خېنىم چىرايلاردىن بولۇپ قالماڭ

(نۇر)

	خېنىم چىرايلاردىن بولۇپ قالماڭ    يېقىندىن بۇيان كوچىلاردا ئۇزۇن چاچ قويۇپ، ھەرەڭ-سەرەڭ كىيىملەرنى كىيىپ، ھەتتا زىبۇ-زىننەت تاقاپ، تاماكىسىنى پۇرقۇرىتىپ چېكىپ كېتىۋاتقان يىگىتلەرنى دائىم ئۇچرىتىدىغان بولدۇم. ھەر قېتىم ئاشۇنداق كۆرۈنۈشلەرنى كۆرگىنىمدە بەكمۇ ئازاپلىناتتىم. زامانلاردىن بېرى چەبدەس، باتۇر، چېچەن دەپ تەرىپلىنىپ كېلىۋاتقان يىگىتلىرىمىزنىڭ قىسمەنلىرى مانا ئەمدى ئاياللارغا ئوخشاش چاچلىرىنى ئۇزۇن قويۇپ، زىبۇ-زىننەت تاقاپ، ھەتتا گىرىم قىلىپ كوچىدا يۈرسە، ئۇلارغا كىممۇ لەنەت ئوقۇماي تۇرالىسۇن، دەپ ئويلىدىم. ئەلۋەتتە، بىراۋنىڭ قانداق كىيىنىشى، قانداق ياسىنىشى ئىختىيارلىقىدىكى ئىش، ئەمما ئەر-ئاياللارنىڭ تەن تۈزۈلۈشى، پىسخىك ئالاھىدىلىكى ياكى ئىجتىمائىي ئەخلاق ھەم تىببىي نۇقىتىدىن ئېيتقاندا، ئەرلەر ئەرلەرگە، ئاياللار ئاياللارغا خاس كىيىنىشى، ياسانمىقى زۆرۈردۇر.           بەزىدە كوچىدا ئەر ياكى ئاياللىقىنى پەرقلەندۈرگىلى بومىغۇدەك دەرىجىدە كىيىنىۋالغان ياشلارنىڭ توپ-توپ بولۇپ كېتىۋاتقانلىقىنى كۆرۈپ ھەيرانلىق ئىلكىدە قاراپ قاراپ قالىمىز، قىسمەن يىگىتلەرنىڭ چېچىنى ئاياللارنىڭكىدەك بوياپ، بۈدۈر قىلدۇرۇپ ئۇزۇن قويۇۋالغانلىقى، يۈزىگە گىرىم قىلىۋالغانلىقىنى كۆرگىنىمىزدە، ئوغۇل بالا بولۇپ تۇغۇلغانلىقىنىغا ئەپسۇسلىنىمىز. ئەسلىدە ئۇلار دۇنياغا كۆز ئاچقاندا ئاتىسى ئۇلاردىن پەخىرلىنىش ھەم غۇرۇرلىنىش ئىلكىدە خۇش بولغان، ئانىسى سۆيۈنۈش ئىلكىدە زور ئۈمىدلەرنى كۈتۈپ، باغرىغا چىڭ باسقان بولغىيتتى. ھەرقانداق ئاتا-ئانا ئوغلىنىڭ ئەرلەرگە خاس جۇشقۇن، بەردەم بۇلۇشىدن پەخىرلىنىدۇ. ئەجەبا بۇ ئاتا-ئانىلار ئوغلىنىڭ ياشلىق بوسۇغۇسىغا قەدەم قۇيۇپلا ئاياللارغا ئوخشاش ياسىنىپ يۈرگەنلىكىنى كۆرسە، ئازاپتىن يۈرىكى لەختە بولماسمۇ؟           يەر شارىلىشىشنىڭ چوڭ دولقۇنىغا ئەگىشىپ مەدەنىيەلەر گىرەلىشىپ ھەم ئارىلىشىپ سىڭىپ كىرىۋاتىدۇ. سىنچىلاپ قاراپ باقساق. پاسونى غەلىتە، ھەتتا چاكىنا كىيىم-كېچەكلەر ئەتراپىمىزنى بىر ئالدى. ئەمەلىيەتتە ھەممە ئادەمنىڭ ئېستېتىك گۈزەللىكى ئوخشىمايدۇ، كېلىپ چىقىشى، مەدەنىيەت ئارقا كۆرۈنۈشى بىر-بىرىدىن پەرقلىنىدۇ. ئۆزىمىزنىڭ يارىشىملىق كىيىم-كېچەك مەدەنىيىتىمىز ھەم كىيىنىش-ياسىنىش ئادىتىمىز تۇرۇپ، ئۆزگە مەدەنىيەتكە قارىغۇلارچە يېپىشساق ئېنىقكى بىمەنىلىك ھېسابلىنىدۇ.« كۆككە باقماي، كۆپكە بېقىش»، تۇرمۇش چاكىنا رەڭۋازلىقىنى ئەمەس، ئاددىي-ساددا، ئېسىل گۈزەللىكنى تېپىش ئاقىلانىكتۇر. مېنىڭچە، كىندىكلىرى ئوچۇق، پۇچقاقلىرى يەرگە سۆرەلگەن، ھەتتا چۇچىلىرى، قىرلىرى سۆكۈلگەن، رەڭلىرى شۇقەدەر يېقىمسىز، دۇنيادىن رايى قايتقانلاردەك تۇيغۇ بېرىدىغان ياسىنىش چاكىنىلىقتۇر.       بىر ئادەمنىڭ رەتلىك پاكىزە كىيىنىپ يۈرۈشى ئۆزىنى ھۆرمەتلىگىنى، كىشىلىك قەدىر-قىممىتىنى ئۆزىدىن باشلاپ ياراتقىنى بولۇپ ھېسابلىنىدۇ، بىراق مۇئەييەن توپتا ياشاۋېتىپ، شۇ توپتىكىلەرنىڭ كىيىنىش ئەدەپلىرىدىن چەتنىگەن ھالدا كىيىنىش چاكىنىلىقنىڭ ئىپادىسىدۇر. پەرىقلىق ياسىنىش ئارقىلىق باشقىلارنىڭ دىققىتىنى تارتقىلى بولىدۇ، بىراق زىيىنى بولسا بولىدۇكى، پايدىسى بولمايدۇ. بىر ئادەم ئۈزلۈكسىز تىرىشىپ ئەمەلىي نەتىجىلىرى ئارقىلىق خەلققە تۆھپە قوشسا، خەلق تەرىپىدىن ھەقىقىي ئېتىراپ قىلىنىپ، ئۆزلۈكىدىن نامايەن بولىدۇ ھەم ھۆرمەتكە ئېرىشىدۇ. خىتابىم شۇكى، يىگىتلىرىمزدە جۇشقۇن، سەمىمىي قەلب، ئەرلەرچە سالاپەت بولسۇن.       مەنبە:تەرمىلەر

tarimugli

	مېنىڭچىمۇتوغرا.

sarwi

	ئەرلەردىكى مەردانىلىق ئۇلارنىڭ خاراكتېرىدە   ئورۇن ئېلىپلا قالماي ، بەلكى تاشقى قىياپىتىدىمۇ جۇلالانسۇن !

ｄｉし__SｉЯｉ

	كىيىنىش ،تاشقى قىياپەتكىمۇ دىققەت قىلمىسا بولمايدۇ،

turknaz

	تاشقى قىياپەت ئادەمنىنىڭ خارەكتىرىنى 30% ئەتراپىدا ئېچىپ بېرىدۇ، روھىدا بولمىغان ئەرلىك سالاپەتنى تاشقى قىياپەتتىن تېپىش مۈمكىنمۇ؟

جېك

	ئاياللار ئەرلەرنى دورىسا يارىشىدۇ ، ئەمما ئەرلەر ئاياللارنى دورىسا ،،،

kutuk

	بىزدە بىردە ئالتۇننى بىردە ئەر كىشىنى جىڭ دەيدىغان ئەقىدە باركەنﻂ شۇڭا ئەر كىشى ئالتۇن تاقىسا شەرىەتكەﻂ قائىدە يۇسۇنغا ئۇيغۇن كەلمەيدىكەن.لىكىن نۇرغۇن ئەرلەر قۇلىغا ئۈزۈك سىلىپ يۈرىدۇﻂ بۇ بىزگە تۇغرا كەلمەيدىكەن.

zamzam

	دىمىسىمۇ غىتمەك چىراي يىگىتلىرىمىز جىقلاپ كەتتى. ئەمما بەك جىق ئەمەس، خۇداغا شۈكرى.

bugdai

	turknaz يوللىغان ۋاقتى  2012-9-25 17:37 تاشقى قىياپەت ئادەمنىنىڭ خارەكتىرىنى 30% ئەتراپىدا ئېچ ... ئېسىل ئىنكاس،  مەنمۇ شۇ پىكىردە.

酷儿

	دىمىسىمۇ، جاھاندا غەيرى تۆرەلمە ئىنسانلار كۆپىيىپ كەتتىغۇ تاڭ.... چەتئەلنىڭ ئۇنداق يەرلىرىنى دورىغىچە  ئىلغار تېخنىكا بىلىملىرىنى، بەزىبىر ئىسىل يەرلىرىنى دورىسىغۇ بۇلىدۇ.