ئاشنا ئىزدەش(پوۋسىت)

ئوغۇز

ئاپتورى:تاھىرجان يۈسۈپ (ئوغۇز)

تېخى ئوتتۇز ياشقا كىرمەي تۇرۇپلا بېشىمدىن نۇرغۇنلىغان ئىسسسىق سوغاقلار ئۆتۈپتۇ،ئۆتۈپ كەتكەن كۈنلىرىمنى ئويلىسام ئۆزۈمنى 30 ياشقا كىرمىگەن يىگىت ئەمەس،100يىل ياشىغان قېرى بوۋايلاردەك ھالسىز ھېس قىلىمەن .
كىچىك چاغلىرىمدا ،دادام داۋاملىق ھاراق ئىچىپ كىرىپ ،ئاپامنى ئۇرىدىغانلىقى ھازىرمۇ ئېسىمدە ،ئانام ھەر قېتىم دادامدىن تاياق يەپ بولغاندىن كېيىن ،سىڭلىم ئىككىمىزنى باغرىغا بېسىپ ،توختىماي يىغلايتتى ،بەزىدە بىزنى ئېلىپ چوڭ دادامنىڭ ئۆيىگە يامانلاپ كېتىپمۇ قالاتتى ،لېكىن ئەتىسى دادامنىڭ مەسىتلىكتىن يېشىلىپ كېلىپ ،قىلغان يالۋۇرۇشلىرىغان چىدىيالماي ،يەنە بىزنى ئېلىپ ،ئۆزىمىزنىڭ ئۆيىگە قايتىپ كېلەتتى ،دادام ئاپام قايتىپ كېلىپ بىر نەچچە كۈنگىچە ۋەدىسىگە ئەمەل قىلىپ خېلى تۈزۈلگەندەك قىلاتتىيۇ ،ئىككى-ئۈچ كۈن ئۆتمەي تۇرۇپلا يەنە ئۆزى بىلگەن سەنەمگە دەسسەيتتى. بۇ بەلكىم دادام يېتىم بولغانلىقتىن يۇقتۇرىۋالغان خۇيلار بولسا كېرەك ،بىز ھەرقېتىم چوڭ ئۆيگە كەلگەن چاغلىرىمىزدا چوڭ ئانام ،ئانامنىڭ يۈزىدىكى كۆكلەرگە قاراپ -ئېسىت نېمىشقىمۇ شۇ يېتىمگە قىز بەرگەن بولغىيتىم ،كۆيۈپ تەگكىنىڭ كۆيدۈردىغۇ قىزىم،خەق يېتىمغا قىز بەرمەڭلار ،پۇشايمەن قىلسىلەر ،دېسە ،داداڭ ئىككىڭلار كاجلىق قىلدىڭلار ،كۆرگەن كۈنلىرىڭ ئۆزۈڭگىمۇ ئاز جېنىم قىزىم -دەپ بۇلدۇقلاپ يىغلاپ كېتەتتى، ئۆزۈم كىچىك بولساممۇ ،چوڭ ئانامنىڭ دادامنى يېتىم دېگەنلىكىنى ،دادامنىڭ ئانامغا ئوخشاش دادىسى بىلەن ئاپىسى بولمىغانلىقى بولسا كېرەك دەپ چۈشىنەتتىم.
مەن توققۇز ياشقا كىرمەي تۇرۇپلا چوڭ دادام بىلەن چوڭ ئاپام ئارقا-ئارقىدىن تۈگەپ كەتتى ،ئۇلار تۈگەپ كەتكەندىن كېيىن،دادام تېخىمۇ ھەددىدىن ئېشىپ ،ئاپامغا قىلىدىغان زۇلۇملىرى ھەسسىلەپ ئېشىشقا باشلىدى،دادامنىڭ ئۆي بىلەن كارى بولماستىن ،ئانامنىڭ خەقنىڭ كېيىملىرىنى تىكىپ تاپقان ئازغىنە پۇللىرىنى تارتىۋېلىپ ،ئىچىپ،چېكىپ كىرىپ ،يەنە ئانامنى ئۇرۇشلىرىغا قاراپ ،كىچىككىنە يۈرىكىمدە ،ئۇنىڭغا نىسبەتەن ئېيتىپ تۈگەتكۈسىز ئۆچمەنلىكلەر پەيدا بولاتتى .
ھازىرقىدەكلا ئېسىمدە تۇرۇپتۇ ،بىر كۈنى دادام يەنە قىلغۇلىقىنى قىلىپ كىرىپ، ئانامنى قاتتىق ئۇردى ،ئانام بىچارىنىڭ ، ئاھۇ-زارلىرىغا چىداپ بولالماي ،دادامنىڭ پاچىقىغا ئېسىلىپ،ئاپامنى ئۇرغان قوللىرىنى قاتتىق چىشلىدىم ،دادام ئاپامنى ئۇرۇشتىن تۇختاپ-ۋۇ ھارامزادە ،ماڭا قول ياندۇرغىدەك بولدىڭمۇ ،ئۆلگۈڭ كەپتۇدە سېنىڭ -دېگىنىچە ماڭا قاراپ ئېتىلدى ،دادامنىڭ قاتتتىق تەگكەن بىرنەچچە تېپىكىدىن كېيىن ئۇرۇش توختاپ، تولىمۇ ئىللىق بىرخىل سېزىم ۋۇجۇدۇمغا تاراشقا باشلىدى ،ئەسلىدە ئانام بەدىنى بىلەن مېنى چىڭ قۇچاقلاپ ،دادامنىڭ تاياقلىرىنى توسىدىغان يېپىنچا بولىۋاتقان ئىكەن ئەمەسمۇ ؟
شۇ ،كۈنى كېچىچە ئانام ،سىڭلىم ئىككىمىزنى باغرىغا باسقىنىچە ئاغرىق ئازابىدا ئىڭرىغاچ ،مىشىلداپ يىغلاپ چىقتى ، باشلىرىمنى سىيلاپ -بالام ،سەن دېگەن ئوغۇلبالا ،ھەقىقى ئەركەكتەك ياشىغىن ،ھەرگىز داداڭنى دوراپ قالمىغىن، ئوغۇلبالا دېگەن ئايال كىشىگە قول كۆتۈرمەيدۇ ، ئاياللارغا كۆيۈنىدۇ ، قوغدايدۇ ، ئۇلارنى ئەرزىيەتتىن ساقلايدۇ ، ئەركەك دېمەك ئاياللارنىڭ قالقىنى دېمەكتۇر ، ئاياللار ئۆز ئەركەكلىرى ئارقىلىق ،ياتلاردىن ،ئىسسىق سوغاقلاردىن ، ئاچ-زېرىنلىقتىن قوغدىنىدۇ ، ئاياللارنى خارلىغان ئەرلەرنى ئاللاھمۇ كەچۈرەلمەيدۇ ، سەن مېنىڭ ئوغلۇم بولساڭ ، كەلگۈسىدە ،ئايالىنى قوغدايدىغان ،ئاجىزلارغا قالقان بولالايدىغان ،ھەقىقى ئەركەك بولۇپ يېتىشكىن،ماڭا ۋەدە بېرەلەمسەن ئوغلۇم-دېدى.
-خاتىرجەم بول ئانا ،مەن چوڭ بولغاندا ،دادامنى ئۇرۇپ سېنىڭ ئۆچۈڭنى چوقۇم ئەپ بېرىمەن .
-نېمە دەۋاتىسەن ئوغلۇم،سەن ئاتا-ئانىسىغا قول كۆتۈرىدىغان نائەھلى بولماقچىمۇ؟-ئاپام مېنىڭ گۆدەكلەرچە ئېيتىلغان سۆزلىرىمنى ئاڭلىغاندىن كېيىن ،قاتتتىق ئەندىكىپ كەتتى -بىلەمسەن بالام ،ئاتا-ئانىسى مىڭ ئەسكى بولسىمۇ ،پەرزەنت دېگەن ئاتا-ئانىسىغا قول كۆتۈرمەيدۇ ، ئاتا-ئانىسىنى خارلىغان پەرزەنىتنىمۇ ئوخشاشلا ئاللاھ كەچۈرەلمەيدۇ ،مەندىن كېيىن قالساڭ ،داداڭنىڭ ھالىدىن ياخشى خەۋەر ئېلىشقا ۋەدە بەرگىن،ئانا رازى خۇدا رازى ،ئوغلۇم داداڭنى دورىما ،لېكىن ئۇنىڭغا قارشى چىقما ،جېنىم بالام ،ئەگەر شۇنداق قىلالىساڭ،مەن سەندىن ،ئۇدۇنيا،بۇ دۇنيا رازى بالام .
-ۋەدە بېرەي ئانا،چوقۇم سەن دېگەندەك ئەركەك بولۇشقا ۋەدە بېرىمەن .
ئانام مېنىڭ ۋەدەمنى ئاڭلىغاندىن كېيىن خۇرسەن بولۇپ ،ئۇلۇغ كىچىك تىندى ،ئاندىن خۇدددى مېنى قايتا كۆرەلمەيدىغاندەك باغرىغا چىڭ تېڭىپ ،چىرايىمدىكى تەبەسسۇملارغا قايتا-قايتا قارىۋەتكەندىن كېيىن ،پېشانەمگە .مەڭزىمگە تويماي سۆيۈپ،چاچلىرىمنى پۇرىدى ......
ئەتىسى ئويغۇنۇپ،بىر ئىشتىن ئەنسىرىگەندەك يېنىمغا قارىدىم ،ئانام بىلەن سىڭلىم يوق،ھويلىنى باغلارنى ئېتىزلارنى ئاختۇردۇم ،ھېچيەردە يوق،قايتىپ كىرگىنىمدە مەن ئوقۇيالىغۇدەك ئايرىپ،ئايرىپ يېزىلغان بىر پارچە خەتنىڭ ياستۇقۇمنى تېگىگە باستۇرۇلغانلىقىنى كۆردۈم :
ئوغلۇم ئەنۋەر ،مەن كەتتىم،سەن تاپالمايدىغان ،يىراق ،تولىمۇ يىراق بىر جايغا كەتتىم ،ئەسلىدە سېنىمۇ ئېلىپ كېتەي دېگەنتىم ،بىراق داداڭنىڭ يالغۇز قېلىشىدىن ئەنسىرەپ قالدىم، مېنىڭ سېنى تاشلاپ كەتكىنىمدىن مەيۈسلىنىپ ،ئانام مېنى ياخشى كۆرمەيدىكەن دەپ ،ئويلاۋاتقانسەن لېكىن ،ئۇنداق ئەمەس ،مەن سېنى سىڭلىڭغا ئوخشاشلا ياخشى كۆرىمەن ،ساڭا چىدىمايمەن،بىراق سەن ئەمدى چوڭ بولدۇڭ،ئاناڭنىڭ ئېغىرىنى كۆتۈرۈشۈڭ ،ھاراقكەش داداڭنىڭ ھالىدىن ياخشى خەۋەر ئېلىشىڭ كېرەك ،ماڭا بەرگەن ۋەدىلىرىڭ ،ھېلىمۇ ئېسىڭدىمۇ ؟مەن سېنىڭ شۇنداق قىلالايدىغانلىقىڭغا ئىشىنىمەن ،كۈنلەرنىڭ بىرىدە سەن مەن دېگەندەك قىلالىساڭ ،مەن چوقۇم يېنىڭغا قايتىپ كېلىمەن ،ئۆزۈڭنى ئاسرا جېنىم بالام ،داداڭنىڭ ھالىدىن ياخشى خەۋەر ئال .
ئانامنىڭ خەتلىرىنى ئوقۇپ،ھۆڭۈرەپ يىغلاپ كەتتىم ،بىراق ئۇنى توغرا چۈشىنەتتىم ،ئۇنىڭ قارارىنى ھۆرمەت قىلاتتىم ،كۆڭلۈمنىڭ بىر يەرلىرىدە ئانامنىڭ مېنى ئېلىپ كەتمىگەنلىكىگە نارازى بولساممۇ ،بىراق ئانامنىڭ بۇ ئازاب دۇنياسىدىن خالاس بولۇپ ،ئۆزىنى قۇتۇلدۇرغانلىقىغا خۇشال بولاتتىم .
ئانام كەتكەندىن كېيىن ،دادام كۆپ ئۆزگەردى،مېنى ئاچ-توق قويماسلىق ئۈچۈن ئىش تېپىپ ئىشلىدى ،مېنى ئۇرمايدىغان تىللىمايدىغان بولدى ، بىراق جان بىلەن كىرگەن خۇي ،جان بىلەن چىقىدۇ دېگەندەك ،ھېلىقى خۇيىنى زادىلا تاشلىيالمىدى . بۇرۇن ئىچىپ كىرگەن چاغلىرىدا ،ئانامنى ئۇرۇپ ئاچچىقىنى چىقارغان بولسا ،ئەمدىلىكتە ،ھۆڭرەپ يىغلىغىنىچە -ھۆرەم ،نېمىشقا مېنى تاشلاپ كېتىسەن ،مەن ئىپلاس،مەن نومۇسسسىز ،سېنى ئۇرغان قوللۇرۇم قۇرۇپ كەتسۇن دەپ ،ئۆزىنى ئۆزى ئۇرىدىغان بولىۋالدى ،دادامنىڭ بۇ ھالىغا قاراپ ،ئۇنىڭغا ئىچىم ئاغرىپ قالاتتى ،ئانامنىڭ بىر يەرلەردە دادامنىڭ پۇشايمانلىرىنى ئازابلىرىنى كۆرۈپ تۇراىۋاتقانلىقىغا ئىشىنىپ ، يېنىمىزغا قايتىپ كېلىشىنى ئۈمۈت قىلاتتىم ، بىراق تولىمۇ ئەپسۇس،ئانام شۇ كەتكەنچە يېنىمىزغا قايتىپ كەلمىدى ،بەزىدە ئانامنى باغرى تاش ئانا ،دەپ ئىچىمدە تىللاپ ،ئۇنتۇپ كېتىشكە،بەل باغلايتتتىم ،بىراق ئۇنىڭ بۇرۇن كۆرگەن كۈنلىرىنى ،مەن ئۈچۈن قىلغانلىرىنى ئويلىغىنىمدا ،ئۇنىڭغا بولغان ئوتتەك سېغىنىش قايتىدىن يۈرىكىمنى قاتتتىق مۇجىيتتى .
دادام ئانام كەتكەندىن كېيىن، قىلغانلىرىغا ھەقىقەتەن كۆپ پۇشايمان قىلدى ،ئۆكۈندى ، ھېلىقى  خۇيى ئۆزگەرمىگەن بولسىمۇ ،ماڭا بەكلا كۆيۈندى ،ھەتتا مېنى دەپ قايتا تويمۇ قىلمىدى ،مېنى دوراپ قالمىسۇن ،دەپ مېنى ئالىي مەكتەپكە قەدەر ئوقۇتماقچى بولغان ئېدى ، بىراق مەن تولۇق ئوتتۇرا مەكتەپتە ئوقۇۋاتقان بىر قەھرىتان قىش كېچىسىدە ،ھاراق ئىچىپ،كوچىدا يېتىپ قېلىپ ،توڭلاپ ،ھاياتىدىن ئايرىلدى.
ئاشۇ كۈنلەرنى مەڭگۈ ئۇنتالمايمەن، دادام كېچىچە ئۆيگە قايتىپ كىرمىدى ، سىرىتقا چىقىپ ئىزدەپ ھېچيەردىن تاپالماي ،ئامالسىز ئۆيگە قايتىپ كەلدىم ،ئەتىسى ئەتىگەندەمەكتەپكە ماڭاي دەپ تۇرۇشۇمغا ،باشقىلار دادامنىڭ ،مۇزلاپ كەتكەن جەسىتىنى دەريا بويىدىن ئېلىپ كەلگەنلىكىنى ئېيتىپ كۆتۈرۈپ كەلگەن چېغىدا ،ئاخشام دەريا بويىغا بېرىپ باقمىغانلىقىمغا قاتتتىق پۇشايمان قىلىپ،ئۆزۈمنى قاتىلدەك ھېس قىلىپ ،قاتتىق ئازابلاندىم .بىر نەچچە ئايغىچە دادامنى خۇددى قايتىپ كېلىدىغاندەك ھېس قىلىپ،خۇددى چۈش كۆرىۋاتقاندەك خامۇش يۈردۈم .ئۇنىڭدىن كېيىن ،دادامنىڭ قايتىپ كەلمەيدىغانلىقىغا ئىشىنىپ، ئانامنىڭ مېنى ئىزدەپ كېلىشىنى كۈتتۈم، بىراق ئۇ كەلمىدى، باشقىلار،ماڭا قاراپ-ۋاي بىچارە ئانىسى تاشلاپ كەتتى ،دادىسمۇئۆلۈپ كەتتى ،بۇ دۇنيادا تىغدەك يالغۇز قالدىدە، دېگەن چاغلىرىدا ،ئانامغا باشقىچە ئۆچ بولۇپ كېتەتتىم .
دادام ئۆلۈپ كېتىپ ،ئۈچ ئايدىن كېيىن،تاغام مېنى ئۆيىگە ئەكىلىۋالدى ،بىراق تاغامنىڭ ئايالى بىلەن بالىلىرى مېنى ھېچ پاتۇرىدىغاندەك قىلمايتتى ،مېنى مەكتەپتىن چىقىرىۋالغىنى يەتمىگەندەك ، ئۆينىڭ ، ئېتىز-ئېرىقنىڭ ئىشلىرىغا سېلىپ، ھە دېسىلا يېتىم-دەپ ھاقارەت قىلاتتى . بىر قېتىم ،تاغامنىڭ چوڭ ئوغلى ،مېنى -يېتىم دەپ تىللىغاندا -مەن يېتىم ئەمەس ،ئانام بار -دەپ جاۋاب ياندۇرسام ، تاغامنىڭ ئايالى يۈگىرەپ كېلىپ -قايسى ئاناڭكەن ئۇ ؟داداڭنى تاشلاپ ،باشقا ئەرگە تېگىۋالغان بۇزۇق خوتۇننى ئانام دېگۈچە ئۆلىۋالساڭچۇ -دەپ جالداقشىپ كەتتى .مەن -مېنىڭ ئانام ئۇنداق ئايال ئەمەس ،ئۇ باشقا ئەرگە تېگىۋالمايدۇ ،يالغان سۆزلىمەڭ-دەپ بوش كەلمەي ۋارقىرغان چېغىمدا ئۇ -ئىشەنمىسەڭ خەقتىن سوراپ باق ،سەن بۇ يەردە غالچىلىق قىلغىنىڭ بىلەن ،ئاناڭ دېگەن خوتۇن ،ئۈرۈمچىدە بىر بايغا خوتۇن بولۇپ ھوزۇر سۈرۈۋاتىدۇ ،داداڭنى ئۆلتۈرگەن قاتىلمۇ شۇ ،ئاناڭ تاشلاپ كەتمىگەن بولسا ،داداڭ شۇ ھالغا چۈشۈپ قالامتى ،داداڭ ئۆلۈپ كېتىۋاتسىمۇ ،بالام بارتى دەپ ئىزدەپ قويمىغان خوتۇننى ئانام بار دەپ يۈرگىنىنى قارا بۇنىڭ-دەپ يۈزۈمگە بىر تەستەك سالدى ،قاتتىق ئېچىشىۋاتقان يۈزلىرىمنى سىلىغىنىمچە ئۆيدىن چىقىپ كەتكىنىمچە قايتا كىرمىدىم .بىر نەچچە كۈن مەدىكار ئىشلىگەندىن كېيىن،ئۈرۈمچىگە قاراپ يولغا چىقتىم ،ئۆزۈمنىڭ ئۈرۈمچىگە نېمىشقا چىقىدىغانلىقىمنى دەپ بېرەلمىسەممۇ ،بىراق تاغامنىڭ ئايالىنىڭ ئېيتقانلىرىنىڭ راس-يالغانلىقىنى بىلىپ بېقىش نېيتىم بەكلا كۈچلۈك ئىدى ،ئەگەر ئۇنىڭ ئېيىتقانلىرى راس بولسا ،ئانامنىڭ يۈزىگە ئىككىنچى قارىمايتتىم ،ئۇنىڭ سىماسىنى قەلبىمدىن چىقىرىپ تاشلاپ مەڭگۈ ئۇنتۇپ كەتمەكچى ئېدىم .
بىراق ماڭا ناتۇنۇش ،بۇ يىراق شەھەردە بىرقانچە يىل مۇساپىرلىقتا تۇرمۇش كەچۈرگەن بولساممۇ ئانامنى تاپالمىدىم ،بىراق ئۆزۈمگە يارىشا بىر كىچىككىنە چىقىش يولىنى تېپىۋېلىپ ،كۆڭلۈمدىكىدەك بىر قىز بىلەن توي قىلىۋالدىم .
مېھراي ئىسىملىك بۇ قىزنى تۇنجى قېتىم كۆرگەن چېغىمدا ،ئۇنىڭ ئانامغا ئوخشاش تەبەسسسۇملۇق چىرايى مېنى مەپتۇن قىلىۋالغان ئىدى ،ئارقىدىن پايپېتەك بولۇپ ئاران دېگەندە كۆڭۈل قەسىرىنىڭ ئىشىكىنى ئاچقان چېغىمدا ،ئىككىمىزنىڭ تويى مېھراينىڭ ئاتا-ئانىسىنىڭ قاتتىق قارشىلىقىغا ئۇچرىدى،ئۇلارنىڭ بىردىنبىر باھانىسى ،يېتىمگە قىز بەرمەيمىزدىن ئىبارەت ئىدى ،مېھراي ئىككىمىزنىڭ ئىرادىسى كۈچلۈك بولغانلىقى ئۈچۈن ،ئاخىرى ئۇنىڭ ئاتا-ئانىسىنى قايىل قىلىپ ،تويىمىزغا ماقۇل كەلتۈردۇق ،25 ياشلىق يىگىتلىك مەۋسۈمۈمدە مېھراي بىلەن توي قىلىپ بەخىت قوينىغا چۆمۈلدۈم، بۇرۇنقى ئازابلىق ھېسلىرىممۇ مېھراينىڭ قەلبىمنى ئېگەللىشى بىلەن بارا-بارا سۇسلاشقا باشلىدى ، مېھراي بېشىمدىن ئۆتكەن سەرگۈزەشتىلىرىمنى ئاڭلىغاندىن كېيىن، ماڭا بۇرۇنقىدىنمۇ نەچچە ھەسسە يېقىملىق مۇئامىلە قىلدى ، ئىككىمىزنىڭ يېڭى قۇرۇۋالغان ئائىلىمىزمۇ شۇ قەدەر ئىللىق ، ئارامبەخىش بىر ماكانغا ئايلاندى .
بىراق نېمىشقىكىن ،يېقىندىن بۇيان،مېھرايدا يۈز بېرىۋاتقان بەزىبىر ئۆزگىرىشلەر مېنىڭ گۇمانىمنى قوزغاپ،قەلبىمدە يېشىلمەيدىغان بىر تۈگۈچنى پەيدا قىلىشقا باشلىدى ،ئۇنىڭ ماڭا تۇتقان پوزىتسىيەسىدە ھېچقانداق ئۆزگىرىش يوق، يەنىلا شۇنداق يېقىملىق ، بىراق ،بۇرۇنقىدەك ئىشتىن يانغاندا ئۇدۇل ئۆيگە قايتىپ كەلمەيدۇ ،چۈشلۈك تاماق ۋاقتىدا  بۇرۇنقىدەك مېنىڭ قايتىپ كېلىشىمنى ساقلىمايلا -سۆيۈملۈكۈم ،تامىقىڭىزنى ئىسسسىق ساقلاش قاچىسىغا ئۇسسۇپ قويدۇم ،ئۆزىڭىز ئېلىپ ،يەڭ -دەپ تېلېفونۇمغا ئۇچۇر يوللاپ قويىدۇ .ئۇنىڭدا يۈز بېرىۋاتقان بۇ ئۆزگىرىشلەر كۆڭلۈمدە بىر گۇماننى قوزغاۋاتقان بولسىمۇ ،بىراق ،دىلىنى رەنجىتمەسلىك ئۈچۈن بېۋاستە سوراپ بېقىشقا جۈرئەت قىلالمايمەن .
بەزىدە ئۆزۈمچە ئولتۇرۇپ،سۆيۈملۈكۈم مېھراي سىزگە زادى نېمىش بولدى -دەپ پىچىرلاپ قويىمەن .ئۇ قايتىپ كەلگەن چاغلىرىدا نېمىشقا كەچ كېلىدىغانلىقىنىڭ سەۋەبىنى ماڭا چۈشەندۈرۈپ قويۇشىنى ئۈمۈد قىلىپ ئاغزىغا شۇنچە تەلمۈرىمەن ،بىراق ،ئۇ يەنىلا ھېچقانداق چۈشەنچە بەرمەستىن ،شېرىن شىكەر گەپلەر بىلەن ،ماڭا بىر ئەركىلىۋەتكەندىن كېيىن، تاماققا تۇتۇش قىلىدۇ ، مەن بولسام ئۆز گۆشۈمنى ئۆزۈم يېگۈدەك بولۇپ ،تېلىۋىزورغا قاراپ ئولتۇرىمەن .
بۈگۈنمۇ ئوخشاشلا ئۆيگە قايتىپ كېلىپ ،مېھراينىڭ قايتىپ كېلىشىنى ساقلىدىم ،ئۇنىڭ بۇرۇن قايتىپ كېلىدىغان ۋاقتىدىن بىر سائەتتىن ئارتۇق ۋاقىت ئۆتۈپ كەتكەن بولسىمۇ تېخىچە قايتىپ كەلمەيۋاتقانلىقىنى ئويلىسام ،جۇدۇنۇم قاتتىق ئۆرلەپ كېتىۋاتاتتى .
-قەدىرلىكىم مەن قايتىپ كەلدىم، بەك پۇزۇر ئولتۇرۇپ كېتىپسىزغۇ -ئايالىم ئىشىكنى ئېچىپ كىرىپلا بوينۇمغا گىرە سالدى .
ھەئە ئولتۇردۇم،ئاشتا پوزۇر-كەيپىياتىمنى ئۇنىڭغا چاندۇرماستىن زورىغا تەبەسسۇم قىلدىم.
-ئۇنداق بولسا يەنە بىردەم مۇشۇنداق ئولتۇرۇپ تۇرۇڭ -مەن كىرىپ تامىقىڭىزنى تەييار قىلار-ئايالىم شۇنداق دەپ قويۇپ ،ئاشخانا ئۆيگە كىرىپ كەتتى .
-تىلتۇڭ-ئۇ كىرىپ كېتىشىگىلا ،ئالدىمدىكى ئۈستەلگە قويۇپ قويۇلغان تېلفونىغا بىرتال ئۇچۇر كەلدى.
-بۇ دېگەن شەخسىي مەخپىيەتلىك جېنىم ،سىز كۆرسىڭىز بولمايدۇ -ئايالىم قىلىۋاتقان ئىشىنى قويۇپ،يۈگىرەپ چىقىپ  ،ئۇچۇرنى كۆرۈپ بېقىش ئۈچۈن قولۇمغا ئالغان تېلىفوننى قولۇمدىن تارتىۋالدى .
داۋامى ئېنكاس شەكلىدە يوللىنىدۇ............

yalkaw

جاۋابىنى تىزىراق يوللىسىڭىز،پوۋېسىتىڭىز خىلى ياخشى چىققاندەك قىلىدۇ.

ئوغۇز

ئاشنا ئىزدەش داۋامى2)

مېھراينىڭ بۇ غەلىتە قىلىقىدىن نېرۋام ئۆرلەپ ،بىر نىمىلەرنى دېمەكچى بولۇپ ئاغزىمنى ئۆمەللەپ تۇرىشىمغا ،ئۇ قولىدىكى تېلىفونغا قارىغاچ ئاشخانا ئۆيگە كىرىپ كەتتى ،گادىرماچ خېياللارغا پاتقىنىمچە ،ئۆزۈم ياقتۇرىدىغان قانالدىكى پۇتبۇل مۇسابىقىسىنى كۆرگەچ(شۇ تاپتا بۇ مۇسابىقە كاللامغا كىرىپمۇ چىقمايتتى)ئايالىمغا دەيدىغان گەپلەرنى تەقلەپ ،ئۇنىڭ تاماق ئېتىپ بىكا بولۇپ يېنىمغا چىقىشىنى كۈتتۈم .
توغرا ئەمدى بولدى قىلىۋەتسەم بولمايدۇ ،ئۇ چىققاندا ماڭا بىر چۈشەنچە بەرمەي باقسۇن قېنى ،ئۆزۈم سورايمەن ،جاۋاب بەرمەيدىغان بولسا باشقا ئەرلەرگە ئوخشاش ھەيۋە كۆرسىتىمەن،ۋاي مېھراي دەپ ،قىلمىغىنىم قالمىسا ،مېنى يۇمشاقۋاشكەن نېمە قىلسام گەپ قىلمايدىغان ئوخشايدۇ دەپ قالغان چېغى ،خەپ توختاپ تۇر مېھراي بۈگۈن مەندىن كىن قېنى ،ھەممە ئىشنى ئايدىڭ قىلىپ چۈشەندۈرەلمەيدىغان بولساڭ راسا بىر....،ياق ئۇنى ئۇرسام بولمايدۇ ؟مەن ئانامغا ۋەدە بەرگەن ئايال كىشىگە قول تەگكۈزمەيمەن دەپ ،ئۇنىڭسىزمۇ ،ئۇ شۇنداق ئاجىز تۇرسا ،مۇشۇ بازغاندەك يوغان قوللىرىم بىلەن  ئۇرغان تايىقىمنى قانداقمۇ كۆتۈرەلىسۇن،ھەم مەنمۇ ئۇنى شۇقەدەر ياخشى كۆرىدىغان تۇرۇپ ،بۇنداق ناچارقىلىق قىلىدىغان بولسام ،ئۆزۈمنىڭ يۈرىكىگە ئۇرغان بىلەن ئوخشاش قىلغان بولمامدىمەن ،ئەڭ ياخشىسى ئۇنىڭ بىلەن چىرايلىق سۆزلىشەي،ئەڭ ئاۋال چىرايلىق قىلىپ-مېھراي جېنىم،مېنى ياخشى كۆرەسىز،ياقمۇ-دەپ سوراپ باقاي،ئىشىنىمەنكى ئۇ جەزمەن -ئەلۋەتتە دەپ جاۋاب قايتۇرىدۇ.ئاندىن مەن -ئۇنداقتا سىزنى مەڭگۈ ئالدىمايمەن دېگەن ۋەدىڭىز ئېسىڭىزدە بارمۇ دەپ سورايمەن.ئۇ چوقۇم ئەلۋەتتە دەپ جاۋاب بېرىدۇ،ئۇ شۇنداق دېيىشىگىلا مەن تەرىمنى تۈرۈپ-ئۇنداقتا ماڭا راس گەپ قىلىڭ ،يېقىندىن بۇيان نېمە ئىشلارنى قىلىۋاتىسىز دەيمەن،ھە شۇنداق قىلاي ،شۇنداق قىلىپ ھەممە ئىشلارنى يىپىدىن يىڭنىسىگىچە سوراپ بىلىۋالاي.

-ئەنۋەر تامىقىڭىز تەييار بولدى -ئايالىمنىڭ ھورى چىقىپ تۇرغان سۈيقئاشنى كۆتۈرۈپ چىقىشى بىلەن خېيال يىپلىرىم ئۈزۈلۈپ،ئۇرۇشقا تەييارلىنىۋاتقان جەڭچىدەك ،ئۆزۈمنى تۈزىۋېلىپ ئۇنىڭغا قاراپ كۈلۈمسىرەپ قويدۇم.
-سىزمۇ تامىقىڭىزنى ئۇسسۇپ چىقىڭە،بىللە ئىچىمىز.
-ئوييو ،بېشىڭىز پىرقىراپ قالمىغاندۇ،ھەركۈنى بىللە يەۋاتىمىزغۇ تاماقنى -مېھراي شۇنداق دەپ قويۇپ،ئۇسسۇپ قويغان تامىقىنى ئېلىپ چىقىپ يېنىمغا ئولتۇردى.

-قەدىرلىكىم سىزدىن بىرگەپنى سوراي-ئاشتىن بىرقوشۇق ئىچىپ شىرەگە قويۇپ ئېغىز ئاچتىم.
-ئاللا ،ئاللا ،ئەنۋەر تاماق ۋاختىدا گەپ سوقۇشقا بولمايدۇ ئۇنتۇپ قالدىڭىزمۇ ،ئېشىڭىزنى ئىچىپ بولغاندىن كېيىن،سورىسىڭىزمۇ كېچىچە يېنىڭىزدا بار مەن ،بىر يەرگە قېچىپ كەتمەيمەنغۇ؟
ئايالىمنىڭ كۈلۈپ تۇرۇپ تەنە ئارلاش قىلغان سۆزلىرىنى ئاڭلاپ ،قاچىنى قايتىدىن قولۇمغا ئالدىم،ئىچىمدە بوشقىنە -چوقۇم بىرگەپ بار،يەنە گەپ يۈتتتۈرمەكچىمۇ،بۈگۈن ھەرگىز ئۇنتۇپ قالمايمەن-دەپ پىچىرلىدىم.
-نىمىدەپ غودىراۋاتىسىز،ئاش بىرقانداق بولۇپ قاپتىمۇ يا؟
-ياقەي ھېچنىمە بولماپتۇ ،قىززىقكەن دەۋاتىمەن.
سۇيقاشنى قىززىق ئىچكەنگە ئامىراق ئىدىڭىزغۇ؟بۈگۈن نىمە بولدى سىزگە ؟
ھېچنىمە.
شۇنداق ئوخشىغان سۈيقئاشمۇ ئاغزىمغا تېتىماي،بالدۇررراق بىكا بولۇپ،مېھرايدىن سوئالىمنى سوراشقا ئالدىراپ،كانايلىرىمنى كۆيدۈرۈپ دېگۈدەك ،بىر چىنە سۈيقئاشنى بىردەمدىلا ئىچىپ تۈگىتىۋەتتىم.

-جېنىم مېھراي،سىزدىن بىرگەپنى سوراي ،ماڭا راس گەپنى دەڭ بولامدۇ؟-تەقەززالىق بىلەن كۈتۈپ ئولتۇرۇپ،مېھراي قاچىسىنى يىغۇشتۇرۇپ چىقىپ يېنىمغا كېلىپ ئولتۇرىشىغىلا ئېغىز ئاچتىم.
-مەن سىزگە قاچان يالغان گەپ قىلىپ باققان،سورىڭە قېنى،ئەجەپ مەندىن سوئال سورىغىڭىز كېلىپ كەتتى بۈگۈن.
-سىز مېنى راسلا ياخشى كۆرەمسىز؟
-ئەلۋەتتە.
شۇنداق دېيىشىڭنى بىلەتتىم،سېنىڭ ئاغزىڭنى ئەلۋەتتە دېگەن سۆز بىلەن ئاچقانغۇ-يەنە غودىرىدىم.
-نېمە دېدىڭىز جېنىم ئېنىق ئاڭلىمىدىمغۇ سۆزىڭىزنى؟-مېھراي ئەركىلەپ بوينۇمغا ئېسىلدى.
-مېنى زادى قانچىلىك ياخشى كۆرىسىز؟
-مۇشۇنچىلىك................
شۇ سۆزدىن كېيىنلا ئاجايىپ،ئاجايىپ ئىشلار باشلىنىپ كەتتى .............
-تۆۋە ،مەن نېمانداق قۇرۇق گۇمانلارنى قىلىپ يۈرىدىغاندىمەن،ئۇ مېنى ياخشى كۆرمىسە ماڭا بۇنچىۋالا ئامراقلىق قىلىپ كېتەرمىدى،بىر ،ئىككى سائەتتە نېمىش قىلغىلى بولاتتى ،نېمىشقا بۇنداق قۇرۇق گۇمانلارنى قىلىپ يۈرىدىغاندىمەن،تاس قاپتىمەن ئۆزۈمگە بوي بەرمەي،ئۇنىڭ بىلەن ئۇرۇشۇپ،ئىناق ئائىلەمنى بۇزغىلى، خىزمەتداشلىرى بىلەن بىرگە بىرەر يەرگە بارغاندۇ؟ياكى ئىش تۈگىمەي كېچىكىپ قالغاندۇ؟ئەگەر مەن ئويلىغاندەك ئىش بولسا ،چوقۇۇم ماڭا يالغان ياۋداق گەپلەر بىلەن بولسىمۇ چۈشەندۈرۈش بەرگەن بولاتتى ،ھېچ بولمىغاندا ئازىراق ھودۇقۇش ئالامەتلىرى كۆرۈلۈپ ،ماڭا تۇتقان پوزىتسىيەسىدىمۇ ئۆزگىرىش بولغان بولاتتتى ،بىراق ھېلىقى ئۇچۇرچۇ؟نېمىشقا مەندىن يوشۇرىدىغاندۇ؟توغرا ،ئۇنىڭ ئاتا-ئانىسى ،ئاچا -سىڭىللىرى تۇرسا ،ئۇلار بىلەن دېيىشىدىغان مەخپىي گەپلىرى باردۇر بەلكىم،مەن سەل ئارتۇق ئويلىۋالدىممۇ قانداق ؟ئەركىشى تۇرۇپ،بۇنداق ئۇششاق ئىشلارنىڭمۇ سېتىقىنى ئېلىپ يۈرسەم قانداق بولىدۇ؟بۇنداق قىلىپ يۈرسەم ،مېھراي مېنى يېتىم بولغاچقا،قېرىنداشلار ئارا مۇناسىۋەتنىمۇ بىلمەيدىكەن دەپ قالمامدۇ؟دېمىسىمۇ مېنىڭ قېرىنداشلىرىم ،ئاتا-ئانام بولمىغاچقا كۆپ ئىشلارنى ئويلاپ بولالمايدىكەنمەن، دادامغۇ مېنى تاشلاپ كەتتى،ئانام بىلەن سىڭلىم ھايات تۇرۇپ نېمىشقا تېپىشالمايدىغاندىمىز؟ئەجەبا ئانام راستىنلا باي ئەرگە تېگىۋېلىپ ،مېنى ئۇنتۇپ كەتكەنمىدۇ؟-خىيال يىپلىرىم ئەمدىلىكتە مېھراي تېمىسىدىن،ئانام بىلەن سىڭلىمغا يۆتكۈلۈپ،كۆڭلۈم يېرىم بولۇپ ،ئىخىتيارسىز يىغلاپ تاشلىدىم.

-ئەنۋەر يىغلاۋاتامسىز؟مېھراي قوللىرى  بىلەن كۆزۈمدىكى ياشلارنى ئېيتتى.
-ياقەي يىغلىمىدىم-ئەركىشى تۇرۇپ،ئايالىمغا كۆزيېشىمنى كۆرسەتكەنلىكىمدىن نومۇس قىلىپ قەستەنگە يالغان سۆزلىدىم-ئەسنىگەنتىم،كۆزۈم ياشاڭغۇراپ قاپتۇ.
-ھە ،كۆڭلىڭىز يېرىم بولسا ماڭا دەڭ،مەن سىزنىڭ ئايالىڭىز،بۇندىن كېيىنكى ھاياتىڭىزدىكى سىردىشىڭىز،بىر-بىرىمىزنىڭ دەردىگە دەرمان بولالمىساق،يېرىم يەرلىرىمىزنى پۈتۈن قىلالمىساق،ئېگىلگەن يەرلىرىمىزنى تۈزلەپ قويالمىساق ،،بىز قانداقمۇ ئۆمۈرلۈك ئەر-خوتۇنلاردىن بولالايمىز؟سىزدىن ئۆتۈنەي،بىر-بىرىمىزنى مەڭگۈ ياخشى كۆرىمىز،بىر ئۆمۈر بىرگە ياشايمىز،دەردىمىزگە دەرمان بولۇپ،بىر ئۆمۈر سىردىشىپ ئۆتىمىز دېگەن ۋەدىللىرىمىزنى ئۇنتۇپ قالماڭ،ئەنۋەر،مەندىن كۈلكىڭىزنىمۇ ،قايغۇڭىزنىمۇ يوشۇرماسلىقىڭىزنى ئۈمۈد قىلىمەن، مېنىڭ سىز بىلەن ،خۇشاللىقتىمۇ،قايغۇ-ئازابتىمۇ،راھەت پاراغەتتىمۇ،جاپا-مۇشەققەتتتىمۇ بىرگە بولالايدىغان ئۆمۈرلۈك ئەر-خوتۇنلاردىن بولغۇم بار،مېنى نائۈمۈت قويماسلىقىڭىزنى ئۈمۈت قىلىمەن.
-سىزنى بەك ياخشى كۆرىمەن جېنىم مېھراي،مەنمۇ خۇددى سىز ئويلىغاندەكلا ئارزۇ قىلىمەن-مېھراينىڭ بۇ سۆزلىرىنى ئاڭلاپ ،ۋۇجۇدۇمدا ئۇنىڭغا بولغان گۇماندىن ئەسەرمۇ قالمىدى.
-ئۇنداقتا ،،ماڭا دەپ بېرىڭە،بايام نېمىشقا يىغلىدىڭىز؟

-سىزدىن ھېچئىشنى يوشۇرغىلى بولمايدۇ ھە؟ئانام بىلەن سىڭلىم يادىمغا كېلىپ قالدى،شۇ.
-مەنمۇ شۇنداقمىكىن دېگەنتىم،كۆڭلىڭىزنى يېرىم قىلماڭ،ئۇلارنى ھامان بىر كۈنى تاپالايسىز.
-دېگىنىڭىزدەك بولار قەدىرلىكم ،ئەمدى ئۇخلايلى ،ئەتە ئىشقا بارىدىغان گەپ تېخى،ياخشى چۈش كۆرۈڭ.

-سىزمۇ شۇ .
ئەتىسى ئەتىگەن ئورنۇمدىن تۇرۇپ ،نامازنى ئوقۇۋېتىپ ،راسا ئوخلاپ ئويغانسام سائەت ئون بوپ كېتىپتۇ،مېھراي نېمىشقا ئويغۇتۇپ قويمىغاندۇ مېنى،بوپتۇلا،بەرىبىر سودىنىڭمۇ تايىنى يوق بولغاندىكىن،ناشتامنى قىلىۋېتىپ ،كۈرۈشمىگەن بۇرادەرلىرىم بىلەن كۆرۈشۈپ،بۈگۈننى ئارام قىلىۋېتەيچۇ ؟-شۇ خېياللار بېلەن يۈز،كۆزۈمنى يۇيۋېتىپ،ئۆيگە چىقىپ،مېھراي تەييارلاپ قويغان ناشتىلىقنىڭ ئۈستىگە يېپىلغان داستىخاننى ئاچتىم،بىر ۋاراق قەغەزگە يوغان قىلىپ يېزىلغان 520 دېگەن خەت كۆزۈمگە دەرھال مېھراينىڭ ئوماق قىياپىتىنى ئەكىلىپ،ۋۇجۇدۇمنى سۆيۈنۈشكە چۈمدۈردى .مېنىڭ ئايالىم بەك ئوماق جۇمۇ؟-شۇنداق دەپ قويۇپ ،ناشتىىلىقنى ئىشتىھا بىلەن يەپ،ئىشىكنى تاقاپ،يېقىن ئاغىنەم،پەرھاتنى ئىزدەپ ماڭدىم،پەرھات مەن بىلەن بىر يۇرتلۇق بولۇپ،كىچىكىمىزدىن بىللە ئويناپ چوڭ بولغان يېقىن ئاغىنىلەردىن ئېدۇق،ئۇ ئۈرۈمچىگە مەندىن بىرنەچچە يىل بۇرۇن كەلگەن بولۇپ ،مېنىڭ بۇ شەھەردە جان باققۇدەك يولۇمنى تاپقىنىمغىچە ماڭا ياردىمى تەگكەن ئىدى.
-ئاداش سۋنىمۇ كۆرگىلى بولىدىكەن ھە؟مەن تېخى توي قىلىۋېلىپلا بىزنى ئۇنتۇپ كەتكەن چېغى دەپتىمەن-پەرھات مېنى كۆرۈپلا تاڭ سۆزلەرنى ياغدۇرىۋەتتى .
-ۋاي ئاداش سىېنى ئۇنتۇپ قالغىلى بولامدۇ؟خوتۇننىڭ يولى باشقا،ئاغىنىنىڭ باشقا ،ئۇنداق خوتۇندىن نەچچىسىگىمۇ تەڭ قىلشىلى بولمايدۇ سېنى-ئاغزىمدىن شۇ گەپلەرنى چىقىرىۋاتقاندا،خۇددى مېھراي گەپلىرىمنى ئاڭلاپ تۇرىۋاتقاندەك يۈزلىرىم قىزىرىپ كەتتى .
-ۋاي بولدى ئاداش بىلىمەن،يەڭگەم ئاڭلاپ قالسا ،داۋاڭنى ئىشتىپ قالمىغىن يەنە-پەرھات خۇددى كۆڭلۈمدىكىنى بىلىۋالغاندەكلا قىلغان بۇ سۆزگە نېمە دەپ جاۋاب بېرىشنى بىلمەيلا قالدىم.
-بولدى ئاداش ،بۈگۈن مەن ئكزۈمنى دەم ئېلىشقا قويىۋەتتىم سەنمۇ ئىشلىرىڭنى قوي،پۇخادىن چىققۇچە ئوينايمىز بۈگۈن.
-چاتاق يوق،تاقىدىم ئەمىسە،-پەرھات قىلىۋاتقان ئىشلىرىنى قويۇپ،ئىشىكنى تاقىدى-چۈش بوپ قاپتۇ يۈرە ئەمىسە ئاۋال ،تاماق يەپ قوساقنى توقلىۋالايلى.
-ھە ،چاق ،،چاقمۇ قىلىپ قويدۇم ئاداش،ئايالىڭ بىلەن قانداق كېتىۋاتىسەن؟-دېدى پەرھات بىز يېقىن ئەتراپتىكى بىر ئاشخانىنىڭ ئايرىمخانىسىغا كىرىپ تاماق بۇيرىتىۋەتكەندىن كېيىن.
-بوپ قويىدۇ ،ياخشى دېسەكمۇ بولىدۇ.
-بوپ قويىدۇ دېگىن،ئىشقىلىپ ،سەن بەك يامانكەنسە جۇمۇ ئاداش،بىز سەندىن بۇرۇن ئۈرۈمچىگە كېلىپمۇ ،ئۈرۈمچىلىك قىزلار تۈگۈل ،،ياۋا قىزلاردىنمۇ بىرەرنى يار قىلىپ تۇتالمىدۇق،سەن چىرايلىق يەرلىك قىزنى كۆيدۈرۈپ يۇۈرۈپ توي قىلىۋالدىڭ .
-ئاداش زاڭلىق قىلمىغىنە-كەمتەرلىك بىلەن ئكزۈمنى تۇتىۋېلىپ سۆز باشلىدىم-خۇدايىم بەردى دەيمىز ئۇنى ،خۇدايىم ئۇچراشتۇرمىسا مەن ئىزدىگەن بىلەن تاپالامتىم ئۇنى.
-ئاداش،ئۇنىمۇ دىدۇق،بۇنىمۇ دىدۇق،ئايالىڭ بەك چىرايلىق،ئۇنىڭ ئۈستىگە خىزمىتى بار ،كۆندۈرىۋالغۇچە سەل ھېزى بولمىساڭ بولمايدۇ جۇمۇ.ئىشقا ئاپىرىپ ئەكىلىۋاتامسەن يا.
-ئەىنسىرىمە ئاداش مېھراي ،ماڭا بەكلا ئامىراق،ماڭا قىلغان مۇئامىلىسىمۇ بەكلا ياخشى ،مەن ئۇنىڭغا ئىشىنىمەن.
-ئاداش بۇ دېگىنىڭ بولمىدى ،ساڭا قانچىلىك ياخشى ،تېخىمۇ بەك ئەندىشە قىلساڭ بولىدۇ،سەن ئۇقمايسەن ،بىزنىڭ يۇرتتىن چىققان ھاشىم دەيدىغان بىر ئاغىنىمىز بولىدىغان ،يۇرتتىن ئېلىپ چىققان گۈلدەك بىر ئايالى بار ئىدى ،سىزغان سىزقىدىن چىقمايتتى.ھاشىم ھەممە ئادەمگە ئايالىنىدىن ماختىنىپ ،دېمىگەن گېپى قالمىغان ،يېقىندىلا تېخى ئۇ يۇرتقا بېرىپ كەلمەكچى بولۇپ ئايالىنى دۇكىنىدا قويۇپ كېتىپ قايتىپ كەلسە ،بىر بالىسى بار خوتۇنىنى كۈپكۈندۈزدە باشقا بىر ئەر بىلەن ئۆيىدە تۇتىۋاپتۇ ،بۇ خوتۇن خەق دېگەن تۇتقان ئاشنىسىنى يوشۇرۇش ئۈچۈن بولسىمۇ ،ئېرىغا غىلجىڭشىپ ،بەك مۇلايىملىشىپ كېتىدىغان گەپكەن .
-نېمە دەۋاتىسەن ئاداش-پەرھاتنىڭ سۆزلىرى خۇددى مېھرايغا قارىتىپ ئېيتىلىۋاتقاندەكلا نېرۋامغا تەگدى -سەن مېھراينى نېمە كۆرۈپ قالدىڭ .
-ۋاي ئاداش ،نېمە بولدۇڭ،مەن مېھراينى بىر نەرسە دېگىنىم يوققۇ ،پەقەت سېنى ئېھتىيات قىل دەۋاتىمەن شۇ ،دېمىسىمۇ ،ئايالىڭنى ئىشقا ئاپىرىپ ئەكەلگىنىڭ ياخشى ،بۇنداق قىلغىنىڭنىڭ ھەر جەھەتتىن بېخەتەرلىككە پايدىسى بار .
-بولدى قىلە ئاداش ،ئاتايىن كۆرۈشەي دەپ كەلسەم ،نېمانداق گەپلەنى قىلىسەن ،نېرۋامنى ئۆرلىتىپ-چىدىغۇچىلىكىم قالماي ئورنۇمدىن تۇرىۋالدىم.
-شۇنچىلىكما ئاداش ،تېخى بايىلا ئۇنداق ئايالدىن نەچچىگە تەڭ قىلمايمەن دەۋاتاتتىڭ ئەمدى ،ئىككى ئېغىز گەپ قىلماي تۇرساملا ،يۈزۈمگە تۈكۈرمەكچىما سەن .
پەرھاتنىڭ بۇ سۆزلىرىنى ئاڭلاپ يۈزۈم چىمىلدىغاندەك بولۇپ جايىمدا ئولتۇرۋېلىپ گەپنى باشقا ياققا بۇرىۋالدىم.
قىلىشقان گەپلەرمۇ ،تارتىلغان تاماقلارمۇ تېتىماي،پۇخادىن چىققۇچە ئوينايمىز دېيىشكەن ئاغىنەم بىلەن بىر ۋاخ تاماقنىمۇ تۈزۈك يېيىشمەي تۇرۇپلا خوشلىشىپ ،ئۆيگە قاراپ يولغا چىقتىم ،شۇ تاپتا ئاغزىمدا پەرھاتنىڭ سۆزىگە رەدىيە بەرگىنىم بىلەن كۆڭلۈمدە مېھرايغا بولغان گۇمان قايتىدىن بىخ سۈرۈپ كۆكلەپ باراقسانلىشىپ كېتىۋاتاتتى ....
داۋامى داۋاملىق ئېنكاس شەكلىدە يوللىنىدۇ...............

ئوغۇز

ئاشنا ئىزدەش داۋامى(3)

پەرھاتنىڭ دېگەنلىرىمۇ ئورۇنلۇق،ئۇنىڭ سىرىتتا بىرەر ئىشى بولمىسا نېمىشقا ماڭا بۇنچىلىك يېقىملىق مۇئامىلە قىلىپ كېتىدۇ،يەنە نېمىشقا داۋاملىق بىرەر سوئال سوراي دېسەملا ئۆزىنى ئېلىپ قاچىدۇ،ئەگەر ئىككىمىزنىڭ ئارلىقىدا راستىنلا ئۈچىنچى شەخىس بولىدىغان بولسا ،ئۇنىڭ ئاخشامقى سۆزلىرىنى نېمە دەپ چۈشىنىشىم كېرەك .بۇ ئىشنى بۈگۈن زادى ئايدىڭ قىلىۋەتمىسەم بولمىغۇدەك ،بولمىسا بۇ گۇمانلار مېنى يەپ كېتىدىغان ئوخشايدۇ ،بىراق ئېغىز ئاچقۇدەك بىرەر سەۋەب ياكى پاكىتىم بولمىسا قانداقمۇ ئېغىز ئاچارمەن،خېياللارغا ئەسرا بولۇپ ،ئۆيگە قانداق كېلىپ قالغانلىقىمنىمۇ بىلمەيلا قالدىم،كەچنىڭ كىرىشىنى تەقەززالىق بىلەن ساقلىغاچ ،كومپىيوتېرنى قوزغىتىپ،بىر پىسخىكا تورىغا چىقىپ ،مەن بىلەن ئوخشىشىپ كېتىدىغان مەسىلىگە يولۇققان بىرەيلەننىڭ خاتىرىسىنى قىزىقىش ئىچىدە ئوقۇشقا باشلىدىم .


-ئايالىمنى بەكلا ياخشى كۆرەتتىم،ئۇنىڭ يېقىملىق مۇئامىلىسى ،ھەم ماڭا قىلىۋاتقان خۇشخۇيلۇقلىرىغا قاراپ ،ئۇنىمۇ چوقۇم مېنى ماڭا ئوخشاشلا ياخشى كۆرىدۇ دەپ ئويلايتتىم،ئۇنىڭ گۈزەللىكى ،مېجەز خۇلقىنىڭ مۇلايىملىقى بىلەن ئۆزۈمنى دۇنيادىكى ئەڭ بەخىتلىك بىر ئىنسان دەپ ھېسابلاپ پەخىرلىنەتتىم ،ئۇنىڭقىلغان قەسەملىرى ،شېرىن شېكەر ۋەدىللىرى بىلەن كۆڭلۈمنى سۆيگۈمىزنىڭ مەڭگۈلۈك ئىكەنلىكى بىلەن خاتىرجەم قىلاتتىم ،ئۇنىغا ئىشىنەتتىم ،يۈرىكىمنىلا ئەمەس بارلىقمنى قوشۇپ ،ئۇنىڭغا تەسەددۇق قىلىۋەتكەنلىكىم ئۈچۈن ،ئۆزۈمنى ئۇنىسىز تەسەۋۋۇر قىلالمايتتىم ،ئىككىمىزنىڭ ھاياتىدىن ئاپىرىدە بولغان بىر جۈپ قوزىللىرىمىزنى پاك مۇھەببىتىمىزنىڭ شېرىن مېۋىسى دەپ ،قاتتىق قەدىرلەيتتىم............
ئەپسۇس ،ئاقىۋەتتە ئويلاپ بېقىشقىمۇ جۈرئەت قىلالمىغۇدەك ئاقىۋەت يۈز بەردى ،بىر كۈنى ئايالىم ،ماڭا خۇشخۇيلۇق بىلەن سۆيۈپ تۇرۇپ ،ئەركىلەپ ئىچكۈزۈپ قويغان بىر قاچا تەملىك سۈيقاشنى ئىچىپ ،ماڭا نېمىش بولغانلىقىنى ،ئەجەلنىڭ قايسى تەرەپتىن نېمە سەۋەبتىن كەلگەنلىكىنىمۇ بىلەلمەي تۇرۇپ ،ئۇ دۇنياغا سەپەر قىلغىلى تاسلا قالدىم.
ھوشۇمغا كەلگەندە بىلدىمكى ،مەن چىن قەلبىمدىن سۆيىدىغان بىردىنبىر ئاشىقىم ھېسابلىنىدىغان ئايالىم مەندىن يوشۇرۇپ كەلگەن ئۇزۇن يىللىق ئاشنىسى بىلەن بىرگە بولۇپ مېنىڭ مال دۇنيالىرىمنى يۈتىۋېلىش ئۈچۈن مېنى زەھەرلەپتۇ ،بۇ رېئاللىقنى قانداقمۇ قۇبۇل قىلغۇم كەلسۇن،بۇ ھېكايىلەرگە قانداقمۇ ئىشەنگۈم كەلسۇن، بىراق مېنىڭ دوختۇرخانىدا ياتقانلىقىم ھەقىقەت ئېدى ،ئەگەر 10 ياشقىمۇ كىرمىگەن پەرزەنتىم ،مېنىڭ قىينىلىۋاتقانلىقىمنى كۆرۈپ ،يۈگىرەپ چىقىپ قوشنىلارغا يەتكۈزۈپ قويمىغان بولسا ئاللىقاچان ئۇ دۇنياغا سەپەر قىلىپ بولىدىغانلىقىم ،ئايالىمنىڭ شۇ قىلغانلىرى ئۈچۈن ،ھازى قانۇننىڭ سورىقىنى قوبۇل قىلىۋاتقانلىقى ھەققىدىكى بۇ ھېكايىلەرنى مېنى بىر قېتىممۇ ئالداپ باقمىغان قەدىردانلىرىمدىن ئاڭلىغان ئىدىم .
نېھايەت ،قورقۇنۇشلۇق چۈش كەبى ھاياتىدا پەيدا بولغان بۇ رېئاللىقلارنى قاتتىق قايغۇ-ھەسىرەت ،پۇشايمان ئىچىدە ،ئاستا-ئاستا قۇبۇل قىلىشقا باشلىدىم،ھەر بىر قېتىم قۇبۇل قىلغان چېغىمدا ،بىر قېتىم  ئۆلگەندەك قاتتىق تولغۇناتتىم،ئايالىمنىڭ گۈزەل چىرايى چۈشلىرىمدە ئالۋاستىنىڭ سىماسىدەك پەيدا بولۇپ جېنىمنى ئالماقچى بولاتتى ،ھەرقېتىم ئۇنىڭ بىلەن بىرگە ئۆتكەن كۈنلەر چۈشلىرىمگە كىرگەن چاغلاردا ،ئۇنىڭغا ماڭا بېۋاپالىق قىلماسلىقى ئۈچۈن يالۋۇراتتىم ،ئويغانغاندا بولسا ،ئۇنىڭ يىرگنىچلىك چىرايىنىڭ چۈشۈمدە پەيدا بولۇپ ،ئۆتكەن كۈنلەرنى ئۇنتۇشۇمغا توسالغۇ بولىۋاتقانلىقىدىن زارلىناتتىم .
ھاياتلىق يىپلىرىمغا باغلانغان ھەربىر ئىنساننى ئۇچراتقىنىمدا ،ئۆزۈمنى ئۇلارنىڭ ئالدىدىكى ئەڭ پەس ئىنساندەك قىياس قىلىپ ،نومۇس قىلىپ،ھەممە كىشىدىن ئۆزۈمنى قاچۇراتتىم ،بەزى كىشىلەر ماڭا ئىچ ئاغرىتسا ،بەزى كىشىلەر ،سايىماخۇن ،دېگەن سۆزلەرنى قىلىشىپ ،يۈرەك يارامنى تاتىلايتتى .
ئاخىرى بۇ ئازابلارغا بەرداشلىق بېرىپ بولالماي ،مېنىڭ نەرىمنى ياراتماي باشقىلارنى تاپقانلىقىنى ،ماڭا نېمە ئۈچۈن ساتقىنلىق قىلغانلىقىنى ،نېمە ئۈچۈن مېنى ئالدىغانلىقىنى سوراپ بېقىش ئۈچۈن ،ئايالىم ياتقان تۈرمىگە ئۇنىڭ بىلەن كۆرۈشكىلى باردىم ،نەچچە قېتىم رەت قىلىنىپ يۈرۈپ ئاخىرى بۇ رەزىل ئايال بىلەن كۆرۈشۈش شەرىپىگە مۇيەسسەر بولالىدىم ،ئۇنىڭ مەن بىلەن كۆرۈشۈشنى رەت قىلغانلىقىنىڭ سەۋەبىنى ،ئازىراق بولسىمۇ ۋېجدان ئازابى تارتقانلىقى ھەم قىلغان نائەھلىلىكلىرىگى پۇشايمان قىلىۋاتقانلىقى سەۋەبلىك دەپ قىياس قىلغان ئىدىم .
-نېمىشقا كەلدىڭ،سەندىن يىرگىنىمەن ،سەن بىلەن بىھۇدە ئۆتكۈزگەن ھاياتىمغا ئېچىنىمەن ،سەن نېمىشقا ئۆلۈپ كەتمەيسەن ،مېنى بالىلىرىمدىن ئايرىدىڭ ،بارلىقىمدىن ئايرىدىڭ ،مەن ساڭا ئۆچ ،سەن بىلەن كۆرۈشمەي دېگەنتىم بىراق ،ساڭا بىر ئېغىز گەپنى دەپ قوياي دېدىم،ئۇ بالىلارنىڭ ئىككىلىسى سېنىڭ ئەمەس ،سەندە بالا تاپالىغۇدەك ئىقتىدارمۇ يوق،ساقلاپ تۇر ،ئاشىقىم ئىككىمىز تۈرمىدىن چىققاندىن كېيىن،بالىلىرىمىزنى يېنىڭدىن ئېلىپ كېتىپ بەخىتلىك تۇرمۇش كەچۈرىمىز .
بىراق ئۇنىڭ بۇ سۆزلىرىنى ئاڭلىغاندىن كېيىن،ئۇنىڭ بىلەن كۆرۈشكەنلىكىمگە بەكلا پۇشايمان قىلدىم ،قەلبىمنى ئۆرتەۋاتقان ئازابلارغا ،تاغلاردەك ،ئاسمانلاردەك ،دېڭىزلاردەك چەكسىز ئازابلار قوشۇلۇپ ئىچ باغرىمنى قان قىلىپ ئۆرتەشكە باشلىدى .
ئەمدى قانداق قىلىشىم كېرەك ،ئۇن يىلدىن بۇيان پەرزەنتىم دەپ مېھرىمنى بەرگەن بۇ بالىلارغا ،ئەمدى مېھرىمنى قانداق بېرىشىم كېرەك ،ئۇلاردىن قانداقمۇ ئايرىلشىم كېرەك ،شۇ خېياللار بىلەن دۇنيادىكى بىردىنبىر يۆلەنچىكىم ،سىردىشم بولغان ئانامغا (دادام بۇرۇنلا تۈگەپ كەتكەن )بالىلىرىمنى دوختۇرخانىغا ئېلىپ بېرىپ تەكشۈرىتىپ بېقىش توغرىلىق مەسلىھەت سالدىم .
-سەن نېمە قىلماقچى ،شۇ خوتۇننىڭ سۆزلىرىگە ئىشىنىپ سېنىڭ جېنىڭنى قۇتۇلدۇرۋالغان ،ئون يىلدىن بۇيان مېھرىڭ بىلەن ئۆستۈرگەن ،سېنى جېنىدىنمۇ ئەزىز كۆرىدىغان ،ئانىسىنىڭ قىلغانلىرى ئۈچۈن كەلگۈسى قارا بولىۋاتقان شۇ پەرزەنىتلىرىڭنىڭ تەقدىرىنى ئەمدىلىكتە ئۆز قولۇ بىلەن ۋەيران قىلماقچىمۇ ،يېتەر ئەمدى ،ئۇ بۇزۇق خوتۇننىڭ سۆزىگە ئىشەنگەنلىرىڭ مۇشۇنچىلىك بولسا يېتەر، ئەمدى ئۆزۈڭگە ئىشەن ،ماڭا ئىشەن ،بالىلىرىڭنىڭ ئۆز پۇشتۇڭدىن بولغانلىقىغا ئىشەن ،سەن ئەر بولۇشتىن مەھرۇم قىلىنغان بولساڭمۇ ،لاياقەتلىك دادا بولۇشتىن مەھرۇم قالغىنىڭ يوق ،ئەمدى ئۆزۈڭنى قولۇڭغا ئال،ئۆتكەن ئىشلارنى ئۇنۇت،ئىككى پەرزەنتىڭ ئۈچۈن ،ئۇلارنىڭ كەلگۈسى ئۈچۈن ئەردەك ،شىردەك ياشا .
ئانامنىڭ بۇ سۆزلىرى بىلەن قايتىدىن غەيرەتكە كېلىپ ،بالىلىرىم ئۈچۈن قەددىمنى تىك تۇتۇپ ياشاۋاتىمەن ،مېنىڭ ئەمدى قايتىدىن مۇھەببەتكە ئېرىشىپ ،بىر ئايال بىلەن تۇرمۇش قۇرالىغۇدەك ئىشەنچىم يوق، لېكىن پەرزەنتلىرىمنى لاياقەتلىك ،ياراملىق قىلىپ تەربىيلىيەلەيدىغان كۆيۈمچان دادا بولۇشقا يېتىپ ئاشقۇدەك ئېرادەم بار ،ھەم چوقۇم شۇنداق قىلالايمەن .
ھېكايە مۇشۇ يەردە تۈگىدى ،ھېكايىنى قاتتىق جىددىي كەيپىياتتا ئوقۇپ تۈگەتكەندىن كېيىن،مېھراينىڭ چىرايى خۇددى مەزكۇر ھېكايدىكى ئايال باش پېرسونازدەك ياۋۇز بولۇپ كۆز ئالدىمدا نامايەن بولۇشقا باشلىدى ،ئەگەر بۇ تورداشنىڭ بېشىغا كەلگەن كۈنلەر مېنىڭ بېشىمغا كېلىپ قالسا ،مەن ئۇنىڭدەك ياشىيالماسلىقىم مۇمكىن ،ئەڭ ياخشىسى ھەممە ئىشلارنى ئېنىقلاپ ۋاختىدا بىر تەرەپ قىلىش نېيتىگە كېلىپ سائەتكە قارىدىم ،مېھراينىڭ بۇرۇن ئىشتىن چۈشۈپ قايتىپ كېلىدىغان ۋاقتى بولۇپ قالغان ئىدى ،توغرا ئېدارىسىگە باراي ،قېنى قانداق قىلىدىكىن .
خەپ توختاپ تۇر مېھراي ،ئردارەڭگە بېرىپ ،قانداق ۋاقىتتا ئىشتىن چۈشىدىغانلىقىڭنى بىر بىلەي ،ئەگەر ئېدارەڭدە يوق بولساڭ كۆرىدىغىنىڭ بار بۈگۈن-شۇنداق دەپ ،ئۆز ئۆزۈمگە سۆزلىگىنىمچە ماشنا توسۇپ ،مېھراينىڭ ئېدارىسىگە قاراپ يولغا چىقتىم .
داۋامى داۋاملىق ئىنكاس شەكلىدە يوللىنىدۇ ......................

0030

ياخشى چىقىپتۇ.  داۋامىچۇ

ئوغۇز

ئاشنا ئىزەش داۋامى(4)

ئالدىرىغان نەدە،ئالدىرىمىغاننىڭ كەينىدە دېگەندەك ،مەن ئالدىرىغانسىرى ئالدىمىزىكى قىزىل چىراقلار كۆپىيىپ كېتىۋاتاتتى ،قىزىل چىراقلارنىڭ تېزىراق ئۆتۈپ كېتىشىنى ساقلاپ ساناق سانىغاچ،مېھراينىڭ ئدارىسىگە بارغاندىكى ئەھۋاللارنى ئويلاپ خېيالغا پاتماقتىمەن.

مانا مېھراينىڭ ئېدارىسىغا كەلدىم،ئۇ ئېدارىسىدە يوق ،خىزمەتداشلىرىدىن ئۇنىڭ ئاللىقاچان ئىشتىن چۈشۈپ بولۇپ ،ئۆيگە قايتىپ كەتكەنلىكىنى ئاڭلاپ ،قاتتىق ئاچچىقتىن نېرۋىللىرىم چىڭقىلىپ ئاغرىماقتا،قانداق قىلىشىمنى بىلەلمەي كەلگەن يولۇم بىلەن قايتىپ كېلىپ،مېھراينىڭ ئۆيدە بار يوقلىقىغا قاراپ بېقىشقا ئالدىرىماقتىمەن،ئۆيگە كەلدىم ،بىراق مېھراي تېخى قايتىپ كەلمىگەن ،خەپ توختاپ تۇر مېھراي ،سائەتكە قارايمەن ،ئاپتۇبۇس بىلەن كەلسەڭمۇ ،كېچىككەندىمۇ،يەنە 20 مىنۇتقىچە كېلىپ بولالايسەن،يېرم سائەتلا ساقلايمەن كەلمەيدىغان بولساڭ ،جىدەلنىڭ يوغىنىنى كۆرىسەن بۈگۈن ،ئۆز-ئۆزۈمگە سۆزلىگەچ مېھراينى ساقلاۋاتىمەن ،بىر سائەت ئۆتۈپ كەتتى ،مېھراي يوق، ئۆز ،گۆشۈمنى ئۆزۈم يىگۈدەك بولۇپ ،ئىككى سائەتنى ئۆتكۈزگەندىن كېيىن مېھراي قايتىپ كەلدى .
ۋو بۇزۇق-ھېچنىمە دېمەستىن مېھراينىڭ كاچىتىغا بىر تەستەك سالدىم-نېمىش قىلدىڭ ،بۈگۈن ھەممە ئىشنىڭ راستىنى دەيسەن ،بولمىسا مەندىن قېچىپ قۇتۇلالمايسەن .
-ئاداشوي،دېگەن جايىڭلارغا كەلدىڭلار ،چۈشەمسىلە يا-شوپۇرنىڭ كەينىگە قاراپ قوپاللىق بىلەن دېگەن سۆزلىرىدىن كېيىن ھوشۇمنى تېپىپ ،ماشنىنىڭ دەرىزىسىدىن كۆرۈنۈپ تۇرغان مېھراينىڭ ئېدارىسىنىڭ دەرۋازىسىنى كۆرۈپ ،قاتتىق چۆچۈپ ،چۈشلىرىمدىن ئويغۇنۇپ،كىرا ھەققىنى بېرىۋەتكەندىن كېيىن ماشنىدىن چۈشۈپ ،ئۈستى باشلىرىمنى بىرقۇر تۈزەشتۈرىۋەتكەندىن كېيىن  ،توي قىلىشنىڭ ئالدىدا ھەركۈنى دېگۈدەك مېھراينى ئالغىلى كېلىدىغان  ،ماڭا ئىنتايىن تونۇش ھېلىقى ئىشخانا بىناسى تەرەپكە قاراپ ماڭدىم .
ئىشخانا بىناسىغا يېقىنلاشقانسىرى پۇت-قولۇم بوشۇشۇپ،بەدىنىم سوغاق تەرگە چۈمۈلۈپ،قاتتىق جىددىيلىشىش ،ۋۇجۇدۇمنى تىترىتىۋاتاتتى ،-ئاللاھىم مۈشكۈللىرىمنى ئاسان قىلغايسەن -مېھراينىڭ ئىشخانىسىنىڭ ئالدىغا كەلگەندىن كېيىن ،شۇنداق دەپ ،ئۆزۈمگە مەدەت بېرىۋەتكەندىن كېيىن،ئىشىكنى چەكتىم.

بىراق خېلى ئۇزاق چەككەن بولساممۇ ئىشىكنى ئاچىدىغانغا بىرەر ئادەم چىقمىدى.

-ھەم مېھراي ئەمدى تۇتۇلدۇڭمۇ،مەن بىلەتتىم زادى ،مۇشۇنداقلىقىنى،ئىسىت،ئىسىت.
-ئەنۋەرجىنىكا ،مېھراي ھەدەمنى ئىزدەپ كەلگەنمىدىڭىز-جان ئاچچىقىدا ئاغزىمدىن چىقىۋاتقان سۆزلەرگە ئەگىشىپ ،پىشانەمدىن ئېىقىۋاتقان سوغاق تەرگە قوشۇلۇپ،ئېقىۋاتقان ياشلىرىم،مېھراينىڭ ئىشخانىسىنى تازلاش ئۈچۈن كېلىۋاتقان ،تازلىقچى قىزنىڭ سۆزلىرى بىلەن مەڭزىمگە كېلىپ توختاپ قالدى،ياشلىرىمنى قانداق يوشۇرۇشنى بىلەلمەي،يۈزلىرىمنى ئالقىنىپ بىلەن،يېپىپ ،ىشانەمدىكى تەرلەر بىلەن قوشۇپ ئېيتىۋەتكەندىن كېيىن:
-ھەئە سىڭلىم ،بۈگۈن ئىشنى بالدۇرراق يىغقان شۇڭا ،مېھراي بىلەن بىرگە قايتاي دەپ تېلىاون قىلسام ئۇلانمىغان ئىدى،شۇڭا ئۇدۇللا ئىشخانىسىغا كەپتىمەن،قارىغاندا مېھراي قايتىپ بولغان ئوخشايدۇ ،مەنمۇ قايتاي ئەمدى-قىزغا شۇنداق دەپ چۈشەندۈرگەندىن كېيىن،ئىچىمدە :خەپ مېھراي سەن ئويناپ يۈرسەڭ ئەيىپىڭنى مەن يېپىۋاتىمەن،خەققە قانداقمۇ خوتۇنۇم ئۆيگە ۋاقتىدا كەلمەيدۇ ،شۇڭا قانداق ۋاقىتتا ئىشتىن چۈشىدىغانلىقىنى سوراپ باقاي دەپ كەلگەنتىم ،دېگىلى بولسۇن-دەپ پىچىرلىغاندىن كېيىن ،قايتىشقا تەمشەلدىم.
-مېھراي ئاچاملار تېخى بايام يىغىنغا كىرىپ كەتكەنتى ،شۇڭا تېلفونىنى  ئېتىۋالغان ئوخشايدۇ ،مەن ئىشخانىسىنى ئېچىپ بېرەي ،ئولتۇرۇپ ساقلاپ تۇرامسىز؟
قىزدىن قەستەنگە ئۆزۈمنى قاچۇرۇپ،سىرىتقا چىقىپ كېتىشكە ئالدىراپ ئالغان قەدەملىرىم،تۇيۇقسىز ئېيتىلغان بۇ سۆزلەر بىلەن تەڭلا توختاپ،قەلبىمنى قاپلىۋالغان قاراڭغۇلۇق،بۇلۇتلۇق ئاسماندىن كېيىن،پارلىغان قوياشتەكلا يورۇپ كەتتى .
-بولىدۇ سىڭلىم،سىز ئىشخانىنى تازلىغىلى كېلىۋاتقانمىدىڭىز-بايىقى چۈشكۈن ھالىمنى ئۆزگەرتىپ،قىزغا تەبەسسۇم بىلەن قارىغاچ شۇنداق دېدىم ،شۇ تاپتا قىزنىڭ ئېيىتقان بۇ خوشخەۋىرى ئۈچۈن يانچۇقۇمدا ناۋات بولسا ،ئاغزىغا موككىدىلام سەپ قويغۇم كېلىۋاتاتتى.
-سىز مېھراي ئاچامغا بەكلا كۆيىنىسىز جۇمۇ ئەنۋەر ئاكا-قىز ئىشخانىنىڭ ئىشىكىنى ئاچقاچ ماڭا شۇنداق دەپ ،غەلىتە بىرخىل قاراپ قويدى.
-ئۇنداق دېگىلىمۇ بولمايدۇ ،سىڭلدىم،مېھراي ئاچىڭىزمۇ بەك ياخشى،ئەرخوتۇن دېگەن بىر-بىرىگە كۆيۈنۈپ ياشىمىسا تۇرمۇش دېگەننىڭ يەنە قانداق لەززىتى بولماقچىدى -دېدىم مەن ئىشخانىغا كىرگەچ ،قىزنىڭ ھەۋەسلىنىپ،ئېيىتقان بۇ سۆزلىرىگە پەخىرلەنگەندەك تەلەپپۇزدا جاۋاب قايتۇرۇپ.
-ئۇغۇ شۇ،بىراق،ئاللا ھەممە قىز يىگىتلەرگە ،سىزلەردەك جۈپلەرنى يارىتىپ بەرمەيدىكەن دەڭە-قىز پاكىزە تۇرغان ئىشخانىنى سۈپۈرگەچ شۇنداق دەپ ئۇھسىنىپ قويدى.
-سىڭلىم،سىز كىچىككىنە تۇرۇپ،نېمىشقا بۇنداق ئۇھسىنىپ كېتىسىز ،بىرەر دەردىڭىز بارمۇ نېمە؟سىز تېخى كىچىك،ئۈمۈدىڭىزنى ئۈزمەڭ ،مەندىن نەچچە ھەسسە ياخشى يىگىتنى تېپىپ توي قىلالايدىغانلىقىڭىزغا ئىشىنىمەن.
-بىزلەرگە ئۇنداق تەلەي نىسىپ بولمايدىكەن ئەنۋەر ئاكا،مەن دېگەن بىر سەھرالىق ،ھەم تۈزۈك ئوقىمىغان ،17 يېشىمدا بۇ شەھەرگە كېلىپ ئىشلەمچى بوپتىكەنمەن،مانا ھازىر 19 غا كىرىپ ئېشىپتىمەن،بىراق مۇشۇ ۋاققۇچە ،قورسىقىدا ئازىراق ئومىچى بار،تۇرمۇشقا ئىلمىي قارايدىغان بىرەر يىگىتنىمۇ ئۇچرىتىپ باقماپتىمەن،ماڭا ئۇچرىغانلارنىڭ ھەممىسى دېگۈدەك مەكتەپتە تۈزۈكمۇ ئوقىمىغان ئىشقى ھەۋەسنى ئەرخوتۇنچىلىق ھەم تۇرمۇشنىڭ لەززىتى دەپ بىلىدىغان گومۇشلار،سىزدەك ئايالىغا كۆيۈنىدىغان  ،تۇرمۇشنىڭ لەززىتىنى ھەر تەرەپتىن ھېس قىلدۇرالايدىغان ئەرلەر مېھراي ئاچامدەك چىرايلىق ھەم ئالىي مەلۇماتلىقلاردىن بىزگە ئەشمايدىكەن،قارىغاندا ،كونىلارنىڭ خىل-خىلى بىلەن جۈپلىشەر دېگىنى راس ئوخشايدۇ .
سىلىم بۇ نېمە دېگىنىڭىز-قىزنى بۇ سۆزلىرىنى ئاڭلاپ ئۇنىڭغا يا ئىچ ئاغرىتىشنى ،يا كىچىككىنە تۇرۇپ،ھەسەت ئارىلاشتۇرۇپ ئېيتىۋاتقان سۆزلىرىگە ئاچچىقلىنىشنى بىلەلمەي سۆز باشلىدىم-گۈلدەك رۇخسارىڭىز تۇرۇپ ،بۇنداق ئۈمۈدىڭىزنى ئۈزىۋەتسىڭىز قانداق بولىدۇ،سىزگە دېسەم ،سىزدە بىرخىل بىر تەرەپلىمە قاراش باركەن،مەنمۇ سىزگە ھەم سىز ئۇچراتقان شۇ يىگىتلەرگە ئوخشاش شۇ سەھرادا چوڭ بولغان ،تولۇق ئوتتۇرىنىمۇ تۈزۈك ئوقۇيالمىغان ،ئۇنىڭ ئۈستىگە تېخى ئاتا-ئانىسىمۇ يوق بىر قارا يىتىم ،بىراق ،مېھراي ئاچىڭىز ،مېنى سەھرالىق دېمەي ، يېتىم دېمەي مەن بىلەن تو قىلدىغۇ ،سىزنىڭ تۇرمۇش قارىشىڭىزدا ئىنتايىن ئېغىر بىر تەرەپلىمىلىك باركەن،مەن كېسىپ ئېيتالايمەنكى ،سىز قەلبىڭىزنى ئېچىپ،ھەقىقى مۇھەببىتىڭىزنى بېرىشنى خالىسىڭىزلا ،سىز ئۇچراتقان ئەمما ياراتماي رەت قىلىۋەتكەن شۇ سەھرالىق يىگىتلەر ،سىز ئۇچرىتىشنى ئۈمۈد قىلىۋاتقان ئەمما ئۇچىرىتالمايۋاتقان شۇ شەھەرلىك يىگىتلەردىنمۇ نەچچە ھەسسە بەخىتنى سىزگە ھېس قىلدۇرالايدۇ ،تۇرمۇشنىڭ لەززىتى ،راھەت پاراغەتتە ئەمەس ،بەلكى ،جاپا -مۇشەققەت ئىچىدىنمۇ ،مېھرى -مۇھەببەتنى ھېس قىلىپ ياشاشتىدۇر.
-مانا ئەمەسمۇ،سىزنىڭ قىلغان گەپلىرىڭىزمۇ باشقىچە ،مەن ئۇچراتقان ئۇ يىگىتلەر بۇنداق گەپلەرنى قىلىش ئۇياندا تۇرسۇن،بۇ گەپلەرنىڭ مەنىسىنىمۇ چۈشەنمەيدۇ ئەمەسمۇ،زادى مېنىڭ دېگەنلىرىم ئورۇنلۇق.
-توۋا ماقىزنى....
-قايسى قىزنى -قىزغا نېمە دەپ چۈشەندۈرۈشنى بىلەلمەي تۇرشىمغا ،مېھراي ئىشىكتىن كىرىپ كەلدى-ئالىيەدىن رەنجىپ قالمىغانسىز ئەنۋەر،ئۇ بەك ياخشى قىز جۇمۇڭ،ھەم سىلىق ھەم سىپايە،ھەم مۇلايىم.
-ھە شۇنداقكەن-ئالىيە دېگەن بۇ قىز بىلەن بىر ئىشخانىدا ئولتۇرۇپ،پاراڭلىشىپ كەتكەنلىكىمنىڭ مېھراينى باشقا خېياللارغا باشلاپ قويۇشىدىن ئەندىشە قىلىپ ،گەپنى باشقا ياققا بۇرىۋالدىم-سىز بىلەن بىرگە قايتاي دەپ كەلەلسەم يوقكەنسىز ،كېتەي دەپ تۇرۇشۇمغا ،بۇ قىز ئۇچراپ قېلىپ ،ئىشخانىڭىزدا ئولتۇرۇپ تۇرۇشىمنى ئېيتقان ئىدى،شۇڭا ...........
-ھە ياخشى قىپسىز ،مەن دېدىمغۇ،ئالىيە ياخشى قىز دەپ -مېھراي شۇنداق دەپ قىز بىلەن ئىككىمىزگە قاراپ كۈلۈپ قويدى ،ئۇنىڭ بۇ قاراشلىرىدىن ،باشقىچە چۈشىنىپ قالدىمۇ نېمە دەپ ئويلاپ ،يەنە قانداق چۈشەندۈرۈشنى بىلەلمەي ،ئاغزىمنى ئېچىپ تۇرۇپلا قالدىم.
-مېھراي بۇ.......
-بۇ ،بۇ،بۇ ،،،،شۇنداق ئىش بۇ-يۈرىڭە ئەمىسە ئۆيگە قايتايلى -مېھراي شۇنداق دەپ،مېنىڭ قىزىرىپ كەتكەن يۈزلىرىمگە قاراپ ،ۋاراققىدە بىرنى كۈلىۋەتكەندىن كېيىن،چىرايلىرى مېنىڭكىدىن بەك قىزىپ،تىرناق تاتىلاپ تۇرغان تازلىقچى قىزغا قاراپ -سىڭلىم ،بىز كەتتۇق،جاپا چېكىدىغان بولدىڭىز-دەۋېتىپ ،قوللىرىنى قولتۇقۇمدىن ئۆتكۈزدى،مېھراينىڭ مېنى توغرا چۈشەنگەنلىكىدىن مەمنۇن بولۇپ،ئۇنىڭ بىلەن قولتۇقلاشقىنىمچە كۆتۈرەڭگۈ كەيپىياتتا ئۆيگە قاراپ يولغا چىقتىم.
-ماشنا توسۇپ كېتەمدۇم،سۆيۈملۈك خوتۇن.
-ياق مېڭىپ كېتىمىز،قەدىرلىك ئېرىم.
مېھراينىڭ ئېرىم دېگەن سۆزلىرى قۇلاقلىرىمغا باشقىچە يېقىملىق ئاڭلىنىپ كېتىپ،ئۇنى تېخىمۇ چىڭ قولتۇقلىۋالدىم .
-خەق قاراۋاتامدۇ نېمە بىزگە.
-قارىسا قارىمامدۇ؟ھەۋەسلىنىپ قاراۋاتقاندۇ تايىنلىق.
مېھراينى تۇتىمەن دەپ بېرىپ،ئۆزۈم تۇتۇلۇپ قالغىنى تاس قالغانلىقىمغا ھەم ئاغىنەمنىڭ سۆزىگە ئىشىنىپ ،مېھرايىدن ئورۇنسىز گۇمان قىلغانلىقىمغا خىجىل بولۇپ ،بىر نەچچە كۈننى ئۆتكۈزدۈم ،بۇ بىر قانچە كۈن جەريانىدا مېھراينىڭ قەلبىدە دۇغ پەيدا بولماسلىق ئۈچۈن،بۇرۇنقىدىنمۇ ئىللىق مۇئامىلە قىىپ قەلبىنى ئىللىشقا تىرىشتىم .
ئارىدىن ئۈچ-تۆت كۈن ئۆتۈپ كەتتى بۈگۈن يەكشەنبە،مېنىڭ چۈشتىن كېيىن يېرىم كۈن ئكزۈمنى دەم ئېلىشقا قويۇپ بېرىدىغان كۈنۈم،بۈگۈنكى دەم ئېلىشىمدا نېمىش قىلىشىم كېرەك ،ئاغىنىللىرىم بىلەن كۆرۈشۈپ كېلەيمۇ،يا،بولدىلا ئۇ ىەقنىڭ قۇرۇق گېپىنى ئاڭلاپ يەنە مھرايدىن قۇرۇق گۇمانلىنىپ يۈرمەي،توغرا مېھراينىڭ ئېدارىسىغا باراي ،ئۇ بۇ شەنبە يەكشەنبىدە ئالدىمىزدا كېلىدىغان بايرامغا قوشۇپ قويۇپ بېرىلىدىغان بىرنەچچە كۈن ئۈچۈن قوشۇمچە ئىشلەيدىغانلىقىنى ئېيىتقان ئېدى- شۇ خېياللار بىلەن يانفونۇمنى قولۇمغا ئالدىم،بولدىلا تېلىفون قىلمايلا بارايچۇ ،ئكتكەنكىدەك تۇيۇقسىز خۇش قىلىۋەتمەيمۇ-يانفونۇمنى يانچۇقۇمغا سېلىۋەتكەندىن كېيىن ،سائەتكە قاراپ ،تېخى ۋاقىتنىڭ بالدۇرلىقىنى ھېس قىلىپ ،ماشنا توسماي پىيادە بېرىشنى قارار قىلىپ ،ئاستا قەدەملەر بىلەن مېھراينىڭ ئېدارىسى تەرەپكە قاراپ يول ئالدىم.

مېھراي مېنىڭ كەلگەنلىكىمنى كۆرسە چوقۇم خۇشال بولۇپ ماڭا ئەركىلەپ كېتىىغان بولدىدە،ئاستا ئېلىنغان قەدەملىرىمگە ئەگىشىپ،خياللىرىم يىپلىرىم مېھرايغا قاراپ تۇتاشماقتا ئېدى،ئۇنىڭ بىلەن توي قىلىشتىن ئاۋال ئۆتكۈزگەن شېرىن دەقىقىلەر،ئۇنىڭ قايسى كۈنى ئېدارىسىن بىللە قايتقان چېغىمىزدىكى ئوماق قىلىقلىرى كۆز ئالدىمغا كېلىۋېلىپ قەلبىمنى باشقىچە سۆيۈندۈرەتتى ،مەڭگۈ شۇنداق ئوماق ھالەتتە تۇرغىن مېھراي،مەن سېنى ھەر گىز يىغلاتمايمەن،ئكز -ئكزۈمگە شۇنداق دەپ پىچىرلىغاندىن كېيىن،كىچىك ۋاقتىمدىكى ئۇنتۇلماس داغلار بىر-بىرلەپ كۆز ئالدىمغا كېلىشكە باشلىدى،دادام رەھمەتلىكنى ئانامنى ئۇرۇشلىرى ،ئانامنىڭ ئاھۇ-زارلىرى،مېنى باغرىغان بېسىپ سۆيۈشلىرى ،ساچلىرىمنى پۇراشلىرى ،ئوغلۇم،دەپ يېقىملىق ئاتىغاندىكى مېھرىبان سىماسى كۆز ئالدىمدا پەيدا بولۇپ،قەلبىمنى ئاچچىق بىر خىل ،ئازابلىق سېزىم قاپلىدى ،ئانا ،جېنىم ئانا ،نېمىشقا ،زادى نېمىشقا مېنى بۇنچە ئۇزۇن تاشلىۋېتىسىز ،نېمىشقا تويۇمدا بولسىمۇ ،تۇرۇپ بېرىپ،ئانىلىق مەجبۇرىيتىڭىزنى ئادا قىلمايسىز ،دۇنيالىقتىكى بىردىنبىر قېرىندىشىم بولغان ئوماق سىڭلىمنىىڭ ،ئاكا -دېگەن يېقىملىق ئاۋازلىرىنى ئاڭلاپ ،ئۆزۈمنىڭ بۇ دۇنيادا يالغۇز ئەمەسلىكىمنى ھېس قىلىپ ئۈمۈكە ئىسەنچكە ئېرىشكىلى قويمايسىز .بىر قېتىم باغرىڭىزغا بېشىمنى قويۇۋالسام رازى ئىدىمغۇ،ئوغلۇم دېگەن ئاۋازلىرىڭىزنى يەنە لىۋالسام يۈرىكىم يېرىلىپ كېتەرمىدى ،،چىرايىڭىزنى يەنە بىر قېتىم كۆرىۋالسام ،سىزدىن ئۇ دۇنيا ،،بۇ دۇنيا رازى بولار ئىدىمغۇ،مەيلى مېنى تاشلىۋەتكەن بولۇپ ،مەيلى باشقا ئەرگە تېگىۋالغان بولۇڭ،سىزنى چىن دىلىمدىن كەچۈرىۋېتەتتىم ئەمەسمۇ،ئەجەبا سىز راستىنلا باشقىلار ئېيىتقاندەك ،باشقا بالىلارنى تۇغۇپ،مەندەك بىر يېتىم ئوغلىڭىزنى ئۇنتۇلۇپ قالغانسىزمۇ؟

ئاچچىق خېياللار بىلەن مېھراينىڭ ئېدارىسىنڭ ئالدىغا كېلىپ قالغانلىقىمنىمۇ تۇيماي قاپتىمەن ،يولنى قارشى تەرپىدە تۇرۇپ،ئېدارىسىنىڭ دەرۋازىسىدىن چىقىپ،مەن تەرەپكە قاراپ كېلىۋاتقان مېھرايغا قاراپ قوللىرىمنى پۇلاڭلاتتىم،مېھراينى مېنى كۆردى،يېنىمغا قاراپ كېلىۋاتىدۇ دەپ ،ئويلايتتىم،بىراق ئۇ چوڭ يولغا چىقىپلا ،مەندىن خېلى چوڭ ياشتىكى بىر ئەر ھەيدىگەن قاپقارا بىر ماشنىغا چىقىپ يۈرۈپ كەتتى ،مېھرايغا قاراپ پولاڭلاتقان قوللىرىم ھاۋادا لەيلەپ،ئۇنىڭ ئىسمىنى ئچاقىرىش ئۈچۈن تەمشەلگەن ئاغزىم ئېچىلىپلا قالدى.
داۋامى داۋاملىق ئىنكاس شەكلىدە يوللىنىدۇ.........................

arkzat

  قارىغاندا، «ئاشىنا ئىزدەش» يەنە ئىزچىل داۋاملىشىۋاتقان بولسا كېرەك.

قارلۇك

   باركاللا ....بەك ياخشى چىققان ئەسەركەن بۇ .داۋامىگا تەشنا بىز ........ئىمكان بولسا.........

ئوغۇز

ئاشنا ئىزدەش داۋامى(5)

-مېھراي بۇ نېمە قىلغىنىڭ-ئۇشتۇمتۇتلا كۆز ئالدىمدا بولىۋاتقان بۇ رېئاللىقنى قانداق قوبۇل قىلىشنى بىلەلمەي ،قاتتىق ۋارقىرىدىم،تۇيۇقسىز قىلغان بۇ ئىشىمدىن ھەيران بولغان ئەتراپىمدىكى ئادەملەر ماڭا ،خۇددى بىر روھى كېسەلگە قاراشقاندەك غەلىتە نەزەر بېلەن قارىشىپ كەتتى ،شۇ تاپتا،ئۇلارنىڭ قاراشلىرىىن خىجىل بولۇپ بۇ يەردىن تېزىراق كېتىشكە تەمشەلگەنلىكىمدىن ،ئۆزۈمنىڭ تېخى نورماللىقىمنى ھېس قىلىپ تۇرساممۇ ،كۆز ئالدىمدا يۈزبەرگەن بۇ خىل رېئاللىقنى قوبۇل قىلغاندىن كۆرە ،رۇھى كېسەل بولۇپ ،ھەممىنى ئۇنتۇپ كېتىشنى بەكىرەك ئارزۇ قىلاتتىم .قولۇمغا تېلىفوننى ئېلىپ مېھراينىڭ نومۇرىنى باستىم،لېكىن،ئۇنىڭغا ئاغزىمنى يىرىپ بىر ئېغىز گەپ قىلىشنىمۇ ،غورۇرۇمغا قىلىنغان ھاقارەت دەپ ھېس قىلىپ،تېلىفونۇمنى يەنە يانچقۇمغا سېلىپ،قاتتىق سىقىلىۋاتقان يۈرىكىمگە قانداق ئەركىنلىك بېرىشنى بىلەلمەي ،قەدەملىرىمگە ئەگىشىپ ئالدىمغا قاراپ ماڭدىم.
روھى ،تېندىىن چىقىپ كەتكەن ئىنساندەك ،پۇتۇم تالغان،بېشىم قايغان تەرەپكە قاراپ كېتىۋاتىمەن،كۆز ئالدىمدىن مېھراي ئىككىمىز تونۇشقاندىن تارتىپ يۈز بەرگەن بارلىق ئىشلار كېنو لېنتىسىدەك بىر-بىرلەپ ئۆتمەكتە :
مەن تېخى يېڭىلا ئۈرۈمچىگە كېلىپ،بىرەر ئىشنىڭ پېشىنى تۇتالماي ،قارا ئىش قىلىپ تىڭىرقاپ يۈرگەن چاغلار ،ئۈرۈمچىدە شوپۇرلۇق كېنىشكىسى ئېلىپ،باشقىلارنىڭ ماشنىسىنى ھەيدەپ ،تۇرمىشى خېلىلا ياخشىلانغان بىر ئاغىنەمنىڭ يول كۆرسىتىشى بېلەن،مەلۇم شوپۇرلۇق مەكتىپىگە تىزىمغا ئالدۇرۇپ،يېرىم يىلدىن ئارتۇق ئوقۇش ھەم ئېمتىھانلارنى تاماملاپ،ئاخىرى شوپۇرلۇق پىراۋامنى قولۇمغا ئېلىپ،بىر تاكسى شىركىتىنىڭ ماشنىسىنى ھۆددىگە ئېلىپ ھەيدىدىم.
باشقىلار 30-40 مىڭ يۈەن زاكالەت ھەققى تاپشۇرۇپ،ئاران قولىغا ئالالايدىغان،كىرا ماشنىسىنى ،شىركەت  خوجايىنىنىڭ ئېتىبارى بېلەن ، بىر موچەنسىز ئېگە بولغانلىقىمدىن شادلىنىپ،كەيپىم چاغ ھالدا خىزمەتكە چىقىش ئالدىدىكى  چاغلىرىم ئېدى.
ئۈرۈمچىنىڭ قەھرىتان سوغىقى جاندىن ئۆتۈپ،بۇرۇندىن ئېقىپ چۈشكەن ماڭقىلار يەرگە چۈشمەي تۇرۇپ ،مۇزلاپ بولىدىغان سەھەر ۋاقتى ،ئېجارە ئولتۇرىۋاتقان قورودىن ماشنامنى ھەيدەپ ،چوڭ يولغا چىقىپ كېتىۋاتسام بىر قىز ماشنامنى توستى.

-داۋەنگە ئاپىرىپ قويامسىز ؟
-بولىدۇ چىقىڭ ئەمىسە؟-داۋەنگە قايسى يول بىلەن قانداق مېڭىشنى بىلمىسەممۇ،خىزمەتكە چىققان تۇنجى كۈنىدىكى تۇنجى مېھماننى رەت قىلىۋېتىشكە كۆڭلۈم ئۇنىماي قىزنى ماشنىغا چىقاردىم-بۇ مېنىڭ تۇنجى كۈنى خىزمەتكە چىقىشىم،داۋەننى بىلىمەن لېكىن قايسى يول بىلەن مېڭىشنى بىلمەيدىكەنمەن،سىز ماڭا يول باشلاپ بېرىڭ بولامدۇ؟
بولىدۇ ،سىز بىلىدىغان يەرگىچە مېڭىڭ ،كېيىن بىلمەيدىغان يەرلىرىڭىزنى مەن دەپ بېرىمەن، سىز ئۈرۈمچىگە قەيەردىن كەلدىڭىز؟

قىزنىڭ باشقا ئۈرۈمچىلىك قىزلارغا ئوىشىمايدىغان مۇلايىم تەلەپپۇزۇغا قاراپ ،ئۇنىڭغا قايتىدىن سەپسالدىم،ئۈرۈمچىگە يېڭى كەلگەن ۋاقىتلىرىمدا ئۈرۈمچىلىك قىزلارنىڭلا ئەمەس ھەتتا ئوغۇللارنىڭمۇ  بىزدەك جەنۇپتىن كەلگەنلەرنى ئالتە شەھەرلىك دەپ ياراتمايدىغانلىقىنى دوسلىرىمدىن ئاڭلىغان ئېدىم شۇ سەۋەبتىنمۇ ،ئۈرۈمچىگە كەلگەندىن كېيىن،ئانامنىڭ سىماسىغا ئوخشايدىغانلاردىن باشقا بىرەر ئايال زاتىغىمۇ سەپ سېلىپ قاراپ باقمىغان ئېدىم.قىزنىڭ ئىنچىكە قاشلىرى ،قاپقارا كۆزلىرى ،ئېقىتىپ قويغاندەك توختىغان بۇرنى،قىپقىزىل ،نېپىز لەۋلەر بېلەن نېقاپلانغان ئويماقتەك ئاغزى،ئاپئاق يۈزىدىكى تەبەسسۇملارنى كۆرۈش بىلەن ،يۈرىكىمگە بىر ئوت تۇتاشقاندەك بولۇپ،ئاغزىمنى ئېچىپ تۇرۇپلا قالدىم.

-قەشقەردىن-قىزنىڭ چىرايىدىكى تەبەسسۇمنىڭ ئورنىغا ئالماشقان ،سوئالىمغا تېخى جاۋاب بەرمىدىڭىزغۇ دېگەندەك ئەجەپلىنىش ئالامەتلىرىدىن ئۆزۈمنى تېپىپ،جاۋاب قايتۇردۇم.
-ھە قەشقەر بەك چوڭ شەھەر ھە،مەن كىچىكىمدە بىر قېتىم بارغان قەشقەرگە ،لېكىن ئېنىق ئېسىمدە قالماپتۇ، ئاللا خالىسا ،ئوقۇشۇمنى پۈتتۈرىۋالسام ،يەنە بىر قېتىم بېرىپ كېلىش ئارزۇيۇم بار.
-ھەممە كىشى ئۈرۈمچىگە كېلىشكە قىزىقىۋاتسا ،سىز قەشقەرگە نېمىشقا بارماقچى بولۇپ قالدىڭىز،ئۇرۇق تۇغقانلار بارمۇ يا قەشقەردە .

قىزنىڭ قەشقەرگە بارغۇم بار دەپ ھەۋەسلىنىپ ئېيىتقان سۆزلىرىنى ئاڭلاپ ،ئىچىمدىكى ھەيرانلىقنى يوشۇرالمىدىم.
-ھەممە كىشى ئۈرۈمچىنى ئاپتونۇم رايونىمىزنىڭ مەركىزى دەپ قارايدۇ ،شۇڭا ئۈرۈمچىدە ياشاشقا ئىنتىلىدۇ،بىراق قەشقەر ئۇيغۇرلارنىڭ بۆشۈگى،ئۇيغۇرلار مەدەنىيەت تاراتقان،ئويغۇرلارنىڭ شانلىق تارىخىغا گۇۋاھچى بولىدىغان قەدىمىي شەھەر.بىز ئۇيغۇرلاردا ئۈرۈمچىنى بەك چوڭ بىلىدىغان خاھىش بار،لېكىن خەلىقئارادا ئۈرۈمچىگە قارىغاندا قەشقەرنى بىلىدىغانلار ناھايىتى كۆپ،ھەر يىلى نۇرغۇنلىغان ساياھەتچىلەر مەملىكىتىمىز ئىچى ھەم سىرتىدىن قەشقەرنى ساياھەت قىلىش ئۈچۈن كېلىشىدۇ،بىراق ئۇيغۇرلار ئۆزىنىڭ مەدنىيەت بۆشۈگى بولغان بۇ شەھەرنىڭ قەدىر -قىممىتىنى تېخىچە بىلەلمىگەندەك،ئىچكىرىگە ،چەتئەللەرگە ساياھەتكە چىقىشىدۇ،مېنىڭ ئاتا-بوۋىللىرىمىزنى ئاپىرىدە قىلغان ،شۇ مۇقەددەس شەھەرنى ھەر يىلى بىر قېتىم تاۋاپ قىلىپ،ئۇيغۇر تارىخىنىڭ شاھىتى بولغان مۇقەددەس جايلارنىڭ توپىسىنى كۆزۈمگە سۈرتۈپ كەلگۈم بار .
قىزنىڭ كىچىككىنە تۇرۇپ ،ئېيتىۋاتقان بۇ سۆزلىرى قەلبىمدە ئۇنىڭغا بولغان مەپتۇنلۇق ئۈستىگە بىر خىل ھۆرمەت تۇيغۇسىنى قوشىۋاتاتتى ،دېمىسىمۇ ئۇنىڭ ئېيىتقانلىرى ھەقىقەتەن بەرھەق ئىدى ،يۇرتىمىز قەشقەردىكى ،ھېيىتگاھ،ئاپاق خوجا مازىرى،ھەزرىتى موللام مازىرى،توققۇز ساراي ،يۈسۈپ خاس ھاجىپ مەقبەرىسى،ئارىسلانخان مەقبەرىسى ،سىرلىق تىلسىماتلارغا تويۇنغان،ھازىرغىچە تىرىك ياشاۋاتقان قەشقە قەدىمىي شەھىرى قاتارلىق جايلارغا نۇرغۇنلىغان ساياھەتچىلەرنىڭ كىرىپ چىقىۋاتقانلىقىنى كۆرۈپ تۇرىمەن ،لېكىن،مەن ئۆزۈم قەشقەرلىك بولساممۇ ،ئېھتىياج تۈپەيلىدىن بولمىسا ،ئاتايىن بىر كۈن ۋاقتىمنى چىقىرىپ،بۇ ئورۇنلارغا بېرىپ ،ھەقىقى قەشقەر بىلەن ھېسىيات ئورتاقلىقىغا ئېرىشىپ باقماپتىمەن .

-سىز باشقا ئۈرۈمچىلىك قىزلارغا پەقەتلا ئوخشىمايدىكەنسىز ،سىزنىڭ سۆزلىرىڭىزنى ئاڭلىغانىن كېيىن،يۇرتۇم قەشقەرنى باشقىدىن تونۇغاندەك بولىۋاتىمەن.
-ساۋاقداشلىرىممۇ،دوسلىرىممۇ،شۇنداق دېيىشىدۇ،تېخى بەزىللىرى مېنى -مېھراي قالاق ،دەپ قويۇشىدۇ،لېكىن ئۇلارنىڭ نېمە دېيىشى بىلەن كارىم يوق،ئىنسان دېگەن يېڭىلىقنى قوبۇل قىلىشى كېرەك،ئەمما ئەسلىنى ئۇنتۇپ قالماسلىقى تېخىمۇ مۇھىم.
-سىز قايسى مەكتەپتە ئوقۇيسىز ؟-دېدىم مەن قىزنىڭ سۆزلىرىگە تېخىمۇ قايىل بولغاندەك ،بېشىمنى لىڭشىتىپ قويۇپ-ئىسمىڭىز مېھرايكەندە.
-شىنجاڭ ئۇنۋېرسىتىتىدا ئوقۇيمەن.
-ھە ئۇنداقتا داۋەن تەرەپكە نېمە ئىش بىلەن چىقماقچى ئىدىڭىز؟
-ئازىراق بېجىرىدىغان ئىشىم بار ئېدى.
-خالىسىڭىز تېلىفون نومرۇمنى كىرگۈزىۋېلىڭ،ئىشىڭىز تۈگىگەندە ،مەن سىزنى ئالغىلى چىقاي .
شۇنداق قىلىپ قىز بىلەن بىر بىرىمىزنىڭ تېلىفون نومۇرىنى كىرگۈزىشىۋالدۇق،كېيىنكى كۈنلەردە قىزنىڭ ئۆزگىچە مىجەز -خاراكتېرى ،مېنى ئۆزىگە مەپتۇن قىلىپ ،يۈرىكىمگە تۇتاشقان ئوت ،ۋولقان كەبى يالقۇنجاشقا باشلىدى .
مېھرايغا ئارلىشىش توغرىلىق يۈز تۇرانە ئېغىز ئاچالماي خېلى ئۇزاق ۋاقىتنى ئۆتكۈزۋەتتىم،ئاخىرى ئۇچۇر يېزىش شەكلى ئارقىلىق ،كۆڭۈل كۆيۈكۈمنى ئىزھار قىلىپ،-يەنە ئازىراق تەخىر قىلىڭ ئويلۇنۇپ باقاي دېگەن جاۋابقا ئېرىشىپ،سەن كىم ئىدىڭ ئەنۋەر ،ئاتا-ئاناڭ ،ئۇرۇق تۇغقىنىڭ يوق بىر قارا يىتىمغۇ سەن،ھالىڭغا باقماڭ،شۇ قىزغا كۆڭۈل ئىزھار قىلىپ يۈرگىنىڭنى قارا ،ئۇنىڭ سېنى تىللىماي شۇنداق دەپ سىلىق رەت قىلغىنىغا خۇشال بولساڭ بولىدۇ تېخى-دەپ بۇ نېيتىمدىن يالتايماقچى بولدۇم،شۇ كۈنلەردە ،يېتىمنىڭ ئاغزى ئاشقا تەگسە بۇرنى قاناپتۇ دېگەندەك ،خېلى ئېغىر بىر قاتناش ھادىسسى بىلەن ئېغىر يارىلىنىپ ،بالنېسىتتا يېتىپ قالدىم .
-ئەنۋەر مېنى بەكلا قورقۇتىۋەتتىڭىسز ،سىزدىن ئايرىلىپ قالارمەنمۇ دەپ ،بەكلا قورقتۇم ،ئەمدى مېنى بۇنداق قورقۇتماڭ بولامدۇ-ھوشۇمغا كېلىپ بىرىنچى بولۇپ ئاڭلىغىنىم،مېھراينىڭ مۇشۇ سۆزلىرى بولدى.
-ماقۇل بولدىڭىزمۇ،مېھراي-مېھراينىڭ بۇ سۆزلىرىدىن ماڭا بولغان مۇھەببەتنى ھېس قىلغاندەك شۇنداق دېدىم.
-ھە....
-نېمە؟
-ھەئە.......
مەن ئاڭلىمىدىم،يەنە بىر قېتىم.....
-ھېچنىمە،ۋۇ قېلىن...
شۇ قېتىم مېھراي يالغۇزلۇقۇمنى چاندۇرماي ،تاكى مەن ئورنۇمدىن تۇرغانغا قەدەر ھالىمدىن ياخشى خەۋەر ئالدى،بىراق بىزنىڭ مۇھەببىتىمىزدىكى تۇنجى توسالغۇ،ھەم كۆڭۈلسىزلىك ،دەل شۇ بالنېسىت ئىشىدىن باشلاندى.
مېھراينىڭ ھەر كۈنى ،مەكتەپتىن كېچىكىپ كېلىۋاتقانلىقىنى سەزگەن ئانىسى،بىر ئىش بولىشىدىن ئەنسىرەپ،مېھراينىڭ كەينىگە چۈشۈپ ،دوختۇرخانىغا كېلىپ،مېنى كۆرىۋالغاندىن كېيىن،مېھراينى كۆز ئالدىمدىلا قاتتىق سوراققا تارتتى ،خېجىللىقتىن ئۆزۈمنى قويىدىغانغا يەر تاپالماي قالغان شۇ دەملەردە ،مېھراينىڭ -ئانا ،مەن بۇ يىگىتنى ياخشى كۆرىمەن ،ئۇنىڭ مەندىن باشقا ھېچنىمىسى يوق،كېرەك بولسا ئۇنىڭغا بىر ئۆمۈر ھەمرا بولۇپ ھالىدىن خەۋەر ئېلىشقا رازىمەن-دېگەن سۆزلىرىنى ئاڭلاپ كۆزلىرىمدىن ھاياجان ياشلىرى قۇيۇلۇپ چۈشتى .
كېيىن مېھراي ئىككىمىز مىڭ بىر جاپا-مۇشەققەتلەرنى باشتىن ئۆتكۈزۈپ ،ئاخىرى ،مۇرادىمىزغا يەتتۇق......بىراق بۈگۈنكى ئىشنى زادى قانداق چۈشەنسەم بولىدۇ،ئەجەبا مېھراينىڭ مەن ئۈچۈن قىلغانلىرىنى ساختا دەپ چۈشىنىشىم كېرەكمۇ،ياق،مەن يۈز بەرگەن ئىشلارنى ساختا دېيەلمەيمەن ،شۇ كۆزلەرنىڭ ،شۇ لەۋلەرنىڭ مېنى ئالدىغانلىقىغا ھەرگىز ،ھەرگىز ئىشىنەلمەيمەن......
-ئەنۋەر ئاكا،سىزگە نېمىش بولدى ،بۇ چاغ بولغاندا ،بۇ يەردە نېمىش قىلىسىز ؟
ئالىيە ئىسىملىك تازلىقچى قىزنىڭ ئاۋازىدىن چۆچۈپ،خېيالدىن ئويغۇنۇپ ،ئەتراپىمغا قاراپ،ئۆزۈمنىڭ چۆگىلەپ يۈرۈپ،يەنە مېھراينىڭ ئېدارىسىنىڭ ئالدىغا كېلىپ قالغانلىقىمنى بىلىپ،قىزغا نېمە دەپ چۈشەندۈرۈشنى بىلەلمەي ھاڭۋېقىپ تۇرۇپ قالدىم.
-مېھراي ئاچام ئىشتىن چۈشۈپ قايتىپ كەتكىلى خېلى ئۇزاق بولدى-دېدى قىز مېنىڭ جاۋاب بەرمىگەنلىكىمنى كۆرۈپ ،كۆزلىرىمدىن بىر ئىشنى سەزگەندەك بولۇپ-سىزگە بىرەر ئىش بولمىغاندۇ-ھە.
-ھە،ياق ،خەۋىرىم بار،بىر ئىش بىلەن كىتىۋاتقان ،مۇشۇ يەردىن ئۆتۈشكە توغرا كەپ قالدى -خەققە قانداقمۇ،خوتۇنۇم ئاشنىسى بىلەن كېتىپ قالغان ،شۇڭا ئېغىر كېلىپ ،پۇتۇپ تالغان بېشىم قايغان يەرلەردە ئايلىنىپ يۈرۈيمەن دېگىلى بولسۇن،قىزغا شۇنداق دەپ جاۋاب بەرگەندىن كېيىن،مېىڭىشقا تەمشەلدىم.
-ئاكا ،سىزنىڭ بەكلا چىرىيىڭىز ئىسسىق ،سىزنى خۇددى ئۆز ئاكامدەكلا كۆرىمەن،مېھراي ئاچام توغرىلىق سىزگە دەيدىغان بەزىبىر گەپلىرىم بار ئېدى،خالىيراق بىرەر ئورۇننى تېپىپ پاراڭلاشساق بوپتىكەن.
-ھە بولىدۇ،قانداق گەپ ئېدى ،ئۇ-قىزنىڭ مېھراي توغرىلىق دېگەن گەپلىرىنى ئاڭلاپ،ئۇنىڭ گەپلىرىنىڭ بۈگۈنكى ئىش بىلەن باغلىنىشلىق بولىدىغانلىقىغا قىزىقىپ،دەرھال ماقۇل بول جاۋابىنى بەردىم-يېقىن ئەتراپتىكى بىر غەربچە تاماقخانىنى بىلىمەن شۇ يەرگە بارايلى ئەمىسە.
-ئەسلىدە ،سىزگە دېمەي دېگەن ئېدىم،بىراق سىزگە سەل ئىچىم ئاغرىپ قالدى،چۈنكى ھەممە ئىشتىن بىخەۋەر  يۈرىۋەرسىڭىز بولمايدۇ-دە،-دەپ، گەپ باشلىدى ئالىيە،بىز دېيىشكەن تاماقخانىغا كىرىپ ،ئورۇنلىشۋالغاندىن كېيىن،ئۇنىڭ ئېغىز ئېچىشىنى كۈتۈپ ،تاقىتىم -تاق بولۇپ كېتىۋاتقانلىقىنى سەزگەندەك ،تېمىنى نەق گەپكە ئۇدۇللاپلا........
داۋامى داۋاملىق ئېنكاس شەكلىدە يوللىنىدۇ.......................  

ئوغۇز

ئاشنا ئىزدەش داۋامى(6)


-شۇنداقتىمۇ ،قانداق ئېغىز ئېچىشنى پەقەتلا بىلەلمەيۋاتىمەن،سىزنىڭ مېنى ئىچى تار قىزكەن دەپ ئويلاپ قېلىشىڭىزدىن تېخىمۇ ئەندىشە قىلىۋاتىمەن.
-قانداق گەپ بولسا خىجىل بولماي دەۋېرىڭ-دېدىم مەن،يانفونۇمنى قولۇمغا ئېلىپ،مېھراينىڭ ئارقا -ئارقىدىن يوللاۋاتقان ئۇچۇرلىرىغا قاراپ،كۆڭلۈم ئېلىشقاندەك قىياپەتتە ،ئۇچۇرلارنى ئوقۇماي تۇرۇپلا يانچۇقۇمغا سېلىۋەتكەندىن كېيىن-سىزنى توغرا چۈشىنىمەن،ئۆزىڭىز دېدىڭىزغۇ،سىزنى ئۆز ئاكامدەك كۆرىمەن دەپ،مەن سىزنىڭ ،بۇ گەپلەرنى ماڭا ياخشى بولۇشىنى كۆزلەپ ئېيىتماقچى بولغانلىقىڭىزنى بىلدىم،ئەمدى ئەنىغە قىلماي دەۋېرىڭ.
-گەپنى قاياقتىن باشلاشنى بىلمىدىم،ئەمىسە دەۋېرەي ھە.
-دەۋېرىڭ.
-ئۇنداقتا گەپنى بىر ئاي ئىلگىرىكى ئىشتىن باشلاي-ئالىيە مېنىڭ چىرايىمدا پەيدا بولغان تەبەسسۇمنى كۆرگەندىن كېيىن،خاتىرجەم ھالدا سۆز باشلىدى-شۇ كۈنى مەن ،ئېدارىنىڭ ئارقىسىدىكى ھويلىغا ئەخلەتلەرنى بىر تەرەپ قىلىش ئۈچۈن چىققان ئىدىم ،مېھراي ھەدەمنىڭ بىر ناتۇنۇش ئەركىشى بىلەن ،پاراڭلىشىپ تۇرغانلىقىنى كۆرۈپ،ئۆزۈممۇ ھېس قىلمىغان ھالدا قاراپ تۇرۇ قاپتىمەن،ئۇلارنىڭ سۆزلىرىنى ئېنىق ئاڭلىيالمىغان بولساممۇ،مېھراي ئاچامنىڭ ئۇ ئەرگە قاراپ يالۋۇرۇش تەلەپپۇزى بىلەن سۆزلەۋاتقانلىقىنى كۆرۈپ،كۆڭلۈمدە بىرخىل گۇمان پەيدا بولۇشقا باشلىدى،لېكىن،مېھراي ئاچام ئەنۋەر ئاكامنى شۇنداق ياخشى كۆرىدىغان تۇرسا ،بۇنداق ئىشلارنى قىلىشى مۇمكىنمۇ ؟-دەپ ئويلاپ،ئۆزۈمنىڭ گۇمانخورلۇقۇمدىن ئاغرىندىم،بىراق شۇنىڭدىن كېيىن،مېھراي ئاچام بېلەن ھېلىقى ئەرنى،پات-پات ئېدارىنىڭ ئاشۇ يەردە كۆرۈپ قالىدىغان بولدۇم،بىر نەچچە قېتىم،مېھراي ئاچام،ئۇ ئەرگە يېلىنغاندەك يىغلاپ تۇرۇپ بىرمۇنچە گەپلەرنى قىلدى،شۇنىڭدىن بېرى ئۇ ئەرنى ئېدارە ئىچىدە كۆرمىدىم،لېكىن،ھەركۈنى ئىشتىن قايتىدىغان ۋاقىتتا ،بىر قارا ماشىنا كېلىپ،مېھراي ئاچامنى ئېلىپ كېتىدىغان بولدى ،بۇ ئەھۋاللارنى كۆرۈپ گۇمان قىلماي دېسەممۇ ئامالىم بولمىدى،ئەسلىدە قايسى كۈنى ئېدارىمىزگە كەلگەن ۋاقتىڭىزدىلا سىزگە دەپ قوياي دەپ ،ئويلىغان ئېدىم ،بىراق ،سىزنىڭ مېھراي ئاچام توغرۇلۇق ،ئىشەنچ بېلەن ئېيىتقان سۆزلىرىڭىزنى ئاڭلاپ،ئارامىڭىزنى بۇزىۋەتكۈم كەلمىدى،بۈگۈن،سىزنى ئېدارىمىزنىڭ ئالدىدا بىنورمال قىياپەتتە كۆرۈپ،سىزدىكى بۇ بىنورماللىقلارنىڭ،قانداقتۇر،مۇشۇ ئەھۋاللار بېلەن باغلىنىشلىق بولۇپ قېلىشىدىن ،ئەندىشە قىلىپ،سىزگە بۇ گەپلەرنى ۋاقتىدا يەتكۈزۈپ قويۇشنى لايىق تاپتىم،قارىسا كىشىنىڭ ئىشەنەۈسى كەلمەيدۇ،لېكىن،بۇ ئەھۋاللارنىڭ ھەممىسى ،مەن ئۆز كۆزۈم بىلەن كۆرگەن ھەقىقەتلەر،مەن ئويلىغاندەك بىرەر ئىش بولمىسا تېخى ياخشى،لېكىن يەنىلا سىزنىڭ خەۋەر تاپقانلىقىڭىز ياخشىراق دەپ ئويلۇدۇم.
قىزنىڭ گەپلىرىنى ئاڭلاپ ،غەزەپتىن غال-غال تىتىرەپ كەتتىم،لېكىن ،ئۇنىڭغا ،سىزنىڭ ئويلىغىنىڭىز توغرا سىڭلىم،مېنىڭ ئايالىم ،يېقىندىن بۇيان ،ئۆزگىرىپ قالدى.مەنمۇ ئۇنىڭ سىرىتتا بىرەر گۇمانلىق ئىشى بارمىكىن دەپ گۇمان قىلىغان ئىدىم،قارىغاندا ،ئىككىمىزنىڭ گۇمانلىرى باغلىنىشلىق ئوخشايدۇ،مەنمۇ بۈگۈن ئايالىمنىڭ بىر ئەرنىڭ ماشنىسىغا ئولتۇرۇپ كەتكەنلىكىنى،ئۆز كۆزۈم بىلەن كۆردۈم،دېسەم،بۇ گەپلەر ئەتىلا تونۇش بىلىشلەر ئارىسىدىكى قىززىق تېمىغا ئايلىنىپ كېتىشى ،باشقىلار مېھراينى يولدىن چىققان ئايال ،دەپ ،كوتۇلداپ.ئارقىدىن گەپ تارقىتىپلا قالماي،يەنە مېنىڭ ،تونۇش بىلىشلەرنىڭ ئاغزىدا،ئايالىنى باشقۇرالمايدىغان،خوتۇنىنىڭ ھاجىتىدىن چىقالماي،سىرىتقا قارىشىغا سەۋەبچى بولغان ،يۇمشاقۋاش ،يارىماس بىر ئەرگە ئايلىنىپ قالىدىغانلىقىم ئېنتايىن روشەن ئېدى.
-سىڭلىم،سىزگە نېمە دېسەم بولار-بىردەم جىمجىت ئولتۇرىۋەتكەندىن كېيىن،ئېغىز ئېچىپ گەپ باشلىدىم-بۇ ئىشلاردىن،مېنىڭمۇ خەۋىرىم بار،سىز كۆرگەن ئۇ ئەر مېھرايغا ئالاقىدار يېقىن بىر تۇغقىنى بولىدۇ،يېقىندا مېھراينىڭ ئائىلىسىدە ،بىر قىيىن ئەھۋال يۈز بەرگەن ئېدى،ئۇ ئەرگە ،مېھراينىڭ توسالغۇلارنى يېڭىپ كېتىشى ئۈچۈن،ياردەم قىلىشنى مەن ئۆتۈنگەن ئېدىم،سىزنىڭ ماڭا كۆڭۈل بۆلگەنللىكىڭىزگە رەھمەت ئېيتىمەن،لېكىن ،مېنى راس ئاكىڭىزدەك كۆرىدىغان بولسىڭىز،بۇ گەپلەرنى قايتا ھېچكىمگە ئېيىتماسلىققا ،ۋەدە بېرىڭ بولامدۇ؟
-ھە،ئەسلى ئىش مۇنداقكەندە،قارىغاندا مەن سەل ئارتۇقچە ئويلاپ كەتكەن ئوخشايمەن،مېنى كەچۈرۈڭ،ئەنۋەر ئاكا،خاتىرجەم بولۇڭ،بۇ گەپلەر ئەمدى ھېچكىمنىڭ قۇلىقىغا ئاڭلانمايدۇ،مەن كاپالەت بېرەي-دېدى قىز مېنىڭ چچىرايىمدىن بىر نەرسىنى بىلىۋالغاندەك .قىزىرىپ تۇرۇپ.
-ھە ياخشى قىز،يارايسىز-دېدىم مەن كۆڭلۈم تىنغاندەك ،ئېغىر بىر تىنىۋەتكەندىن كېيىن-ھە راس ،يېقىندىن بۇيان ،مېھرايدىن سەل ئەندىشە قىلىدىغان بولۇپ قالدىم، خالىسىڭىز،تېلىاون نومۇرىڭىزنى كىرگۈزىۋېلىپ،مېھراينىڭ كەيپىياتىنى سىزدىن سوراپ تۇرسام ،قانداق دەيسىز؟
-چاتاق يوق ئاكا-قىز شۇنداق دەپ بولۇپ،يانفونۇمغا ئكز قولى بىلەن نومۇرىنى كىرگۈزۈپ بەردى .
تاماقتىن كېيىن،قىز بىلەن خوشلۇشۇپ ،ئرەپكە قاراپ ماڭغاچ ،يانفونۇمنى قولۇمغا ئېلىم،مېھراينىڭ بايا يوللىغان ئۇچۇرلىرىنى كۆرۈشكە باشلىدىم:


-قەدىرلىكىم،تېخىچە قايتىپ كەلمەپسىزغۇ،بۈگۈن سىزگە تارىدەك قىلىپ،لەغمەن سوزۇپ قويدۇم،بالدۇرراق كېلىڭ ھە،-بۇ مېھراينىڭ ماڭا يوللىغان بىرىنچى ئۇچۇرى.
-قەدىرلىكىمىش، تېخى،ئۇ گەپلىرىڭنى ،بېرىپ ئاشناڭغا دەپ بەر،بىرىنچى ئۇچۇرنى كۆرۈپ شۇنداق دەپ غودۇراپ قويغاندىن كېيىن.ئىككىنچى ئۇچۇرنى ئاچتىم.
-ھەي ئەسكى ،نېمانداق قايتىپ كەلمەيسىز ،ئۇچۇرمۇ قايتۇرمايسىزغۇ تېخى،ماڭا ھازىرلا ئۇچۇر قايتۇرۇڭ، بولمىسا سىزنى جېنىم دېمەيمەن جۇمۇ.
-جېنىم دېمىسەڭ دېمىگىنە ،سەندەك بۇزۇقنىڭ جېنىم دېمىگىنىڭگە ،مەن بىر نېمە بولۇپ كېتەرمىدىم،بېرىپ،ھېلىقى باي ئاشناڭنى جېنىم دەۋالغىن-ئىككىنچى ئۇچۇرنى كۆرۈپ بولغاندىن كېيىن،ئۈچىنچى ئۇچۇرنى كۆرۈشكە ئالدىرىدىم.


--خەپ ئەنىۋەر،ئەمدى سىزگە ھەرگىز قارىمايمەن،سىزنى كەچۈرمەيمەن،سائەت ئون بولاي دەۋاتسىمۇ قايتىپ كەلمەيسىزغۇ،ئويۇنىڭىزنى ئويناۋىرىڭ،لېكىن،ئەمدى مېنى كەچۈرەرمىكىن دەپ ئۈمۈت كۈتمەڭ.
-ۋاي بەدەنلىرىم ،تىكەنلىشىپ كەتتىيا،سېنىڭ كەچۈرىشىڭگە مۇھتاجمىتىم مەن،خاتىرجەم بول،سېنى ئەمدى ھەرگىز كەچۈرمەيمەن،تۇغۇلغىنىڭغا تويغۇزمايدىغان بولسام،ئەنۋەر بولماي كېتەي-ئۈچىنچى ئۇچۇرنى ئوقۇپ بولغاندىن كېيىن شۇنداق دەپ،ئۆزۈمنى تۇتۇۋالالماي ھۆڭۈرەپ يىغلاپ كەتتىم-مېھراي،مېھراي،بۇنداق قىلغۇچە،مېنىڭ يۈرىكىمگە پىچاق تىقىۋەتسەڭلا بولمىدىمۇ؟مېنىڭ نېمەم بار ئىدى بۇ دۇنيادا ،دادام تېخى تاشلاپ كەتسە،ئانام ماڭا قاراپمۇ قويمىسا،ئەمدى سەنمۇ ماڭا يۈزسىزلىك قىلساڭ،ئەمدى مېنىڭ بۇ دۇنيادا ياشىشىمنىڭ نېمە ئەھمىيتى بار،ئۆلسەملا بولمىدىمۇ؟

ئادەمسىز،دەل -دەرەخلەر ئارىسىدىن غۇۋا يورۇق چىقىرىپ تۇرغان چىراقلىق يولدا ماڭغاچ ئۆز-ئۆزۈمگە سۆزلەيتتىم،خېياللىرىمدا،بۇرۇن ماڭا ئوخشاش قىسمەتكە يولۇققانلارنىڭ،ئېچىنىشلىق تەقدىرلىرى توغرىسىدا ئاڭلىغان كۆرگەنلىرىم،بىر-بىرلەپ ،كېچىپ،ئۆتمەكتە.

ئەڭ ئاۋۋال كۆز ئالدىمغا كەلگىنى ،ئايالى زەھەرلىگەن ھېلىقى ئەرنىڭ قىسمىتى-ئاللاھىم،ساڭا شۈكۈرلەر،ھېلىمۇ ياخشى بۇ بەدنىيەت ئايال،مېنى ئۇ ئەرگە ئوخشاش ھالغا چۈشۈرۈپ قويغىچە،ماڭا ئۇنىڭ ئەپتى بەشرىسىنى ئاشكارلاپ بوپسەن .

شۇ گەپلەرنى دەپ بولغاندىن كېيىن،بىر گېزىتتىن كۆرگەن،ئايالى سىرىتتا ئاشنا ئوينىغاندىن كېيىن،ۋېجدانىنى پاكلايمەن دەپ،ئايالىنى ئۆلتۈرىۋېتىپ،تۈرمىگە چۈشكەن،بىر ئەرنىڭ تەقدىرى.

-ياق مېھراي،مەن ساڭا ئوخشىمايمەن،سەن قىلغاننى مەن ھەرگىز قىلالمايمەن،چۈنكى مەن ئانامغا ،مەڭگۈ ئايال زاتىغا قول كۆتۈرمەيمەن دەپ قەسەم قىلغانمەن،ئۇنىڭ ئۈستىگە ،مېنىڭ ساڭا بولغان مۇھەببىتىم ئاق،سېنىڭكىدەك قارا ئەمەس،مېنىڭ مۇھەبببىتىم سېنى قوغدايدۇ،ساڭا زېيان يېتىشىنى خالىمايدۇ.
شۇنداق دەپ بولغاندىن كېيىن،مېھراي ئىككىمىزنىڭ تەقدىرىنى زادى قانداق ئورۇنلاشتۇرۇش توغرۇلۇق ،ئويلىنىشقا باشلىدىم.

ئۇنىڭ بېلەن ئاجرىشىپ كېتەيمۇ؟ياق،بۇنداق ئاسانلا ئاجىرىشىپ كەتسەم،ئۇنى مۇرادىغان يەتكۈزگەن بولمامدىمەن،مەن ئەلەم تارتىپ،ئۇھسىنىپ قالىمەن،ئۇ بولسا،مۇرادىغا يەتكىنىدىن دىلى يايراپ كېتىدۇ،زادى قانداق قىلسام بولار،چىرايلىق گەپ قىلىپ،ھەممە ئەھۋالنى ئوچۇق دەپ،ئۇنى بۇ يولدىن قايتۇرۇپ كېلەيمۇ يا،ياق،ئۇنى ھەرقانچە ياخشى كۆرسەممۇ ئەركەكلىك غورۇرۇم،بۇنداق ئايال بېلەن بىرگە ياشىشىمغا يول قويمايدۇ،بۇنداق ئىشنى قىلسام،ئۇنىڭ بىلەن ھەرقېتىم بىر يەرگە كەلسەم بىر قېتىم ئۆلۈشۈم مۇمكىن،بۇنداق ئازاب ئايرىلىشتىنمۇ ئازابلىق بولىدۇ.خېياللىرىمنىڭ ھېچ ئاخىرى چىقىدىغاندەك قىلمايۋاتاتتى .


ئۇنداق قىلساممۇ بولمىسا،بۇنداق قىلساممۇ بولمىسا زادى قانداق قىلسام بولار؟

تۇيۇقسىزلا كاللامغا بىر ئەقىل كېلىپ،كۆڭلۈم ۋاللىدە يورۇپ كەتتى،توغرا شۇنداق قىلاي،ئۇنداق قازانغا مۇنداق چۆمۈچ،سەن ئاشنا ئوينىساڭ ،مەن ئوينىيالمامدىكەنمەن،سەن يوشۇرۇن ئوينىغان بولساڭ ،مەن كۆزۈمگە كۆرسىتىپ تۇرۇپ ئوينايمەن ،قاراپ تۇر تۇغۇلغىنىڭغا تويغۇزىۋەتمەيدىغان بولسام،بىراق بۇنداق ئىشنى قىلسام ،سەندىن نېمە پەرقىم قالار مېھراي،شۇ ئوي بېلەن بۇ خېيالىمدىن يالتايماقچى بولدۇم،لېكىن ،قەلبىمدىكى ئېزىلىش تۇيغۇسى مېھراينى ھېچ بوش قويۇۋەتمەيدىغاندەك قىلاتتى،توغرا مەن كۆرسىتىپ تۇرۇپ ئويناي،لېكىن،راس ئەمەس، يالغاندىن،مېھراينى ئازابلاش ئۈچۈن شۇنداق قىلاي،بىراق بۇنىڭغا كۆنىدىغان قىزنى نەدىنمۇ تاپارمەن.

ئەمدىلىكتە ،ئايالىمنىڭ ئاشنىسىنى تېپىش غېمىگە ،بىر يالغان ئاشنا تېپىش غېمى قوشۇلۇپ،بېشىمنى تېخىمۇ قاتۇرماقتا ئېدى .

بولدىلا،بۈگۈنچە ئۆيگە قايتماي ،بىر ئاغىنەمنىڭ ئۆيىگە بېرىپ يېتىپ تۇراي،مېھراي دېگەننىڭ ئەتە قانداق بولۇپ كېتىدىغانلىقىغا قاراپ ،بىر ئىش قىلمايمەنمۇ؟شۇ خېياللار بېلەن،ھەپتە ئاۋال كۆڭلىنى ئاغرىتقان ھېلىقى بويتاق ئاغىنەمنىڭ كۆڭلىنى ئېلىۋالغاچ،بۈگۈن ئاخشامنى شۇنىڭ ئۆيىدە ئۆتكۈزۈش مەخسىتىدە ،ماشنىدىن بىرنى توسۇپ،ئۇنىڭ ئۆيىگە قاراپ قاراپ يۈرۈپ كەتتىم.

-تىلتۇڭ-ماشنىغا چىقىپ تۇرىشىمغا ،تېلىفونۇمنىڭ تۇيۇقسىز سايرىغىنىنى ئاڭلاپ،بىلىمەن، بۇ چوقۇم مېھراينىڭ ئۇچۇرى ،تېلىفونۇمنى ئېتىۋېتەيچۇ ،قېنى قانداق قىلىدىكىن،دەپ ،ئىچىمدە كوتۇلدىغاچ،تېلىفوننى قولۇمغا ئېلىپ،تېخى بايىلا كىرگۈزىۋالغان ئالىيەنىڭ نومۇرىدىن كەلگەن ئۇچۇرنى كۆرۈپ،قىزىقىش ئىچىدە ،ئۇچۇرنى ئېچىپ ئوقۇشقا باشلىدىم.


:ئەنۋەر ئاكا،ئۆيگە قايتىپ بولدىڭىزمۇ؟مېھراي ئاچام ئۆيگە كەپ بوپتۇمۇيا،بايا سىزگە دېمىگەن بېلەن،كۆزلىرىڭىزدىن كۆڭلىڭىزدىكى غەمنى چۈشەندىم،خاتىرجەم بولۇڭ،ئەتىدىن باشلاپ ،مېھراي ئاچامغا ياخشى كۆز قۇلاق بولۇپ،ئۇنىڭ ھەممە ئىشىدىن سىزنى خەۋەردار قىلىپ تۇرىمەن،سىزگە بەرگەن ۋەدەم مەڭگۈ كۈچكە ئېگە،بۇ سىرنى مەڭگۈ ئىچىمدە ساقلايمەن.خەيىرلىك كەچ،كۆڭلىڭىزنى ھەرگىز يېرىم قىلماڭ،سىز بەكلا كېلىشكەن،ھەم مېجەزىڭىزمۇ ئوبدان،ئەتراپىڭىزغا قارىسىڭىزلا ،مېھراي ئاچامدىن باشقا يەنە نۇرغۇن قىزلارنىڭ سىزگە تەلمۈرىۋاتقانلىقىنى بايقىيالايسىز....

،توۋا ما قىز نېمە دېگەن ئەقىللىق ھە.بىراق ئۇنىڭ ئاخىرقى گەپلىرى قانداق مەنىدە ئېيتىلغاندۇ؟ئەجەبا....-قىزنىڭ ئۇچۇرىنى كۆرگەندىن كېيىن،ھەم سۆيۈنۈش،ھەم بىرخىل ھەيرانلىق قەلبىمنى قامال قىلىشقا باشلىدى.

توغرا،ئالىيە،ئۇ چوقۇم ماڭا ياردەملىشىپ رول ئېلىشقا ماقۇل بولىدۇ.ئەگەر ئۇ رول ئالىدىغانلا بولسا،مېھراينى ھەر كۈنى كۆز ئالدىدىلا قىيناپ تۇرالايمەن............
داۋامى داۋاملىق ئىنكاس شەكلىدە يوللىنىدۇ..................