بورھان ھەمدۇل لوپنۇر ناھىيەسىدىن بولۇپ ، 2000 -يىلىدىن باشلاپ فوتو سۈرەت كەسپىگە ئىشتىياق باغلىغان ناھايىتى قىزغىن ياش فوتوگرافلىرىمىزنىڭ بىرى . ھازىرغا قەدەر ئۇ « جوڭگۇ فوتو سۈرەت گېزىتى » ، « جوڭگۇ مىللەتلەر ژورنىلى » ، « شىنجاڭ گېزىتى » ، « شىنجاڭ سۈرەتلىك ژورنىلى » قاتارلىق گېزىت ژورناللاردا 350 پارچىدىن ئارتۇق ئەسەر ئېلان قىلغان ھەم بىر قىسىم ئەسەرلىرى مەملىكەتلىك ۋە شىنجاڭ ئۇيغۇر ئاپتونۇم رايونلۇق فوتو سۈرەت كۆرگەزمىسىدە مۇكاپاتقا ئېرىشكەن . ھازىر ئۇ شىنجاڭ ئۇيغۇر ئاپتونۇم رايونلۇق فوتوگرافلار جەمئىيىتىنىڭ ئەزاسى ، شىنجاڭ ئۇيغۇر ئاپتونۇم رايونلۇق فولكلور فوتو سۈرەتچىلەر جەمئىيىتىنىڭ ئەزاسى ، باغراش ناھىيەلىك سودا-سانائەت مەمۇرىي باشقۇرۇش ئىدارىسىدا خىزمەت قىلىدۇ . بۇ جاسارەتلىك ياش ئۆز يۇرتىنىڭ بىپايان كەڭ زىمىنلىرىدە سانسىز ئىز قالدۇرغان بولۇپ ، تارىم دەرياسىنىڭ تۆۋەن ئېقىنلىرىنىڭ مۇرەككەپ جۇغراپىيىلىك ئورۇنلىرىنىڭ بىلمەيدىغان يېرى يوق دىسىمۇ ئارتۇقلۇق قىلمايدۇ . ئۇ بۇ زىمىنغا ئايىغى ئۇزۇلمەي كەلگەن دۆلەت ئىچى ۋە سىرتىدىكى داڭلىق فوتوگرافلار ئۇچۇن خالس « يول باشلىغۇچى » دۇر . ئۇلارنىڭ « توغراق » ، « تەكلىماكان قۇملۇقى » ، « تارىم دەرياسى » قاتارلىق تېما ئاساس قىلىنغان فوتوفرافىيە ئەسەرلىرىنىڭ مۇكاپاتقا ئېرىشىپ ، سان شەرەپ قۇچۇشىنىڭ ئارقىسىدا دەل بورھان ھەمدۇلنىڭ پىداكارلىك روھى يوشۇرۇنغان . قىزىقىشىمىزنىڭ ئوخشاش بولغانلىقىدىن مەن ئۇنىڭدىن ئىنتايىن پەخىرلىك تۇيغۇسى ھېس قىلىمەن . ئۇنىڭ فوتو سۈرەت ئەسەرلىرىنى مۇنبەردىكىلەرنىڭمۇ ھوزۇرلۇنىشى ئۈچۇن ئالاھىدە سۇندۇم .
| 
يوللىغان ۋاقتى 2012-1-10 15:19:14
