بۇ سۆز ماركا قىلىشقا مۇۋاپىقمۇ؟

لوپنۇرى

	بۇ سۆز ماركا قىلىشقا مۇۋاپىقمۇ؟ يېقىندا تور ئارىلاۋىتىپ“لوپنۇرلۇقلار“ دېگەن نامنىڭ مېۋە كونسىرۋاسىنىڭ ماركا نامى قىلىنىپ تىزىمغا ئالدۇرۇلغانلىقىنى بايقاپ قالدىم. بۇنى “ خۇاۋېي خەلقئارالىق بىلىم-مۈلۈك ھوقۇقى چەكلىك شېركىتى “ دېگەن بىر شېركەت تىزىمغا ئالدۇرۇپ،سېتىش ئۈچۈن لاھىيەلەپ تەييار قىپتۇ. بۇرۇنمۇ مۇشۇنىڭغا ئوخشاش ئۇيغۇرلارنىڭ مەدەنىيەت،ئۆرپ-ئادەت ۋە يەر ناملىرىغا مۇناسىۋەتلىك ناملارنىڭ قاملاشمىغان مەھسۇلاتلارغا ماركا نامى قىلىنغانلىقى ھەققىدىكى تالاش-تارتىشلار تور ۋە مەتبۇئاتلاردا كۈچلۈك ئىنكاس قوزغىغان ئىدى. مېنىڭچە،“لوپنۇرلۇقلار“ دېگەن بۇ نامنىڭ مېۋە كونسىرۋاسىنىڭ نامى قىلىنغانلىقى تازا ئەقىلغە مۇۋاپىق ئەمەس.نېمە ئۈچۈن دېگەندە: بىرىنچىدىن،لوپنۇرلۇقلار قەدىمدىن تارتىپلا چارۋىچىلىق، ئوۋچىلىق، بېلىقچىلىق ئىگىلىكى بىلەن شۇغۇللىنىپ كەلگەن خەلق،باغۋەنچىلىك بىلەن كەڭ تۈردە شۇغۇللانغانلىقى ھەققىدە ھازىرغا كەلگۈچە ئېنىق بىر مەلۇمات يوق.بۇ نۇقتىدىن قارىغاندا بۇ نامنىڭ مېۋە كونسىرۋاسىغا ماركا نامى قىلىنىشى تارىخى چىنلىققا ئۇيغۇن ئەمەس. ئىككىنچىدىن، لوپنۇردىن نان،گۆش تۈرىدىكى ئالاھىدە يېمەكلىكلەر چىقىدۇ. شىنجاڭنىڭ باشقا جايلىرىغا ئوخشاش ئالاھىدە مېۋە-چىۋىلەر چىقمايدۇ. مەسىلەن: ئاتۇشتىن ئەنجۈر،قەشقەردىن ئانار،خوتەندىن ياڭاق،غۇلجىدىن ئالما دېگەندەك. شۇڭىلاشقا، بۇنامنىڭ قويۇلىشى لوپنۇرنىڭ يەرلىك ئىشلەپچىقىرىش پائالىيىتى بىلەن يەنىلا ماسلاشمايدۇ. ئۈچىنچىدىن،“لوپنۇرلۇقلار“دېگەن بۇ نام لوپنۇر رايۇنىدا ياشىغان كىشىلەرنىڭ ئورتاق نامى بولۇپ،باشقىلارنىڭ مەدەنىيەت نامىنى مېۋە كوسىرۋاسىغا ماركا نامى قىلىپ قوللىنىش يەنىلا ئەقىلغە مۇۋاپىق ئەمەس. تۆتىنچىدىن، لوپنۇر قەدىمىي يۇرت.لوپنۇرلۇقلارنىڭ قەدىمدىن تارتىپ ياراتقان ئۆزگىچە مەدەنىيىتى دۆلىتىمىزدىلا ئەمەس،خەلقئارادىمۇ نۇرغۇن ئالىملارنىڭ كۈچلىك قىزىقىشىنى قوزغىغان. ھەمدە لوپنۇر ۋە لوپنۇرلۇقلارنى تەتقىق قىلىش دولقۇنىنى كۆتۈرەلىگەن. مانا مۇشۇنداق نامى خەلقئاراغا داڭلىق يۇرت ۋە قەدىمكى مەدەنىيەت پۇرىقى كۈچلۈك نامنىڭ مېۋە كونسىرۋاسى تۈرىدىكى ئادەتتىكى بىر يېمەكلىككە نام قىلىپ قوللىنىشى بۇ جاينىڭ يۈزىگە چۈشكەن داغدىن باشقا نەرسە ئەمەس. مەن يۇقىردا ئۆزۈمنىڭ بۇ ھەقتىكى قاراشلىرىنى دەپ باقتىم .قېنى تورداشلار سىلەرمۇ بۇ ھەقتىكى كۆز قارىشىڭلارنى دەپ باقايسىلەر. بۇنىڭغا مۇناسىۋەتلىك ئەسلى ئۇچۇرلار تۆۋەندىكى ئادىرىستا: http://www.huaweitm.com/zr29/3461694.html

naxput

	بولمايدۇ، چۇنكى بۇتوغرۇلۇلق دولەتنىڭ بەلگىلمىسى  بارغۇ؟؟؟؟؟؟  بولسا لوپنۇر ناھيىسىدىكى مۇناسىۋەتلىك تارماقلار   ۋاختىدا تەدبىر قوللۇنۇپ، بۇنداق ئىشلارنىڭ ئالدىنى ئالغىنى ياخشى.

uyghun

	naxput يوللىغان ۋاقتى  2012-1-23 15:15 بولمايدۇ، چۇنكى بۇتوغرۇلۇلق دولەتنىڭ بەلگىلمىسى  بارغ ... سىز دىگەن ئاشۇ تارماقلار ئەھمىيەت بىرەرمۇ؟ ھەي-تاڭ.

VESAL

	بىېيجىڭدىن بىر تال مارۇژنى ئىلىپ،يۇرتۇمىزغا كەلگۇچە،مارۇژنى ئىرىپ كەتكەندەكلا،مۇناسىۋەتلىك تارماقلارنىڭ بۇنچىلىك ئىشلارغا بەك كۆڭۇل بۆلۇپ كىتىشى ناتايىن.

uyghur

	چۈجىگە ئايلانغان تۆگە دېگەن ئەسەرنى ئوقۇغانمۇ ؟ بېيجىڭدىن شىنجاڭغا بىر تۆگە سوۋغا قىلسا ، شىنجاڭغا كەلگۈچە چۈجىگە ئايلىنىپ قالىدىكەن .

haltakoqa

	بۇنىڭغا جىددى تەدبىر قوللىنىش كىرەك. بۇ ئىشنى مۇناسىۋەتلىك تارماقلارغا ئىنكاس قىلسا ۋاقتىدا تۈزەتكىلى بولىدۇ.     بىزنىڭ يۇرتتىمۇ بىر ھاراق شىركىتى «نورۇز» دىگەن نامنى ھاراققا ماركا قىپتىكەن، بۇ بىزنىڭ ئەنئەنىۋى بايرىمىمىز بولغاچقا، مۇناسىۋەتلىك تارماقلار دەرھال تەدبىر قوللۇنۇپ، بۇنى ئەمەلدىن قالدۇرغان، ھازىر ھاراق شىركىتى ماركا نامىنى باشقا نامغا ئۆزگەرتتى

gulpira

	شۇنداق بۇ ئىشقا جىددى تەدبىر قوللىنىش كىرەك.

halpambag

	ھە..ي ..ي.. سىز دىگەن ئاشۇ تارماقلار ئەھمىيەت بىرەرمۇ؟ ھەي-تاڭ.

sabirjan

	بۇ ئىشنى جىددى تۇزتىش لازىم

努尔艾力江

	مۇشۇ ماركىنى تىزىمغا ئالدۇرغانلارنىڭمۇ كاللىسى يوقمىدۇ، «لوپنۇرلۇقلار» دىگەن ئىسىم مەنە جەھەتتىنمۇ خەلق ئاممىسى، بىر توپ جامائەتكە قارىتىلغان مەنىنى بىلدۈرىدىغان تۇرسا ماركا قىلىپ ئىشلىتىەمدۇ دەيمەن. بۇ خۇددى ئوقۇغۇچىلار، چوڭلار، كىچىكلەر دىگەنگە ئوخشاش گەپكەنغۇ؟ شۇمۇ ماركا بولدىما ئەمدى؟! ئەسلىدە بۇ شىركەت ئىشلەتكەن ئادەملەر ۋە ئىشلىگەن ئادەملەر «دۆت» ئىكەن.

Dilzat`mustafa

	uyghur يوللىغان ۋاقتى  2012-1-23 18:50 چۈجىگە ئايلانغان تۆگە دېگەن ئەسەرنى ئوقۇغانمۇ ؟ بېيجى ... قىززىق ...بۇنى دەششەت ئوبىرازلىقلاشتۇرۇپتىغۇ....ئاڭلاپ باقماپتىكەنمەن.....

ajiakbar

	VESAL يوللىغان ۋاقتى  2012-1-23 16:02 بىېيجىڭدىن بىر تال مارۇژنى ئىلىپ،يۇرتۇمىزغا كەلگۇچە، ... لوپنۇرغا كەلگىچەچو؟

ajiakbar

	كەپترنىڭ تۇخىمى قالارمۇ ياكى پاشا بولۇپ كىلەرمۇ؟

qaynam

	بۇنداق ماركىلار كۆپكەنغۇ . پامىر ماركىسىغا قاراڭ http://www.huaweitm.com/zr29/3461218.html

VESAL

	ajiakbar يوللىغان ۋاقتى  2012-1-29 16:38 لوپنۇرغا كەلگىچەچو؟ لوپنورغا كەلگۇچە مارۇژنىنى ئىلىپ كەلگۇچى قىرىپ كىتەر

نىدائىي

	ناۋادا دۆلەتنىڭ بەلگىلىمىسى يولغا قويغان تەقدىردىمۇ ماركا قىلىپ ئىشلىتىشكە بولمايدۇ. چۈنكى ماكا قىلىپ ئىشلىتىدىغان سۆزلەر ئالدى ئوبرازلىق بولۇشى، ئامال بار ئىككى بوغۇمدىن تەركىب تېپىشى، ئاسان ئەستە قېلىشى، كۆپلۈك قوشۇمچىلىرى قوشۇلماسلىقى كېرەك.    بۇ ‹‹لوپنۇرلۇقلار›› دېگەن سۆزنى ماركا قىلىپ قىلىپ قوللانسا بىرىنچىدىن بۇ سۆز تۆت بۇغۇمدىن تەركىب تاپقان، ئۇنىڭ ئۈستىگە ‹‹لار›› دېگەن كۆپلۈك قوشۇمچىسى قوشۇلۇپ قالغان.    بۇ سۆز ماركا قىلىپ قوللىنىش ئۈچۈن ‹‹لوپ››، ‹‹لوپنۇر›› دېگەن سۆلەرنى ئىشلەتسە ئەڭ مۇۋاپىق. چۈنكى لوپنۇرنىڭ بۇرۇنقى نامى ‹‹لوپ›› دەپ ئاتالغان.

milan

	ھازىر مۇشۇنداق ئۆزىمۇ مەنىسىنى بىلمەيدىغان ئىسىملارنى قويۇۋالدىغان شەخىس، كارخانىلار جىقلاپ كېتىپتۇ. بۇ گۇيلارغا ئىسىم ياساپ سېتىپ پۇل تاپىدىغان ئىشمىكىنە-يا؟ بەرىبىر بۇ خەق مەنىسى بىلەن ئېيتىشمىغاندىن كېيىن بىرەر ئىش چىقماس.

sarsanroh

	بۇ ئىسىمنى ھەرگىز ماركا قىلشقا بولمايدۇ!

igilmes

	قانۇنى ئاساسلار ئارقىلىق چىڭ تۇرسا چوقۇم ئاقىدۇ دوسلار

Erkman

	ھامىلىدارلىقتىن ساقلىنىش قاپچۇقىغا «گۈلى» دەپ ماركا قوللانغاندىن ھەر ھالدا ئوبدانراق ئىكەن!