ئىنكاسنى پۇل تۆلەپ يازمايمىزغۇ ؟
ئەسسالامۇ ئەلەيكۇم ھۆرمەتلىك مۇنبەر ئەھلى ھەممىڭلارغا مەندىن ئوتلۇق سالام ! ئەزا بولمىغان سىرتتىن مۇنبەرنى كۆرۈۋاتقانلارغىمۇ سالام كەتتى ھە ! ئەمدى گەپكە كەلسەك ، تەڭرىتاغ مۇنبىرى ئېچىلغان قىسقىغىنە مابەينىدە ھەممىمىزنىڭ كۈچلۈك قوللاپ - قۇۋۋەتلىشى نەتىجىسىدە نۇرغۇنلىغان يېڭىلىقلار بارلىققا كېلىپ ، مۇنبەرنىڭ تەسىر دائىرىسى بارغانسېرى كېڭەيدى دەپ ئويلايمەن . بۇنى ھەممىمىزنىڭ ئورتاق تىرىشىشىدىن ئايرىپ قارىغىلى بولمايدۇ ئەلۋەتتە . يېقىندىن بۇيان ، مۇنبەردە خېلى ياخشى تېمىلار مەيدانغا كېلىپ ، مۇنبەرنىڭ نادىر تېمىلىرىنى بارلىققا كەلتۈرگەن بولسىمۇ بىراق بۇ ئېسىل تېمىلارغا چۈشكەن ئىنكاسلار ناھايىتى ئاز بولدى ، جۈملىدىن مەنمۇ ئۆزۈمدە خېلى ياخشى يازدىم دېگەن بىر نەچچە تېمامغا چۈشكەن ئىنكاسلارمۇ مېنى قاتتىق ئۈمىدسىزلەندۈردى . مەن تېخى مۇنبەردە خېلى كۆپ ئىنكاس چۈشۈپ ، بۇنىڭدىنمۇ ياخشى تېمىلار بارلىققا كېلىدۇ دېگەن تېمىلىرىمنىڭ << تاينى >> يوق بولدى . نېمىشقا ئىنكاس چۈشمەيدىغاندۇ دەپ ئويلاندىم ، ياكى يازغان نەرسىلىرىمنىڭ ئەھمىيىتى يوقمىدۇ دېگەننىمۇ كۆپ ئويلاندىم ، سىلەر دەپ بېقىڭلار ، نېمىشقا ئىنكاس يازمايسىلەر ؟
بۇنداق دېيىشىم مېنىڭ تېمامغا ئىنكاس يېزىڭلار دېگىنىم ئەمەس بەلكى باشقىلارنىڭ جاپا تارتىپ قىلغان ئەمگىكىگە ئازراق بولسىمۇ ھۆرمەت قىلىپ قويۇڭلار . ئىككى - ئۈچ قۇر ئىنكاس يېزىپ قويساڭلار ھېچنىمە بولمايسىلەر ، بەلكى قولۇڭلار ئۇيغۇرچە خەت بېسىشقا تېخىمۇ كۆنىدۇ . ئەتىگەندىن كەچكىچە مۇنبەردە ئولتۇرۇپ ، باشقىلارنىڭ تېمىلىرىنى كۆرۈپ ، بىرەر تال ئىنكاس يېزىپ قويۇشقا يارىمىساق بولمايدۇ دە . چ چ دا توختىماي سۆزلىشىمىزيۇ ، بىزگە بىلىم بېرىۋاتقان ، بىزگە زوق بېرىۋاتقان ، مىللەت ، ئەنئەنە ، مەدەنىيەت ئۆگۈتۈۋاتقان ئاشۇ ئەزالىرىمىزغا ئازراق بولسىمۇ ئىلھام ، مەدەت بەرسەك ، مېنىڭ دېگەن گېپىمنىڭمۇ خاتاسى يوقتۇ ؟ ئەگەر بىز شۇ ئەزاغا ئىلھام ، مەدەت بەرسەك ، ئۇ چوقۇم ئۇنىڭدىنمۇ ياخشى تېمىلارنى مۇنبەرگە تۆكۈشى مۇمكىن .
جىق سۆزلىۋەتتىم ، لېكىن ئىچىم راست قايناپ قالدى ، ئىنكاسنى پۇلغا ساتامدىغاندۇ دەپ ئويلاپمۇ قالدىم ، شۇڭا مۇنبەر ئەزالىرى خاپىلىساڭلارمۇ چاتىقىم يوق ، يېقىندىن بۇيان خىزمىتىم ئالدىراش بولغاچقا ئۆزۈممۇ ئىنكاسنى كۆپ يېزىپ كېتەلمىگەنىدىم ، مانا بۈگۈندىن باشلاپ ئىنكاسنى كۆپرەك يېزىشقا تىرىشىمەن ، بۇ جەھەتتىن ئۆزۈمنى ئېتىراپ قىلىمەن . بولسا مۇنبەر ئەزالىرىنىڭ مېنىڭ بۇ شەخسىي كۆز قارىشىمنى ئەستايىدىل ئويلىنىپ بېقىشىنى ئۈمىد قىلىمەن .
ئاۋۇ مۇنبەرنىڭ سىرتىدىن كۆرۈۋاتقان قېرىنداشلىرىم ، ئۇنداق قىلماي سىلەرمۇ مۇنبەرگە بىر ئەزا بولۇپ كىرىپ سىناپ بېقىڭلار ، تىزىملىتىشقا پۇل ئالمايدۇ ، مەڭگۈلۈك ھەقسىز ، كىرىپ كۆرۈپ بېقىڭ ، مۇنبەر مېھرى دىلىڭىزدا قالىدۇ .
يىغىنچاقلىسام ، ئىنكاسنى جىقراق يازايلى ، تېما ئىگىسىنىڭ كۆڭلى خۇش بولسۇن ، ئۆز تېمىسىنىڭ مۇنبەر ئەزالىرىنىڭ دىققىتىنى قوزغىغانلىقىدىن دىلى سۆيۈنسۇن ! چۈنكى ھەممىمىزنىڭ مەقسىتى مۇنبەرنى تېخىمۇ ياخشى قۇرۇپ چىقىشتىن ئىبارەت . ( باشقۇرغۇچىلار خاپا بولماي تەستىقلاپ قويساڭلار ) .
يوللىغان ۋاقتى 2012-1-4 21:44:45
يوللىغان ۋاقتى 2012-1-4 22:19:08
