ئاشنا ئىزدەش داۋامى(24)
ئايزىبا،چوقۇم شۇ كەلگەن گەپ،ئۆز-ئۆزۈمگە سۆزلىگەچ ،كېيىملىرىمنى كېيىپ،ئۆگزىگە يۆلەپ قويۇلغان شوتىغا يامىشىپ،پەسكە چۈشتۈم.
-مېنى ،مۇشۇ تۇرقۇم بېلەن نومۇسقا ئۆلسۇن دەپ كەلدىڭمۇ ،سىڭلىم-تېخى بوسۇغىدىن پۇتۇمنى ئالماي تۇرۇپلا ،شۇنداق دېدىم،ئەمما بوسۇغىدىن ئاتلاپ بولغاندىن كېيىن،داڭ قېتىپ تۇرۇپ قالدىم-مېھراي.....
-ھەئە،مەن كەلدىم ئەنۋەر-مېھراي ماڭا قاراپ كۈلۈمسىرەپ تۇراتتى ،كۆزلىرىم ئۇنىڭغا قاراشقا جۈرئەتسىزدەك ،يەرگە تىكىلدى ،ئۈستى بېشىمدىكى مەينەتچىلىك،يەڭلىرىمدىن ساڭگىلاپ قالغان تېرىلەر،تېۋىپنىڭ مەسلىھەتى بويىنچە ،پاكىز چۈشۈرۈپ ،ئاپتاپقا سېلىش جەريانىدا ،تېرىسى سويۇلۇپ،تازغا ئوخشاپ قالغان باشلىرىم،بۇلارغا قاراشقا تېخىمۇ جۈرئەتسىزمەن، شۇ جۈرئەتسىزلىكەر بېلەن ،بىر پەس جىمجىت تۇرىۋەتكەندىن كېيىن،ئىختيارسىز سىرتقا قاراپ تاشلانغان قەدەملىرىمگە ئەگىشىپ،يۈگۈرەپ كەتتىم .
-ئەنۋەر ،توختاڭ -مېھراي ۋارقىرىغىنىچە كەينىمدىن قوغلىدى ،شۇنداق توختىغۇم،مېھرايغا تويماي قارىۋالغۇم،قۇچىقىدا يېتىم قانغۇچە يىغلىۋالغۇم كېلىۋاتقان بولسىمۇ،ئىچىمدىن ئۇرغۇپ چىقىۋاتقان نومۇسنىڭ كۈچىگە ئەگىشىپ،كۆزلىرىمدىن ئىخىتيارسىز تۆكۈلىۋاتقان ياشلىرىمغا قوشۇلۇپ ،چۈشىۋاتقان ھارغىنلىق تەرلىرىنىمۇ سەزمەستىن يۈگۈرۈۋەردىم،مېھرايمۇ ماڭا توختىماستىن ماڭا ئەگىشىپ يۈگۈردى .ئادەمسىز يوللار بېلەن يۈگىرەپ،ياڭاقلىقنىڭ يېنىغا تېرىغان بىر قوناقلىق ئېتىزنىڭ يېنىغا كەلگەندە ،ھالسىزلىنىپ،قەدەملىرىمنى توختىتىپ،ئۆزۈمنى يەرگە ئاتتىم.
-ئەەەەنۋەر،ئۇف،ئۇف،ئۇف-مېھرايمۇ كەينىمدىنلا يېتىپ كېلىپ،يېنىمغىلا يېقىلدى-نېمىشقا،مەندىن قاچىسىز.
ئۇنىڭ ئاۋازىدىن قاتتىق ھالسىزلانغانلىقى چىقىپ تۇراتتى ،مەن زۇۋان سۈرمەي ،بېشىمنى توپىغا سۈرۈپ يېتىۋالدىم .
-تېخىچە مەندىن رەنجىۋاتامسىز ؟-دېدى مېھراي ،بىر پەس ،مەيدىسىنى تۇتۇپ،ئۇف،ئۇف دەۋەتكەندىن كېيىن-ئۇنتۇپ قالدىڭىزمۇ ،قورسىقىمدا سىزنىڭ بالىڭىز بار ،مېنى بۇنداق يۈگۈرۈتسىڭىز بالىڭىزغا بىر ئىش بولىشىدىن قورقمامسىز ؟
-ئاپلا-مېھراينىڭ بۇ سۆزىنى ئاڭلاپ،ھەممىنى ئۇنۇتقاندەك قاتتىق جىددىيلىشىپ،بۇرۇلۇپلا ئۇنى قورسىقىغا قارىدىم -سىزگە بىر ئىش بولمىغاندۇ ھە؟
-ياق،ساراڭ ،ھېچئىش بولمىدى -مېھراي ئەركىلىگىنىچە قوينۇمغا بېشىنى قويدى -ئاۋايلاپ يۈگۈردۈم ئەمەسمۇ،سىزدەك جېنىمنىڭ بارىچە يۈگۈرمۈدۈم ،مەن ساراڭدەك .
-مەن شۇ ساراڭ -مېھراينىڭ سۆزى بىلەن ،قېچىشىمنىڭ سەۋەبىنى ئېسىمگە ئېلىپ ،كەينىمگە بۇرۇلدۇم .
-تېخىچە مەندىن رەنجىۋاتامسىز ئەنۋەر-مېھراي بىقىنىمغا قولىنى سالدى -سىزنى خاتا چۈشىنىپ قاپتىمەن ئەنۋەر،مەن ئالىيەدىن كەلگەن ،يەنە بىر پارچە خەتنى تاپشۇرىۋالدىم ئەنۋەر، خەتنى كۆرگەندىن كېيىن بىلدىم،ھەقىقەتەن گۆدەكلىك قىپتىمەن ،بىراق بۇنىڭ ھەممىسىنى مەندىن كۆرسىڭىز توغرا بولمايدۇدە،سىزمۇ بۇرۇن ماڭا ئوخشاش كۈنلەرنى باشتىن كەچۈرگەن ،ئۇنىڭ ئۈستىگە ماڭا ئوخشاش ئالدىراڭغۇلۇق بېلەن ،مەندىن ئۆچ ئالماقچى بولغان ئېدىڭىزغۇ،ئاغرىنىش توغرا كەلسە، ھەر ئىككىمىزدىن ئاغرىنساق توغرا بولىدۇ ،مەسئۇلىيەتنى ئورتاق ئۈستىمىزگە ئېلىشىمىز كېرەك،باشتا سىزگە ھەممە ئەھۋالنى ئوچۇق دېمەي گۇمانىڭىزنى قوزغىغان گۇناھ مەندە بار،بىراق ھېچ چۈشەنمىدىم ،سىز نېمىشقا ،ئالىيەنى مەن بېلەن كۆرۈشۈپ،ھەقىقەتنى ئايدىڭلاشتۇرۇشتىن توسىسىز، مۇشۇ ماڭا ھەم بالىڭىزغا كۆيۈنگەنلىكىڭىزمۇ،بىزنى تاشلاپ كەتسىڭىز ،ھەممە دەرتنى ئۆزىڭىز يالغۇز تارتسىڭىز، ئەجەبا بىزنى ئويلىغان بىزگە كۆيۈنگەندەك ھېس قىلالامسىز ؟سىز خاتالىشىپسىز ئەنۋەر،بۇنداق قىلسىڭىز مېنىمۇ،ئۆزىڭىزنىمۇ،تۇغۇلۇش ئالدىدا تۇرغان ،بالىڭىزنىمۇ قىينىغان بولىسىىز خالاس.
-مېھراي،بولدى سۆزلىمەڭ-مېھراينىڭ سۆزلىرىنى ئاڭلاپ ،ئكزۈمنى تۇتىۋېلىشقا ئامالسىز قالدىم-دە ئۇنىڭغا بۇرۇلدۇم-قاراڭ،قاراڭ، بۇ يەرگە،يەنە بۇ يەرلەرگە-ئۇنىڭغا ئاق كېسەل مەركەزلەشكەن جايلىرىم بېلەن ،تۆكۈلىۋاتقان تېرىللىرىمنى كۆرسەتتىم-مەن مانا مۇشۇنداق ئادەم ،بەلكىم، سىزگە ھازىر تۇيۇلماسلىقى مۇمكىن،بىراق بارا-بارا مەندىن زېرىكىسىز ،مەندىن نومۇس قىلىسىىز ،مەن بۇنداق كۈنلەرگە بەرداشلىق بېرەلمەيمەن مېھرا ي،سېنىڭ،بالامنىڭ مەندىن نومۇس قىلغىنىدىن كۆرە ،ئۆلگىنىم ئەۋزەل مېنىڭ،سەن كەت، ئەمدى مېنى ئىزدىمە، خاتىرجەم بول،مەن بالامغا بولغان مەسئۇلىيتىمدىن قاچمايمەن، مەيلى كېيىن باشقا تۇرمۇش قۇرغىن ياكى قۇرمىغىن ،مەن ھەر ئايدا تۇرمۇش خىراجىتى بېرىپ تۇرىمەن .
-ئەنۋەر، سىز نېمىلەرنى دەۋاتىسىز ،ئاغزىڭىزدىن چىققاننى يۈرىكىڭىز تۇيۇۋاتامدۇ سىزنىڭ-مېھراي ئورنىدىن تۇرىۋېلىپ،ئاۋازىنى قويىۋېتىپ سۆزلەشكە باشلىدى ،ئۇنىڭ تۇرىقىدىن قاتتىق ئاچچىقى كەلگەنلىكى چىقىپ تۇراتتى -بىلەمسىز سىزنىڭ مۇشۇنداق بېمەنىلىكىڭىزدىن ،بىزنىڭ كەلگەن يېرىمىز مۇشۇ بولاۋاتىدۇ ،بىر قېتىم بولسىمۇ مېنى چۈشىنىپ قويسىڭىز بومامدۇ ؟سىز مېنى تېخىچە شۇنداق رەزىل،شەخسىيەتچى ئايال دەپ ھېس قىلامسىز ،ئەگەر سىز مېنىڭ سىز ئۈچۈن كۆيىۋاتقان قەلبىمنى بىر قېتىم بولسىمۇ چۈشىنىپ قويغان بولسىڭىز ،ھەرگىزمۇ ،مەندىن ھېلىقىدەك گۇمانلارنى قىلىپ يۈرمەي ،ماڭا ئىشەنگەن بولاتتىڭىز ،ھازىرقىدەك تېتىقسىز گەپلەرنى تېخىمۇ قىلمىغان بولاتتىڭىز -مېھراي جايىدا ئولتۇرۇپلا ھۆڭۈرەپ يىغلاشقا باشلىدى-بىر ئىنسان يەنە بىر ئىنساننى ھەقىقى ياخشى كۆرىدىكەن ،ئۇنىڭغا ئىشىنىدۇ،ئۇنىڭغا كۆيىنىدۇ،ئۇنىڭغا يۆلەك بولىدۇ ،ئۇنىڭ چىرايىنى ،چىرايلىق ياكى كېلىشكەن بەدىنىنى ئەمەس بەلكى قەلبىنى سۆيىدۇ ،ئۇنىڭ كۈلكىسىدىنلا ئەمەس، ئازابىدىن ،قايغۇسىدىن ،جاپا-مۇشەققىتىدىنمۇ ئۆزىنىڭ بەختىنى ئىزدەيدۇ ،سىز قايغۇرغان چاغدا ،يېنىڭىزدا تۇرۇپ تەسەللىي بېرەلىگىنىم،كۆزىڭىزدىن ئاققان ياشلارنى قوللۇرۇم بېلەن سۈرتۈپ قويالىغىنىم، ئارزۇ-ئارمانلىرىڭىزنى ئەمەلگە ئاشۇرۇش يولىدا ،سىز بىلەن بىرگە بولالىغىنىم ،ئاغرىپ ياتقىنىڭىزدا ،ھالىڭىزدىن خەۋەر ئېلىپ،كۆڭلىىزنى كۆتۈرۈپ، سىزگە ئۈمۈد بېغىشلىيالىغىمنىم،يىقىلغان يېرىڭىزدىن دەس تۇرالىشىڭىزغا مەدەت بېرەلىگىنىم ،مانا بۇلارنىڭ ھەممىسى مېنىڭ بەختىم خۇشاللىقىم ،ئويلاپ بېقىڭ ئەنۋەر، سىز قاچان ماڭا مۇشۇ پۇرسەتلەرنى بېرىپ باقتىڭىز ،ھەممىنى ،ھەرقانداق ئىشىىڭىزنى ماڭا بىلدۈرمەسلىككە تىرىشتىڭىز ،كۆزىڭىزدىن ئاققان ياشلىرىڭىزنى مەندىن يوشۇردىڭىز ،بەلكىم ،سىز ئۆزىڭىزنى ماڭا كۈچلۈك كۆرسىتىش ئۈچۈن شۇنداق قىلغانسىز ،بىراق دەل ،شۇنداق قىلغانلىقىڭىز سەۋەبلىك بىىزنىڭ ئارىمىزدا نۇرغۇن ئۇقۇشماسلىقلار كېلىپ چىقتى ئەمەسمۇ ،ئويلاپ بېقىڭ ،سىز بۇرۇن ماڭا ،ئانىڭىزنى سېغىنغان ھېسلىرىڭىزنى مەن بېلەن ئورتاقلاشقان بولسىڭىز، ھەركۈنى ئۇنى سېغىنىپ .تۆككەن ياشلىرىڭىزنى ماڭا كۆرسەتكەن بولسىڭىز ،بەلكىم ،مېنىڭ سىزدىن ھېلىقى سىرلارنى يوشۇرمىقىممۇ ئاسانغا چۈشمەسلىكى مۇمكىن بولغىيتى .سىزگە بولغان مۇھەببىتىمنىڭ ئالدىدا ،ئانىڭىزغا بەرگەن ۋەدەمنى ئۇنتۇپ ،قېلىشىم ،ماڭا ئېنتايىن روشەن ئېدى ،كېيىنچۇ ،كېيىن قانداق قىلدىڭىز ؟بولدى ،مەن بۇ يەرگە سىز بېلەن تەگەشكىلى كەلمىدىم ،سىزنىڭ ھالىڭىزدىن خەۋەر ئالغىنى ،سىزنىڭ ساقىيىشىڭىزغا مەدەت بەرگىنى كەلدىم ،ھازىر گەرچە بىز ئەر -خوتۇن بولمىساقمۇ، مەن يەنىلا سىزنى سۆيىدىغان ئايال ،ماڭا ئاياللىق بۇرچىمنى ئادا قىلىش پۇرسىتىنى بەرمىسىڭىزمۇ ،مۇھەببەت ئالدىدىكى قەرزىمنى ئادا قىلغىنى قويۇڭ .
-مېھراي-ئەمدى راسلا چىدىغۇچىلىكىم قالماي ،مېھراينىڭ باغرىغا ئۆزۈمنى ئاتتىم -مېنى كەچۈرۈڭ،راستىنلا مېنى كەچۈرۈڭ ،ئىككىمىز بىر بىرىمىزنى باغرىمىزغا چىڭ بېسىشتۇق،ئۇزۇندىن بۇيان پۇراپ باقمىغان ،ئەمما تولىمۇ سېغىنغان خۇشپۇراق ھىد دىمىقىمغا ئۇرۇلىشى بېلەن تەڭ،ھوشۇمنى يوقاتتىم.
مېھراي ئىككىمىز ،ئېتىز قىرىدا ئولتۇرۇپ، خېلى ئۇزاق مۇڭداشتۇق، ئۇ ماڭا ،نەچچە كۈن ئاۋۋال ،ئالىيەدىن كەلگەن بىر خەتنى تاپشۇرىۋالغانلىقىنى ،ئالىيەنىڭ خېتىدە مېھرايدىن كەچۈرۈم سوراپ، ئارىمىزدا يۈزبەرگەن ئىشلارنىڭ ھەممىسىنى يىپىدىن يىڭنىسىغىچە يېزىپ، ئۆزىنىڭ بىزگە يۈز كېلەلمەيدىغانلىقىنى،بىزنىڭ مۇرادىمىزغا يېتىشىمىزنى تولىمۇ ئارزۇ قىلىدىغانلىقىنى ،ئەگەر بىز قايتىدىن جەم بولالمىساق، ئۆزىنى بىر ئۆمۈر كەچۈرەلمەيدىغانلىقىنى ،ھاىزر بۇرۇن قىلغان ئىشلىرىغا تولىمۇ پۇشايمان قىلىۋاتقانلىقىنى ،ئەينەن يېزىپ قالدۇرغانلىقىنى ،مېھراينىڭ خەتنى كۆرۈپلا ،مېنى ئىزدەپ كەلگەنلىكىنى ،لېكىن مېنى تاپالمىغانلىقى ئۈچۈن ،ئايزىبا بېلەن ئالاقىلىشىپ،ئېنتايىن تەسلىكتە ،ئەھۋالدىن ىەۋەردار بولۇپلا ،بۇ يەرگە كەلگەندىلىكىنى ئېيتىپ بەردى .
-ئالىيە ھېلىقى خەتنى يازمىغان بولسا ،مېنى كەچۈرمەمتىڭىز -مېھراينىڭ سۆزلىرىنى ئاڭلاپ،قىياسىمدىن يالغان چىقىشىدىن ئەنسىرەپ ،سورىدۇم .
-ياق،ئىشەنسىڭىز ،مەن سىزنى بۇرۇنلا كەچۈرىۋەتكەن ،ئالىيەنىڭ بالىسىنى ئالدۇرىۋېتىپ،ئىچكىرىگە كەتكەنلىكىنى ئاڭلاپلا ھەقىقى ئەھۋالنى چۈشىنىپ يېتىپ،سىزدىن ئاجراشقىنىمغا پۇشايمان قىلغان ،بىراق سىزنىڭ مېنى ئىزدەپ كېلىشىڭىزنى ساقلىماقچى ئېدىم ،بىراق سىز كەلمىدىڭىز،سىزنىڭ نېمىشقا مېنى ئىزدەپ كەلمىگەنىكىڭىزنى بىلەلمەي ئۇشتۇمتۇت تۇرغان چېغىمدا ،ھېلىقى خەتنى تاپشۇرىۋېلىپ،مېنى ئىزدىمەسلىكىڭىزنىڭ سەۋەبىنى بىلگەندەك بولۇپ،ئاندىن بۇ يەرگە كەلدىم -دېدى مېھراي ماڭا جاۋابەن-ئەجەبا ،مەن ئىزدەپ كەلمىگەن بولسام سىز مېنى مەڭگۈ ئىزدىمەمتىڭىز.
مەن قاقاھلاپ كۈلۈپ كەتتىم ئاندىن مېھرايغا قاراپ-بەلكىم شۇنداق بولىشى مۇمكىن ئېدى،بىراق ،بايا مېنى چاقىرغىلى چىققان قىزچاقنىڭ ئېيتىشىچە ،بىزنىڭ كېسىلىمىز ساقايغاندا .بۇرۇنقىدەك چىرايلىق ھالىتىمىزگە قايتالايدىكەنمىز، ئەگەر ئۇنىڭ ئېيىتقانلىرى راس بولۇپ، بۇرۇنقىدەك چىرايلىق ھالىتىمگە قايتالىسام ،سىزنى چوقۇم ئىزدەپ باراتتىم ،بىراق ،ئۇ چاغدا سىز باشقا بىرەسىنى تېپىۋالمىغان بولسىڭىزلا .
-ئەخمەق ،مەن ئۆزۈمگە قەسەم قىلغان ،ئەمدى ئەرگە تەگمەيمەن دەپ -مېھراي بېشانەمگە نوقۇپ يەرگە قارىۋالدى .
-ئۇنداقتا ،ئەمدى بىز توي قىلالمىغۇدەكمىزغۇ؟
ساراڭ، سىز بۇنىڭ سىرتىدا ،مەن سىزگە بۇرۇن بىر قېتىم تېگىپ بولغان تۇرسام
-ھا،ھا،ھا،
مېھراينى كۆرۈپلا ھەممە غەملىرىم ئاللىقاياقلارغىدۇر غايىپ بولغاندەك ،كۆڭلۈم ۋاللىدە يورۇپ كەتتى، ئىككىمىز كۈن كىرەگە يېقىن قايتىپ كەلدۇق،قايتىپ كەلدۇقيۇ، ئۆيگە كىرگۈزۈلمەي ،تالادا قالغىنى تاسلا قالدۇق .
-كېتىڭ ئۇكام، كېتىڭ، مەن سىزگە دېگەنغۇ، بەش كۈن چىدىمايسىز دەپ،سىزنىڭ ساقايغىىز يوقكەن -ئۆيگە كىرەلمەي تېۋىپنى ئىزدىگەن چېغىمىزدا ، ئۇ بىزگە قاراپ سوغاقلا تەلەپپۇزدا شۇنداق دېدى .
-نېمىشقا بۇنداق دەيسىز ،مېنىڭ ساقايغۇم بار ،كېم مېنى ساقايغۇسى يوق دەيدۇ -تېۋىپنىڭ سۆزىنى چۈشەنمىگەندەك ،ئۆيىگە كىرىپ كېتىشكە تەمشىلىۋاتقان تېۋىپقا قايتىدىن ئېسىلدىم .
-ساقايغۇڭىز بولسا بۇ كىمۇ ئەمدى ،مەن سىزگە دېگەنغۇ ،ئايالىڭىزنى ئەكەلسىڭىز بولمايدۇ دەپ-تېۋىپ،شۇنداق دەپ ،يېنمدا تىڭىرقاپ تۇرغان مېھراينى كۆرسىتىپ قويۇپ،جاڭڭىدە قىلىپ،ئىشىكنى يېپىپ كىرىپ كەتتى .
-بۇ،بۇ،بۇ قانداق ئىش -مېھراي نېمە ئىش بولغانلىقىنى ئاڭقىرالمىغاندەك ماڭا سوئال ئارىلاش قاراپ شۇنداق دېدى .
-مەن كىرىپ باقاي ،سىز مۇشۇ يەردە تۇرۇپ تۇرۇپ ،مەن مېھرايغا تېۋىپنىڭ،مەن كېلىشتىن ئاۋۋال ئېيىتقان سۆزلىرىنى بىرمۇ-بىر ئېيتىپ بەرگەندىن كېيىن،مېھراي ۇنداق دەپ ،قويۇپ، تېۋىپنىڭ ئۆيىگە كىرىپ كەتتى .
ئۇ كۈنى مېھراينىڭ تېۋىپقا نېمىلەرنى دېگەنلىكىنى بىلەلمىدىم ،بىراق تېۋىپ مېنى باشلاپ ھوجىراپغا ئەكىرىپ قويغاندىن كېيىن، يېنىمغا يەنە ئىككى كارىۋات قويۇپ،مەن بېلەن بىللە داۋالىنىۋاتقان ئىككى كىچىك ئوغۇلبالىنى ئەكىرىپ قويۇپ چىقىپ كەتتى ،شۇنىڭ بېلەن مەنمۇ يەنە بىر قېتىم داۋالىنىش پۇرسىتىگە ئېرىشتىم .
خاتېمە
ئارىدىن بەش يىل ئۆتۈپ كەتتى ،مەن داۋالىنىپ تولۇق ساقايدىم ،ھەم پەرھىز تۇتۇش ئارقىلىق ،ھېلىقى كېسەلنىڭ قايتىلىنىشىدىن ساقلاندىم ،ھازىر ئانچە مۇنچە ،مېھۋە -چىۋە،يەپ قويىمەن ،لېكىن كۆپ ئىستىمال قىلىشتىن ،قېتىق،تاۋۇز، ھەم تۇغۇم بېلىق يېيىشتىن قورقىمەن .
بەلكىم سىز ،مېھراي ئىككىمىزنىڭ بۇ بەش يىللىق ھاياتىمىزغا بەكىرەك قىزىقىۋاتقانسىز ،دەپ كەلسەم ،ئىش بەك جىق ،شۇڭا ئەڭ مەنىلىكرەكىنى دەپ بېرەي، مېھراي ئىككىمىز ،مەن ساقىيىپ قايىتقاندىن كېيىن ،يارىشىپ،قايتىدىن توي قىلىۋالدۇق،تۇنجى بالىمىز تۇغۇلۇپ، يەنە بىر يىلدىن كېيىن يەنە بىر بالىلىق بولدۇق، ھازىر بىر قىز ،بىر ئوغلىمىز بار ،بەخىتلىك بىر ئائىلە مېھراي ئىككىمىزنى بېشىمىزغا كېيىلدى ،ئەلۋەتتە جاپاسىمۇ يوق ئەمەس، ئارقا-ئارقىدىن پەرزەنتلىك بولغانلىقىمىز ئۈچۈن ،بالىلارنى بېقىشتا ئوبدانلا جاپا تارتىپ قويدۇق، لېكىن ،خۇددى مېھراينىڭ ئېيىتقىنىدەكلا ،ياخشى كۆرگەن ئادەملىرىمىز بېلەن ئۆتكۈزگەن ھەربىر كۈنىمىز جاپالىق بولسىمۇ ،بىز ئۈچۈن ھەرۋاقىت بەخىتنىڭ چەكسىزلىكىنى ھېس قىلدۇرۇپ قويدى .
يەنە بەزىللىرىڭلار ئالىيەنىڭ كەلگۈشىگە قىزىقىۋاتقانسىلەر،ئالىيە ئىچكىرىگە كىرىپ كېتىپ،بىر يىلدەك چۆگىلەپ يۈرۈپ ،ئېنىشىنى تاپالمىدى ،لېكىن كاۋاپچى يېگىتتىن بىرسى بېلەن تېپشىپ، تويىنى قىلۋېلىپ، قايتىپ كەلدى ،ئۇ قايتىپ كېىپ.بىر يىلدىن كېيىن،ئېنىسىمۇ ،بىر قېتىملىق ھەرىكەتتە ،قايتۇرۇپ كېلىنىپ،ئاچا-ئېنى ئىككىسى قايتىدىن جەم بولۇشتى . سىڭلىم ئايزىباغا كەلسەك، مەن ئۇنىدىنمۇ چەكسىز مېننەتدارمەن، تۇرمۇشى خېلى خاتىرجەم، ماڭا دۇنيادا قېرىنداشلىقنىڭ قانچىلىك كۈچلۈك رولى بارلىقىنى ،قېرىنداشلىق مېھرىنىڭ ئىنسان ئۈچۈن ،قانچىلىك بېباھا ئىكەنلىكىنى داۋاملىق ھېس قىلدۇرۇپ تۇردى . مېنىڭ ھېكايەم، غۇۋا ھەم ئېچىنىشلىق باشلانغان بېلەن ،ئاخىرى ياخشى ئاياقلاشتى ،لېكىن شۇنىڭدىن كېيىن ،ئاشنا دېگەن سۆزنى ئاڭلىساملا ،،قورقۇم ،تەنلىرىم تىترەپ كېتىدىغان بولۇپ قالدىم.
نېمىسىنى دېمەيسىز بىر كۈنى ،شۇنداق تور ئاختۇرىۋېتىپ، ئاشنا ئىزدەش دەيدىغان بىر پوۋسىتقا كۆزۈم چۈشۈپ قالدى، شۇنداق ئوقۇپ باقاي دەپ ،ئوقۇۋېتىپ، خۇددى بىرى مېنى ئوغۇرلۇقچە كۆزەتكەندەك ،بۇ پوۋسىتنىڭ ،مېنىڭ ھېكايەمنى باشتىن ئاخىر يېزىپ ،چىققانلىقىغا ھەيران بولۇپ،ھەم قىزىقىپ ئوقۇپ، يۈرۈپ بىر نەچچە كۈندە ئوقۇپ ،خاتېمە دېگەن يەرگە كەلگەن ۋاقتىمدا، مېھراي شۇنداق كىرىپ قالماسمۇ؟
-ئاشنا ئىزدەش، ۋۇ ئاشنىغا تويمىغان ساراڭ ،ئىككى بالىڭىز بولغان چاغدا، يەنە يالغاندىن ئاشنا تۇتاي دېگەنمۇ ؟نومۇس قىلماي ئوقۇۋاتقان بىر نېمىسىنى بۇنىڭ.
مېھرايغۇ ،مېنى تىللاپ پوسكايتىۋاتتى ،لېكىن مەن بۇ قېتىممۇ بىر نېمىلەرنى قىلىپ يۈرۈپ، بۇ بوسۇغىدىنمۇ ئوڭۇشلۇق ئۆتۈۋالدىم ،،ئەمما شۇنىڭدىن كېيىن ئۆزۈمگە ،ئاشنا دېگەن بۇ سۆزنى ئۇنتۇپ كەت ،ئەنۋەر -دەپ پىچىرلايدىغان بولۇپ قالدىم.
دوسىتلىرىمىزغا دەيدىغىنىمىز-ئاياللىرىڭلارغا ،ئېگە بولۇڭلار، ھەم ئىشىنىڭلا، ھەم كۆيۈنۈڭلار، سىرىتتا ،قاش كۆزىنى ئوينۇتۇپ تۇرغان ،مايمۇنەملەرنى كۆرۈپ،ئۆيۈڭلاردا سىلەرنى ساقلاپ ئولتۇرغان مېھرىبانلارنى يادىڭلاردىن چىقىرىپ قويماڭلار ،ئەرلىرىڭلارمۇ ،ئاياللىرىڭلارغا كۆيۈنۈڭلار،سادىق بولۇڭلار، ئاياللىرىڭلارمۇ، ئەرلىرىڭلارغا ھېزى بولۇپ، كۈندە ئۇرۇش جىدەل بېلەن كۈتىۋالماي،ئىللىق تەبەسسۇم بېلەن پاك مۇھەببىتىڭلار بېلەن ئائىلەڭلارنى قوغداڭلار.مەن دەيدىغانلىرىمنى مۇشۇ يەردە توختىتىپ تۇراي، رادىيودا مەن ئامىراق بىر ناخشىنى قويۇۋېتىپتۇ، تىڭشىمىسام بولماس، سىزلەرمۇ تىڭشاپ قويىڭىزلار بۇنداق ناخشىلارنى ،زىيان قىلماس:
ئاشناڭ ساڭا ئاش بەرمەس،
قازانىدا ۋاپانىڭ.
ئاغرىپ قالساڭ پەرۋانە،
ئەتراپىڭدا ئۆز يارىڭ
............................................
ئاپتوردىن سۆز:
ئاددىيغىنە ئەسىرىمنى باشتىن ئاخىرى ئىز قوغلاپ ئوقۇۋاتقان بارلىق دوسلىرىمغا چەكسىز تەشەككۈرۈمنى بىلدۈرىمەن،ئەسىرىمنى مۇۋەپپىقىيەتلىك روياپقا چىقىشى ئۈچۈن ،پىكىر تەكلىپلىرىنى ئايىماي ئىنكاس ياشغان بارلىق دوسلىرىمغا كەمىنە تاھىرجان يۈسۈپ، ئوغۇزدىن ،چەكسىز رەھمەتلەر ،ھەرقايسىڭىزلارنىڭ مېنى داۋاملىق مۇشۇنداق قوللاپ تۇرىشىڭلارنى چىن دىلىمدىن ئۈمۈت قىلىمەن ،پات يېقىندا ،مۇنبەر ئارقىلىق ھوزۇرىڭلارغا سۇنماقچى بولىۋاتقان<قىز گۆھىرى >ناملىق رومانىمنىمۇ ياقتۇرۇپ ئوقۇشۇڭلارنى ئۈمۈد قىلىمەن .
تۈگىدى......
| 
يوللىغان ۋاقتى 2015-12-25 12:43:47
يوللىغان ۋاقتى 2015-12-28 21:36:33