ئاشنا ئىزدەش(پوۋسىت)

ئوغۇز

ئاشنا ئىزدەش داۋامى(7)



-ئاھ ئەنۋەر سەن نېمە دېگەن ئەقىللىق-ھە،-تۇيۇقسىزلا كاللامغا كەلگەن بۇ ئەقىلدىن سۆيۈنۈپ كەتتىم-دە،ئالىيە قىزغا جىددىيلىك بىلەن-مېنى چۈشەنگەنلىكىڭىزگە رەھمەت ئالىيە،سىزگە دەيدىغان بەزىبىر گەپلىرىم بار ئىدى،ئەتە ۋاختىڭىز بولسا كۆرۈشسەك بولامدۇ؟-دەپ ئۇچۇر يوللىۋەتكەندىن كېيىن،ئالىيەنىڭ ئۇچۇر قايتۇرۇشىنى كۈتتۈم.

ئالىيە شۇ ھامانلا-بولىدۇ ئاكا،ئەمىسە قانداق ۋاقىتتا قەيەردە كۆرىشىمىز -دەپ،ئۇچۇر قايتۇردى.


مەن-رەھمەت سىڭلىم،كۆرىشىدىغان ئورۇن بىلەن ۋاقىتنى سىز بەلگىلەڭ-دەپ ئۇچۇر قايتۇردۇم.
ئالىيە-ئېدارىگە يېقىن ئەتراپتا كۆرۈشسەك ،مېھراي ئاچامنىڭ دىققىتىنى تارتىپ قويۇشىمىز مۇمكىن،شۇڭا سەل يىراقراى يەردە كۆرۈشسەك بولارمىكىن،مەن كۆپ يەرلەرنى بىلىپ كەتمەيمەن ،سىز بىكىتسىڭىز قانداق-دەپ ئۇچۇر قايتۇردى.
مەن-ھېچقىسى يوق،سىز دەۋىرىڭ،مېھرايدىن ئەنسىرىشىڭىزنىڭ ھاجىتى يوق-دەپ ئۇۇر قايتۇرغاندىن كېيىن،ئالىيە-ئۇنداق بولسا بۈگۈنكى تاماقخانىدا ،دەل سائەت 12 دە كۆرشىلى بولامدۇ؟-دەپ ئۇچۇر قايتۇردى .


مەن-ئوكەي-دېگەن ىەتنى يوللاش ئارقىلىق ماقۇللۇقۇمنى بىلدۈرگەندىن كېيىن،ئاغىنەمگە بۈگۈنكى قونۇپ قېلىشىمنى قانداق چۈشەندۈرۈش توغرۇلۇق باش قاتۇرۇشقا باشلىدىم؛
راستىنى دەي دېسەم،ئۇ چوقۇم-مەن ساڭا نېمە دېگەنتىم،قايسى كۈنى بەك شىلتىڭ ئېتىپ كېتىۋاتاتتىڭ،قانداق ،مەن بىر نەرسىنى بىلىپ دەمدىكەنمەن،گېپىڭ بولسا ئەمدى قىلە قېنى -دەپ كۆرەڭلەپ،ھەددىدىن ئېشىپ كېتىشى ئېنىق.
مېھراي بېلەن ئۇرۇپ قالغان ،شۇڭا سېنىڭكىدە قونغىلى كەلدىم ،دەي دېسەم،-خوتۇنۇڭغا ەېپىڭنى ئۆتكۈزەلمەي يامانلاپ كەلدىڭما-دەپ زاڭلىق قىلىشى ھەم يىپىدىن يىڭنىسىغىچە كوچىلاپ سوراپ تۇرۋېلىشى ئېنىق.
بولدىلا،بۇ ئېگىلمەيدىغان قاتتىق بوينۇمنى بىر قېتىم تۆۋەن تۇتۇپ-قايسى كۈنى ئىش ئۈچۈن كەچۈرۈم سورىغىلى كەلدىم-دەپ تۇراي،شۇنداق دېسەم ،مەنمۇ ئاسانلا قۇتۇلىدىكەنمەن،ئۇمۇ خۇش بوپ نېمە قىلارىنى بىلمەي كەتكۈدەك.
-ئاداشوي،مۇشۇ يەردە چۈشەمسىلە يا-پەرھاتنىڭ خۇشلۇقىدا ئالدىمدا پايپېتەك بولۇپ كېتىۋاتقان ھالىتىنى كۆز ئالدىمغا كەلتۈرۈپ ،ھېجىيىپ  ئولتۇرغۇنىمدا ،شوپۇرنىڭ تۇيۇقسىز چاقىرىشىدىن چۆچۈپ،ئۆزۈمنىڭ ماشنىدا ئولتۇرۇۋاتقانلىقىمنى ئېسىمگە ئېلىم،ئۆزۈمنى ئوڭشىۋالغاندىن كېيىن:
-ياق تېخى،ئالدىمىزدىكى دوقمۇشتىن ،ئوڭدىكى كوچىغا يەنە ئازىراق ماڭىمىز-دەپ جاۋاب بەردىم.
-ۋايجان-پەرھات مەن خېلى ئۇزاق ئىشىكنى ئۇرغاندىن كېيىن ،ئىشىكنى ئېچىپ مېنى كۆرۈپلا ،قورقۇپ كەتكەندەك كەينىگە داجىدى.
-ئاداش،بۇ مەن ،ئالۋاستى ئەمەس قوقما-بېرىپ پەرھاتنى يۆلىدىم.
-سەنلىكىڭنى بىلىپ،چۆچۈۋاتىمەن،جىندىن قورقىدىغان پەرھات ئەمەس مەن-دېدى پەرھات ئكزىنى مەردانە كۆرسىتىپ-ھە خوتۇنۇڭ قوغلاپ چىقارغان ئوىشىمامدۇ نوچى ،بۇ كېچىدە بولمىسا بۇ يەرگە كېلىدىغان ئەنۋەر ئەمەس ،سەن.
-ۋاي ئاداش ،نېمە دەيدىغانسەن،قايسى كۈنى يېقىن ئاغىنەمنىڭ كۆڭلىنى رەنجىتىپ قويدۇم-دەپ ،پۇشايمەن قىلىپ،بۈگۈن ئاتايىن خوتۇننىڭ ئۇنمىغنىغا قويماي،شۇ ئاغىنەمدىن كەچۈرۈپ سوراپ ،كۆڭلىنى ئېلىۋالغاچ،بىر ئاخشام مۇڭدىشىپ كېلەي ،دەپ كەلسەم،مېنى مۇشۇنداق قارشى ئالامسەن،قارىغاندا كەتسەم بولىدىغان ئوخشايدۇشۇنداق دەپ ئارقامغا ئۆرۈلىشىمگە ،پەرھات قولۇمغا ئېسىلىپ-ۋاي ئاداش،كۆڭلۈڭنى چۈشەنمەپتىمەن، نەگە بارماقچىدىڭ ،مۇشۇ كېچىدە ،ئۆيگە كىرە،چاقچىقىمىز بارغۇ ئۇنچىلىك،كۆتۈرىسەنغۇ ئەمدى-دەپ قولۇمدىن تارتىپ يۈرۈپ،بىر ئېىغزلىق ھۇجرىسىغا تارتىپ ئەكىردى .
پەرھات مەن ئويلىغاندەكلا ،پايپېتەك بولۇپ ،مېنى خېلى ئوبدانلا كۈتۈپ قويدى ،ئەتىسى ئەتىگەن پەرھات بىلەن بىللە ناشتا قىلىۋەتكەندىن كېيىن،مېھرايدىكى ئۆزگىرىشلەرنى كۆرۈشكە ئالدىراپ،ئۆيگە قاراپ ماڭدىم.
ئۆيگە قايتىپ كەلگەىندىن كېيىن،ئۆزۈمنىڭ ئاچقۇچۇم بىلەن ئاستا ئىشىكنى ئېچىپ،مېھراينىڭ ئىشقا ماڭغان ،ماڭمىغانلىقىنى بىلىش ئۈچۈن،مېھمانخانا،ئاشخانا ئۆيلەرنى بىرقۇر كۆزىتىۋەتكەندىن كېيىن،ئاستا مېڭىپ،ياتاق ئۆينىڭ ئالدىغا كېلىپ،غۇۋا ئوچۇق تۇرغان ئىشىكتىن،مېھراينىڭ ،مىشىلداپ يىغلاپ ياتقان ھالىتىنى كۆرۈپ،دىللىرىم يايراپ كەتتى .خوپ بولدى ،سەن كېچىكىپ كەلسەڭ،مەن كېچىچە كەلمەيمەن،،ئەمدىغۇ بىلگەنسەن ،ئېرىڭنىڭ قولىدىن قانچىلىك ئىش كېلىدىغانلىقىنى -ئۆز-ئۆزۈمگە شۇنداق دەپ قويغاندىن كېيىن،مېھراينىڭ يىغلاۋاتقان ھالىتىگە يەنە بىر قېتىپ قارىۋېتىپ،تۈنۈگۈن بىر كۈن تاشلاپ قويغان ئىشلىرىمنى قىلىش ئۈچۈن ،دۇكىنىمغا قاراپ ماڭدىم.
چۈشكىچە خېيالغا پېتىپ ئولتۇرۇپ،قولۇم تۈزۈكرەك ئىشقىمۇ بارمىدى -نېمىشقىكىن،ئاغزىمدا خۇشال بولغاندەك قىلغان بېلەن ،مېھراينىڭ يىغلاۋاتقان قىياپەتلىرى كۆز ئالدىمغا كېلىۋېلىپ،كۆڭلۈمنىڭ بىر يەرلىرىنى بەكلا يېرىم قىلىۋاتاتتى ،مېھراي،مېھراي،نېمىشقىمۇ بۇنداق قىلغانسەن-دەپ ئۇھسىنىپ قوياتتىم،كۆزلىرىم كۆرگەنگە خېياللىرىم ئىشەنمەي ،ماڭا-مېھراي سېنى ياخشى كۆرمىسە ،نېمە ئۈچۈن ،سەن ئۈچۈن كۆز يېشى قىلىدۇ،سەن بىلەن كارى بولمىسا،ئۆيگە كىرمىگىنىڭدىن خۇشال بولسا بولاتتىغۇ؟نېمىشقا كۆڭلى يېرىم بولۇپ يىغلايدۇ؟مەن سەل ئاشۇرىۋەتتىمممۇ قانداق ،نېمىلا دېگەن بېلەن،كۆرگەنلىرىمنى ئاۋال ئۇنىڭغا دەپ،ئۇنىڭ چۈشەندۈرىشىنى ئاڭلاپ،پوزىتسىيەسىگە قاراپ بىر ئىش قىلساممۇ بولاتتىغۇ،بۇرۇن مېھرايغا ،كۆزىڭىزدىن بىر تامچە ياش ئاققۇزمايمەن ،دەپ، ۋەدە بەرگەن ئېدىم،مانا ئەمدىلىكتە ،ئۇنىڭ يىغلاۋاتقانلىقىنى كۆرۈپ،تەسەللىي بېرىشكىمۇ يارىماستىن......ھەي مەن زادى نېمە بولغاندىمەن؟
گادىرماچ خېياللار بېلەن كۈننى چۈش قىلغاندىن كېيىن،ئالىيە بىلەن دېيىشكەن ئورۇنغا كېلىپ،ئۇنىڭ كېلىشىنى ساقلىدىم،بولدىلا ئالىيەگە ھېلىقى گەپنى دېمەي تۇراي،ئاۋال مېھراي بېلەن چىرايلىق ئولتۇرۇپ پاراڭلىشىپ باقاي،گۇمان ئىماننىڭ قاچۇرۇپتۇ دېگەن ەەپ بار،مېھراينىڭ چۈشەندۈرۈشلىرى يېتەرسىز بولغان چاغدا ،ئاندىن ،يەنە ئالىيەنى ئىزدىسەممۇ كېچىكمەيمەنغۇ-شۇ خېياللار بېلەن ئالىيەگە دەيىغان سۆزلىرىمنىڭ تېمىسىنى مېھراينى ئاقلاشقا ئۆزگەرتىپ ئولتۇرسام،ئالىيە قىزغىن سالاملار ھەمدە ئازىراق كېچىكىپ قالغانلىقى سەۋەبلىك سورالغان ئۆزرىلەر بىلەن يېنىمغا كېلىپ ئولتۇردى.
-ئەنۋەر ئاكا،سىزگە يەتكۈزىدىغان بىر مۇھىم خەۋىرىم بار-مەن ئېغىز ئاچاي ەپ بولغۇچە ،ئالىيە <خەۋەر> دېگەن بۇ سۆزى قىزىقىشىمنى قوزغاپ،
-ھە قانداق خەۋەر ئۇ،تېزىراق دەڭا-دەپ،ئالىيەنىڭ ئاغزىغا تەلمۈردۈم.
-بۈگۈن مېھراي ئاچام خىزمەتكە سەل كېچىكىپ كەلدى.
-بۇنىڭدىن خەۋىرىم بار.
-توختاپ تۇرمامسىز ،گېپىمنىڭ ئاخىرى تېخى تۈگىمىدى-ئالىيە گېپىگە قوشۇق سالغىنىمدىن نارازى بولغاندەك،ماڭا قاراپ،ئەركىلەش ئارىلاش ئالىيىپ قويغاندىن كېيىن سۆزىنى داۋاملاشتۇردى-مەن ئىككىڭلارنى ئۇرۇشۇپ قالغان چېغى دەپ ئويلاپ،مېھراي ئاچامنىڭ كەيپىياتىنى كۆزەتىۋېتىپ،مېھراي ئاچامنىڭ،بىرسى بىلەن تېلىفوندا كۆرۈشۈپ-ئەنۋەر سېزىپ قالغان ئوخشايدۇ،تۆنۈگۈندىن بېرى ئۇنىڭ ماڭا قىلغان مۇئامىلىسى باشقىچە ئۆزگۈرۈپ كەتتى ،تېخى ،ئاخشام كېچىچە ئۆيگىمۇ كىرمىدى،بۇنداق كېتىۋەرسە،بىزنىڭ ئائىلىمىز ھامان بۇزۇلۇش گىرداۋىغا كېلىپ قالىدۇ،شۇڭا ئەڭ ياخشىسى ئۇنىڭغا ھەقىقى ئەھۋالنى ئېيتايلى،سىزمۇ،مەنمۇ،ئەنۋەرمۇ بۇ ئازابلاردىن تەڭلا قۇتۇلايلى-دېگەنلىكىنى ئاڭلاپ قالدىم،قارشى تەرەپ قوشۇلمىدى بولغاي،مېھراي ئاچام تېلىفوننى قويۇۋەتكەندىن كېيىن ،يىغلاپ كەتتى ،قارىغاندا ئىككىمىزنىڭ گۇمانلىرىمىز راس ئوىشايدۇ ئاكا.
-خاتا ئاڭلاپ قالمىغانسىز،مېھراينى چوقۇم شۇنداق دېدى ،دەپ ئېيتالامسىز؟-ئالىيەنىڭ سۆزلىرىنى ئاڭلىغاندىن كېيىن،ئۈمۈد يىپلىرىم ئۈزۈلگەندەك بولۇپ،بۇ گەپلەرنىڭ راست-يالغانلىقىنى ئاخىرقى قېتىم جەزىملەشتۈرىۋالماقچى بولغاندەك ئالىيەگە تەلمۈردۈم،شۇ تاپتا ئۇنىڭ-ئاكا چاقچاق قىلىپ قويدۇم،ئۇنداق ئەمەس،دېيىشىنى نەقەدەر ئارزۇ قىلىدىغانلىقىمنى،ئۆزۈممۇ تەسەۋۋۇر قىلالمايتتىم،بىراق ئالىيەنىڭ-ئاكا،ماڭا ئىشەنمەيۋاتامسىز؟سىزنى ئالدىسام ماڭا نېمە پايدىسى تېگەتتى -دەپ،مەندىن يامانلاپ تۇرۇپ ئېيىتقان سۆزلىرىنى ئاڭلىغاندىن كېيىن،مېھراينىڭ پاكلىقىغا بولغان ئاخىرقى ئىشەنچىممۇ يوقالغاندەك بولۇپ،ئىچ-ئىچىمدىن ئۇرغۇپ چىقىۋاتقان ،غورۇرۇمنىڭ ئېزىلىشىدىن ھاسىل بولىۋاتقان ،ئازاب ئېقىنىنىڭ بېسىمى بېلەن،ئاخشامقى پېلاننى ئەمەلگە ئاشۇرۇشنى خېياللىرىم ئارقىلىق ماقۇلللىغاندىن كېيىن،ئالىيەگە قاراپ ئېغىز ئاچتىم.
-ئالىيە سىزنىڭ بۇ ئىشلارنى سىر ساقلىيالايدىغانلىقىڭىزغا ئىشىنىمەن، بىلەمسىز ،مېنىڭ مېھرايغا بولغان مۇھەبببىتىم بەكلا چوڭقۇر ئېدى،شۇڭا ئۇنىڭ ماڭا قىلغان ئاسىيلىقىدىن پەيدا بولغان ئۆچمەنلىكلەرمۇ ئۇنىڭدىن قېلىشمىغۇدەك دەرىجىدە كۈچلۈك،شۇڭا،ئۇنىڭدىن بۇنداق ئاسان ئاقىرىشىپلا ،مۇرادىغا يەتكۈزگۈم كەلمەيۋاتىدۇ،مەن ئۇنىدىن ئۆچ ئېلىش توغرىلۇق بىر پېلان تۈزەپ قويغان،سىز خالىسىڭىز ،بۇ پېلانىمنىڭ ئەمەلگە ئېشىشىدىكى باش پېرسونازنىڭ رولىنى ئېلىپ بەرگەن بولسىڭىز،سىزدىن بەكلا مىننەتدار بولغان بولاتتىم،ھەم ئەجرىڭىزگە تۇشلۇق ھەق بېلەن رازى قىلاتتىم-ئالىيەنىڭ ئۆچ ئېلىش دېگەن سۆزلىرىمنى باشقىچە چۈشىنىپ قېلىشىدىن ھاسىل بولغان چىرايىدىكى ئۆزگىرىشلەرگە قاراپ،سۆزۈمنى تۈگۈتۈپ بولغاندىن كېيىنكى سۈكۈتنى بۇزۇپ يەنە ئېغىز ئاچتىم-بۇنداق دېسەم مېنى مېھرايغا بىرەر زەخمە يەتكۈزىدىغان ئوخشايدۇ دەپ ئويلاپ قالماڭ،مەن ئۇنىڭغا جىسمانىي جەھەتتىن زىيان يەتكۈزمەيمەن ھەم زىيان يېتىشىنىمۇ خالىمايمەن،پەقەت ئۇنى خۇددى ماڭا ئوخشاشلا غورۇرىنىڭ دەپسەندە قىلىنىشىدىن پەيدا بولغان ئازابنىڭ تەمىنى تېتىپ باقسىكەن ،دەپ،ئويلايمەن ،خالاس.
-ھە قانداق رول ئۇ-قولۇمدىن كەلسىلا چوقۇم ياردىمىمنى ئايىمايمەن،دەۋىرىڭ ئاكا-ئاخىرقى سۆزلىرىمنى ئاڭلىغاندىن كېيىن،ئالىيەنىڭ چىرايىدىكى ئەندىشىنىڭ ئورنىنى ،مۇلايىم كۈلكىلەر ئېگەللەپ،سۆزلىرىمگە ماقۇللۇق بىلدۈردى.
-سىزگە قانداق ئېغىز ئېچىپ،قانداق چۈشەندۈرۈشنى بىلەمەيۋاتىمەن،بىراق مەن راستىنلا سىزنىڭ ياردىمىڭىزگە مۇھتاج،شۇڭا سۆزلىرىمنى ئەستايىدىل ئاڭلاپ ،ئويلۇنۇپ بېقىشىڭىزنى ئۈمۈد قىلىمەن،مېنىڭ پېلانىم مۇنداق،ئىككىمىز مېھرايغا بىلۈرۈپ تۇرۇپ،ئۇنىڭ كۆز ئالدىدا ئارلاشقاندەك قىياپەتلەرنى شەكىللەندۈرۈش ئارقىلىق،ئۇنىڭغا بېسىم شەكىللەندۈرىمىز،مەن ئويلايمەن،ئۇ ھەرقانچە مېنى ياخشى كۆرمىسىمۇ،بىر ئايال بولۇش سۈپىتى بىلەن،مېنىڭ كۆز ئالدىدىلا ،سىزدەك چىرايلىق ھەم ياش بىر قىز بىلەن ئارلىشىپ يۈرگىنىمنى كۆرسە،ئازابلىنىپ قىلىدىغانغا قىلىق تاپالماي قالىدۇ،بۇ مېنىڭ ئۇنىڭدىن ئۆچ ئېلىش پېلانىم،سىزنىڭ خىزمىتىڭىز ئۇنىڭ بىلەن بىر ئورۇندا،ئۇنىڭ ئۈستىگە ،مەن سىزدىنمۇ مۇۋاپىقىراق بىرسىنى تاپالمىدىم،شۇڭا،سىزنى يېقىن كۆرۈپ مۇشۇ گەپلەرنى دەۋاتىمەن،خاتىرجەم بولۇڭ سىڭلىم،بىز پەقەت ئاتقىلا ئارلىشىمىز،ئەمەلىيەتتە ئارلىق ساقلايمىز،ماڭا ئىشىنىڭ،مەنمۇ سىزنى خۇددى ئۆز سىڭلىمدەك كۆرىمەن،سىزگە نىسبەتەن كۆڭلۈمدە ھېچقانداق يامان نېيەت يوق.رول ھەققىگە كەلسەك،سىزنىڭ تەلەپ قىلغىنىڭىزچىلىك بېرىشكە ۋەدە بېرىمەن.
سۆزلىرىمنى تۈگەتكەندىن كېيىن،ئالىيەنىڭ ماڭا قانداق پوزىتسىيە بىلدۈرىدىغانلىقىدىن ئەنسىرەپ ،يۈرۈكۈم دۈپۈلدە،قوقاسنىڭ ئۈستىدە ئولتۇرىۋالغاندەك،بېئارام بولۇشقا باشلىدىم.شۇ تاپتا خېيالىمدا،ئالىيەنىڭ ماڭا ماقۇل دېيىشىدىن كۆرە-مېنى نېمە كۆرۈپ قالدىڭ ۋۇ ئەبلەخ،ئۇنداق مەينەت پۇلۇڭنى چېكەڭگە تاڭ،ساڭا ياردەم قىلىمەن دەپ،خەقنىڭ ئاغزىدا سەندەك بىرنىمىگە ئاشنا بولۇپ يۈرەمدىمەن ئەمدى-دەپ،ئالدىدىكى ئىستاكاندىكى ئىچىملىكنى يۈزۈمگە چېچىۋېتىدىغانلىقى ،ئېھتىمالغا بەكىرەك يېقىندەك تۇيۇلۇپ،كېتىۋاتاتتى.
-ھىم،سىزنىڭ ئاتتىكى ئاشنىڭىز بولىمەن، دەيلى-ئالىيە سوغاق كۈلۈپ قويغاندىن كېيىن،شۇنداق دېدى.
ئۇنىڭ بۇ ھالىتىنى كۆرۈپ،ھېلىلا خېيالىمدىن ئۆتكۈزگەنلىرىم بېشىمغا كېلىپ،باشقىلارنىڭ ئالدىدا رەسۋا بولىدىغاندەك ،ئەتراپىمدىكىلەرگە قاراپ،خىجىللىقتىن يەرنىڭ تېگىگە كىرىپ كەتكۈدەك بولۇپ،پۇتلىرىم جاقىلداپ،تىترەپ،تىزلىرىم بىر-بىرىگە سوقۇلۇشقا باشلىدى.
داۋامى داۋاملىق ئىنكاس شەكلىدە يوللىنىدۇ.................

ئوغۇز

ئاشنا ئىزدەش داۋامى(8)


-بولىدۇ،بولساممۇ بولاي-ئالىيەنىڭ ئارىمىزدىكى سۈكۈتنى بۇزۇپ ئېيىتقان بۇ سۆزى بىلەن تەڭ،جانسىزلىشىپ كەتكەن ،پۇت قولۇمغا غايىپتىن كۈچ قۇۋەت كەلگەندەك ،قايتىدىن ئۆزۈمنى تېپىپ،تاتىرىپ كەتكەن چىرايىمنى ئالىيەنىڭ كۆرۈپ قېلىشىدىن ئەنسىرەپ،زورىغا تەبەسسۇم قىلىپ،ئۇنىڭ سۆزىنىڭ ئاخىرىنى كۈتتۈم.


-بىراق بىر شەرتىم بار،قوشۇلامسىزكىن،ياقمۇ؟بىلمىدىم.

-قانداق شەرتىڭىز بولسا ئېيتىۋېرىڭ ،چوقۇم ئورۇنداشقا تىرىشىمەن-ئالىيەنىڭ ماقۇل جاۋابىنى ئاڭلاشقا تەقەززا بولۇپ،شەرتىنى ئويلاشماي تۇرۇپلا ،ماقۇللۇق بىلدۈرىۋەتتىم.

-ئاكا،مېنىڭ شەرتىم،سىزگە سەل ئېغىر كېلىشى مۇمكىن،شۇنداقتىمۇ،سىز بۇ شەرتىمگە كۆنمىسىڭىز ،مەن تەلىپىڭىزنى ئورۇندىيالمايمەن-دېدى ،ئالىيە كىچىك تىنىۋەتكەندىن كېيىن

-قانداق شەرتىڭىز بولسا دەۋىرىڭ،مەندە يوق بولسا قەرىز ئېلىپ بولسىمۇ،ئورۇندايمەن.

-ھا،ھا،ھا،ھا-ئالىيە سۆزۈمنى ئاڭلاش بىلەنلا قاقاھلاپ كۈلۈپ كەتتى-سىز مېنى كۆپ پۇل تەلەپ قىلىدۇ دەپ ئويلاپ قالغان ئوخشىمامسىز ؟خاتالىشىپسىز،مېنىڭ تەلەپ قىلىدىغىنىم باشقا بىر نەرسە؟

-ئۇنداقتا ،سىزنىڭ شەرتىڭىز.......

-مېنىڭ شەرتىم،سىز قىلىشنى خالىسىڭىز ئېنتايىن ئاسان،خالىمىسىڭىز،تاغ يۆتكەشتىنمۇ ئېغىر بىر ئىش-ئالىيە چىرايىمدىكى گاڭگىراشنى يەشمەكچى بولغاندەك سۆز باشلىدى ،ئۇنىڭ سۆز باشلاشتىن ئاۋالقى چىراي ئىپادىسىدىن ئۇزاق بىر ھېكايە سۆزلەشكە تەمشىلىۋاتقاندەك قىلاتتى-مەن ئاۋال باشتىن سۆزلەي،سىز زەن سېلىپ ئاڭلاڭ،ئاڭلاپ بولۇپ،ئىپادىڭىزنى بىلدۈرۈڭ-مەن بېشىمنى لىڭشىتتىم ،ئالىيە سۆزىنى داۋاملاشتۇردى-بۇ ئىشنى مېھراي ئاچام يېڭىلا خىزمەتكە چىققان ۋاقىتلاردىن باشلاپ سۆزلەشكە توغرا كېلىدۇ،شۇ چاغلاردا ،سىلەر تېخى توي قىلمىغان،مېنىڭمۇ ئۈرۈمچىگە كەلگىنىمگە ئانچە ئۇزاق بولمىغان،شۇ ۋاقىتلاردا ،مېھراي ئاچام ،ئىدارىمىزگە ئورۇنلىشىپ ،ئىشقا چۈشتى،ئۇنىڭ لاتاپىتى،چىراي-تۇرقى،مېجەز-خاراكتېرىنىڭ يېقىملىقىلىقى ،ئېدارىمىزدىكى چوڭ -كىچىك،ئەر-ئايال،ھەممەيلەننىڭ قايىللىقىنى قوزغايتتى ،مېھراي ئاچام كەلگەن تۇنجى كۈنىلا،ئۇنىڭ لايىقى بار-يوقلۇقى،توي قىلغان ،قىلمىغانلىقى توغرىسىدىكى تالاش-تارتىشلار ئېدارىمىزنى بىر ئالدى.

شۇ كۈنى كەچ ،مەن تازىلىق قىلىۋاتسام،سىز ماڭا قاراپ تەبەسسۇم بىلەن كېلىپ-بۈگۈن ئىشقا چۈشكەن ،مېھراي دېگەن قىزنىڭ ئىشخانىسىنى بىلەرسىزمۇ؟دەپ سورىدىڭىز،ھېلىمۇ ئېسىڭىزدە باردۇر،شۇ ۋاقىتتا مەن سىزنىڭ سوئالىڭىزغا جاۋاب بېرەلمەي،داڭ قېتىپ تۇرۇپ قالغان ئىدىم،شۇ چاغدا سىز-بىلمىسىڭىز ھېچقىسى يوق،سىڭلىم-دەپ كەتمەكچى بولغان چاغدىلا،ئاندىن ئۆزۈمنى ئوڭشاپ،مېھراي ئاچامنىڭ ئىشخانىسىنى كۆرسىتىپ قويغان ئىدىم،سىز بىلمىسىڭىز كېرەك،سىزنىڭ،ماڭا قاراپ كەلگەن چاغدىكى شۇ تەبەسسۇملىرىڭىز بىلەن،مەن كۆڭلۈم خۇمارلانغاندەك،شۇنىڭدىن كېيىن،كۆز ئالدىمدىن ،سىمايىڭىز كەتمەس بولىۋالدى،ئىنتايىن قىينالدىم،ھەر قېتىم،مېھراي ئاچامنى ئىزدەپ كەلگەن چاغلىرىڭىزدا ،يىراقتىن كېلىۋاتقان سىمايىڭىزغا قاراپ،تۇرۇپ كېتىمەن،سىز كەتكۈچە قولۇم ئىشقىمۇ بارمايدۇ،سىزنىڭ ماڭا بىر قېتىم قاراپ قويۇشلىرىىڭىزمۇ،مەن ئۈچۈن ئىنتايىن زور بەخىت ھەم خۇشاللىقتەك بىلىنىدۇ،كېچە-كېچە سىزنىڭ شۇ تەبەسسۇملىرىڭىزنى ئەسلەپ ئۇخلىيالمايمەن،سىزگە كۆڭلۈمنى ئىزھار قىلىشقا پېتىنالمايمەن،چۈنكى سىزنىڭ يېنىڭىزدا ھەممە جەھەتتە لاياقەتلىك بولغان مېھراي ئاچام بار،بىراق  يۈرەككە تۇتاشقان ئوتنى ئۆچكىن دېگەنگە ئۆچۈرگىلى بولمايدىكەن،قىينالدىم،يىغلىدىم،قاخشىدىم،لېكىن ئىچىمدىكىنى تېشىمغا چىقىرىشقا جۈرئەت قىلالمىدىم،كېيىن بىر تېلىۋېزىيە تىياتىرىدىكى،ئۆزى ياخشى كۆرىدىغان ئادىمى ئۈچۈن،ھاياتىنى بېغىشلاپ،ئۇنىڭ سۆيگۈنى بىلەن بىرگە بولىشىغا يول ئېچىپ بەرگەن ۋەقەلىكنى كۆرگەندىن كېيىن،مەنمۇ،سىزنىڭ بەختىڭىزنى كۆرۈشنى ئۆز خۇشاللىقىم،دەپ بىلىشكە بەل باغلىدىم.

ھەر قېتىم مېھراي ئاچام ئىككىڭلار بىرگە بولغاندىكى خۇشال تۇرقۇڭلارنى كۆرگەن چېغىمدا ،قەلبىم ئېنتايىن ئاچچىق تۇيغۇلارغا چۆمۈلۈپ كېتىدۇ،لېكىن يەنە ئۆزۈمگە،ئەنۋەر ئاكامنىڭ كۈلكىسىنى كۆرۈش سېنىڭ بەختىڭ ئالىيە-دەپ تەسەللىي بېرىپ كەلدىم،ئىككىڭلار توي قىلغان شۇ كۈنكى ئازابىمنى تىل بىلەن تەسۋىرلىيەلمەيمەن،لېكىن شۇنىڭدىن كېيىن قەلبىمدە ئاز بولسىمۇ ۋاز كېچىش تۇيغۇسى ئويغۇنۇپ،ئازابلىرىم ئازىراق يەڭگىللىگەندەك تۇيغۇدا بولدۇم.

ئەمما مېھراي ئاچامدا يۈز بېرىۋاتقان ئۆزگىرىشلەرنى كۆرگەندىن كېيىن،سىزگە بولغان ھېسداشلىق تۇيغۇسىز ،يۈرىكىمدە ئكچەيلا دەپ قالغان ئوتلارنى قايتا ياندۇردى،مەن ئىككىڭلارنىڭ مەڭگۈ بەخىتلىك بولىشىڭلارنى ئارزۇ قىلاتتىم،بىراق ،مېھراي ئاچامنىڭ سىزنى ئالداپ،باشقا بىر ئەر بىلەن ئوغۇرلۇقچە ئالاقىلىشىپ يۈرگەنلىكىنى سېزىپ قالغاندىن كېيىن،ئۇنىڭغا بولغان غەزىپىم ئكرلىدى،سىزدەك بىر لاياقەتلىك ئەركىشى ،ئۇنىڭدەك بىر ئالا كۆڭۈل ئايال بىلەن بىر ئۆيدە ياشىسا ،ئەجەبا سىىزگە ئۇۋۋال قىلىنغاندەك بولمامدۇ؟

مەنمۇ خۇددى سىزگە ئوخشاشلا ،مېھراي ئاچامنىڭ پاك بولۇپ چىقىشىنى ئارزۇ قىلاتتىم،بىراق كۆرىۋاتقانلىرىم،ئاڭلىغانلىرىم،ئۇنىڭ سىزگە ساتقىنلىق قىلىۋاتقانلىقىنى ئىنتايىن روشەن ئىسپاتلاپ بېرىپ،ېمنى ئۇنىڭ پاكلىقىغا ئىشنىشكە ئامالسىز قويىۋاتىدۇ ئاكا.

كۆپ سۆزلەپ كەتتىم،بەلكىم،سىز مېنى نېيتى ئالىكەن،ماڭا ئېرىشىش ئۈچۈن مېھرايغا تۆھمەت قىلىۋاتقان بولىشى مۇمكىن ،دەپ،ئويلاپ قېلىشىڭىز مۇمكىن،بىراق ئەمەلىي ئەھۋاللار ،ھەم گۇمانىي نۇقتىلار ،ماڭا قارىغاندا سىزگە بەكىرەك ئايدىڭ.

مېنىڭ شەرتىممۇ بەكلا ئاددىي،سىزنى ھازىرلا مېھراي ئاچامدىن ئاقىرىشىپ،مېنىڭ يېنىمغا كېلىسىز دېمەيمەن،ياكى،رەسمىي يوسۇندا ئارلىشىمىز دېمەيمەن، سىزنىڭ پۇلىڭىزنىڭمۇ ماڭا كېرىكى يوق،پەقەت ،ھەقىقى ئەھۋاللار ئايدىڭلىشىپ،مېھراي ئاچامدىن ۋاز كېچىشكە توغرا كېلىپ قالسا،مېنى بىرىنچى بولۇپ ئويلۇشۇپ باقسىڭىزكەن دەيمەن،مېنىڭ شەرتىم مۇشۇنچىلىك ئاددىي،مەن بىر سەھرالىق قىز،بەلكىم،مېنى ياراتماسلىقىڭىز، تۈزۈك ئوقىمىغان دەپ،مېھرايدەك كۆڭلۈمنى چۈشىنەلمەيدۇ دەپ قارىشىڭىز مۇمكىن،لېكىن ،شۇنى بىلىپ قېلىڭكى،ئكزۈم سەھرالىق بولساممۇ مەدەنىيەت سەۋىيەم تۆۋەن بولسىمۇ،مەندە گۆھەرگىمۇ تېگىشكىلى بولمايدىغان پاك قەلب بار،گەپ-سۆز،ھەم ئەقىل-ئىدراكىمدىمۇ ئاز بولسىمۇ ئىلمىيلىك بار،گەرچە بەزى جەھەتلەردە مېھراي ئاچامغا يېتەلمىسەممۇ،ئۇنىڭغا ئوىشاش قىلىش ئۈچۈنن چوقۇم تىرىشىمەن.

قىزنىڭ سۆزلىرى ئاياقلاشقاندىن كېيىن،ئارىمىزنى سۈكۈت باستى،ئەجەبا ئۇ ،ئۆزى ئېيىتقاندەك،مېھراي ئىككىمىزنى كۆرەلمەي،ئۇنىڭغا بەزى تۆھمەتلەرنى ئويلىغانمىدۇ،ياق،ئۇنىڭ سۆزلىرىگە قارىسام بۇنداق ئەمەستەك،ئۇنىڭ ئۈستىگە ئۇنىڭ ئېيىتقانلىرى ،مېنىڭ كۆرگەنلىرىم بېلەن بىردەك ،ئۇ مېھراينىڭ تېلىفون سۆزلەشكەنلىكىنى ئاڭلىمىغان بولسا،مېنىڭ بىر كېچە ئۆيگە كىرمىگەنلىكىمنى قانداق بىلىدۇ ،ئەجەپمۇ قېيىن بىر مەسىلە بولدىغۇ،ئۇنىڭغا ماقۇل،دەي دېسەم،مەندە ئۇنىڭغا نىسبەتەن ئازىراقمۇ مۇھەببەت تۇيغۇسى يوق،ياق ،دەي دېسەم ،ئۇنىڭ ياردىمىگە ئېھتىياجىم بار،زادى قانداق قىلسام بولار،شۇ خېياللار بېلەن،يەنە ئويلۇنۇپ بېقىش قارارىغا كېلىپ،مېنىڭ جاۋاب بېرىشىمنى تۆت كۆزى بىلەن كۈتىۋاتقان ئالىيەگە قاراپ:

-ئالىيە مەن سىزنى راستىنلا ئكز سىڭلىمدەك كۆرەتتىم،بۇ گەپلىرىڭىزنى ئاڭلىغاندىن كېيىن،دەماللىققا نېمە دەپ جاۋاب بېرىشنى بىلەلمەيۋاتىمەن،مەن ئەتىگىچە ياخشىراق ئويلانغاندىن كېيىن،ئاندىن سىزگە جاۋاب قايتۇراي ،بولامدۇ-دەپ ،ئارىمىزدىكى سۈكۈتنى ئاخىرلاشتۇردۇم.

-ئالىيەمۇ قوشۇلىدىغانلىقىنى بىلدۈرگەندىن كېيىن،مەن ئۇنىڭ بېلەن خوشلۇشۇپ،ئىش ئورنۇمغا قاراپ ماڭدىم،ئاخىرى چىقماس خېياللار،بىردەم مېھراي كۆز ئالدىمغا كەلسە،بىردەم ئالىيەنىڭ سۆزلىرى قۇلاق تۈۋىمدە ياڭىراپ،قىلغان ئىشىمنىڭ تايىنى يوق،ئولتۇرۇپ،ھەر كۈنى ئىش يىغىدىغان ۋاقتىمدىن بىر ئىككى سائەت كېچىكىپ،دۇكاننى تاقاپ،ئۆيگە قاراپ ماڭدىم.
ماقۇل دېسەم بولارمۇ؟ئۇنداق دېسەم،مېھراي بېلەن ئاجىرىشىپ كەتسەم،چىرايىدىن ئىش ئۇقمايدىغانلىقى چىقىپ تۇرغان بۇ قىز بىلەن توي قىلىشىمغا توغرا كېلىدۇ،ياق دەي دېسەم، مېھراينى ئازابلاش ئۈچۈن،ئۇنىڭدىنمۇ ياخشىراق ھەمكارىم يوق،ئەجەبا ئۇ راستىنلا ماڭا ئېرىشىش ئۈچۈن ،مېھراينىڭ ئۈستىدىن يالغان ياۋىداق سۆز توقۇۋاتقانمىدۇ يا،بولدىلا،بۈگۈن مېھراي بىلەن ئوبدانراق پاراڭلىشىپ باقاي،چۈشەندۈرۈشلىرىنى ئاڭلاپ باقاي،ئەگەر چۈشەندۈرۈشلىرى مېنى قايىل قىلالمىسا ئاندىن ،ئالىيەنى ئويلىشاي-گادىرماچ خېياللار بېلەن ،بىزنىڭ ئۆيىمىز بار ،ئولتۇراق رايوننىڭ ئالدىغا قانداق كېلىپ قالغانلىقىمنىمۇ تۇيىمايلا قاپتىمەن، كۆزۈم تۇيۇقىسزلا قايسى كۈنىدىكى قارا ماشىندىن چۈشۈپ،ماشنىدىكى ئەرگە قاراپ كۈلۈپ تۇرۇپ قول پۇلاڭلىتىۋاتقان ئايالىم مېھرايغا چۈشۈش بىلەن ،بەدەنلىرىم غەزەپتىن تىترەپ كەتتى .


-خەپ توختاپ تۇر ،مېھراي-غەزىپىمنى باسالماي ئۇدۇللا مېھراينىڭ يېنىغا بېرىپ ھېسابلاشماقچى بولدۇم،بىراق مەن بېرىپ بولغۇچە ،مېھراي دەرۋازىدىن كىرىپ كەتتى ،قارا ماشىنا بىردەم تۇرىۋەتكەندىن كېيىن قوزغىلىپ مېڭىشقا تەمشەلدى،توختاپ تۇر مېھراي ئاۋال،ئاشناڭنىڭ كىملىكىنى ئېنىقلاي،ئاندىن كېلىپ سەن بېلەن ھېسابلىشاي،تۇيۇقسىز كەلەەن بۇ ئوي بىلەن تەڭ،ماڭا يېقىنلا يەردە كىرا ساقلاپ تۇرغان بىر ماشنىغا چىقىپ-ئالدىمىزدىكى قارا ماشنىغا ئەگىشىپ ،مېڭىڭ-ەپ بۇيرۇق بەرگەندىن كېيىن،قارا ماشىنىدىكى ئەرنىڭ كەينىدىن ئەگىشىپ يۈرۈپ كەتتىم...

داۋامى داۋاملىق ئىنكاس شەكلىدە يوللىنىدۇ..........

0030

ياخشى يىزىپسىز. رەھمەت

blamer

داۋامىنى  قاچان ئوقۇيمىز  

blamer

داۋامىنى  قاچان  ئوقۇيمڭز  !

samsiya218

ھەقىقەتەن ياخشى يىزىلپتۇ!كشىلەر يىنىدىكى ھەمرايىنى قەدىرلىمەي ،تالادىن خوشاللىق ئىزدەيدۇ؟

samsiya218

پوۋىسسنى ئوقۇپ بولۇپ خۇددى بوغۇزۇمخا بىر نەرسە تۇرۇپ قالخاندەك

ئوغۇز

ئاشنا ئىزدەش داۋامى(9)


خەپ توختاپ تۇر ئەبلەخ بۇ كۈنلىرىڭ ئاياقلىشىشقىمۇ ئازلا قالدىغۇ،سېنى بۈگۈنلا تۇتۇۋېلىپ ھېساب ئالمايدىغان بولسام،خەقنىڭ خوتۇنىنى ماشنىسىغا ئېلىپ،ئوينۇتۇپ يۈرسە قانداق بولىدىغانلىقىنى سەل تۇرۇپلا بىلىپ قالىسەن-خېيال كەپتەرلىرىم پەرۋاز قىلماقتا،ھېلىقى ئەر بىلەن خېياللىرىم ئارقىلىق كۆرۈشۈپ ھېسابات قىلىماقتىمەن:


-چۈشە ماشىناڭدىن ۋۇ ئەبلەخ،سەن مېنى قولىدىن ئىش كەلمەيدىغان يۇمشاقباش كۆرۈپ قالغان ئوخشىمامسەن؟

-سەن،سەن مېھراينىڭ ئېرىغۇ؟مېنى نەدىن تېپىۋالدىڭ،توختاپ تۇر،ساڭا چۈشەندۈرەي،مېنى خالقىئالەم ئالدىدا رەسۋا قىلما-ئۇ ئەر ئاياقلىرىمغا يىقىلىپ،يىغلاپ يالۋۇرماقتا،ئۇ يالۋۇرغانسىرى ،مېنىڭ غەزىپىم ئۆرلەپ تاشماقتا.
-ئۆلە ئەبلەخ-تۇيۇقسىزلا يانچۇقۇمدا ساقلاپ كېلىۋاتقان ،قوغۇن كېسىدىغان كىچىك قەلەمتۇراچنى قولۇمغا ئالدىم-دە،ھېلىقى ئەرنىڭ قورسىقىغا كۈچەپ سانچىدىم،ئېتىلىپ چىققان قىپقىزىل قان يۈزلىرىمگە چاچىرىدى....

قانلارنىڭ چاچرىشىدىن چۆچۈپ ،خېيالدىن ئويغۇنۇپ،يۈزلىرىمنى سىلاپ-ئۇف-دەپ ئېغىر-كىچىك تىنىۋەتكەندىن كېيىن،ئالدىمدىكى قارا ماشىنىغا قاراپ-قۇرۇتتەك لۆم-لۆم نېمىكەنغۇ-بۇ؟نەرىنى ياخشى كۆرۈپ قالغانسەن مېھراي ئۇنىڭ-دەپ كوتۇلداپ قويغاندىن كېيىن،يەنە خېيالغا غەرق بولدۇم:


مانا ناتۇنۇش ئەرگە يېتىشىۋالدىم،ئۇ ماشىنىسىدىن چۈشتى،مەن ئۇنىڭ يېنىغا بېرىپ،بۇ ياققا كېلە گۇينىڭ بالىسى ،خەقنىڭ خوتۇنىدا ئاناڭنىڭ ھەققى بارمۇ؟دېگىنىمچە ئۇنىڭ ياقىسىدىن تارتىپ بىرمۇش سالدىم.

-نېمە دېمەكچىسەن-بەسىتلىك كەلگەن ئەر ماڭا قاراپ،غەزەپ بېلەن ئېتىلدى-تېخى مېنى ئۇرغۇدەك بولدۇڭما ۋۇ سويما،بىر خوتۇننڭ ھۆددىسىدىن چىقالمىغان ھالىڭغا ،نېمەڭگە يوغانچىلىق قىلىسەن ئالدىمدا،سەن ھاجىتىدىن چىقالماپتىكەنسەن،مەن رازى قىلىپ قويۇۋاتىمەن،ھە ،گېپىڭ بارمۇ نوچى.


كۆزۈمگە تەگكەن قاتتىق بىر مۇشنىڭ زەربىسىن ھوشۇمنى تېپىپ،كۆزلىرىمنى سىلىدىم،خۇداغا شۈكۈر ساق تۇرۇپتۇ،خۇددى خېياللىرىمدا يۈز بەرگەن ئىشلار ئەمەلىيەتتە بولىۋاتقاندەك،مەن ھېلىقى ئەرنىڭ سۆزلىرى بېلەن ىالايىقنىڭ ئالدىدا رەسۋا بولغاندەك،شوپۇرغا بىچارىلەرچە قاراپ قويغاندىن كېيىن،مىسىلدە ۋېلسىپىتتەك ئاستا كېتىۋاتقان قارا ماشنىغا قاراپ قويۇپ ئۆزۈمنى ئوڭشىۋالدىم.

-ئۇ ماشىنىدا ئايالىڭلار بار ئوىشىمامدۇ ئاغىنە؟


ھە ياق ،قانداق دەيسىلەر-شوپۇرنىڭ بىلگەندەكلا ئېيىتقان سۆزلىرىدىن سەل جىددىيلىشىپ قالدىم.

-باشقا ئىش يوق،ئىزىغا چۈشكىنىڭلارغا قاراپ شۇنداقمىكىن دەيمەنغۇ؟ئادەتتە بىزدەك شوپۇرلارغا بۇنداق ئەھۋاللار كۆپ ئۇچىرايدۇ دەڭە.

-قانداق ئەھۋاللارنى دەيسىز؟

-لايىقىدىن گۇمانلانغان قىز -قىز يىگىتلەر،كۆڭلىگە شەك چۈشكەن ئەر-ئاياللارنىڭ ،بىر-بىرىنى كۆزىتىپ ئىزىغا ۈشۈشلىرىنى دەيمەن.

-ھە مۇنداق دەڭ،مەن تېخى بۇنداق ئىشلارنى كىنولاردىلا بار چېغى دەپتىكەنمەن،ئەمەلىيەتتىمۇ ئۇچىراپ تۇرىدۇ دەڭە-ئۆز بېشىمغا كېلىۋاتقان كۈلپەتلەرنى شوپۇرنىڭ سېزىپ قېلىشىدىن قورقۇپ،ئۇنىڭ سۆزلىرىگە ھەيران بولىۋاتقان قىياپەتتە شۇنداق دەپ ،قوشۇمامنى تۈردۈم.

-قاراڭ،ئۇ ئادەم ماشنىسىنى توختاتتى-شوپۇرنىڭ شۇنداق دېيىشىگە ،قارا ماشنىدىن قىرىق ياشلارنىڭ قارىسىنى ئالغان ،چاچلىرىنىڭ ئالدى چۈشۈپ ،پىشانىسى ئېچىلىپ قالغان،دىقماققىنە بىر ئەر چۈشۈپ،بىر دەرۋازا تەرەپكە قاراپ ماڭدى .

-مەن بىلىمەن،بۇ يەردە بىر يەسلى بار،ئۇنىڭغا داۋاملىق ئەگىشەمدۇق يا.
-ئۇ چىققۇچە ساقلاپ تۇرايلى-دېدىم مەن شۇپۇرنىڭ چىرايىغىمۇ قارىماي تۇرۇپ ،خۇددى باشقا تەرەپكە بىر قارىساممۇ ،ھېلىقى ئەر چىقىپلا غايىپ بولۇپ كېتىدىغاندەك ،دەرۋازىدىن كۆزۈمنى ئۈزمەي قاراپ تۇرۇپ.


-قاراڭ ،ئەنە ئۇ چىقتى،يېنىدىكى بالىسى ئوخشىمامدۇ؟

دەرۋازىدىن ،بەش ياشلار ئەتىراپىدىكى بىر ئوغۇل بالىنى كۆتۈرۈپ،ئەركىلەتكەچ چىقىۋاتقان  ئەرگە قاراپ شوپۇرغا كۆردۈم دېگەندەك ،بېشىمنى لىڭشىتىپ قويغاندىن كېيىن:
-بولدى،مۇشۇ يەردە توختىتايلى،ئەمدى مېنى بايا كەلگەن يېرىمىزگە ئاپىرىپ قويسىڭىز بولامدۇ-دېدىم.


-بولىدۇ-شوپۇر ماشنىنى كەينىگە قايتۇرۇپ ،ماڭدى ،خېيال كەپتەرلىرىم يەنە ساما پەرۋازىنى باشلىۋەتتى :

مېھرايىم،ئاشۇ كالامپاي ئەرنىڭ قايسى جايلىرىنى مەندىن ئارتۇق كۆرگەنسەن،ئۇنىڭ سەن ياختۇرۇپ قالغۇدەك نەرى بار،توغرا ،ماشىنىسى پۇلى بار شۇنداقمۇ؟بىراق سەن بۇرۇن ماڭا،پۇل-مالغا قىزىقمايدىغانلىقىڭنى،بارلىق مۇھەببىتىمنى ساڭا بېغىشلىسام،تۈگىمەس مال-دۇنياغا ئېرىشكەن كەبى خۇشاللىققا ئىگە بولىدىغانلىقىڭنى ئېيىتمىغان ،ئەمەسمىدىڭ؟
غايىۋانە سوئال-سوراقلار بېلەن،ئۆيگە يېتىپ كەلدىم،ئىشىكنىڭ ئالدىدا تۇرۇپ،مېھراي بىلەن قانداق يۈزلىشىشنى ئويلاپ بىر پەس تۇرۇپ قالدىم،ھېلىقى ئەرنىڭ بالىسى بولمىغان بولسا،بايا نېمە كۈنلەرنى كۆرەتتىمكىن تاڭ،مەن قېنىمدا شۇ بالىنى كۆرۈپ،ئۇنىڭ بىلەن سەتلىشىشتىن يالتىيىۋاتسام،ئۇ ماز گۇي نېمىشقا كۆز ئالدىدىكى شۇ تاتلىق بالىسىغا قاراپ قويمايدىغاندۇ؟ئايالى بىلەن ئاجىرىشىپ كەتكەنمىدۇ يا؟ھەي توۋا بىر ئىشنى خاتا قىپتىمەن،نېمىشقىمۇ ،ئۇنىڭ كەينىدىن ئۆيىگە قەدەر ئەگىشىپ بارمىغاندىمەن ؟بولدىلا،ئۆتكەن ئىش ئۆتۈپ كەتتى ،ئەمدىكى مەسىلە ،مېھراي بېلەن قانداق ھېسابلىشىش،ئۇنىڭ بىلەن ئۇرۇشمىساممۇ،يوچۇن ئەرنىڭ كىملىكىنى بولسىمۇ سوراپ بېقىشىم كېرەكتە.ئۇنى ھەتتا ،ئىشىك ئالدىمىزغىچە باشلاپ كېلىشكە پېتىنىپتۇ،بۈگۈنمۇ كۆرمەسكە سېلىۋېتىپ،ئۆچ ئالىمەنغۇ ،دەپ،ئۆزۈمنى ئالداپ يۈرسەم،ئەتە ئۆيگە باشلاپ كىرىشتىنمۇ ئۇيالمايدىغان بولۇپ كەتمىسۇن بۇ خوتۇن ئاشنىسىنى.


ئۆز-ئۆزۈمگە شۇنداق دەپ مەسلىھەت سېلىۋەتكەندىن كېيىن،ئىشىكنى ئېچىپ كىردىم،مېھراي مېنىڭ كىرگىنىمنى كۆرمىگەندەك،ئاشخانا ئۆيدە تاماق ئېتىش بېلەن بەنت بولۇۋاتاتتى.

-مېھراي بۇياققا چىقىڭ سىزگە دەيدىغان گەپ بار-گەرچە شۇ تاپتا ئۇنى چايناپ پۈركىۋەتكىدەك غەزىپىم تېشىۋاتقان بولسىمۇ،زورىغا ئۆزۈمنى بېسىپ،چىرايلىق تەلەپپۇز بىلەن چاقىردىم.بىراق مېھراي خۇددى مېنىڭ ئاۋازىمنى ئاڭلىمايۋاتقاندەك،ئۆز ئىشىنى قىلىۋەردى.

-مېھراي-ئەمدى قاتتىقراق ۋارقىرىدىم،ئۇنىڭدىن يەنە ھېچقانداق سادا چىقىمىدى.

-مەن ساڭا گەپ قىلىۋاتىمەن مېھراي،بۇياققا چىق-ئۇنىڭ قولىدىن تارتىپ،سۆرەپ دېگۈدەك مېھمانخانا ئۆيگە ئېلىپ چىقتىم.

-نېمە دېمەكچى،ئاخشام قايسى ئاشنىڭىزنىڭ قوينىدا ياتقانلىقىڭىزنى دېمەكچىمىدىڭىز،قولۇمنى قويۇۋېتىڭ،ئاڭلاشقا رايىم يوق مېنىڭ-مېھراي قولۇمنى سىلكىۋېتىپ،يەنە ئاشخانا ئۆي تەرەپكە قاراپ ماڭدى.

-ئوھوي ماۋۇ گەپنى كۆرۈڭ،سەن تا دېگۈچە ،مەن تاز دەۋېلىۋاتقىنىنى بۇنىڭ،ئەمدى گەپ ئېچىلغانىكەن،نەچچە ۋاقىتتىن بۇيان نېمە ئىشلارنى قىلغىنىڭنى بىر-بىرلەپ ئېيىت ،بولمىسا مەندىن قۇتۇلالمايسەن-مەن شۇنداق دەپ،يەنە مېھراينىڭ قولىدىن تارتتى .

-دېسەم دېدىم،كىم قورقاتتى،ئاۋال قايسى ئىشنى دەيمەن؟-مېھراي سۆزلىگەچ كىرىسلوغا كېلىپ ئولتۇردى.

-قايسى ئىشنى دەيتتىڭ،بىر ئايدىن بۇيان ،نېمىشقا كەچ قايتىپ كېلىدىغانلىقىڭنى ئېيتىسەن؟

-شۇ ئىدارىدىن قايسى ۋاقىتتا ئىشتىن قويۇپ بەرسە شۇ چاغدا كېلىدىغاندۇ؟-مېھراينىڭ تەلەپپۇزى مەندىن بەكىرەك قاتتىق چىقىۋاتاتتى-ئاۋال سىز بىر چۈشەندۈرىڭە،ئاىشام نەدە ياتتىڭىز؟-ئۇ ئەمدى بۇقۇلداپ يىغلاپ كەتتى.

كۆز يېشىڭ بېلەن مېنى قورقىتىمەن، دېمە،سېنىڭ كۆز ياشلىرىڭ بىلەن يالغان كۈلكىللىرىڭگە ئىشىنىپ كەلگەن يېرىم مۇشۇ مېنىڭ ،ئەمدى ساڭا ئالدىنىدىغان ئەنۋەر يوق،بىلىپ قال-مەنمۇ بوش كەلمىدىم-تېخى ئىدارىدىن قويۇپ بەرگەندە كەپتىمىش،ئۇنداق بولسا،ئېدارەڭنىڭ ئارقىسىدا سەن يىغلاپ بەرگەن ھېلىقى دىقماق سېنىڭ يۈتتۈرۈۋەتكەن ئاكاڭ ئوخشىمامدۇ؟ھەر كۈنى كەچتە شۇ ئاكاڭ بىلەن بىللە ماشنىسىغا چىقىپ ئايلىنىپ،ئۇنىڭسىز ئۆتكەن كۈنلىرىڭنىڭ ئورنىنى تولۇقلاۋاتقان ئوخشىمامسەن.

-مەن تەنە ئارىلاش كۈلدۈم.
-سىز.......-مېھراي گەپ قىلماي جىم تۇرىۋالدى.


-دېگىنە ،ئەجەبا ئۇ ئەرنى راستىنلا ئاكام دېمەيدىغانسەن-ھە،
مېھرايدىن يەنە ھېچقانداق سادا چىقمىدى .


-ئېيتە،ئۇ ئەر زادى كىم،قاچاندىن بېرى ئۇنىڭ بېلەن تېپىشىۋالدىڭ؟-مەن ئەزۋەيلەشكە باشلىدىم.

-نېمە دېسىڭىز ،دەڭ؟ئىشقىلىپ سىز ئويلىغاندەك ئىش يوق،سىزگە قىلىدىغان باشقا گېپىم يوق-مېھراي شۇنداق دەپ ئورنىدىن تۇرۇپ ،يەنە ئاشخانىغا كىرىپ كەتتى .
-بۇنداق مەينەت تامىقىڭنى بېرىپ ئاشناڭغا ئېتىپ بەر-مەن ئۇنىڭ ئارقىدىن كىرىپ ،گۈرۈچ دۈملەنگەن قازاننى ۋاڭڭىدە قىلىپ يەرگە ئاتتىم، شۇتاپتا ئۆزۈمنى بېسىشقا پەقەتلا ئامال قىلالمايۋاتاتتىم.


-ئەنۋەر،نېمە قىلىۋاتىسىز؟

-نېمە قىلىۋېتىپتىمەن،قېنى ئېيتە،مەن نېمە قىلىۋېتىپتىمەن؟-مەن مېھراينى قاتتىق سىلكىشلىدىم.

-بولدى قىلىڭ-مېھراي قولۇمدىن يۇلقۇنۇپ چىقتى-سىز مېنى شۇنداق ئويلىسىڭىز ،مەندىن شۇ گەپلەرنى ئاڭلاشنى ئۈمۈد قىلسىڭىز ،قۇلقىڭىزنى دىڭ تۇتۇپ راسا قېنىپ ئاڭلىۋېلىڭ،ئۇ ئەر مېنىڭ ئاشنام ،بولدىمۇ؟

مېھراينىڭ بۇ سۆزى بىلەن تەڭ نېمە قىلىشىمنى بىلەلمەي داڭ قېتىپ تۇرۇپلا قالدىم.ئەجەبا مېنىڭ ئاڭلاشنى خالايدىغىنىم ،راستىنلا مۇشۇ سۆزمىدى،مەن نېمىلەرنى قىلىپ قويدۇم.

-نەگە -نەرسە كېرەكلىرىنىمۇ ئالماستىن چاپىنىنى كىيىپلا سىرىتقا قاراپ ماڭغان مېھرايغا قاراپ ۋارقىرىدىم.

-نەگە باراتتىم،ئاشنامنىڭ ئۆيىگە-مېھراينىڭ بۇ سۆزلىرىنى ئاڭلاپ غەزىپىم يۇقۇرى پەللىگە چىقىپ ،ئەقلىمنى كونتىرول قىلىشقا ئامالسىز قالدىم.

-توختاپ تۇر،ئۇنداق بولسا مېنىڭ سۆزۈمنىمۇ ئاڭلاپ قوي-مېھراي سۆزۈمنى ئاڭلاپ ،كەينىگە ئكرۈلۈپمۇ قويماستىن ،تۇرغان جايىدىلا توختاپ قالدى -مېنىڭ ئاخشام نەدە قونغانلىقىمنى بەك بىلگۈڭ بار ئېدىغۇ؟مەن دەپ بېرەي،ئاخشام مەن سېنىڭ ئېدارەڭدىكى ئالىيە دېگەن قىزنىڭ ئۆيىدە قوندۇم،قانداق ،مەن ئوينىسام سەندەك قېرى بىلەن ئەمەس،ئاغزىدىن ئانا سۈتى كەتمىگەن ياش قىزلار بىلەن ئوينايمەن بىلىۋال،كەتسەڭ كېتىۋەر،سەندەك بۇزۇقلاردىن يانچۇقۇمدا يۈزمىڭ،كەلسە ئاشنام ،كەتسە پاشنام،كەتسەڭ بولىدۇ،لېكىن ئەمدى قايتىپ كېلەلەيمەن دەپ ئويلىغۇچى بولما،ئەمدى يوقال.

-ۋۇ ئەبلەخ-مېھرايشۇنداق دەپ،ئاغزىنى ئېتىپ يىغلىغىنىچە ،ئىشىكنى جاڭڭىدە يېپىپ سىرىتقا چىقىپ كەتتى ..

داۋامى داۋاملىق ئىنكاس شەكلىدە يوللىنىدۇ.............

teskin

ماۋۇ پوۋىسىت قاتىل يېرىگە كەلدى،   ساقلايلى...................

ئوغۇز

ئاشنا ئىزدەش داۋامى(10)

ئۆينىڭ ئىچى جىمجىتلىققا چۈمدى،بايىدىن بېرى ئۆرلەپ تاشقان غەزىپىممۇ ،ئەمدى،ئۈسىدىغان يەر تاپالماي زورىغا بېسىقىپ قالغان موزايدەك،پەسىيىپ،كىرىسلوغا چۆكۈپ ئولتۇرغىنىمچە خېيال دەرياسىغا غەرق بولۇشقا باشلىدىم.


ئەجەبا مەن ئاشۇرىۋەتكەندىمەنمۇ؟ياق،ھېچ ئاشۇرىۋەتكەندەك قىلمايمەن،مېھراي ئۆز ئاغزى بىلەن ئاشنىسى بارلىقىنى ئېتىراپ قىلغان تۇرسا،مەنغۇ بىر ئىككى ئېغىز سېسىق گەپ قىلىپ بولدى قىلىۋەتتىم،باشقا ھەرقانداق ئەركەك كىشى بولسا ،مېھراينى بوغۇپ ئكلتۈرۈپ قويمىغان ھالەتتىمۇ،چوقۇم،ئۇرۇپ،بۇرۇن باشلىرىنى چۇۋۇۋەتكەن بولاتتى،بىراق مېھراي نېمە ئۈچۈن ،ئاۋال بىرەر باھانە كۆرسىتىپ باقماي تۇرۇپلا ،بۇنداق ئاسان ئېتىراپ قىلىۋېتىدۇ؟بولدىلا كۆپ خېيال قىلماي،مۇشۇنداق بىر ئايال مېنىڭ خېيال قىلىپ،ئازاب تارتىشىمغا ئەرزىمدۇ؟مۇشۇنداق بىر ئايال ئۈچۈن بۇنچىۋالا قىلسام؟ئۆزۈمنىڭ ئەرلىك غورۇرۇمنى يوقىتىۋەتكەن بولمامدىمەن؟بولدى قىلاي.....
ئۆز-ئۆزۈمگە شۇنداق دەپ تەسەللىي بېرەتتىم،مېھراينى ئويلىماسلىققا،ئۇنىڭغا بولغان ئكچمەنلىكىم ئارقىلىق،چىڭقىلىپ ئاغرىۋاتقان قەلىب يارامنى زورىغا توختىتىشقا ئۇرىناتتىم،بىراق مەن ئكزۈمنى ئېلىپ قاچقانسىرى،مېھراي بېلەن بىرگە ئۆتكۈزگەن شۇ گۈزەل كۈنلەر،ئەڭ شېرىن دەقىقىلەر،ئىككىمىزنىڭ بىر-بىرىمىزنىڭ كۆزىگە قاراپ تۇرۇپ ئېيىتقان ۋەدىللىرىمىز،كۆز ئالدىمغا كېلىۋېلىپ،يۈرىكىمنى ھېجىران جادۇسى بېلەن كېسىپ،لەختە-لەختە قانغا چۈمۈلدۈرىۋاتاتتى.تۇرۇپ-تۇرۇپ،-مېھراي،قېنى ماڭا بەرگەن ۋەدىللىرىڭ،قېنى شۇ شېرىن قەسەملىرىڭ،ھاياتىمنى كۆيدۈردۈڭغۇ،مېنى بۇنداق تاشلىۋېتىدىغان ،ماڭا ئاسىيلىق قىلىدىغان ئادەم نېمىشقا مېنىڭ ھاياتىمغا سىڭىپ كىرىسەن،يەنە نېمىشقا شۇنچە كۆپ ۋەدىلەرنى بېرىسەن،سەندىن ئايرىلمايمەن،ساڭا مەڭگۈ سادىق بولىمەن،بىر ئۆمۈر سېنىلا ياخشى كۆرىمەن ،دېگەن قەسەملىرىڭ قېنى،ماڭا نېمىشقا بۇنداق قىلىسەن ،زادى نېمىشقا -دەپ ۋارقىرىغىنىمچە ،ئۆكسۈپ-ئۆكسۈپ يىغلاپ كېتەتتتىم.
شۇ تەرىقىدە قاچانلاردا كۆزۈم يۇمۇلغىنىنى بىلمەيلا قاپتىمەن،بىر چۈش كۆردۈم،چۈشۈمدە،مېھراي بېلەن،بىر گۈزەل باغدا ئۇچىراشتۇق،بىز تېخى توي قىلمىغان چاغلار ئېدى،مەن بۇ باغنىڭ گۈزەللىكىگە ھەيران بولۇپ،مېھرايدىن-مېھرايىم،بۇ باغنى سەن قاچان بايقىغان ئىدىڭ،ئەجەپ بۇرۇن مېنى باشلاپ كەلمىگەن ئىدىڭغۇ؟-دەپ سورىدۇم،مېھراي ھېچنىمە دېمەي،كۈلۈپ تۇرۇپ،مېنى بىر بۇلاقنىڭ يېنىغا باشلاپ كەلدى،ئاندىن،قەدىرلىكىم،بۇ بۇلاقنىڭ سۈيىدىن،بىر يۇتۇم ئىچىۋالسىڭىز مەڭگۈ يۈرىكىڭىز مەڭگۈ ياشىرىپ تۇرىدۇ -دەپ ئۆز قولى بىلەن بىر يۇتۇپ سۇنى ئىچىرىپ قويدى،سۇنى ئىچىۋاتقان شۇ دەقىقىلەردە،قارشى تەرەپتە،بىزگە قاراپ تۇرغان ،قىپقىزىل كۆزلۈك ،ئالۋاستى سۈپەت بىرسىگە كۆزۈم چۈشۈپ،ئىچىمگە بىر قورقۇنۇچ كىرگەندەك بولۇپ،مېھرايدىن-مېھرايىم،ئاۋۇ يەردە بىرسى بىزگە قاراپ تۇرىدۇ،مەن بەك قورقۇپ كېتىۋاتىمەن،ئۇ كىمدۇ؟-دەپ سورىدۇم،مېھراي قىلچە ھودۇقماي تۇرۇپ-قورقما ،ئۇ مېنىڭ سۆيگۈنۈم-دېگىنىچە قاقاھلاپ كۈلۈپ كەتتى.مەن غەزەپ بېلەن قىزىل كۆزلۈك ئادەم تەرەپكە ئېتىلماقچى بولدۇم،مېھراي كۈلكىسىنى بېسىقتۇرماي تۇرۇپ-سەن ھېچنىمە قىلالمايسەن،بۇ بۇلاقنىڭ سۈيى زەھەرلەنگەن ،ئەمدى سەن ئۆلىسەن،مەن ئاشقىم بىلەن بۇ باغدا ياشايمەن،بۇ بىزنىڭ سۆيگۈ بېغىمىز-دەپ ،ئۇزۇنغىچە قاقاھلاپ كۈلدى،مەن مېھراينىڭ گېلىدىن سىقماقچى بولۇپ،قولۇمنى ئۇزاتتىم ،بىراق قولۇم ئۇنىڭ يېنىغا بارماي تۇرۇپلا قان قۇسۇپ يەرگە يىقىلدىم.
چۈشۈم شۇ يەرگە كەلگەندىن كېيىن،چۆچۈپ تۇرۇپ چۈشتىن ئويغۇنۇپ،كۆزۈمنى ئاچتىم،ئاللىقاچان تاڭ سۈزۈلۈپ بولغان ئېدى .
-خەپ مېھراي چۈشۈمگىمۇ ئاراملىق بەرمىدىڭغۇ ئەمدى؟بۈگۈن سەندىن قانداق ئۆچ ئالىدىغانلىقىمنى كۆرۈپ قوي-ئۆز-ئۆزۈمگە شۇنداق دەۋەتكەندىن كېيىن،ئورنۇمدىن تۇرۇپ،مۇنچا ئۆيگە كىرىپ،پاكىز يۇينىۋەتكەندىن كېيىن،ساقال-بۇرۇتلىرىمنى ئېلىپ،توي قىلمىغان يىگىتتەك چىرايلىق ياسانغاندىن كېيىن،ئىش ئورنۇمغا ماڭغاچ ئالىيەگە تېلىفون قىلدىم.
-ئەسسەلامۇ -ئەلەيكۇم ئەنىۋەر ئاكا-ئالىيە ئەركىلەپ تۇرۇپ تېلىفوننى ئالدى.
-ۋەئەلەيكۇم-ئەسسەلام،ئوماق سىڭلىم،ياخشى تۇرۇپسىزمۇ-مەنمۇ ئۇنىڭغا ماسلاشتىم.
-ياخشى-ئالىيەنىڭ ئەركىلەشلىرى چەكتىن ئېشىپ،چاكىنىلاشقىلى تۇردى.
-قاراڭ سىڭلىم،ئاخشامقى شەرتىڭىزنى ئويلۇشۇپ بولدۇم،سىزنىڭ دېگىنىڭىزدەك بولسۇن.
-بۇ گېپىڭىز راستمۇ ؟-ئالىيەنىڭ ئاۋازى شادلىق تۈسىنى ئالدى.
-راسىت سىڭلىم-دېدىم مەن ھەم سەل توىتىلىۋەتكەندىن كېيىن-بىراق،سىزنىڭ شەرتىڭىز ،ئەڭ يامان ئاقىۋەت كېلىپ چىقىپ،مېھراي ئىككىمىز ئاجىرىشىپ كەتكەندىن كېيىن،كۈچكە ئېەە بولىدۇ،ھازىر بىز پەقەت،كىنو ئارتىستلىرىدەك ،ماسلىشىپ رول ئالغۇچى خالاس،شۇڭا بۇ مەسىلىنى ئوبدان ئايدىڭلاشتۇرىۋېلىڭ،بولامدۇ؟
-دەپ قىكىلەپ قويدۇم
-ۋاي،دېمىسىڭىزمۇ بىلىمەن ئاكا،ئۆزۈم دېگەن گەپنى ئۇنتۇپ قالماسمەن ،ھەرقانچە دۆت بولساممۇ؟
-ئەمدى دەيمەنغۇ،ھەممە گەپنى ئاۋال دېيىشىۋالغىىنىمىز ياخشى ئەمەسمۇ؟چۈشتە تەييارلىق بىلەن ئولتۇرۇڭ،مەن ئىدارىڭىزگە ئالغىنى بارىمەن،چۈشتە بىللە تاماق يەيلى،مەن بىلەن بىللە تاماققا چىقىدىغانلىقىڭىزنى مېھرايغا بىلدۈرۈپ قويۇشنى ئۇنتۇپ قالماڭ.
-بىلىمەن ئاكا،بولدى قىلسىڭىزچۇ،ئىككى گەپنىڭ بىرى بولماي تۇرسا،مېھرايلا دەيدىكەنسىز-ئالىيە خۇددى مېنىڭ مېھراينىڭ ئىسمىنى ئاغزىمغا ئېلىشىمنى خالىمايدىغاندەك،باتناپ كەتتى ،ئۇنىڭ گەپلىرى مېنى سەل بېئارام قىلغاندەك ،ئىچىمنى سىققان بولسىمۇ چاندۇرماي:
-ئەمىسە دېيىشكىنىمىزدەك بولسۇن،مېنىڭ يەنە قىلىدىغان ئىشلىرىم بار ئىدى،تېلىفوننى قويىۋەتتىم،ئاللاغا ئامانەت-دەپ قويۇپ تېلىفوننى قويۇۋەتتىم.
دۇكىنىمغا خېيالنىڭ ئىسكەنجىسىدە ئېغىر قەدەملەر بېلەن كېلىپ،شۇ ئېغىرچىلىقتا،خېرىدارلارنىڭ بۇيرۇتمىللىرىنى قوبۇل قىلىشمۇ ئېغىر كېلىپ،خۇشياقماي رەت قىلىپ يۈرۈپ،كۈننى ئاران چۈش قىلىپ،مېھراينىڭ ئېدارىسىگە قاراپ يولغا چىقتىم.


ئالىيەئىشنى مەن ئېيىتقاندىنمۇ ئاشۇرۇپ قىلىپ،مېھرايدىن نەچچە قەدەم ئاۋال مېڭىپلا دەرۋازىدىن چىقىپ،مېنىڭ قېزىمغا يۈگۈرەپ كەلگىنىچە قوللىرىنى بېلىكىمدىن ئۆتكۈزدى،مېھراي بىزنىڭ بۇ ھالىتىمىزنى كۆرگەندىن كېيىن،ئاخشام ئكيدىن چىقىپ كەتكەن قىياپەتتە ،ئاغىنى ئېتىپ يىغلىغىنىچە يولنىڭ قارشى تەرىپىگە قاراپ يۈگۈرۈپ كەتتى،نېمىشقىكىن،ئۇنىڭ بۇ ھالىتىنى كۆرۈپ،ئۆزۈم ئويلىغاندەك خۇش بولالماي،كۆزلىرىمدىن ئىككى تامچە ياش سىرغىپ چۈشتى،مېھرايغا ئاتايىن كۆرسىتىشنى ئۈمۈد قىلساممۇ،ئالىيە ئىككىمىزنىڭ بۇ ھالىتىنى باشقىلارنىڭ كۆرۈپ قېلىشىدىن ئەندىشە قىلاتتىم،شۇڭا ئالىيەنىڭ بېلىكىمدىن ئۆتكۈزۈلگەن قوللىرىنى بېلىكىمدىن ئاجىراتقاچ،مېھراينىڭ كىم بېلەن كېتىدىغانلىقىغا قىزىقىپ،ئۇنىڭ يولدىن ئۆتۈپ بولىشىنى ساقلاپ قاراپ تۇردۇم،مېھراي خۇددى قەستەن قىلىۋاتقاندەك،تېز سۈرئەت بېلەن كېلىۋاتقان بىر ماشىنىنىڭ ئالدىغا مېڭىپ چىقتى،يۈرۈكۈم قارتتىدە قىلغاندەك بولۇپ،ئۇنىڭ يېنىغا قاراپ يۈگۈردۈم،ماشىنا چىررىدە قىلىپ تورمۇز قىسقاندىن كېيىن،مېھرايغا قاراپ بىر نەرسىلەرنى دەپ قويۇپ كېتىپ قالدى.مېھراي يولدىن ئوڭۇشلۇق ئۆتۈۋالغاندىن كېيىن،كەينىمگە يېنىپ ،ماڭا ھومۇيۇپ قاراپ تۇرغان ئالىيەنىڭ يېنىغا كەلدىم.
نېمىشقىكىن ،ئالىيە بېلەن يېگەن بۇ بىر ۋاخ تاماق ئاغزىمغا شۇنداق لاۋزا تېتىدى،ئۇنىڭ بىردە ئەركىلەپ،بىردە قېيداپ يۈرۈپ،قىلىۋاتقان گەپ سۆزلىرىمۇ خىيالىمغا كىرىپ چىقمىدى،مېھراينىڭ بايىقى مىسكىنلىكى،كېيىن قارا ماشنىغا چىقىپ كېتىپ قالغان ھالىتى ،كۆز ئالدىمغا كېلىۋېلىپ،ئاقلىغۇچى بىلەن قارلىغۇچى ئادۇۋكاتتەك،بىرسى مېھراينى ئاقلىسا بىرسى قارىلاپ،نېرۋىللىرىمنى چىڭقاشقا باشلىدى .

-ئەجەبا ئۇ ئەر مېھراينى مەجبۇرلاپ ،يېنىغا كەلتۈرىۋالغانمىدۇ؟مېھراينىڭ ئۇنىڭدىن قورقۇدىغان بىرەر ئاجىزلىقى بولغاچقا ،ئۇنىڭغا ئەگىشىپ يۈرىۋاتقانمىدۇ؟ئەگەر راستىنلا شۇنداق بولسا،مەن ئۆلمەكنىڭ ئۈستىگە تەپمەك قىلغان جۇۋاينىمەك بولمامدىمەن،مېھراي ئادەتتە بەكلا يۇۋاش ھەم نۇمۇسچان يۈرۈيدۇ،شۇڭا بۇ خىل ئېھتىماللىقنىمۇ نەزەردىن ساقىت قىلغىنى بولمايدۇ،قارىغاندا ،مەسئۇلىيەتنى يالغۇز مېھرايغا ئىتتىرىپ قويۇپ خاتا قىلغان ئوخشايمەن،نېمىشقا ئۇنىڭ بىلەن ياخشىراق پاراڭلىشىپ دەردىنى ئاڭلاپ باقمىغاندىمەن؟ھېلىمۇ كېچىكمەيمەن،ئەگەر مېھراي مەجبۇرلانغا بولسا،ئۇنى شۇ ئىشلارغا مەجبۇر قىلغان ئاشۇ مەلئۇندىن ئۆز قولۇم بېلەن ھېساب ئالىمەن،مېھراينى چوقۇم كەچۈرىۋېتىمەن.

شۇ ىېياللار بېلەن ،تاماقتىن كېيىن،ئالىيە بېلەن خوشلۇشۇپ،ئۆيگە قايتىپ،مېھراي بېلەن،قانداق سۆزلۈشۈشنى ئويلۇنۇپ ئولتۇرسام تۇيۇقسىز ،تېلىفونۇم سايرىدى،كىمنىڭ گېپىنى قىلسا ،شۇ ئۆزى كەپتۇ،دېەەندەك تېلىفون مېھرايدىن كەلگەن ئېدى.

-ئەسسەلامۇ-ئەلەيكۇم-بوينۇم قويماي ،مېھراينىڭ ئۆزىنى تونۇشتۇرىشىنى ساقلاپ،بىلمىگەن كىشى بولۇپ تېلىفوننى ئالدىم.

-ۋەئەلەيكۇم ئەسسەلام،ئەنىۋەر ياخشى تۇرۇپسىزمۇ؟-مېھراينىڭ ئاۋازى تولىمۇ غەمكىن چىقىۋاتاتتى.

-ياخشى ،ئۆزىڭىزچۇ؟

-مېنىڭ قانداق بولۇشۇمنىڭ سىز بىلەن مۇناسىۋىتى بارمۇ؟

مېھراينىڭ بۇ سۆزى يەنە تېتا تومۇرۇمغا تەگدى،شۇنداقتىمۇ ئۆزۈمنى بېسىۋېلىپ-تېلىفون قىلىپ ياخشى قىپسىز،مەنمۇ سىزگە تېلىفون قىلاي دەپ تۇرغان -دېدىم.

-ھە ،سىزگە دەيدىغان گېپىم بار ئىدى ،شۇڭا تېلىفون قىلغان ئېدىم،سىزنىڭمۇ دەيدىغان گېپىڭىز بارمىدى،ئەجەبا-مېھراينىڭ سۆزلىرى تەنە تۈسىنى ئېلىشقا باشلىدى.

-شۇنداق ئاۋال سىز دەڭ،ئاندىن مەن دەي.

-ئۇنداقتا تارتىنمىدىم،بەلكىم سىزمۇ ،مېنىڭ ئاۋال ئېغىز ئېچىشىمنى كۈتىۋاتقانسىز،مەخسىتىڭىزمۇ مېنىڭ سۆزۈم بېلەن بىردەك بولىشى مۇمكىن-مېھراي شۇنداق دەپ،ئېغىر كىچىك تىنىۋەتكەندىن كېيىن سۆزىنى داۋام قىلدى-مەن ئاخشامدىن بېرى كۆپ ئويلاندىم،ئاخىرى سىزنىمۇ ،ئۆزۈمنىمۇ قىينىماي،سىزنىڭ بەختىڭىز ئۈچۈن ،ئۆزۈمنى قۇربان قىلىپ،سىزنى ئازادلىققا چىقىرىپ،مۇراد مەخسىتىڭىزگە يەتكۈزۈش قارارىغا كەلدىم،بىز ئاجىرىشىپ كېتەيلى ئەنىۋەر.
-كىمنى مۇرادىغا يەتكۈزمەكچى سەن مېھراي،مېنىمۇ ياكى ئۆزۈڭنىمۇ؟-مېھراينىڭ بۇنچە ئاسانلا ئاجىرىشىپ كېتەيلى دېگەن سۆزنى ئاغزىدىن چىقىرىشى بېلەن جۇدۇنۇم ئۆرلىدى-كەچۈرگىن مېھراي سەن دەپ قالدىم،بىراق بۇمۇ مېنىڭ سېنى يېقىن كۆرگەنلىكىمدىن،مەنمۇ سەن ئويلانغاندەك كۆپ ئويلاندىم،ئاجىرىشىمەن دېگەن سۆزنى بۇنچىلىك ئاسان ئاغزىڭدىن چىقارماسلىقىڭ كېرەكتى،توغرا مەندىمۇ خاتالىق بار ،سەندىمۇ چۈشەندۈرمىگەن خاتالىق بار،قانداق گەپ بولسا ماڭا ئېيتىۋەرگىن،ئۇ ئادەم سېنى مەجبۇرلىغان بولسا ماڭا ئېيىتقىن،مەن ھەرقانداق ئىشنى كەچۈرىۋېتىمەن،سېنى شۇنداق قىلىشقا مەجبۇرلىغان شۇ ئىنساننى....


-سىز تېخىچە شۇ مۇقامدىمۇ ئەنىۋەر-مېھراي سۆزۈمنى بۆلىۋەتتى-مېنى ھېچكىم،ھېچقانداق ئىشقا مەجبۇر قىلغىنى يوق،مەجبۇرلاۋاتقىنى دەل سىز،ئاقىرىشىپ كېتەيلى ،مېنىڭ قارارىم شۇ،ئەتە سىزنى ئاجىرىشىش زالىدا ساقلايمەن.

مېھراي تېلىفوننى قويۇۋەتتى ،جۇدۇنۇم ئۆرلەپ،يەنە ئۆزۈمنى كونتىرول قىلىشقا ئامالسىز قالدىم-دە،تېلىفوننى قايتۇرۇپ ئۇردۇم-دە ،مېھراينىڭ تېلىفوننى ئېلىشىغا گەپ قىلىشىنى كۈتمەيلا-ۋۇ ساراڭ خوتۇن،سەن كىمنى كۆزگە ئىلمايۋاتىسەن،مەندىن شۇنداق ئاسانلا قۇتۇلۇپ،مۇرادىڭغا يەتمەكچىمىدىڭ،ئۇنداق ئاسان چاغلىما،مەن سەندىن بۇنداق ئاسان ئاجىراشمايمەن،كۆرىدىغان كۈنۈڭ بار تېخى ،ئالدىراپ كەتمە -دەپ،بولۇپلا تېلىاوننى قويۇۋەتتىم.......

داۋامى داۋاملىق ئىنكاس شەكلىدە يوللىنىدۇ.............