۇ يەرگە كىلدىغان ساياھەتچىلەرنىڭ ئايىقى ئۈزۇلمەيدۇ . بۇ يەردە ئادەتتىن تاشقىرى قويۇق ئۆسكەن ئىپتىدائي ئورمانلىق  بولۇپ، كۆز يەتكۇسىز بىپايان ئاق شەمشاد ، كۈن نۇرىنى توسۇپ تۇرغان ئارچا ، يەردىكى ئوت چۆپلەرنى تىخىمۇ زىننەتلەپ  تۇرغان سان-ساناقسىز قارىغاي مەدىكى ، شاخلاردا قىلىپقالغان قارىغاي ئۇرۇقى ئاجايىپ خۇش پۇراق بولۇپ ، ئوماق تىينلار ئۇ شاختىن بۇ شاخقا سەكىرەپ ئويناشقانلىرىنى كۆرلەيسىز ،  بۇ يەردە ئۆزىگىچە بولغان كۆمۇش رەڭ تۇلكە بولۇپ ، يەنە غىل پال يىلپىزنى كۆرگۇچىلەرمۇ بولغان بولۇپ بۇ يەرنىڭ گۈزللىكى ئادەمگە  خىيالي دۇنيانى ئەسلىتىدۇ . بەزىدە تىخى ھەيۋەتلىك شاۋقۇن ئاۋاز بىلەن قار كۆچىدۇ ، بۇ ۋاقىتلاردا يىراقتا تۇرۇپ كۆرسىڭىز ......ئاھ ....مەڭگۇ ئۇنتالمايدىغان مەنزىرە ........ تەبىئەت تىلسىز ، بىراق ئۇ ئۆزىنىڭ سىرلىق ئۆزگىرىشلىرى ئارقىلىق بىزگە دىمەكچى بولىۋاتقانلىقىنىمۇ  بەزىدە نامايەن قىلىدۇ ...كۆرىدىڭىزمۇ؟ كۆكتە لەيلەپ تۇرغان ئاق بۇلۇت يۇرەك شەكىلگە كىلىپ  بۇ سىرلىق ماكاننىڭ بىزنى تولىمۇ قىزغىن قارشى ئالىدىغانلىقىنى ئىپادىلىمەكتە .... ئەركىن پائالىيەت قىلساڭلار بولىدۇ ....خەتەرلىك جايلارغا بارماڭلار ، كىلىپ چىققان ئاقىۋەتكە مەن ئىگە ئەمەس .... بۇ يەردىمۇ نۇرغۇن قىرغىز قىرىنداشلار ساياھەتچىلەر ئۈچۈن ئۆي ئىجارە بىرىش ، قوي سويۇپ تاماق ئىتىپ بىرىشتەك  تىجارەت بىلەن شۇغۇللىنىدۇ .... يەنە تىك جىلغىلىق تاغلارنىڭ بويىدىكى تار يوللاردا قورىقماس جەسەر ئوغلانلىرىمىز ئىشەكلىرى بىلەن ئۆتۇپ كىتىپ بارغانلىقىنىمۇ كۆرەلەيسىز .   قانداقراق ! ھاردىڭلارمۇ ؟ ۋاقىتمۇ بىر يەرگە بارغان ئوخشايدۇ ، ئەمدى بۇ يەردىكى ئۇنتۇلماس مىنۇتلارغا خاتىمە بىرىپ قايتامدۇق ..... اللانىڭ موجىزلىرى ھەقىقەتەنمۇ ھەيران قالارلىق ، قاراڭ بۇ تاغلارغا ....خۇددى ئۇستا رەسسام بوياپ قويغان ماي بوياق رەسىمگىلا ئوخشايدۇ ...   قايتاشىىمىزدا يول بويىدىكى دەريا بويىدىن تىرىپ ئەكەلگەن ھەر خىل رەڭدار تاشلارنى سىتىپ ئولتۇرغان بۇ ئوماق قىرغىز قىزىنى كۆرگەندە ئەلۋەتتە بىلىپ بىلمەي ئۇنىڭ تاشلىرىدىن سىتىۋىلىشقىمۇ ئۇلگۇرسىز ...... قايتار يولىدا كىتىپ بارغىنىڭىزدا قاتمال تاغلىق ئىچىگە ، بوستانلىقنىڭ ئولتۇرسىغا جايلاشقان كىچىككىنە مەسچىتنى كۆرگەندە دىللىرىڭىز سۆيۇنۇپ كىتىدۇ ...توغرا ئەسىر ۋاقتىمۇ بولۇپ قاپتۇ ، مۇنبەر جامائىتى بۇ مەسچىتكە كىرىپ ئەسىرنى ئوقۇپ بولۇپ ئاندىن يولغا چىقايلى ........ ~~~~~~~~~~~~~~~~~~~~~~~~~~~~~~~~~~~~~~ قاراقاش ناھىيە ئورمانچىلىق ئىدارىسى

سەرتۇغ

	ئەھمىيەتلىك ساياھەت رايۇنىنى تۇنۇشتۇرغىنىڭىزغا تەشەككۇ.سۈرەتلرىڭىز ياخشى چىقىپتۇ.

VESAL

	گايى تاغلار رەڭ بەرگەندەك ئەجەپ رەڭدەركەن،بۇنداق تاغلارنى قەشقەردىن سانساكوغا بارغىچە كۆرەتتۇق.

shexla

	بۇ ئاچىمىز رەسىم تارتقانغا تويە دەپ ئۇرمىغاندۇ -ھە! بەك چىرايلىق مەنزىرىلەركەن ،ھازىرلا بارغۇم كېلىپ كەتتى دىسە.

zamzam

	دوسلىرىمغا شۇنداق دىدىم نەچچە قېتىم: ‹ئەگەر دىيارىيمىزدىكى ئېسىل رەسىملەردىن ھوزۇرلىناي دىسەڭلار تەڭرىتاغ مۇنبىرىگە كىرىڭلار.›

marbiya

	رەسىملەر شۇنداق ياخشى تارتىلىپتۇ، كىشىنى خۇددى شۇ يەرگە ساياھەتكە بارغاندەك ھىس قىلدۇردى. بولۇپمۇ «نامسىز ساياھەت يېتەكچىسى» مېىنى تېخىمۇ قايىل قىلدى. ھەقسىز مۇلازىمىتىڭىزدىن تولىمۇ مەمنۇن بولدۇق. رەھمەت سىزگە!

halpambag

	سۈرەتلرىڭىز ھەقىقەتەن ياخشى چىقىپتۇ.

uyghun

	پاھ .. سۈرەتلىرڭىزنىڭ ھەممىنى يوللاپ بولمىغانسىز-ھە؟،مۇشۇنداق ياخشى سۈرەتلىرڭىزنى يوللىشىڭىز توختاپ قالمىغاي.

serjat

	دىيارىمىزنىڭ گۈزەل مەنزىرىلىرىدىن ھوزۇرلاندۇرغىنىڭىزغا كۆپتىن-كۆپ رەھمەت.

gulpira

	سۇرەتلىرىڭىز بەك ياخشى چىقىپتۇ. سىزگە ئۇتۇق تىلەيمەن.

吐鲁汗

	ئاپىرىن. ھەقىقەتەن سۈرەتلەرنى ياخشى تارتىپسىز، بولۇپمۇ ئىككى ئايال بىر بالىنىڭ سىزگە قاراپ تۇرغان سۈرىتى سۇنداق تەبئىي چىقىپتۇ، ئارقا كۆرنىشىمۇ ئۇلارنىڭ كىينىشى ۋە چىراي ئىپادىسىگە ماس كەپتۇ.مانا بۇ ھەقىقى ئوبراز،ئۈز مەنىسىنى تاپقان سۈرەت، بىز تولا ھاللاردا  زومۇ-زو كىشىلەرنى كۈلدۈرۈپ سۈرەتكە تارتىشنى ياخشى كۆرىمىز،بۇنداق سۈرەت تارتىشقا ئادەتلىنىپ قالساق  كىشىلەرنىڭ روھى ھالىتىنى ئەينەن  ئىپادىلەپ بېرىشتە ساختىلىقنى ئارلاشتۇرۇپ قويۇشتىن خالى بولالمايمىز.تىخىمۇ نادىر سۈرەتلەرنى تارتىشىڭىزغا تىلەكتاشمەن.

ah~tilek

	سۈرەتنى شۇنداق سۈزۈك تارتىپسىز سىزنىڭ سۇرەت تارتىش ماھارتىڭىزگە قايىل بولدۇم . نىمە دىگەن گۈزەل مەنزىرلەر بۇ

Almas999

	بۇ سۈرەتلەر ھەقىقەتەن ياخشى تارتىلىپتۇ.مەنزىرىلەرمۇ ناھايتى ياخشى تاللىنىپتۇ. بىر-بىرىدىن قېلىشمايدىكەن.

haltakoqa

	سۈرەتلەردە ئوخشاش نۇقتىلار كۆپكەن، بىر ئوخشاش مەزمۇن تەسىراتى بىرىدىكەن، بولۇپمۇ ئاسمان، بۇلۇت مەنزىرىسى بەك كۆپ. يەنىمۇ يېڭىلىق يارىتىڭ.

kurban

	تولىمۇ ھوزۇرلاندىم، ئەجرىڭىزگە كۆپ رەھمەت.

詹姆斯-邦007

	kurban يوللىغان ۋاقتى  2012-1-25 11:57 تولىمۇ ھوزۇرلاندىم، ئەجرىڭىزگە كۆپ رەھمەت. دەرۋازىسىدىن  يەرلىك   مىللەتلەرنىڭ  مىللەتلەرنىڭ  مەدەنىيىتى  ئەكس  ئەتمەپتۇ.  مەبلەغ  سالغۇچىلار  ئەھمىيەت   بىرىدىغان   ئىشلاربۇ   ئەسلىدە.

詹姆斯-邦007

詹姆斯-邦007

	ياخشىكەن

nargiz

	ئادىلجان سۇرەتلىرىڭىزنى مۇنبەردە قايتا كۇرۇپ خوش بولدۇم  توختاپ  قالماڭ

alimjan

	پاھ نىمە دىگەن گۇزەل   رەھمەت