تىجارەتچى دېگەن مۇنداق بولمامدۇ؟
بىر يەردە ئۇماچ ساتىدىغان ئىككى ئاشپۇزۇل بار ئىدى. ھەر ئىككى ئاشپۇزۇلغا خېرىدارلار ئۈزۈلمەي كىرىپ تۇراتتى. بىراق كەچتە ھېسابات قىلغاندا، سول تەرەپتىكى ئاشپۇزۇلنىڭ ھېساباتى ئوڭ تەرەپتىكىسىدىن يۈز نەچچە سوم ئارتۇق چىقاتتى. شۇنىڭ بىلەن ئوڭ تەرەپتىكى ئاشپۇزۇلغا كىرىپ باقتىم. كۈتكۈچى قىز كۈلۈمسىرىگىنىچە مېنى قىزغىن كۈتۈۋالدى. ئۇ قاچىغا ئۇماچ ئۇسقاچ:
- تۇخۇم سالايمۇ؟ - دەپ سورىدى. مەن ماقۇل بولدۇم، كۈتكۈچى قىز قاچىغا بىر تال تۇخۇمنى چېقىپ سالدى.
كۈتكۈچىلەر ئاشپۇزۇلغا كىرگەن ھەربىر خېرىداردىن ئەنە شۇنداق سوراپ چىقتى، خېرىدارلارنىڭ بەزىلىرى سالىمەن دېسە، بەزىلىرى سالمايمەن دېدى.
بۇ يەردىن چىقىپ، سول تەرەپتىكى ئاشپۇزۇلغا كىردىم.
ئوخشاشلا كۈتكۈچى قىز كۈلۈمسىرىگىنىچە مېنى قىزغىن كۈتۈۋالدى. ئۇ بىر قاچا ئۇماچ قۇيۇۋېتىپ:
- بىر تۇخۇم سالايمۇ، ئىككىنىمۇ؟ - دەپ سورىدى. ئاشپۇزۇلغا كىرگەن ھەربىر خېرىداردىن ئۇلار ئەنە شۇنداق سورىدى.
تۇخۇم يېيىشنى ياخشى كۆرىدىغانلار ئىككىنى سېلىڭ دېسە، بەزىلەر بىرنى سېلىڭ دېدى، ئىنتايىن ئاز ساندىكىلىرى سالماڭ دېدى.
شۇنداق قىلىپ سول تەرەپتىكىلەر ئوڭ تەرەپتىكىلەردىن نۇرغۇن تۇخۇمنى ئارتۇق ساتتى.
مەنبە: تەرمىلەر ژۇرنىلى
كۆز قارىشىم: دىيارىمىزدىمۇ ھازىر بەزى تېز تاماقخانىلاردا كۈتكۈچى: «نېمە يەيسىلەر» دەپ سورايدۇ.
يېرىم لەغمەن دېسەك، كاۋاپچۇ؟ دەپ سورايدۇ. ياق بولدى دېسەك، لەڭپۇڭچۇ؟ دەپ سورايدۇ. بۇنداق سوراش بەزىلەرنى زېرىكتۈرسە، بەزىلەرنى خۇشال قىلىدۇ. سىز قانداق قارايسىز؟
بۇ يازمىنى ئاخىرىدا نەسىمى تەھرىرلىگەن. ۋاقتى 2012-9-26 18:26 
يوللىغان ۋاقتى 2012-9-26 18:15:04
