كومىدىيەلىك نادىر فىلىم: «پۇل دېگەن نەرسە» توغرىسىدا

wolfiram

	كومىدىيەلىك نادىر فىلىم: «پۇل دېگەن نەرسە» توغرىسىدا     (بۇ فىلىمنى تەڭرىتاغ كىنو ئىىتودىيەسى 1985 - يىلى ئىشلىگەن)     سىنارىست: تۇرسۇن يۇنۇس.     رېژىسسور: جىڭ شۇشى.     روللاردا:     تەلەيخان: ئاتىكە زەمىر.     كازىم: تۇيغۇن ئەخمىدى.     ئەلى: جۈرئەت ئۆمەر.     روشەنگۈل: ئارزۇگۈل.     دىلشات: ئەنۋەر مەمەت.     شەھىدە: ئاينۇر.     توختى: توختى قۇربان.     ئايىمخان: ئىمىگۈلسۈم.     مەمەت: تاھىر.     نىياز: تۇرسۇن مامۇت.     فىلىمنىڭ قىسقىچە مەزمۇنى:     بۇ فىلىمدە ئاچكۆز كازىم بوۋاي كارتون قەغەز بىلەن ئۆچكە تېرىسىنى ئىشلىتىپ، كۆرۈنۈشى ئېسىل، سۈپىتى ناچار بولغان كۆپلىگەن خۇرۇم ئاياغلارنى تىكىپ ئىشلەپ بازارغا سالىدۇ. ئارقىدىن يەنە بىر تۈركۈم گىلەملەرنى ئەرزان سېتىۋېلىپ، كۆپ پايدا ئالماقچى بولىدۇ. ئويلىمىغان يەردىن كازىم بوۋاينىڭ سېتىۋالغىنى ئۇنىڭ بولغىسى قۇدىسى تەلەيخان ئىشەك ژۇڭى ئارىلاشتۇرۇپ توقىغان ساختا گىلەم بولۇپ چىقىدۇ. «ئېلىشمىغىچە تېپىشماس» دېگەندەك تەلەيخان ئېلىپ - ساتارنىڭ قولىدىن سېتىۋالغان ئەرزان پۇللۇق خۇرۇم ئاياغلارنى بولسا، كازىم بوۋاي تىكىپ ساتقان ئىدى. شۇنىڭ بىلەن كېلىشتۈرۈش قىيىن بولغان جېدەل - ماجىرالار ئارقا - ئارقىدىن يۈز بېرىدۇ. ئاخىرى ئۇلارنىڭ نىقابى ئاشكارلىنىپ، كۆپچىلىك ئالدىدا ناھايىتى ئوسال بولىدۇ. نەتىجىدە ھالال ئىشلەپ بېيىغان دىلشات بىلەن شەھىدەنىڭ ياردىمى بىلەن قۇدىلىق مۇناسىۋىتى ئەسلىگە كېلىپ، قايچا قۇدا بولۇپ، توي قىلىشىدۇ. كازىم بىلەن تەلەيخانلار بىر – بىرىنى ئالداپ ساتقان ساختا ئاياغ بىلەن ساختا گىلەملەرنىڭ پۇلىنى قايتۇرۇپ بېرىشىدۇ. بۇ فىلىم كىشىلەرگە ھالال ئىشلەپ تاپقان پۇلنىڭ بەرىكەتلىك بولىدىغانلىقىنى چۈشەندۈرۈپ بېرىدۇ. بۇ فىلىم 1985 - يىلى قەشقەردە سۈرەتكە ئېلىنغان بولۇپ، بۇ كومىدىيەلىك فىلىمنىڭ ۋەقەلىكى قىزىقارلىق، تىلى ئوبرازلىق، ئارتىستلارنىڭ فىلىمدە رول ئېلىش ماھارتى ئۆزگىچە. كۆرۈرمەنلەرنىڭ يەنە بىر قېتىم كۆرۈشىگە تولىمۇ ئەرزىيدۇ.     تەييارلىغۇچى: ئابدۇمىجىت مۇھەممەتئېلى     2012 - يىلى 26 - سېنتەبىر يېزىلدى.     قەشقەر

wolfiram

	بۇ فىلىمنىڭ ۋەقەلىگى ھالال ئىشلەپ تاپقان پۇلنىڭ بەركەتلىك بولىدىغانلىقى، ھېلىگەرلىك بىلەن كىشىلەرنى ئالداپ تاپقان پۇلنىڭ ئۆزىگە تۈگىمەس ئاپەت ئېلىپ كېلىدىغانلىقىنى ناھايىتى ئوبرازلىق ھالدا ئىپادىلەپ بەرگەن. پۇ فىلىمنى شىنجاڭ ئۈن-سىن نەشىرياتى 2011-يىلى 5-ئايدا نەشىر قىلىپ تارقاتتى. بىر قېتىم كۆرۈشكە ئەرزىيدۇ.

bugdai

	ھەم خىلى قىزقارلىق بۇ كىنو،  فىلىمنىمۇ قوشۇپلا يوللىماي يەنە بىر كۆرەركەنمەن.

wolfiram

	فىلىم يوللاشنى ماقالە يوللىغانغا ئوخشاش يوللىسا بولامدۇ؟مەن يېڭىدىن تورغا كىرگەنلىگىم ئۈچۈن فىلىم يوللاشنى بىلەلمىدىم. كەچۈرۈشىڭلارنى سورايمەن.

جېك

	56 تورىغا كىرىپ تىزىملىتىپ بوشلۇق ئالىسىز ، فىلىمىڭىزنى شۇ بوشلۇققا يوللايسىز ، ئۇنىڭدىن كىيىن فىلىمىڭىزنىڭ تور ئادرىسى بولىدۇ /data/att ... d3zwzooo3dooo3f.jpg    ، فىلىمنىڭ ئادرىسىنى چىقىرىپ بۇ مۇنبەرگە يوللىسىڭىز بۇلىدۇ /data/att ... 7vlcy97y77ncdw7.jpg

(نۇر)

	ياخشى يولاپسىز،باشتىن كۆرگەندەك بولدۇم.

juxkun

	بولسا كىنوسىنى يوللىغان  بولسىڭىز ؟

harsan

	راس بۇ فىلىمنى يېقىندىلا كۆرگەن ئىدىم. ئىلگىرىمۇ بىرقانچە قېتىم كۆرگەن خېلى قىزىقارلىق فىلىم بۇ.

suriya

	شۇنداق فىلىمنىڭ ئۇزىنى كۇرگەن بولساق تىخىمۇ ياخشى بولاتتىكەن.

yakup

	بۇ ئادەم دائىم فىلىم يوللايدىكەن ،ئەمما قېنى ئۇ فىلىملەر؟ دائىم مۇشۇنداق ....يوللىمىسا بولمامدۇ ئۇنداق قىلغۇچە،ئادەمنى ئەخمەق قىلغاندەك