ئۇيغۇر ھويلىسى

sakra

	ئۇيغۇر ھويلىسى        كامال جامال نىجات نىياز ئېھسان فوتوسى       ھەرقانداق بىر مىللەتنىڭ ئۆزىگە خاس تۇرمۇش ئادىتى، ياشاش مۇھىت ۋە گۈزەللىك قارشى بولىدۇ. جۈملىدىن ئۇيغۇرلارنىڭ ھويلا-ئارام ، قائىدە-يوسۇنلىرى ئۇزۇن زامانلاردىن بېرى داۋاملىشىپ، مۇكەممەللىشىپ، ھويلا-ئارام مەدەنىيىتىنى شەكىللەندۈرگەن بولسا، يەنە مىللىي ئۆرپ-ئادەتنىڭ ئۆزگىچە خاسلىقىنى نامايەن قىلىپ تۇرۇپتۇ. ئۇيغۇر ھويلىلىرى باغچىلاشقان، يېشىللاشقان ئالاھىدىلىكلەرگە ئىگە بۇلۇپ، ئۇيغۇر ھويلىلىرىدىكى گۈزەللىك ، پۈتۈنلەي ئىكولوگىيەلىك مۇھىت بىلەن چەمبەرچاس باغلانغان بولىدۇ.زامانىۋىي شەھەرلەردىن يىراق، خىلۋەت سەھرالارغىچە ، ئۇيغۇر ھويلىسىدا تەبىئەتنىڭ گۈزەللىكلىرىنى تاپقىلى بولىدۇ. ئۇيغۇر ھويلىسى مەدەنىيەت قاتلاملىرىدا كۆزگە تاشلىنىپ تۇرسا، ئۇيغۇر ھويلىسىدىكى تال باراڭلىرى، مېۋىلىك دەرەخ، گۈل-گىياھلار ئۆز-ئارا گىرەلىشىپ كەتكەن بولۇپ، كىشىگە گۈزەللىك تۇيغۇسى بېرىدۇ. غۇلجا شەھىرى يېقىنقى يىللاردىن بېرى ھويلا-ئارام مەدەنىيىتىنىڭ دەرىجىسىنى يەنىمۇ يۇقۇرى كۆتۈرۈش ئۈچۈن ،ئائىلە شاتلىغى ئارامگاھلىرىنى قۇرۇپ، ھويلا-ئارام ساياھەتچىلىگىنى داڭلىق ماركا ئورنىغا چىقاردى. ئىگەللىشىمچە ھازىرغىچە غۇلجا شەھەردە  قۇرۇلغان ھويلا-ئارام  ساياھەت نۇقتىلىرى 300 دىن ، يىللىق ساياھەت ساپ كىرىمى 5 مىليون يۈەندىن ئاشقان.دېمەك ئۇيغۇر ھويلىلىرىدىكى بۇ خىل خاسلىق ، ساياھەتچىلىك كەسىپىدە جەلىپكار نۇقتىغا ئايلاندى. غۇلجا شەھەرنىڭ قازانچى مىللىي ئۆرپ-ئادەت ساياھەت رايونى پەقەت ئۇيغۇر ھويلا-ئارام  مەدەنىيىتى ئاساسىدا قۇرۇلغان بولۇپ، بۇ رايوندىكى ئۇيغۇر ئولتۇراق ئۆيلىرى ، باغچىلاشقان ھويلا-ئاراملار ساياھەتچىلەرنىڭ تاللىشىغا ئايلاندى. ئۇيغۇر ھويلىسى مىللەت روھىنىڭ يارقىن ئىپادىسىنى گەۋدىلەندۈرۈپ  بەرسە، ئۇيغۇرلارنىڭ يىشىللىق بەرپا قىلىش، يىشىللىقنى قەدىرلەش، يىشىللىقتىن ھۇزۇرلىنىش ئېتىقاتى ئىنتايىن كۈچلۈك بولۇپ، ئۇيغۇرلار تال باراڭلىرى ئاستىدا سايىداپ ئولتۇرۇشنى، غىزالىنىشنى قەدىرلىسە، قورۇسىدىكى مېۋىلەرنى ئۆز قولى بىلەن ئۈزۈپ يېيىشنى ياخشى كۆرىدۇ. شۇڭا ھەرقانداق ئۇيغۇر قورۇسىدىن  رەيھان گۈللىرىنىڭ خۇش ھىدى تارقىلىپ تۇرىدۇ. ئۇيغۇر ئاياللىرى ھەر كۈنى قاق سەھەردە ئورنىدىن تۇرۇپ، قورۇ-كوچىلارغا، سۇ سىپىپ، پاكىزە سۈپۈرۈپ تازىلايدۇ.قورۇ تاملىرى، ئىشىك ئالدى تاملىرى ئاق ياكى سىنكا سىلىنىپ، ئاقارتىلىپ چىنىدەك پاكىزە قىلىنىدۇ.ئومۇمەن ئۇيغۇر قورۇسىنى پاكىزلىق، يىشىللىقنىڭ ئۈلگىسى دېيىشكە تامامەن بولىدۇ. نىجات نىياز ئېھسان فوتوسى

Sayram

	ھازىر بۇنداق ھويلىلارمۇ كەپىلىك رايونلار قاتارىدىن ئورۇن ئالدى.

sakra

	شۇ ئەمەسمۇ كەپىلىك ئۇيلەر دېسە مەن تېخى يەرنى كۇلاپ ياسىغان ئۆيلەر چىغى دەپتىمەن

kurkum

	جەنۇپ تەرەپتە نۇرغۇن ئۆيلەر مۇشۇنداق دە ، بىرخىل ئىسسىق سىزىم بىرىدۇ

taranqi

	kurkum يوللىغان ۋاقتى  2011-12-23 19:34 جەنۇپ تەرەپتە نۇرغۇن ئۆيلەر مۇشۇنداق دە ، بىرخىل ئىسسى ... يۇرتۇم غۇلجىنى بەك سىغىندىم

Duldul

	بۇنداق ھويلىلار بەخىت بۆشۈكى .

Japagha_Wapa

	ھازىر يېزىلارمۇ شەھەرلىشىشكە قاراپ يۈرۈش قىلىۋاتىدۇ.ئشىك ئالدىدىكى  كىچىك ئېرىقلاردا سۇلار ئېقىپ تۇرغان، بوسۇغا ئاتلاپ چىقسىلا يېشىللىق كۆزگە تاشلىنىپ تۇرىدىغان بۇنداق ھويلىسى بار ئۆيلەر  بارغانسىرى يوقاپ كېتىۋاتىدۇ.قەۋەتلىك ئۆيلەرگە قانداق كۆنىمىزكىن-تاڭ؟

kaplan19

	كېيىنچە بۇنداق ھويلىلارنى كۇرمەك تەس بولىدىغان بولدى.

sabirjan

	بۇ تۇرالغۇلار تەۋەرۇك بىز ئۇچۇن

ئىپار

	شۇنداق، بىز ئۈچۈن تەۋەرۈك، ھازىر مەخسۇس ئاپتاپ كۆرگىلىمۇ ، بالىلىرىمىزنى شۇ مىھرى ئىسسىق توپىغا دەسسىتىش ئۈچۈنمۇ ئاتايىتەن يېزىغا چىقىشىمىزغا توغرا كىلىۋاتىدۇ....

polat

	ئەجەپ گۈزەل ئۇيغۇر دىگەن ھويلىسى، بار ئۇنىڭدا مەدەنىيەتنىڭ مەنىسى. ياز كۈنلىرى قىززىپ كىتەر سەيلىسى، جەلىپ قىلىپ ئالما ئۈرۈك بىھىسى. بىراق بۇنداق ھويلا ئەمدى ئاز قالدى، ھويلىسى يوق ھەممە قەۋەت ئۆي سالدى. ھۇزۇرنۇلۇپ ياتاي دىسەڭ سۇزۇلۇپ ، ھويلىسى يوق بىنا ئۆيلەر تاركەلدى.