ئىشق ھەۋەسلىرىدىن ۋاز كېچىڭلار ياشلار!

Erkman

	ئىشق ھەۋەسلىرىدىن ۋاز كېچىڭلار ياشلار!     تېمىمىز مەركىزى ئىقتىسادىي، ئىجتىمائىي تەرەققىيات كەلتۈرگەن تۈرلۈك-تۈمەن ھادىسىلەر سەۋەبلىك ئائىلىلەرنىڭ بۇزۇلۇشىنى چۆرىدەپ ھەم بۇنىڭدىن ئىبرەتلەر ئېلىشنى مۇددىئا قىلىپ يۈرۈشسە مەقسەتكە يەتكەن بولىمىز. ئاشۇ تۈرلۈك-تۈمەن سەۋەبلەر تۈپەيلى ياش ئەر-خوتۇنلارنىڭ قىل سىغمىغىدەك، شامال-تامچىلار ئۆتۈشمىگىدەك ئارىلىرىغا چاك كېتىۋاتقىنى ھېچكىمگە سىر ئەمەس. ئا ھ ج ( ئامېرىكا ھوقۇقشىناسلار جەمئىيىتى) نىڭ دوكلاتىدا، يەر شارىدا ئاشۇ سەۋەبلىك ئاجرىشىشلار كۆپەيمەكتە ئىكەن. يەر شارى خاراكتېرلىك بۇ ئىللەت يۇرتىمىزدا، ئادەملىرىمىز ئارىسىدا كۆپ يىللاردىن بېرى يامراپ باردى. دوختۇرخانىلارغا بارغانلىرىمىزدا ھەممىلا ئادەم بىمار كۆرۈنگىنىگە ئوخشاش، خەلق ئىشلىرى تارماقلىرىغا، سوت مەھكىمىلىرىگە بارغۇدەك بولساق، شۇنداق ياشلارنى كۆپ ئۇچرىتىپ، ھەممىلا ئادەم ئاجرىشىپ كېتىۋاتقاندەك تۇيغۇغا كېلىپ قالىمىز. كىچىك ئوغلۇمنىڭ سىنىپىدا بىر بالا بار، ئاتا-ئانىسى مەندىن ياش، بۇ بالىنىڭ ئانىسى مۇئەللىمە، ئاتىسى خېلىلا باي تىجارەتچى ئىكەن. ئانا شەھەرنىڭ بىر چېتىدىكى مەھەللىدە ئولتۇرسا، ئاتا يەنە بىر مەھەللىدە ئېگىز بىنادا ئولتۇرىدىكەن، 14 ياشقا تولمىغان ئوغۇل ئۆزى يالغۇز 100 كۋادراتمېتىردىن ئاشىدىغان ئۆيدە (باشقا بىر مەھەللىدە) تۇرىدىكەن. ئاتا بۇ بالىغا ھەر ئايدا خېلى نۇرغۇن پۇل بېرىدىكەن، ئۈچ ۋاق غىزاسى سىرتتا، ئۆزى مەكتەبكە بېرىپ-كېلىدىكەن. ئىچىدىكى دەردلىرىنى ئوغلۇمغا سۆزلەپ بېرىدىكەن. ئۆي غىزاسى بېرىش ئۈچۈن باشلاپ كەل، دەپ ئوغلۇمغا ئېيتسام، ئۇ بالىنىڭ غۇرۇرى كۆتەرمەي كەلگىلى ئۇنىماپتۇ. يامغۇرلۇق بىر كۈنى بۇ بالىنىڭ ئانىسى ئوغلى بىلەن مېنىڭ ئوغلۇمنى ئېسىل (كامرىي) ماشىنىسىدا ئەكىلىپ قويۇپ قايتىپ كېتىپتۇ. ئوغلۇمغا ئۆز ئوغلى بىلەن ياخشى دوستلاردىن بولۇپ ئۆتۈشنى تاپىلاپ يىغلاپ بېرىپتۇ. بالىنىڭ ئاتىسى يېقىندا ئۆيلىنىۋاپتۇ ... مەن بىر ئەمەلىي مىسالنى كەلتۈردۈم! باشقۇرغۇچىلار تەستىقلاپ قويسا، مۇنبەرداشلار ئەقلىي پىكىرلىرىنى بەرسە ...

Erkman

	بور ئىچمە، زىنادىن سەن ئەيلە ھەزەر، بۇ ئىككى چىغايلىق تونىنى كەدەر. بۇ بوردىن قوپار مىڭ يازۇققا يۈرەك، زىنادىن قاچار قۇت يۈزۈڭە سۇدەر.

Barcelona

	تۇل ئاياللار ، تەربىيەسىز قالغان پەرزەنتلەر توغرىلىق ئاپتونوم رايونلۇق ئاياللار بىرلەشمىسىنىڭ مۇشۇ قېتىمقى سىياسىي كېڭەش يىغىنىغا سۇنغان تەكشۈرۈش دوكلاتى باردەك .  كۈلەش ئابدۇللانىڭ مۇشۇ مەسىلە توغرىسىدا بەرگەن تەكلىپلىرىمۇ خېلى نۇرغۇن تارماقلارغا چېتىلىپتۇ .

Erkman

	Barcelona يوللىغان ۋاقتى  2012-1-19 18:15 تۇل ئاياللار ، تەربىيەسىز قالغان پەرزەنتلەر توغرىلىق  ... بولسا شۇنداق بىر زامان كەلسىدى، ياشلار ئۆزىنى تۇتۇۋالىدىغان

BadBoy

	ئېتىقادلىق ئائىلىلەرنىڭ  نىكاھ ئاساسى كۈچلۈك دەپ قارايمەن. ئائىلە كرىزىسى يۈز بېرىشنىڭ ئىھتىماللىقىمۇ ئاز بولىدىكەن.

gulpira

قاراقاش

	دىمىسىمۇ بۇنداق ئىشلار جەمىيىتىمىزدە  كۆپ ئۆيىدە تاتلىق ناۋاتنى يىمەي سىرىتتا يۇندا يالايدىغان ئىشلار نۇرغۇن.شۇ ياشلىرىمزنىڭ كۆڭلىگە ئىنساپ بەرسۇن

kurban

	Erkman   ئەپەندى،تېمىڭىزغا تەشەككۈر! راست ئېيتىسىز، جەمىتىمىزدە بۇنداق ئىشلار مەۋجۇت. بۇ يەردىكى بىر ئەقلىي يەكۈن: ئەخلاق ۋە ئېتىقات بىر مىللەتنىڭ مەۋجۇت بولۇپ تۇرىشىنىڭ ئاساسىدۇر.

يىلتىز

	چاۋاك ئىككى قولدىن چىقىدۇ، ئائىلىدە ئەر -ئايال بىر - بىرىگە سادىق بۇلۇشى، بىر -بىرىنى ھۆرمەتلىشى، بىر -بىرگە ئەپۇچان بۇلۇشى، ئىش قىلغاندا ھىسياتقىلا تايانماي ئىقىلگە تايىنىپ، پەرزەنتنى ئالدىنقى ئورونغا قويغان ئاساستا ئاجرىشىش ياكى ئاجراشماسلىق ئۇستىدە ئەتراپلىق ئويلاشقاندىن كىيىن ئاندىن ھۆكۈم چىقىرىش لازىم، ھەرگىزمۇ يەڭگىلتەك قىلىشقا بولمايدۇ، بۇنداق بولغاندا ئەڭ زىيان تارتىدىغىنى يەنىلا پەرزەنت بولىدۇ .

nargiz

	ھەممىڭلار ھەر  خىل ئىنكاسلارنى يازىسىلەر بىزدەك بېشىغا كەلگەنلەرلا بىلىدۇ ئەر كىشى بۇزۇلغاندا  ،تالاغا  قارىغاندا ھەتتا  ئاتا-ئانا ئاكا -ئاچىنىڭمۇ  گېپى تېتىمايدىكىن ئايالنىڭمۇ بارلىق تىرىشچانلىغى  ،پەقەت بىھۇدە ئاۋارىچىلىقككەن خالاس . كونىلارنىڭ‹‹ئاخماقنى توسماڭ ،ھارغاندا توختار›› دىگەن گېپى بەك توغرىكەن ئاخىرى ئۆزى كىلىدىكەن مەن بارلىق ئەر مۇنبەرداشلىرىمدىن ئايالىرىنى قەدىرلەشنى ،ئۈلارنىڭ كۆزىدىن ياش چىقارماسلىقنى ئۈتۈنىمەن

Erkman

	BadBoy يوللىغان ۋاقتى  2012-1-19 20:10 ئېتىقادلىق ئائىلىلەرنىڭ  نىكاھ ئاساسى كۈچلۈك دەپ قارا ... ئېتىقاد دەپ نېمىگە دېگىنىڭىزنى بىلىمەن، مەن دەۋاتقانلار ئىچىدە جۈمە نامازىنى قازا قىلمايدىغان، ھەر سۆزلىرىدە ئاللاھنى ئاغزىدىن چۈشۈرمەيدىغانلار بار!

ئىپار

	خۇدا شۇ ئەرلىرىمىزنىڭ كۆڭلىگە ئىنساب بەرسۇن، شەيتانلارنىڭ ئېزىقتۇرىشىغا ئازمىسۇن!شۇ شىرىن پەرزەنتلەرنىڭ خۇشاللىقى ئۆچمىسۇن!

Erkman

	ئىپار يوللىغان ۋاقتى  2012-1-21 11:23 خۇدا شۇ ئەرلىرىمىزنىڭ كۆڭلىگە ئىنساب بەرسۇن، شەيتانلا ... تۇرمۇشلۇق بولغان ياش چوكان-جۇۋان، كېلىنچەك-ئانىلارمۇ ھەم!

VESAL

	ھەقنى، ھەقىقي تونىيدىغان ئادەمگە قىز بەرسە،كىلىشەلىسە ئۆيتۇتۇپ كىتىدۇ،كىلىشەلمىسە ئايالىغا زۇلۇم قىلمايدۇ.ئەمما ئۇنداقلارنى تىپىش،دېڭىزدىن يىڭنە ئىزدىگەندەكلا بىر ئىش.

qolarkisi

	خۇدايىم  توۋا.................

risan

	Erkman يوللىغان ۋاقتى  2012-1-20 19:23 ئېتىقاد دەپ نېمىگە دېگىنىڭىزنى بىلىمەن، مەن دەۋاتقان ... ئۇ دىگەن «چاپان»،ئېتقاد ئەمەس!ئۇنىڭ ئوقۇغان جۈمە نامىزى ئاشۇ نەپسنى يامان ئىشتىن توسقان چاغدىلا ئتقادى بار دىسەك بولارمىكىن دەيمەن!

risan

	«يېڭى»نى تاپقاندا «قەدىناس»نى«ئوت»قا تاشلاپ تۈتۈنسىز ئوتتا كۆيدۈرۈپ،تۈگىمەس دەرد-ئەلەمگە دۇچار قىلىش ئازراقلا پۇل تاپقان «باي»لارنىڭ خەتەرگە يۈزلىنشىدۇر.بۇنداق ۋاقىتلىق خۇشاللىقنىڭ نەتىجىسى  پۇشايمان بىلەن ئاخىرلىشىدۇ! قانداق دىدىم ئەركمان ئەپەندى؟

risan

	«يېڭى»نى تاپقاندا «قەدىناس»نى«ئوت»قا تاشلاپ تۈتۈنسىز ئوتتا كۆيدۈرۈپ،تۈگىمەس دەرد-ئەلەمگە دۇچار قىلىش ئازراقلا پۇل تاپقان «باي»لارنىڭ خەتەرگە يۈزلىنشىدۇر.بۇنداق ۋاقىتلىق خۇشاللىقنىڭ نەتىجىسى  پۇشايمان بىلەن ئاخىرلىشىدۇ! قانداق دىدىم ئەركمان ئەپەندى؟

Erkman

	risan يوللىغان ۋاقتى  2012-1-24 22:51 «يېڭى»نى تاپقاندا «قەدىناس»نى«ئوت»قا تاشلاپ تۈتۈنسىز ... ئالامەت جايىدا گەپ بولدى بۇرادەر!