«سېنى سۆيىمەن» تېلېۋىزىيە فىلىمى توغرىسىدا

wolfiram

	«سېنى سۆيىمەن» تېلېۋىزىيە فىلىمى توغرىسىدا     فىلىم مۇدىرى: نامان رەھمىتوللا.     رېژىسسور: ئەنۋەر تۇرسۇن.     ئاساسلىق روللاردا:     ئېرشات: نەبىجان.     رەيھان: روشەنگۈل مەمەتئېلى     ھېكىم: نامان رەھمىتوللا.     نورۇنسا: زۇلپىيە ئىبراھىم قاتارلىقلار.     فىلىمنىڭ قىسقىچە مەزمۇنى:     بۇ فىلىمدە ھېكىم ئايالى نورۇنسا بىلەن بىرلىشىپ، يېڭىدىن گېزىتخانىغا خىزمەتكە چىققان ئوغلى ئېرشاتنىڭ تويىنى قىلىشقا ئالدىراپ، ئۇنىڭغا دوستى تۇراخۇن جىڭلىنىڭ قىزىنى ئېلىپ بېرىشكە ئالدىرايدۇ ھەمدە بۇ ئىشنى ئوغلى ئېرشاتقا ئېيتقاندا ئېرشات بۇ قىز بىلەن توي قىلىشقا قوشۇلمايدۇ. شۇ پەيتتە گېزىتخانا رەھبەرلىكى ئېرشاتنى قارىمايغا مۇخبىرلىققا ئەۋەتىدۇ. ئېرشات قارىمايغا كەلگەندىن كېيىن بىر كۈنى توساتتىن يول ئۈستىدە بىر كىچىك بالىنى ماشىنا ھادىسىسىدىن قۇتقۇزۇپ قالغان ئاقكۆڭۈل قىز رەيھان بىلەن دوقۇرۇشۇپ قېلىپ، ئۇنىڭ بىلەن تونۇشۇپ قالىدۇ. شۇنىڭ بىلەن رەيھاننى ياخشى كۆرۈپ قالىدۇ. ئېرشات ھەر كۈنى رەيھان ئېچىۋاتقان دۇكاندىن كەمپۈت، پىچىنە - پىرەنىك قاتارلىق نەرسىلەرنى سېتىۋېلىشنى باھانە قىلىپ، رەيھان بىلەن ئۇچرىشىشنى توختىتىپ قويمايدۇ. شۇنىڭ بىلەن بۇ ئىككى ياش ئوتتۇرىسىدا چىن مۇھەببەت پەيدا بولىدۇ. ئېرشات قارىمايدىكى خىزمىتىنى ئاخىرلاشتۇرۇپ، ئۈرۈمچىگە كەلگەندىن كېيىن ئۇنىڭ ئاتا - ئانىسى توي ئىشىغا تۇتۇش قىلىپ، توي تەييارلىقىنى پۈتتۈرىدۇ. بىراق ئېرشات بۇ تويغا قوشۇلماي، رەيھاننى ياخشى كۆرىدىغانلىقىنى ئېيتىدۇ. بۇ گەپنى ئاڭلىغان ھېكىم قارىمايغا يوشۇرۇنچە بېرىپ، رەيھاننىڭ ئائىلسىنى تېپىپ، قىزنىڭ ئاچىسىغا يالغان گەپلەرنى قىلىپ، بۇ ئىككى ياشنى بىر - بىرىدىن يىراقلاشتۇرۇۋېتىدۇ. ئېرشات رەيھان بىلەن خەت ئارقىلىق كۆرۈشۈپ، رەيھانغا ھەقىقىي ئەھۋالنى ئېيتىپ، رەيھاننى خاتىرجەم قىلىدۇ. ئېرشات بىلەن جىڭلىنىڭ قىزىنىڭ تويى ئاتا - ئانىسىنىڭ مەجبۇرلىشى بىلەن بولىدۇ. دەل توي كۈنى نىكاھ ئوقۇۋاتقان پەيتتە رەيھان توي ئۈستىگە كېلىپ، ئېرشات بىلەن كۆرۈشۈپ، تويىنى بۇزۇپ، ئىككىسى ئۆيدىن چىقىپ  قېچىپ كېتىدۇ. بۇ ئىشتىن ئېرشاتنىڭ ئاتا - ئانىسى تۈگىمەس پۇشايمانغا قالىدۇ. بۇ فىلىمدە ئوغۇل - قىزلارنىڭ نىكاھ ئىشىدا ئاتا - ئانىلارنىڭ چات كىرىۋالماسلىقىنى، بالىلىرىنىڭ تاللىغان لايىقىنى ھۆرمەت قىلىشنىڭ لازىملىقىنى تەسۋىرلەپ بېرىدۇ.     تەييارلىغۇچى: ئابدۇمىجىت مۇھەممەتئېلى     2012 - يىلى 25 - سىنتەبىر

wolfiram

	بۇ فىلىم قارىمايدا ئىشلەنگەن بولۇپ، 2000-يىللاردا تارقىتىلغان. مەزمۇنى ئۆزگىچە بولۇپ، تاماشىبىنلارنىڭ بىر قېتىم كۆرىشىگە ئەرزىيدۇ.

ronaK0000000

	ۋاقىت چىقرىپ كۇرۇپ باقساق بولغۇدەك.رەخمەت.

Alipbeg

	wolfiram يوللىغان ۋاقتى  2012-9-25 22:07 بۇ فىلىم قارىمايدا ئىشلەنگەن بولۇپ، 2000-يىللاردا تارقى ... بۇ فىلىمنىڭ سىنارېست بارغۇ دەيمەن، نېمىشقا يازمىدىڭىز؟ ياكى فىلىم ئىشلىگۈچى قوشۇلمىدىمۇ؟

Alipbeg

	wolfiram يوللىغان ۋاقتى  2012-9-25 22:07 بۇ فىلىم قارىمايدا ئىشلەنگەن بولۇپ، 2000-يىللاردا تارقى ... بۇ فىلىم 2000 - ئىشلەنگەن . فىلىم ئىشلەنگەن ئاساسلىق ئورۇن شىنجاڭ ئۇيغۇر ئاپتونوم رايونى قاراماي شەھىرى.

nurfiya

	مەن زاماننىڭ ئارقىدا قالدىممۇ نىمە ،بۇ فىلىمنىڭ نامىنى بۈگۈنگىچە ئاڭلاپمۇ باقمىغانكەنمەن

nurfiya

	ئەمدى بولسىمۇ كۆرەي ،رەھمەت

Tesewwur

	بۇ فىلىمنىڭ فىلىم ئىشلىگۈچىسى ۋە سىنارىستى نىجات مۇھەممەت ئەپەندى،2003- يىللىرى قارامايدا دولەت بايرىمى كۈنلىرى ئىشلەنگەن، ئوپېراتۇرى ئابباس ئەنۋەر.    ئاپتۇرنىڭ شىنجاڭ كىنوچىلىق ئىشلىرىغا بولغان قىزغىنلىغى ۋە كۆڭۇل بۆلۈشلىرىگە كۆپ رەخمەت.   ئاپتۇرغا ئەسكەرتىش: تېلېۋىزىيە فىلىمى ئەمەس، تېلېۋىزىيە كىنوسى دەپ ئېلىشىڭىزنى تەۋسىيە قىلىمەن؛ چۇنكى تېلېۋىزىيەدە قويۇلغان   فىلىملەرنىڭ تۈرلىرى ئوخشىمايدۇ، بىز بۇ يەردە ئوتتۇرىغا قويۇۋاتقىنىمىز، تېلېۋىزىيە ھىكايە فىلىمىدىن ئىبارەت.

laili82

	مەنمۇ كۆرۈپ باقماپتىمەن ،ئەمدى بىر كۆرەيچۇ .

مەخپى

	مەن ئەجەپ كۆرمەپتىمەن