قومۇل ئۇيغۇرلىرىنىڭ توي مۇراسىملىرىدىكى چاچ چۈشۈرگىلىك توغرىسىدا

asra1

	قومۇل ئۇيغۇرلىرىنىڭ توي مۇراسىملىرىدىكى چاچ چۈشۈرگىلىك توغرىسىدا سەمەت ئەسرا تۇرا (قومۇل ۋىلايەتلىك غەيرىي ماددىي مەدەنىيەت مىراسلىرىنى قوغداش مەركىزىدە)     ئۇيغۇرلار، جۈملىدىن قومۇلدىكى ئۇيغۇرلارنىڭ توي مۇراسىملىرىدا بىر يۈرۈش قېلىپلاشقان ئۆزگىچە توي قىلىش مۇراسىم-ئادەتلىرى بولۇپ، باشقا جايلاردىن ئالاھىدە پەرقلىنىدۇ.قومۇل ئۇيغۇرلىرىنىڭ توي ئادەتلىرىدە ئالاھىدە جەلپ قىلىدىغىنى يىگىت تەرەپتىكى يىگىتنىڭ چاچ چۈشۈرگىلىك مۇراسىمى بىلەن قىزنىڭ يۈز ئاچقۇلۇق مۇراسىمىدۇر.     چاچ چۈشۈرگىلىك دېسە ھازىر بىزنىڭ ياشلىرىمىز ئۇنىڭ مەزمۇنىنى ئاساسەن بىلمەيدۇ. تويلاردا بۇنداق پائالىيەتلەرنىڭ نېمە ئۈچۈن ئېلىپ بېرىلىدىغانلىقىنى تېخىمۇ بىلمەيدۇ. ئۇنىڭ جەمئىيەتتىكى رېئال ئەھمىيىتىنى تېخىمۇ بىلمەيدۇ. بۇنداق ئېسىل ئادەتلەرنىڭ كىشىلەر نەزەرىدىن چۈشۈپ قېلىۋاتقانلىقى، ئېتىبارسىز قارىلىۋاتقانلىقى، كىشىلەر ئارىسىدىن يىراقلاپ بارغانچە ئۆز مەزمۇنىنى يوقىتىۋاتقانلىقى كىشىنى بەكمۇ ئەپسۇسلاندۇرىدۇ. مەن ئالدى بىلەن چاچ چۈشۈرگىلىكنىڭ رېئال ئەھمىيىتىنى سۆزلەشتىن ئاۋۋال مۇراسىمنىڭ بىر پۈتۈن جەريانىنى بايان قىلىمەن.     قومۇل شەھەر ئىچىنى ئاساس قىلغان يېزا-كويلاردىن تارتىپ تاكى بەش شەھەر، ئون ئىككى تاغقىچە توي-تۆكۈنلەردە چاچ چۈشۈرگىلىك ئادەتلىرى ئومۇملاشقان بولۇپ، ھەر قايسى جايلاردا ئانچە-مۇنچە پەرق بولسىمۇ، ئومۇمىي جەھەتتىن چوڭ پەرق يوق.     چاچ چۈشۈرگىلىك دېسە ئادەتتە نۇرغۇن كىشىلەرنىڭ ئېڭىدا ئادەتتىكى تويى بولغان يىگىتنىڭ چېچىنى چۈشۈرۈش پائالىيىتى دەپ تونۇيدۇ، لېكىن بۇنىڭ ئىچكى ماھىيىتىنى سۈرۈشتۈرۈپ كۆرسەك، بۇ مۇراسىم ئادەتتىكى چاچ چۈشۈرۈش مۇراسىمى بولۇپلا قالماي، بۇنىڭ چوڭقۇر تارىخ ۋە مەدەنىيەت ئامىلىنى ئۆز ئىچىگە مۇجەسسەم قىلغانلىقىنى بايقايمىز. بىزدە «ئادەت يوقالمايدۇ» دېگەن ھېكمەت بار. قومۇل ئۇيغۇرلىرى ناھايىتى ئۇزاق زامانلار ئىلگىرىلا بۇ ئېسىل ئادەتنى شەكىللەندۈرگەن. بۇ تويلارنىڭ ئالاھىدە كۆركى بولۇپ قالغان. ئادەتتە يىگىتنىڭ يىگىت بېشى چاچ چۈشۈرگىلىكنى مەھەللىدە كىمنىڭكىدە ئۆتكۈزۈلىدىغانلىقىنى جاكارلايدۇ. بۇ مۇراسىم ئومۇمەن يىگىتنىڭ قېرىنداشلىرىنىڭكىدە ئۆتكۈزۈلىدۇ. قېرىندىشى بولمىسا ئۇرۇق-تۇغقانلىرى ئۆتكۈزىدۇ. ئۇرۇق-تۇغقانلىرى بولمىسا، يېقىن ئاغىنە-بۇرادەرلىرى ئۈستىگە ئېلىپ ئۆتكۈزۈپ بېرىدۇ.

sarwi

	توي قىلىدىغان يىگىتنىڭ چېچى چوقۇم چۈشۈرەلەمدۇ ؟ ھازىرقى يىگىتلەرمۇ بۇ خىل ئادەتنى قوبۇل قىلالامدۇ ؟ دىگەن سوئاللارنىڭ جاۋابىنى بىلگۈم كەلدى . ئېسىل ئۆرپ - ئادەتلىرىمىزنى ساقلاش ۋە ئۇنى داۋاملاشتۇرۇپ كېيىنكى ئەۋلاتلاغا يەتكۈزۈش ھەممىمىزنىڭ مەجبۇرىيىتى .

sakra

	ئەھمىيەتلىك تىمىڭىزغا رەخمەت....

پەلۋان

	sarwi يوللىغان ۋاقتى  2012-9-26 11:38 توي قىلىدىغان يىگىتنىڭ چېچى چوقۇم چۈشۈرەلەمدۇ ؟ ھا ... مەنمۇ شۇنىڭغا قىزىقىۋاتىمەن.

plknk

	‹چاچ چۈشۈرگىلىك›  بۇ بىر ئۆرۈپ -ئادەت ياكى قائىدە-يوسۇننىڭ ئاتىلىشىمۇ؟ياكى تويى بولغان يىگىتنىڭ بىشىدىكى چاچنى راھىپلارنىڭكىدەك قىلىپ چۈشۈرۈۋىتىشمۇ ؟ ئوچۇقراق يازمامسىز  ئاسرا ، سۈرەتتىغۇ يىگىتنىڭ دوپپىسىنىڭ تىگىدە چاچقا ئوخشاش قارا نىمە تۇردۇ بولمىسا  ئا......ينا.

جېك

	بىز ئۆزىمىزنىڭ مىللىي ئۆرپە-ئادەتلىرىمىزنى قوغدىشىمىز كېرەك . ئەپسۇس ھازىرقى جەمىيەتتە بەزىلەر غەرىبنى دوراپ كالتە كىيىم كەيسە ، يەنە بەزىلەر ئەرەپلەرنى دوراپ زوروچە نىقاپلىنىپ يۈرمەمدۇ ،،،،،

manglisa

	ياخشى تېما يوللاپسىز ،لىكىن ئېنىق جاۋابىنى ئاڭلىساق بولاتتى.

bugdai

	مەنمۇ بىلمەيدىكىنمەن بۇ مەدەنىيىتىمىزنى ،  تەپسىلى بىر چۇشەنچە بىرىلسە ياخشى بولاتتى.

公主梦

	يىگىتنىڭ چىچى چۈشۈرۈلمەيدۇ ، چاچ چۈشۈرگىسىنى ئۆتكۈزۈپ بەرگۈچى  توي كۈنى يىگىت ۋە يىگىتنىڭ دوستلىرىنى  رازى بولغىدەك مېھمان قىلىدۇ......

amatlik~yigit

	公主梦 يوللىغان ۋاقتى  2012-9-26 17:35 يىگىتنىڭ چىچى چۈشۈرۈلمەيدۇ ، چاچ چۈشۈرگىسىنى ئۆتكۈزۈ ... ھە ئەسلى مۇنداقمىتى.........