شەيدائىي: ئاشىقلىق لىرىكىسى

shaidayi

	ئاشىقلىق لىرىكىسى چەكسىز كەتكەن مەھەللە ئارا، روجەك ماراپ يۈرۈيمەن يۈچۈن. كۆزلىرىم ياش، يۈرۈگۈم يارا، سورىمايسەن ھالىمنى نېچۈن؟ ئاققان يېشىم پەقەت سەن ئۈچۈن. ئىزلىرىمنى كۆممەكتە بۇران، قۇتراپ چىقار تېخى شىۋرىغان. مەن يۈرۈيمەن پەرۋاسىز يەنە، ھەسرەت چېكىپ پەقەت سەن ئۈچۈن. ھەسرەتلىرىم ئۆركەشلەر ياساپ، ئېقىپ كېلەر گۇيا سەل بولۇپ. مەن بەئەينى غەمكىن دىۋانە، غەمكىنلىكىم پەقەت سەن ئۈچۈن. ئوخشىتىدۇ مېنى بەزىدە- ئۆيدىن چىققان ئاق چاچ مومايلار، مەجنۇن كەبىي دىتسىز ساراڭغا. راس ساراڭغا قالدىم ئوخشاپلا، ساراڭلىقىم پەقەت سەن ئۈچۈن. ساقىلىغا قىرۇ گۈل چېكىپ، شىۋرىغاندا توڭلىغان بوۋاي. توۋلاپ سالدى ئاچچىققا تولۇپ، ساراڭمۇ سەن قانداق نېمە ھاي!؟ مەن دېدىمكى ھەسرەتكە تولۇپ، ساراڭ ئەمەس چىن ئاشىقتۇرمەن. ئىشىق ئوتى ئۆرتەپ دىلىمنى، ئەيلىدى ئاھ... يۈرەكنى كاۋاپ. مەن بوۋايدىن كۈتمەستە جاۋاب، كۈلدى بوۋاي شۇنداق قاقاقلاپ. بۇلۇپ قالدىم شۇنچىلىك بىھۇش، بىھۇشلۇقۇم پەقەت سەن ئۈچۈن! مەن سەھرادىن كەتتىم يىراقلاپ، سېنى ئىزدەپ باراي دەپ جېنىم. ئانام قالدى كۆزىنى ياشلاپ، مەن ئۇنىڭغا قىلمىدىم پەرۋا، بەڭباشلىقىم مەن پەقەت سەن ئۈچۈن! كوئېنلۇننىڭ تاقىر تاغلىرى، كۈرۈنمەكتە يىراق ئۇپۇقتىن. قەلبىم ھالسىز تۇرسىمۇ ئىڭراپ، ماڭدىم يەنە تەۋەككۇل قىلىپ، بۇ قىلغىنىم پەقەت سەن ئۈچۈن! تۈن نىسبىدە توغۇلغان بوۋاق، چىقىرايدۇ نىدالار قىلىپ. مەن يۈرۈيمەن باياۋانلاردا، بىر سەن ئۈچۈن گۈل-دەستە تىزىپ. تۈن نىسبىدە توغۇلغان بوۋاق، ئۇ ھېلىھەم ئويغاقتۇر ئويغاق! نىدالىرىغا قىلمىدىم پەرۋا، پەۋراسىزمەن پەقەت سەن ئۈچۈن! مەن ياشايمەن پەقەت سەن ئۈچۈن، دەرد-ھەسرەتكە بولۇپ تەقدىرداش. شۇ ئازابتا ئۆلەرمەن بەلكىم، مېنى ئىزلەپ چىققاندا قۇياش!           مەنبە: شەيدائىي ئىجادىي ئەسەرلىرىدىن تاللاپ يوللاندى.                      مىلادىيە 2004- يىلى يانۋارنىڭ ھارپا ئاخشىمى كېرىيەدە يېزىلغان !   كېرىيە ناھىيەلىك ئەدەبىيات-سەنئەتچىلەر بىرلەشمىسى نەشر قىلغان «كۆكبۇلاق» ناملىق ژۇرنالدا «سەن ئۈچۈن...» دېگەن ماۋزۇدا ئېلان قىلىنغان.

mungdax

	بۇ تېتىملىق لېرىكاڭدىن زوقلاندىم بۇرادەر. مۇھەببەتلىك كۈيلىرىڭ ئۈزۈلمىگەي! قەلىمىڭگە بەرىكەت تېلەيمەن.

sarsanroh

	بۇ لىرىكىڭىز ھەقىقەتەن ياخشى چىقىپتۇ شەيدائىي ئەپەندىم لېكىن بەزى جايلىرىدا بىر ئاز ئىملا خاتالىقى باركەن

igilmes

	ئىجادىيىتىڭىزگە تېخىمۇ زور ئۇتۇقلار تىلەيمەن

بۈركۈت

	شەيدائىينىڭ ئىجادىيىتى تېخىمۇ بەرىكەتلىك بولغاي!

shaidayi

	دوسىتلارنىڭ تېمامغا بەرگەن تەكلىپلىرىگە كۆپ رەخمەت!