ئاشنا ئىزدەش(پوۋسىت)

teskin

خەپ لېكىن....................

admin

لىكىن بەك ساقلاپ كەتتۇق جىما !

teskin

ئەمدى مۇشۇ تېمىغا يەنە كىرىدىغان بولسام

ئوغۇز

ئاشنا ئىزدەش(19)

ھاياتىمدا مېنى كۈتۈپ تۇرغان سىناقلار،كەينى-كەينىدىن ،ئىز قوغلاپ دېگەندەك كېلىپ،مېنىڭ قوبۇل قىلىپ،باش كۆتۈرۈپ ياشىشىمنى ،ياكى ،باش ئېگىپ،ھاياتىمنى خاراب قىلىشىمنى ساقلاپ تۇرماقتا.
كىچىك چاغلىرىمدا چوڭلاردىن،بۇرۇنقى چاغلاردا،ئادەملەرنىڭ،ئاچلىقتىن ،نامىراتلىقتىن باشقا ئىشلارغا غەم قىلىشقىمۇ ۋاقتى يەتمەيدىغانلىقىنى ئاڭلىغان ئىدىم،مانا ئەمدىلىكتە،بەزىللىرىمىز باي بولدۇق،پۇل تاپتۇق،قورساقلىرىمىز توق،كىيىملىرىمىز پۈتۈن،لېكىن،مەن بەخىتلىك،مېنىڭ غېمىميوق،دەردىم يوق دېيەلەيدىغاندىن قانچىمىز بار؟نۇرغۇنلىرىمىز پەرزەنت پىراقىدا،نۇرغۇنلىرىمىز مۇھەببەتنىڭ ئازابىدا،نۇرغۇنلىرىمىز ئەر كويىدا،نۇرغۇنلىرىمىز خوتۇن غېمىدە،يەنە نۇرغۇنلىرىمىز خۇددى ئۆلمەي ياشايدىغاندەك ،بىرنى ئىككى قىلىۋېلىشنىڭ،ياكى قولدا بارنى ساقلاپ قېلىشنىڭ كويىدا .
ئەگەر پۇلغا،بايلىققا ،خاتىرجەملىكنى سېتىۋېلىپ،بەخىتلىك ئائىلەمنى ئەسلىگە قايتۇرغىلى بولسا ئېدى،مەن بارلىقىمنى سەرپ ئېتىپشۇ كۈنلىرىمنى قايتىدىن سېتىۋېلىپ،ئۆزۈم قۇل كەبىي ئىشلەشكە رازى بولغان بولاتتىم،مۇشۇ كۈنلەردە ،بەك كۆپ نەرسىلەرنى ئويلاپ يەتتىم ،ئۆمۈر ئۇزىقى بېلەن ئەمەس،خۇشلۇقى بىلەن ئۆلچىنىدىغانلىقىنى،ئىش-ئەمگەكنىڭ ئەمەس،غەم قايغۇنىڭ ئىنسان ھاياتىنىڭ ھەقىقى دۈشمىنى ئىكەنلىكىنى چوڭقۇر چۈشىنىپ يەتتىم.
يەنە بىر ئۇيقۇسىز كېچىنى ئۆتكۈزگەندىن كېيىن،تاشلاپ قويغۇنۇمغا خېلى كۈنلەر بولۇپ قالغان ئىشىمنى قولۇمغا ئېلىش ئۈچۈن دۇكىنىمغا قاراپ ماڭدىم.نېمىشقىكىن،بۈگۈن باشقا كۈنلەرگە ئوخشاش غەم بىلەن خېيالغا چۆكۈپ ئولتۇرماستىن قېتىرقىنىپ ئىشقا كىرىشىپ كەتتىم،بەلكىم،قىلىۋاتقان ئىشلىرىم ئارقىلىق،غەملىرىمنى ئۇنتۇپ كەتمەكچى بولسام كېرەك،دېمىسىمۇ،ئىشقا قانچە كىرىشكەنسىرى،كاللامدىكى مېنى قىيناۋاتقان خېياللىرىم،شۇنچە پەسىيىۋاتقاندەك قىلاتتى.

ناشتىسىز ھالەتتە بىر كۈن ئۆلگۈدەك ئىشلەپ،كەچ كىرگەندىن كېيىن،ئۆيگە قاراپ ماڭدىم،ئەتىگەندىن بېرى ،ئىش بېلەن ئۇنتۇلۇپ كەتكەن غەم-ئازابلار،قايتىدىن چوقامنى قاتۇرۇشقا باشلىدى.خېياللار بېلەن ئېغىرلىشىپ كېتىۋاتقان كاللامنىڭ ئەكىسىنچە پۇتلۇرۇم،مېنى بىردەمدىلا ئىشىك ئالدىمغا ئەكىلىپ قويدى.
-ئالىيە.سىز.-ئىشىك ئالدىمدا ماڭا قاراپ،يىغلامسىراپ تۇرغان ئالىيەنى كۆرۈپ،ئىخىتيارسىزلا ئۇنىڭ ئىسمىنى چاقىرىپ،ئۇنىڭغا يا غەزەپلىنىشىمنى ،يا يىغلىشىنىڭ سەۋەبىنى سوراشنى بىلەلمەي تۇرۇپ قالدىم.

ئۇ ھېچنىمە،دېمەي ماڭا قارىغىنىچە يىغلاپ تۇردى،ئۇنىڭ ماڭا قاراشلىرىدا ،بىر ھېسداشلىق تۇيغۇسىنىڭ مەۋىج ئۇرۇپ تۇرغانلىقىنى ھېس قىلىپ،ئۆزۈمنى خۇددى ھاياتىدىن ئەتىلا مەھرۇم بولىدىغان ئېغىر كېسەل ئادەمدەك ھېس قىلىپ،كۆزلىرىمگە ياش كەلدى.

-بۇ يەرگە كېلىپ،قاپسىز،يۈرۈڭ،ئۆيگە كىرەيلى-يىغلاپ قېلىشتىن بۇرۇن،ئۆزۈمنى تۇتىۋېلىش ئۈچۈن گەپنى بۇراپ ،ئالىيەنى ئۆيگە باشلىدىم،شۇ تاپتا ،مەن ،ئالىيەنىڭ،مەن بىلەن توي قىلىشقا قوشۇلغان ،قوشۇلمىغنىىنىڭ جاۋابىنى ئاڭلاشقا ئەمەس بەلكى،خۇددى بۇرۇنقىدەك سەمىمىيلىك ئۇرغۇپ تۇرغان كۆزلىرىدىكى ئۇچقۇنغا قاراپ،ئۇنىڭدىن مېنىڭ ھەم ئكزىنىڭ تۇرمۇشىنىڭ خارابلىشىشىنىڭ كەينىگە يوشۇرۇنغان سىرلارنى ئاڭلىيالايدىغان،ياكى ئاڭلىيالمايدىغانلىقىمغا بەكىرەك قىزىقىپ قېلىۋاتاتتتىم.
-مەن دېدىمغۇ،ئاكا،مەن يەنە كېلىمەن ،دەپ.
-ھە؟-ئالىيەنىڭ ئۆيگە كىرگۈچە دېگەن بۇ سۆزلىرى مېنى گاڭگىرىتىپ قويدى،راستىنى دېگەندە،مېنىڭ قەلبىمدە ،بۇ قىزغا نىسبەتەن،مۇھەببەتنىڭ پەيدا بولۇشى مۇمكىن ئەمەس ئېدى،ئۇنىڭ بىلەن بىرگە ياشىغىنىمدىن،بىر ئۆمۈر تەنھا ياشاشنى ئەۋزەل كۆرەتتىم،ئايزىبانىڭ ،ئۇنىڭ بېلەن كۆرىشىشگە ماقۇل بلۇشۇمدىكى سەۋەبمۇ،يالغۇز قېلىشتىن قورقۇپ،ئالىيە بېلەن بىرگە ياشاش ئەمەس،بەلكى ،ئالىيەنىڭ ئاغزىدىن ،ھەقىقەتنى ئاڭلاپ بېقش ئۈچۈن ئېدى،ئالىيەنىڭ بۈگۈنكى پوزىتسىيەسىدىن،ئايزىبانىڭ،ئۇنىڭ بېلەن كۆرۈشكەنلىىنى بىلىپ،بولغان بولساممۇ،بىراق ،يۈز بېرىش ئېھتىماللىقى بولغان ،ئىككى خىل رېئاللىقنى قايسىنىڭ بولىدىغانلىقىنى پەقەتلا پەرەز قىلالمايۋاتاتتىم.
-ھەيران قالدىڭىزمۇ ئاكا؟-بۈگۈن ئايزىبا ئاچام كېلىپ،مەن بېلەن كۆرۈشۈپ،ھەممە ئەھۋاللارنى ماڭا ئېيتىپ،بەردى،سىزگە بەكلا ئىچىم ئاغرىۋاتىدۇ،لېكىن ،نېمە دەپ تەسەللىي بېرىشنى،سىزدىن قانداق كەچۈرۈم سوراشنى پەقەتلا بىلەلمەيۋاتىمەن.
-بولدى ئالىيە،ماڭا سىزنىڭ مەندىن كەچۈرۈم،سورىشىڭىز كېرەك،ئەمەس،سىزنىڭ مەن بىلەن بىرگە ياشىشىڭىزنىمۇ كۈتمەيمەن،كۈتىۋاتقىنىپ،پەقەتلا بىر،ئۇ بولسىمۇ،ھەقىقەتنىڭ ئايدىڭلىشىشى.
-ئاكاا،ئالدىراپ كەتمەڭ،مەن سىزگە بىر باشتىن چۈشەندۈرەي،سىز مېنىڭ سۆزلىرىمنى ئاڭلاپ بولغاندىن كېيىن،مېنى تىللىسىڭىزمۇ،ئۇرسىڭىزمۇ،مەندىن رەنجىسىڭىزمۇ ،ئۆزىڭىزنىڭ ئىخىتيارىڭىز،لېكىن ئاۋال ،مېنىڭ سۆزلىرىمنى ئەستايىدىل ئاڭلاپ بېقىڭ-ئالىيە يىغلامسىراپ تۇرۇپ شۇنداق دەپ،مەن ماقۇللۇق بىلدۈرۈپ بېشىمنى لىڭشىتقاندىن كېيىن،ھېكايىسىنى باشلىدى.


ئالىيەنىڭ ھېكايىسى

مەنمۇ ئەسلىدە ،ئۆز يۇرتۇمدا ،ئاتا-ئانامنىڭ ئامىراق قىزى بولۇپ بەخىتلىك تۇرمۇش كەچۈرەتتىم،ئۆزۈمنىڭ ،مۇشۇنداق بىر كۆيۈمان ئاتا-ئانىنىڭ پەرزەنتى بولۇپ قالغانلىقىمدىن ئېنتايىن پەخىرلىنەتتىم،بىراق مېنىڭ بۇ بەخىتلىك كۈنلۈرۈپ ئۇزاققا بارمىدى،مەن ئەمدىلا تولۇقسىز ئوتتۇرا مەكتەپكە كۆچۈم چىقان چاغلىرىمدا،ئانام دادامنىڭ سىرىتتا بىر ئايال بېلەن تېپىشىۋالغانلىقىنى سېزىپ قالدى،ئانام بىزنى يېتىم قىلماسلىق ئۈچۈن ،شۇنچە تىرىشچانلىق كۆرسەتكەن بولسىمۇ،دادام پەس كۆڭلىگە قۇل بولۇپ،بىزنى تاشلاپ،ھېلىقى ئايال بېلەن توي قىلىۋالدى ،ئۇ دەسلەپكى مەزگىللەردە،ئانچە -مۇنچە بىزنى ئىزدەپ،ئۇششاق چۈشەك ياردەملەرنى قىلىپ تۇرغان بولسىمۇ،كېيىنچە ھېلىقى خوتۇندىن بىر پەرزەنتلىك بولۇپلا،بىزنى ئۇنتۇپقالدى،بىچارە ئانام بىزگە ھەم ئانا ،ھەم دادام بولۇپ،ئىنىم ئىككىمىزنى بېقىپ،چوڭ قىلىش ئۈچۈن نۇرغۇن قاپا-مۇشەققەتلەرنى تارتتى.ئۆزى ئاچ يۈرسىمۇ،بىزنى تويغۇزدى،ئۆزى يالىڭاچ قالسىمۇ ،بىزگە كىيگۈزدى.
ئانامنىڭ تارتىۋاتقان جاپالىرىغا قاراپ،ياخشى ئوقۇپ،چوڭ بولغان چېغىمدا ئۇنى چوقۇم راھەتكە ئېرىشتۈرىمەن،دەپ ئۆز-ئۆزۈمگە ،ۋەدىلەرنى بېرەتتىم،ئاناممۇ داۋاملىق ماڭا-قىزىم ياخشى ئوقۇڭ،بۇ جاپالار ،مەن بېلەنلا كەتسۇن،سىز ياخشى ئوقۇسىڭىزلا،مەن قېنىمنى سېتىپ بولسىمۇ،سىزنى ئاخىرغىچە ئوقۇتىمەن -دەپ تۇراتتى.


بىراق ئاپەت كەلسە قوش كەپتۇ دېگەندەك،مەن ئەمىلا تولۇق ئوتتۇرا مەكتەپنىڭ بوسۇغۇسىدىن ئاتلىغان چاغلىرىمدا،ئانام،سۈت بېزى راكىغا گىرىپتار بولۇپ،ساقىيالماي قازا قىلدى،ئىنىم ئىككىمىز ئامالسىز،دادامنىڭ ئۆيىگە بېرىپ تۇرۇشقا مەجبۇر بولدۇق،ئۆگەي ئانامنىڭ خارلاشلىرى ،تىل-ھاقارەتلىرىگە چىدىمىغان ئىنىم،11 ياشقا كىرمەي تۇرۇپلا،ئۆيدىن چىقىپ كېتىپ،ئىز دېرىكى بولمىدى،دادام بولغان ئادەم،ئۆگەي ئانامنىڭ سىزىقىدىن چىقماي،ئۇنىڭغا بولۇشۇپ،بىزنى خارلىدى،ئىنىپ،يۈتۈپ كەتكەندىن كېيىن،ئۇنى ئىزدەپ،ئۈرۈمچىگىمۇ چىقىپ باقمىدى،مەن بۇ ئەھۋاللارغا قاراپ،ئەمدى بۇ ئۆيدە ياشىشىمنىڭ ھاجىتى يوقلۇقىنى ھېس قىلىپ،ئۆينى تاشلاپ،ئېنىمنى ئىزدەپ تېپىش قارارىغا كەلدىم.


شۇنداق قىلىپ،ئۆزۈممۇ بىلمەي،ئۈرۈمچى دېگەن بۇ شەھەرگە كېلىپ قالدىم.ئېنىمنى ئىزدەپ تېپىشقا كېتىدىغان پۇل تۈگۈل،قورسۇقۇمنى تويغۇزۇشقىمۇ قۇربۇم يەتمەي،كۆپ قىينالدىم،ئاشخانىلاردىن پارچە-پۇرات ئىش تېپىپ ئىشلىدىم.باشقىلارنىڭ ئائىلە خىزمەتچىسىمۇ بولدۇم،بۇ جەرياندا نۇرغۇنلىغان يامان نىيەتلىك كىشىلەرنىڭ،يامان غەرەزلىرىگە ئۇچىراپ،پاكلىقىمدىن ئايرىلغىنى تاسلا قالدىم،لېكىن شۇنداقتىمۇ،ئانامنىڭ،قىزىم،جاندىن كەچسەڭمۇ،پاكلىقىڭدىن كەچمىگىن ،دېگەن سۆزلىرىنى يادىمغا ئېلىپ،جاپا چەكسەممۇ قىينالساممۇ،پاك ياشاشقا ئېرادە باشلىدىم.


ئىنسان دېگەن ئاجايىپ بولىدىكەن،قىلىچلارنىڭ بوينىنى كېسلىشىگە باش ئەگمەيدىغان بىر ئىنسان بەزىدە،كىچىككىنە كۆڭۈلنىڭ قۇلىغا ئايلىنىپ قالىدىكەن.


ئۈرۈمچىگە كېلىپ،بىر نەچچە يىل ئاز بولمىغان دېشۋارچىلىقلارغا ئۇچرىغاندىن كېيىن،ئاخىرى ھازىرقى خىزمەت ئورنۇمغا ئېرىشىپ،خاتىرجەملىككە ئېرىشتىم،خىزمەت خۇشاللىقىدا يۈرگەن شۇ كۈنلىرىمدە، ئويلىمىغان يەردىن مۇشۇ ئېدارىدە ئىشلەيدىغان،يېشى سىزدىن كۆپ پەرىقلەنمەيدىغان بىر ئاكاشنىڭ كۆڭۈل تەلپىنى تاپشۇرىۋالدىم،دەسلەپتە،قوشۇلمۇدۇم،رەت قىلدىم،ئۆزۈمنى ئۇنىڭغا لايىق كۆرمىگەنمۇ بولدۇم،يەنە بىر تەرەپتىن،بۇنداق خىزمىتى بار ،ياخشى يىگىت ،ماڭا ئەمدى ئۇچرارمىدى،پېشىغا چىڭ ئېسىلمايمەنمۇ؟دەپ ئىككىلنىپمۇ قالدىم،بىراق ئېنىمنى ئىزدەش ئارزۇيۇم كۈچلۈك بولغاچقا ،ۈۇ بېيتىمدىن يەنە ۋاز كەچتىم،چۈنكى،مەن باشقىلاردىن ئېنىمنىڭ ئىچكىرىگە كىرىپ كەتكەنلىكى ھەققىدە ئازىراق ئۇچۇرغا ئېگە بولغان ئىدىم،شۇڭا،ئىچكىرىگە كىرگۈدەك يول خىراجىتى قىلالىساملا،ئۇنى ئىزدەپ ئىچكىرىگە كىرمەكچى ئېدىم.


كېيىنچە،ئۇ ئاكاشنىڭ،ماڭا كۆيۈنۈشلىرى،ئىزھار قىلغان مېھرى-مۇھەببىتى ئالدىدا،ئۆزۈمنى تۇتۇۋالالماي،ئۆزۈممۇ بىلمەي كۆڭلۈمنى ئۇنىڭغا  تاپشۇردۇم.

شۇنىڭدىن كېيىنكى بىر مەزگىللىك،مۇھەببەت قاينىمىنىڭ ئەللەيلىشى قوينىدا،بەخىتكە چۈمۈلۈپ،ئۆتمۈشۈمنى ئاستا-ئاستا ئۇنتۇشقا باشلىدىم،ھەتتا ئىنىمنى ئىزدەش ئېرادەمدىنمۇ يالتايدىم،بۇ يېگىتتىن ئايرىلىپ قالماسلىق ئۈچۈن،ئاتا-ئانامنىڭ،ئائىلەمنىڭ ،ھەم ئۆتمۈشۈمنىڭ ھەممە دېشۋارچىلىقلىرىنى ئۇنىڭدىن سىر تۇتتۇم.......
داۋامى داۋاملىق ئىنكاس شەكلىدە يوللىنىدۇ.................

خەپ لېكىن.....

ئوغۇز

ئاشنا ئىزدەش داۋامى (20)

ئۇنىڭدىنلا ئەمەس، يېڭى خىزمەت ئورنۇمدىكى بارلىق يېقىن -يورۇق،دوست بۇرادەرلىرىمنىڭ ھەممىسىدىن سىر تۇتتۇم،مېھراي ئاچاممۇ شۇلارنىڭ بىرى،مەن ئىشقا چۈشۈپ ،بۇ ئىدارىدە ئۇچراتقان ،ئەڭ ئاقكۆڭۈل قىز دەل ،مېھراي ئاچام،ئۇ ماڭىلا ئەمەس ئېدارىدىكى چوڭ كىچىك ھەممىسىگە شۇنداق يېقىشلىق ئېدى،ھەر قېتىم،ئىككىڭلارنى بىرگە كۆرگىنىمدە ،سىلەرگە بەكلا ھەۋەس قىلاتتىم،ھەم ھېلىقى ئاكاش بېلەن مېنىڭمۇ  شۇنداق بەخىتلىك تۇرمۇشۇم بولسىكەن دەپ ئارزۇ قىلاتتىم،بىراق ئۇ ئاكاش ماڭا شۇنداق كۆيۈنگىنى بېلەن،مەن بېلەن باشقىلارنىڭ ئالدىدا ،ئوچۇق-ئاشكارا كۆرۈشۈشكە قوشۇلمايتتى .بەزىدە ،ئۇنىڭ بۇ غەلىتە قىلقىغا قاراپ،مەندىن نومۇس قىلامدىغاندۇ؟ياكى مېنى راستىنلا ياخشى كۆرمەمدىغاندۇ ؟دەپ ئويلاپ قالاتتىم،لېكىن ئۇنىڭ-ئالىيە مەن سىزنى ھەقىقى ياخشى كۆرىمەن،شۇڭا سىزنى باشقىلارنىڭ شاللاق قىزكەن دەپ قېلىشىنى خالىمايمەن،بىر كۈن كېلىدۇ،ئىككىمىز باشقىلارنىڭ كۆز ئالدىدىلا توي قىلىپ،مۇرادىمىزغا يېتىمىز،شۇ چاغدا مېنىڭ قىلغانلىرىمنىڭ ھەممىسىنىڭ سىز ئۈچۈن ئىكەنلىكىنى چۈشۈنۈپ قالىسىز -دېگەن سۆزلىرىنى ئاڭلىغاندىن كېيىن،يەنە ئۆز-ئۆزۈمنى خاتىرجەپ قىلاتتىم.
كىچىكىمدىن ،مېھرى -مۇھەببەتكە قانماي چوڭ بولغانلىقىم ئۈچۈنمۇ ياكى،ئاكاش ماڭا راستىنلا شۇنداق بەك كۆيۈنەمدۇ،ئىشقىلىپ،كۈن ئۆتكەنسىرى ،قەلبىمدىكى ئاكاش مۇھەببىتى بارغانسىرى ئۇلغۇيۇپ بېرىۋاتاتتى .

ئاكاش ئېيىتقان ،ئىككىمىزنىڭ تويى بولىدىغان،مەن ئاكاشنىڭ ھەقىقى مۇھەببىتىنى چۈشۈنۈپ يېتىدىغان ،شۇ كۈننى تەقەززالىق بېلەن كۈتىۋاتقان قەھرىتان قىش كۈنلىرىنىڭ بىرىدە ،ئاكاش مېنى پاراڭلىشىش ئۈچۈن بىر مېھمانخانىغا باشلاپ كىردى ،ئاكاشنىڭ تاتلىق سۆيۈشلىرىگە،ئەركىلىتىپ تۇرۇپ بەرگەن ۋەدىللىرىگە،سېنى مەڭگۈ سۆيۈمەن،بۈگۈندىن باشلاپ،سەن مېنىڭ خوتۇنۇم بولىسەن،توي دېگەن بىر رەسمىيەتقۇ خالاس،توي قىلغاندىن كېيىن ،ئىككىمىز تۇرىدىغانغا ئۆي بولمىسا بولماس، مەن ھازىر مۇئاشىمنى تېجەپ ،ئىككىمىز تۇرىدىغانغا ئۆي سېتىۋېلىش ئۈچۈن تىرىشىۋاتىمەن،بىلىسەنغۇ،ئۈرۈمچىدە ئۆينىڭ قانچىلىك قىممەتلىكىنى،ئۇنىڭ ئۈستىگە توينى ئاز چىقىم بېلەن قىلغىنى بولمايدۇ ،شۇڭا ھازىرچە رەسمىيەتسىز ئەر -خوتۇن بولۇۋېرەيلى -دەپ يېلىنىش ئارىلاش قىلغان سۆزلىرىگە ئالدىنىپ،ناھايىتى تېزلا ،ئانامنىڭ سۆزلىرىنى ئۇنتۇپ،تىل-تاياق،ھاقارەتلەرگە باش ئەگمەي ساقلاپ كەلگەن ،پاكلىقىمنى ئۇنىڭغا تاپشۇردۇم.
ئىشتىن كېيىن،يىغلىدىم،قاخشىدىم،ئاكاشنىڭ كۆڭلۈمنى خاتىرجەم قىلىپ ئېيىتقان سۆزلىرىنى ئاڭلاپ يەنە -مەيلىغۇ،،قاچانلا بولسۇن ئاكاش ئىككىمىز ھامان توي قىلىمىزغۇ،ئۇنىڭ ئۈستىگە ،ئۇ مېنى دەپ جاپا تارتىۋاتقان تۇرسا،ئۇنىمۇ توغرا چۈشىنىشىم كېرەكتە -دەپ ئكزۈمنى خاتىرجەم قىلدىم.

شۇنىڭدىن كېيىن،ئاكاش ئىككى ،ئۈچ كۈندە بىر قېتىم مېنىڭ ياتاق ئۆيۈمگە كېلىدىغان بولۇۋالدى ،مەنمۇ بارا-بارا،بۇ ئىشنى ئېغىر ئالمايدىغان بولۇپ قالدىم،لېكىن ئىككىمىزنىڭ تېخىچە توي قىلمىغانلىقىمىزنى ئويلىغان چېغىمدا،يۈرىكىمنىڭ بىر يەرلىرىنى يەنىلا ئەنسىزلىك قاپلىۋالاتتى .شۇڭا ئاكاش كەلگەن ۋاقىتلاردا ،توي ئىشىنى ئۇنىڭ يادىغا سېلىپ قويۇشنى زادىلا ئۇنتۇپ قالمايتتىم ،ئاكاشمۇ،ئاز قالدى،يەن ئازىراق تەخىر قىلىپ تۇر -دېگەن سۆزلەر بېلەن كۆڭلۈمنى خاتىرجەم قىلىپ قوياتتى .
شۇنداق قىلىپ ،بىر يىلغا يېقىن ۋاقىت ئۆتۈپ كەتتى،مېھراي ئاچام بىلەن سىزمۇ توي قىلىپ بولدۇڭلار،ئىككىڭلارنىڭ تويىىنى كۆرۈپ زادىلا ئولتۇرالماي قالدىم،شۇنىڭ بېلەن ئۇ بىر كۈنى يېنىمغا كەلگەندە،كەسكىن تەلەپپۇزدا-بىز توي قىلايلى -دېدىم.ئۇ باشتا كونا سۆزىنى تەكرارلىدى،مەن چىڭ تۇرغاندىن كېيىن:
-مۇشۇ تۇرمۇشىمىزنىڭ نەرى يامانكەن ،ئەر خوتۇندەكلا ئكتىۋاتىمىزغۇ مانا،يەنە نېمىدىن رازى بولمايسەن-دەپ ئاچچىقلاپلا كەتتى .
مەنمۇ بوش كەلمەي-مەن سىزنىڭ ئاشنىڭىز ئەمەس،مېنى نېمە كۆرۈپ قالدىڭىز،ئكي بولمىسا نېمە بوپتۇ،ئېجارە ئولتۇرساممۇ بولۇۋېرىدۇ،زادى مۇشۇ ئاينىڭ ئىچىدىلا توي قىلايلى -دەپ تۇرىۋالدىم.
ئىككىمىز شۇ تەرىقىدە خېلى ئۇزاق جىدەللەشكەندىن كېيىن،ئۇ-ئەمدى يەنە مۇشۇنداق جىدەل قىلىۋېرىدىغان بولساڭ،ئىككىنجىلەپ يېنىڭغا كەلمەيمەن -دەپ ،ۋارقىراپ،ياتىقىمدىن چىقىپ كەتتى.
ئۇ چىقىپ كەتكەندىن كېيىن،يالغۇز ئولتۇرۇپ،بىر كېچە يىغلىدىم،ئۇنى ماڭا،تېلىفون قىلىدۇ،ھېچ بولمىسا ئۇچۇر بولسىمۇ يېزىپ قويىدۇ،چوقۇم ماڭا قاتتىق تەگكەنلىكىگە پۇشايمەن قىلىدۇ،دەپ ئويلايتتىم،بىراق شۇ كۈنى ئۇ ئېدارىدە مېنى كۆرۈپ تۇرۇپ،كۆرمەسكە سېلىۋالدى،ماڭا بىر قېتىممۇ تېلىفون قىلمىدى،ھەر كۈنى چۈشلۈك تاماقنى مەن بىلەن بىرگە يەيدىغان ئادەم چۈشتىمۇ قارىسىنى كۆرسەتمىدى.
كەچتە ئۇنىڭ يېنىمغا كېلىشىنى بەكلا ئارزۇ قىلغان ئېدىم،بىراق ئۇ كەچتىمۇ ياتقىمغا كەلمىدى،ئىككى كۈننى قايغۇ -ئازاب،بېلەن ئىنتايىن تەسلىكتە ئۆتكۈزگەندىن كېيىن ،چىداپ بولالماي ئۇنى ئۆزۈم ئىزدەپ باردىم،چۈنكى بۇ مېنىڭ قەلبىمنىڭ ئانامدىن ئايرىلغاندىن كېيىن ئىككىنچى قېتىم،يەنە بىرسىدىن ئايرىلىپ قېلىشتىن قورقۇشى ئېدى.
-نېمە دەپ كەلدىڭ؟-مەن ئۇنىڭ يېنىغا بېرىپلا ئاڭلىغان تۇنجى سۆز مۇشۇ ئېدى،مەن ھېچ بولمىغاندا ،ئۇنى ،مېنى كەچۈر دېمىگەن -تەقدىردىمۇ ،كۆزلىرىمدىكى ياشنى سۈرتۈپ قويىدىغۇ -دەپ ئويلىغان ئېدىم،بىراق ئۇ كۆز ياشلىرىمغا قاراپمۇ قويماستىن شۇنداق دېدى.
-مااڭا بۇنداق قوپال تەگمەڭ ،ھېلىمۇ ئىككى كۈننىڭ ياقى ئاز ،ئازاب تارتمىدىم مەن -مەن ياندۇرۇپ يېلىنىش ئاھاڭىدا شۇنداق دېدىم.
-ئۆزۈمدىن كۆر،كىم سېنى توي قىلىمەن دەپ جېدەل قىلسۇن دەپتۇ؟
-مېنىڭ توي قىلايلى دېگىنىمنىڭ نەرى يامان،ئەگەر سىز مېنى راس ياخشى كۆرىدىغان بولسىڭىز ،خوش بولسىڭىز بولاتتىغۇ ئەسلى ،ماڭا نېمىشقا بۇنچىۋالا ئاچچىقلاپ بېرىسىز؟
-بولدى كەت، كۆزۈمدىن يوقال،سەن تۈزەلمىگۈدەكسەن-ئۇنىڭ قولىنى شىلتىپ تۇرۇپ ئېيىتقان بۇ سۆزلىرىدىن ،ئۆزۈمنى ئاشماندىن يەرگە تاشلانغاندەك ھېس قىلىپ،پۈتۈن بەدىنىم جاقىلداپ تىترەپ كەتتى .
ئۇنىڭ يېنىدىن كەتتىم،لېكىن ،كۈنلىرىم يەنىلا ئۇنىڭ بېلەن ئۆتكۈزگەن گۈزەل كۈنلەرنى ئەسلەش ،ھەم ئۇنىڭ ماڭا قىلغان قوپاللىقىرى ئۈچۈن دەرت چېكىش بېلەن ئۆتتى ،ئۇنىڭ يېنىدىن كېتىدىغان چېغىمدا،ئۇنى چوقۇم ئۇنتۇپ كېتىمەن، پاكلىقىم يوقالسا نېمە بوپتۇ،ئەمدى ئەركەك زاتىغا يېقىن كەلمىسەملا بولدىغۇ،بۇندىن بۇرۇنمۇ تەنھا ياشىغان ئېدىم،بۇندىن كېيىنمۇ تەنھا ياشىسام نېمە بوپتۇ دەپ ئويلىغان ئېدىم،بىراق ئىككى كۈن ئۆتمەي تۇرۇپلا يەنە چىدىيالماي ،ئۇنى ئىزدەپ بېرىپ،ئۆزۈمدىن ھېچقانداق خاتالىق ئۆتمىگەنلىكىنى بىلىپ تۇرۇپمۇ ،ئۇنىڭدىن كەچۈرۈپ سورىدۇم ،توي ئىشىنى تاكى ئۇ ئاغزىغا ئالمىغانغا قەدەر ئاغزىمدىن چىقارماسلىققا ۋەدە بەردىم،ئۇ بىر تالاي ئاغرىنىۋەتكەندىن كېيىن،ئكزىنىڭمۇ مېنى ياخشى كۆرىدىغانلىقىنى ،بىراق ھازىر مەن بېلەن توي قىلىشقا ئامالسىز ئىكەنلىكىنى ،كەچتە يېنىمغا بارىدىغانلىقىنى ئېيتىپ،مېنى يولغا سالدى .

شۇنداق قىلىپ،ئۇنىڭ بېلەن ئەپلىشىۋالدىم،بىراق ،ئۇنىڭغا بولغان قەلبىمدىكى ئىشەنچ تۇيغۇسى ئېنتايىن تۆۋەنلەپ،كۈنلىرىم،ئەنسىرەش ،ھەم دەككە-دۈككە ئىچىدە ئۆتۈشكە باشلىدى ،قورققانغا قوش كۆرۈنەر دېگەندەك ،مەن ئەنسىرىگەن ئىش ئاخىرى يۈز بەردى ،ھېلىقى جىدەل بولۇپ ئۇزاق ئۆتمەيلا ،ئۇ خىزمىتىنى يۇرتىغا يۆتكەپ كەتتى ،مەن بىللە كېتەيلى دەپ،شۇنچە يالۋۇرغان بولساممۇ ،ئۇ -سەن تۇرۇپتۇر،مەن بېرىپ،چوڭلارغا مەسلىھەت سېلىپ،ئەلچى ئەۋەتىپ ،توي قىلغاندىن كېيىن،سېنى يېنىمغا ئەكىلۋالىمەن -دەپ كۆڭلۈمنى خاتىرجەم قىلدى .ئۇ دەسلەپتە يۇرتىغا قايىتقاندىن كېيىن،ماڭا تېلىفون قىلىپ ،كۆڭلۈمنى خاتىرجەم قىلىپ تۇردى،كېيىنچە تېلىفوننىڭ قېتىم سانىمۇ ئازلاپ ،،كۈندە بىر قېتىم قىلىنىدىغان تېلىفون ،ھەپتىدە بىر قېتىمغا چۈشۈپ قالدى،مەن تېلىفون قىلسام ،مۇلازىمەت رايونىدا ئەمەس، ئىتىك،دېگەندەك مۇلازىمېتېرنىڭلا ئاۋازىنى ئاڭلاپ،بارا-بارا كۆڭلۈمگە گۇمان چۈشۈشكە باشلىدى ،دەل ،شۇ ئەندىشىلىك كۈنلەردە يۈرگەن چاغلىرىمدا ،ئۆزۈمنىڭ ھامىلدار بولۇپ قالغانلىقىمنى سېزىپ،تېخىمۇ قاتتىق ئەندىشىگە مۇپتىلا بولۇپ،ئەمدى ئۇنى ئىزدەپ بارمىسام بولمايدىغانلىقىنى ھېس قىلىپ،ئۇ بۇرۇن ماڭا دەپ بەرگەن ئادرېس بويىنچە يۇرتىغا ئىزدەپ باردىم.
ئۇنىڭ ئۆيىگە بارغان چېغىمدا، چىرايلىققىنە بىر قىز چىقىپ ،مېنى ئۆيىگە باشلاپ كىردى،كۆڭلۈمدە ئۇنى چوقۇم سىڭلىسى بولسا كېرەك دەپ ئويلاپ ،ئۆزۈمنى ئاكاشنىڭ لايىقى دېيىشتىن ئۇيۇلۇپ،مەن ئۇنىڭ خىزمەتدېشى -دەپ تونۇشتۇردۇم،قىز ماڭا -ئەسلىدە تويىمىزغا ئېيىتماقچى ئېدۇق،ئۇ ،خىزمەتداشلىرىمنى قىيناپ قويىمىز ،ئېيىتمايلى دەپ تۇرىۋالغان،سىز بىرسىدىن ئاڭلاپ يوقلاپ كەلگەن ئوخشىمامسىز -دېدى .توي دېگەن بۇ سۆزنى ئاڭلاش بېلەن تەڭ ،باشلىرىم پىرقىراپ،ھوشۇمدىن كېتىشكە تاسلا قالدىم،نېمە دەيمەن ،مەن ئۇنىڭ لايىقى ،قورسىقىمدا ئېرىڭنىڭ بالىسى بار -دەپ بۇ ئايال بېلەن چاچلىشىپ ئولتۇرۇپ،ياقا يۇرتتا ئكزۈمنى شەرمىزار قىلامدىمەن ؟ياق مەن تېخى ئۇ ھالغا چۈشۈپ قالمىدىمغۇ؟

كۆڭۈل يېرىمچىلىقى ،قاتتىق ئازاب ئىچىدە ،ئۈرۈمچىگە قايتىپ كەلدىم،ئەمدى بۇ يات شەھەردە قانداق ياشاش،قانداق تۇرمۇش كەچۈرۈش، قورسىقىمدىكى بۇ نارسىدىنى تۇغۇش ياكى ئالدۇرۋېتىش ماڭا بىر غەم بولۇۋاتاتتى ،ئۇ كۆڭلۈمدىكى غەملىرىمگە قوشۇلۇپ،كۈندىن-كۈنگە چوڭۇيۇپ بېرىۋاتاتتى .
داۋامى داۋاملىق ئىنكاس شەكلىدە يوللىنىدۇ........................

layli0998

بۇ يەردىمۇ ئۇچراتقىنىمدىن خوش بولدۇم تىرىشىڭ قىرىندىشىم

ئوغۇز

ئاشنا ئىزدەش داۋامى(21)

مەن غەمگە چۆككەنسېرى،مېھراي ئاچام ئىككىڭلارنىڭ تۇرمىشى بەخىتكە چۆمۈلۈپ كېتىۋاتقىنىغا قاراپ،ئىچىمدە ئۆزۈممۇ تۇيىمايلا بىر ھەسەت ئوتى يالقۇنجاشقا باشلىدى،يالغۇز مېھراي ئاچامغىلا ئەمەس،شۇ ۋاقىتتا ،ئەتراپىمدا بىر-بىرىگە ئامىراق بولۇپ ياشاۋاتقان بارلىق ئەر-ئاياللارغا نىسبەتەن بىرخىل ئۆچمەنلىك تۇيغۇسى يۈرىكىمنى كۆيدۈرۈپ،تۇيغۇلىرىمنى ئاچچىق ھېسلارغا، يامان خېياللارغا باشلاپ قويغان ئېدى.
دەل شۇنداق كۈنلەرنىڭ بىرىدە،سىز مېھراي ئاچامنى ئىزدەپ كەلدىڭىز،سىزنىڭ جىددىيلەشكەن تەقى -تۇرقىڭىز ھەم قىياپىتىڭىزدىن،مېھراي ئاچامدىن قانداقتۇر بىر گۇمانلارغا چۆكۈپ،ئېدارىگە كەلگەنلىكىڭىزنى بىلىۋېلىشىم قىيىن ئەمەس ئېدى،سىزنىڭ شۇ قىياپىتىڭىزگە قاراپ،قەلبىمدە قانداقتۇر بىر ئاچچىق خېياللار ئويغۇنۇپ،سىزدە ،ماڭا نىسبەتەن بىر ياخشى تەسىر قالدۇرۇپ،ئامال بار ،ئۆزۈمنى بىر ئاقكۆڭۈل،ئىشچان ،ساددا سەھرا قىزى قىلىپ كۆرسىتىشكە تىرىشتىم.
ئۆيگە قايىتقاندىن كېيىن،ئىچىمدىكى ھەسەت ئوتىغا،دۇنياغا ئاپىرىدە بولۇش ئالدىدا تۇرغان قورسىقىمدىكى بالامنىڭ كەلگۈسى تەقدىرى توغرىسىدىكى ئاچچىق خېياللار قوشۇلۇپ ،بىر كېچىنى ئۇيقۇسىز ئۆتكۈزدۈم.
ئۆزۈمنىڭ ھەم ئېنىمنىڭ يېتىمچىلىكتە تارتقان دەرت ئەلەملىرىمىز ھەم لاياقەتسىز بىر دادىنىڭ قولىغا قېلىپ ،ئۇچرىغان شۇم تەقدىرىمىزنى ئەسكە ئالساملا ،بالامنىڭمۇ كەلگۈسىدە مۇشۇنداق قىسمەتلەرنى باشتىن كەچۈرىدىغانلىقىنى ئويلاپ ،قاتتىق ئازابلىناتتىم،ئۇيان ئويلاپ،ببۇيان ئويلاپ ،كاللامغا بىر ئامال كەلدى،بىر چالما بېلەن ئىككى پاختەكنى سوققىلى بولىدىغان بۇ ئامالدىن ئكزۈممۇ قەۋەتلا سۆيۈنۈپ كەتتىم،چۈنكى بۇ ئامال بېلەن ،ھەم مېھراي ئاچام بېلەن سىزنى ئايرىۋېتىپ،قەلبىمدىكى ھەسەت تۇيغۇلىرىدىن مۇستەشنا بولالايتتىم ،ھەم سىزنى ئۇنىڭدىن تارتىۋېلىپ،بالامغا ھەر جەھەتتە لاياقەتلىك بىر دادا تېپىپ بېرەلەيتتىم.
بالامغا دادا تېپىپ،قەلبىمدىكى ھەسەتنى پەسەيتىدىغان ئامالنى تېپىپ بولغان بېلەن،ئۇنى ئەمەلگە ئاشۇرىدىغان لاھىيە تاپالماي يۈرگەن كۈنلىرىمنىڭ بىرىدە ،ئىشتىن قايتىۋېتىپ،سىزنى ئېدارە دەرۋازىسىنىڭ قارشى تەرىپىدە كۆرۈپ قالدىم،شۇ ۋاقىتتا مېھراي ئاچاممۇ دەرۋازىدىن چىقىپ كېتىۋاتاتتى ،ئويلىمىغان يەردىن،ئۇ سىزنى كۆرمەي ،ھېلىقى قارا ماشنىغا چىقىپ كېتىپ قالدى ،بۇ ئىشلارنى كۆرۈپلا سىزنىڭ چىرايىڭىز تاتىرىپ كەتتى،بايىدىن بېرى ھەممە ئىشنى كۆزۈتۈپ تۇرغاچقا،ئەمدى پۇرسەتنىڭ يېتىپ كەلگەنلىكىنى ھېس قىلىپ ،ئىزىڭىزغا چۈشتۈم،خۇددى مېنىڭ ئويلىغىنىمدەكلا سىز مېنى بايقىمىدىڭىز،ئۇنىڭ ئۈستىگە چۆگىلەپ يۈرۈپ،يەنە بىزنىڭ ئېدارىنىڭ ئالدىغا كېلىپ،ماڭا سىزگە گەپ قىلىش پۇرسىتىنى يارىتىپ بەردىڭىز .

بۇرۇن ،مېھراي ئاچامنىڭ ئانچە مۇنچە تېلىفوندا بىر ئايال بېلەن پاراڭلىشىدىغانلىقىنى ئاڭلاپ قالاتتىم،ئېدارىنىڭ ئارقا ھويلىسىدا ئۇنى بىرسى بېلەن كۆرگىنىممۇ راس ئېدى ،ئۇ ئەركىشى ئەمەس بەلكى،مېھراي ئاچامنىڭ بىر دوستى ئېدى ،شۇنچە يىراقتا تۇرۇپ ،ئۇلارنىڭ سۆزىنى ئاڭلاپ قېلىشىم مۇمكىن ئەمەس ئېدى ،قارا ماشنىنىڭ بىر قانچە قېتىم ،مېھراي ئاچامنى ئېلىپ كەتكىنى راس ئېدىيۇ،لېكىن ،بۇرۇن مەن بىر نەچچە قېتىم زەن سېلىپ قاراپ كۈزەتكەن بولساممۇ ،قارا ماشنىدىكى ئەر بېلەن مېھراي ئاچام ئىككىسىدىن ھېچقانداق بىنورمال يېقىنلاشقان ئالامەتلەرنى بايقىيالمىغان ئېدىم.
مۇشۇنداق تۇرۇقلۇق،يۇقۇرىدا كۆزەتكەن ئەھۋاللىرىمدىن قوراشتۇرۇپ،ھېلىقى كۈنى ئاخشام،سىزنىڭ گۇمان ئوتلىرىڭىزنى ئۇلغايتىدىغان ھېلىقى ھېكايىلەرنى توقۇپ ،باغلاشتۇردۇم،بۇ ھېكايىلىرىم ئويلىغىنىمدەكلا ئۈنۈم بېرىپ،سىز بىر كېچە مېھراي ئاچامنىڭ يېنىغا كىرمىدىڭىز ،قالغان  ئىشلار سىزگە ئايان.
ئاراڭلاردىكى زىدىيەتنىڭ قايسى دەرىجىگە بارغانلىقىنى بىلەلمەي تىت-تىت بولۇپ يۈرگەن كۈنلىرىمنىڭ بىرىدە ،سىز يەنە مېنى ئىزدەپ كېلىپ،ئۆزىڭىزگە يالغان ئاشنا بولۇپ بېرىشىمنى ئۆتۈندىڭىز،ئاشنا دېگەن بۇ سۆزنى ئاڭلاپ دەسلەپتە شۇنداق غەزەپلەنگەن بولساممۇ،بىراق بىر دەپ ئويلانغاندىن كېيىن،سىزگە يالغان ئاشنا بولۇشنىڭ ماڭا پايدىلىق ئىكەنلىكىنى ھېس قىلىپ،سىزدىن ھېلىقى ۋەدىنى ئۇستىلىق بىلەن ئېلىۋېلىپ،كۆڭلۈمنى خاتىرجەم قىلىۋالدىم.

كېيىن ئىشلار تېخىمۇ مۇرەككەپلىشىپ،سىز مېھراي ئاچام بېلەن ئاجىرىشىپ كەتمەكچى بولدىڭىز، شۇ ۋاقىتلاردا ،قانچىلىك خۇشال بولۇپ ،ئۈمۈتكە تولغانلىقىمنى سىز بىلمەيسىز،بىراق ،بۇ خۇشاللىقلىرىمنى سىز سولاشتۇردىڭىز، ماڭا بەرگەن ۋەدىڭىزنى ئۇنتۇپ،مېنى نەزىرىڭىزدىن پۈتۈنلەي ساقىت قىلىۋەتتىڭىز، شۇ ۋاقىتلاردا ۋۇجۇدۇمنى ئىككىنچى قېتىم يەنە بىر ئەر تەرىپىدىن ئالدانغاندەك سېزىم قاپلاپ،ئۆزۈمنى كونتىرول قىلىشقا ئامالسىز قېلىپ،،ھېلىقى نۇمۇسسىز ئاكاشقا بولغان ئۆچمەنلىكىمنىڭ ھەممىسىنى سىزگە ئىتتىرىپ،تېخىمۇ ۋەھشىيلىشىپ،ئىككىڭلارنىڭ ئائىلىسىنى بۇزۇشقا ئوچۇق-ئاشكارە كۈچەشكە باشلىدىم،دەل شۇ ۋاقىتلاردا ،ئايزىبا ئاچان ئوتتۇرغا چۈشۈپ،مېھراي ئاچامنى ئاقلاپ،سىزنىڭ قەلبىڭىزدىكى ،ئۇنىڭغا بولغان مۇھەببىتىڭىزنى قايتىدىن ئويغۇتۇپ،گۇمان ئوتلىرىڭىزنى ئۆچۈرۈپ تاشلىدى ،مەنمۇ ۋەزىيەتكە ماسلىشىپ،ئەمدى سىزنىڭ قەلبىڭىزنى گۇمان بېلەن زەھەرلەشكە مۇمكىن بولمايدىغانلىقىنى چۈشىنىپ يېتىپ،نەزىرىمنى مېھراي ئاچامغا قارىتىپ،ئېدارىدە ئوچۇق-ئاشكارە ھالدا،سىز بېلەن مېنىڭ مۇناسىۋېتىپ توغرۇلۇق گەپ سۆزلەرنى تارقىتىشقا باشلىدىم.
مېنىڭ بۇ ئامالىم،ئۆزۈم ئويلىغاندىنمۇ بەكىرەك ئۈنۈم بېرىپ،ئىككىڭلارنىڭ يارىشىۋېلىشىڭلارغا توسقۇن بولۇشقا باشلىدى،بىراق سىز كاجلىق قىلىپ،جاھللىق بېلەن ئۆزىڭىزنى ئاقلاپ،مېھراي ئاچام بېلەن  يارىشىۋېلىشقا داۋاملىق ئورۇندىڭىز،ھەم مېنى ئىزدەپ كېلىپ،مېھراي ئاچامغا ،ئۆزىڭىزنى ئاقلاپ بېرىشنى ئۆتۈندىڭىز.
مەن يەنە بىر  قېتىم ،يەنە بىر ئەرنىڭ ئويۇنچۇقى بولۇپ قېلىشنى ھەرگىز خالىمايتتىم ،لېكىن سىزگە ياق دەپ،قەلبىڭىزدە گۇمان قوزغاپ قويغىنىمدىن،سىزنى خاتىرجەم قىلىپ قويۇپ تۇرۇپ،مېھراي ئاچامغا ھوجۇم قىلغىنىمنىڭ ياخشىلىقىنى چۈشۈنۈپ يېتىپ،سىزنى ماقۇل دەپ يولغا سېلىۋېتىپ،مېھراي ئاچامغا ھېلىقى خەتنى يازدىم،خەت ھەقىقەتەن قايىل قىلارلىق يېزىلغان ئېدى ،چۈنكى مېھراي ئاچام ،خەتتىكى ۋەقەلىكنىڭ بىر گۇۋاھچىسى سۈپىتىدە،سىزنىڭ ئۆيگە كىرمىگەنلىكىڭىز ،ھەم مەن بېلەن ئالاقىلىشىپ تۇرۋاتقانلىقىڭىزنى كۆرۈپ تۇرغۇچى ئېدى،ئۇنىڭ ئۈستىگە ،سىز مېنى ئۆزىڭىزگە ئاشنا بولۇشقا تەكلىپ قىلغانلىقىڭىزدىن تېنىۋالالمايتتىڭىز ،ھەم بىزنىڭ ئارىمىزدىكى ئاشنىدارچىلىق يالغان دەپ،ئۆزىڭىزنى ئاقلاپ بولالىشىڭىزمۇ مۇمكىن ئەمەس ئېدى ،چۈنكى رېئاللىقتا ئاشنا دېگەن سۆزنىڭ راست يالغىنى يوق ، مەن بىر ئايال،سىز بىر ئەركەك بولۇش سۈپىتىڭىز بېلەن ،مەن بېلەن قولتۇقلۇشۇپ ماڭغىنىم  يالغان ئېدى دەپ،مېھراي ئاچامنىڭ كۆزلىرىنى ئالدىيالىشىڭىز مۇمكىن ئەمەس  ،سىز مېنى يالغان ئاشنا بولۇشقا تەكلىپ قىلغان شۇ چاغدىلا ،ئۆزىڭىزنىڭ بىر كىنودا رول ئېلىۋاتقان باش پېرسوناز بولماستىن ،رېئاللىقتا ياشاۋاتقان بىر ئايالنىڭ ئېرى ئىكەنلىكىڭىزنى ئويلاپ يېتەلىشىڭىز كېرەك ئېدى .

ئەتىسى كەچ سىز مېنى ئۆيىڭىزگە تەكلىپ قىلدىڭىز،مۇئامىلىڭىز شۇنداق ياخشى ،خۇددى ھېچ ئىش بولمىغاندەكلا،مېنىڭچە بولغاندا ،سىز ماڭا تېلىفوندا ئاچچىقلىنىشىڭىز، بىر ،ئىككى ھەپتە يالغۇزلۇق تارتىشىڭىز ،ئاندىن مەن سىزنى ئىزدەپ بېرىپ،يالغۇزلۇقتا قالغان قەلبىڭىزگە ھەمرا بولۇپ،ئاستا،ئاستا، يۈرىكىڭىزنى ئىللىتىشىم كېرەك ئېدى ،مېنى بۇنچىلىك تېز ئۆيىڭىزگە تەكلىپ قىلغانلىقىڭىزدىن ،قانداقتۇر بىر شۇملۇقنى تۇيۇغاندەك بولۇپ،ئالاھىدە تەييارلىق بېلەن ،يېنىڭىزغا باردىم.

ئويلىغىنىمدەكلا،مەن ئىككى ئېغىز گەپنى باشلا،باشلىماستىنلا،ئىچكىرىكى ئۆيدىن مېھراي ئاچامنىڭ مىشىلداپ يىغلىغان بوشقىنە ئاۋازىنى ئاڭلاپ قالدىم-دە،تېخىمۇ قېتىپ تۇرۇپ،سىزنى قارىلاشقا باشلىدىم،پېلانلىرىم،ئويلىغىنىمدىنمۇ بەكىرەك ئۈنۈم بېرىپ،مېھراي ئاچام مەن كەتمەي تۇرۇپلا يۈزىڭىزگە بىر تەستەك سېلىۋېتىپ چىقىپ كەتتى ،قالغان ئىشلارنىڭ ھەممىسىدىن سىز مەندىنمۇ بەكىرەك خەۋەردارسىز .
شۇنداق قىلىپ،مېھراي ئاچام بىلەن سىز ئاجىرىشىپ كەتتىڭىز،ئەسلىدە ،بىر ئىككى ھەپتىنى ئۆتكۈزۈپ، سىز تازا يالغۇزلۇق تارتقان چاغدا ،سىزنى يېنىمغا تارتقماقىچى بولغان ئېدىم،بىراق ،نەچچە كۈن ئۆتمەي تۇرۇپلا،ئايزىبا ئاچام ئىزدەپ كېلىپ،ماڭا ھېلىقى شۇم خەۋەرنى يەتكۈزدى،ئۇنىڭغا ئويلۇشۇپ باقاي دەپ قاۋاب بېرىپ قايتۇرىۋەتكەندىن كېيىن ،ئېنتايىن كۆپ ئويلۇنۇپ،ئاندىن بۇ يەرگە كەلدىم.

مېنىڭچە بولغاندا،قانداق كېسەل بولسىڭىزمۇ ،پەرۋايىم پەلەك دەپ ياشاۋېرەتتىم چۈنكى ھازىر ماڭا نىسبەتەن ئەر كىشى دېگەن خۇددى بىر ئائىلە بۇيۇمىغا ئوخشاشلا تۇيۇلىدىغان بولۇپ قالغان،شۇڭا،يېنىڭىزغا ماقۇل ،دېيىش نېيتىدە كەلگەن ئېدىم،بىراق يولدا كەلگۈچە،شۇنچىۋالا قىلغان ئىشىمنىڭ ھەممىسىنىڭ قورسىقىمدىكى بالام ئۈچۈن ئىكەنلىكىنى ئويلاپ،كەلگۈسىدە ،نارىسىدە بالامنىڭ دادىسى ئاقكېسەل دەپ كەمسىتىلىشىدىن ،ھەم قىزلارنىڭ ئېرسىيەت بولۇپ  قېلىشىدىن ئەنسىرەپ،كۆڭۈلدىكىدەك لايىق تاپالماي،تۇرمۇشىنىڭ كۆڭۈلسىز بولۇپ قېلىشىدن ئەنسىرەپ بۇ نېيىتىمدىن يەنە يېنىۋالدىم.

مېنى تىللىسىڭزمۇ،ئۇرسىڭىزمۇ مەيلى،مەن چىدايمەن، چۈنكى بۇ ئىشلار مەن ئۈچۈن ھېچنىمە ئەمەس،مەن بالامنى دەپ،شۇنچە يالغانلارنى راس قىلالىغان ئىكەنمەن، يەنە ئۇنى دەپ،بۇ تاياق ھاقارەتلەرگىمۇ چىدىيالايمەن.
مېنىڭ ھېكايەم تۈگىدى،مەن سىزگە.مېنى كەچۈرۈڭ دېمەيمەن،ھەم سىزنىڭ كەچۈرىشىڭىزگىمۇ مۇھتاج ئەمەسمەن ،سىز ئۆزىڭىزگە ئۆزىڭىز قىلدىڭىز، بېشىڭىزغا بالانى چىللاپ ئەكەلدىڭىز، سىزگە دېسەم ،سىز دۇنيادىكى ئەڭ لاياقەتسىز ئەر ئەمەس،لېكىن ئەڭ ھاماقەت ئەر ئىكەنسىز.
مېنىڭ ھازىر  ئۆزۈمنى بىردىنبىر يۈز كېلەلمەيدىغاندەك ھېس قىلىدىغان ئادىمىم،دەل-مېھراي ئاچام،چۈنكى ئۇ پۈتۈنلەي گۇناھسىز تۇرۇپ،مۇشۇنداق شۇم قىسمەتلەرگە ئۇچىرىدى،مۋنىڭ سەۋەبىمدىن قەلبى ئازار يېدى ،ئائىلىسى بۇزۇلدى،مەن ھازىرلا ئۇنىڭ يېنىغا بارىمەن،ئۇنىڭغا ھەممە ئەھۋاللارنى ئېيتىمەن ،ئۇ مېنى قانداق جازالىسا ،ھەتتا تۈرمىگە سولتىۋەتسىمۇ مەن رازى ،مەيلى ھەقلىق بولۇڭ،ياكى ناھەق بولۇڭ،ئاخىرقى ھېسابتا،بۇ مېنىڭ سىزدىن كەچۈرۈم سورىغۇنۇم بولۇپ قالسۇن،خوش ئاكا مەن كەتتىم.
ئالىيە سۆزىنى تۈگىتىپ ئورنىدىن تۇرۇپ ،ئىشىك تەرەپكە قاراپ ماڭدى.

-ئالىيە-بايىدىن بېرى جىمجىت ئولتۇرۇپ،ئالىيەنىڭ ھېكايىسىنى باشتىن ئاياغ ئاڭلاپ ئولتۇرۇپ،ھېكايە ئاخىرلاشقۇچە نەچچە قېتىم گەپ قىستۇرغۇم كەلگەن بولسىمۇ ،باشتىكى ۋەدەم بويىنچە ئاغزىمنى يۇمۇپ ئولتۇرۇپ،ئۇنىڭ سۆزلىرىنىڭ تۈگىشىنى ساقلاپ ئولتۇرغان بولساممۇ ،ئۇنىڭ سۆى تۈگىگەن چاغدا ھېچنىمە دېيەلمەي ،ئۇنىڭ ئىسمىنى بوشقىنە ئاۋازدا چاقىرىپ،نېمە دېيىشىمنى پەقەتلا بىلەلمىدىم.
-ھە-ئالىيە كەينىگە بۇرۇلۇپ ماڭا قارىدى.
-مېنى كەچۈرۈڭ-ئۇنىڭدىن نېمىشقا كەچۈرۈپ سورايدىغانلىقىمنى بىلمەيتتىم،لېكىن ،قىلىدىغانغا بۇنىڭدىن باشقا گەپ تاپالمىدىم.
-خوش،-ئالىيە شۇنداق دەپ ئىشىككە قولىنى ئۇزىتىپ،يەنە كەينىگە بۇرالدى -سىزگە مەندىن نەسىھەت بولۇپ قالسۇن ئاكا،ئەمدى بۇنداق ئەخمەقلىق قىلماڭ،ئېسىڭىزدە بولسۇنكى ،بۇنىڭدىن كېيىن ھېچقانداق بىر ئايالنىڭ ھېسىياتى بېلەن ئويناشماڭ،بولمىسا راستىنلا يالغۇز قالىسىز ،مەڭگۈ يالغۇز قالىسىز,ھەراس،ھېلىقى ئەركىشىنى نېمىشقا ئىسمىنى چاقىرماي،ئاكاش دەپلا چۈشەندۈرگىنىمگە قىزىقىۋاتقانسىز بەلكىم،سىزگە بۇنىڭ سەۋەبىنى دەپ بېرەي،چۈنكى ئۇ مەن چىن قەلبىمدىن سۆيىدىغان ئادەم ،ئۇ مەيلى ئەسكى بولسۇن،ياكى ياخشى بولسۇن،ئۇنىڭ ئەسكىلىكىنى دۇنياغا نامايەن قىلىشقا كۆڭلۈم ئۇنىمايدۇ ،شۇڭا سىزمۇ خاتىرجەم بولۇڭ،مېھراي ئاچاممۇ سىزدىن ھەرگىز ۋاز كەچمەيدۇ.
داۋامى داۋاملىق ئىنكاس شەكلىدە يوللىنىدۇ...............................

ئوغۇز

ئاشنا ئىزدەش داۋامى (22)

ئالىيە چىقىپ كەتتى،مەن يا ئالىيەنىڭ ئېچىنىشلىق ھېكايىسىگە ئىشىنىپ،ئۇنىڭغا ئىچ ئاغرىتىشنى،ياكى،شۇنچىۋالا ئوڭۇشسىزلىق ھەم ئۇۋالچىلىقلاردىن كېيىن،ھەقىقەتنىڭ ئايدىڭ بولۇپ،مېھراينىڭ ئالدىدا ئاقلىنىپ،ئۇنى مۇھەببىتىگە قايتىدىن ئېرىشىدىغانلىقىمغا تەنتەنە قىلىشنى بىلەلمەي،گاراڭ ھالەتتە بېشىمنى ساڭگىلىتىپ ئولتۇرۇپ قالدىم.
-مېنىڭچە بولغاندا،قانداق كېسەل بولسىڭىزمۇ ،پەرۋايىم پەلەك دەپ ياشاۋېرەتتىم چۈنكى ھازىر ماڭا نىسبەتەن ئەر كىشى دېگەن خۇددى بىر ئائىلە بۇيۇمىغا ئوخشاشلا تۇيۇلىدىغان بولۇپ قالغان،شۇڭا،يېنىڭىزغا ماقۇل ،دېيىش نېيتىدە كەلگەن ئېدىم،بىراق يولدا كەلگۈچە،شۇنچىۋالا قىلغان ئىشىمنىڭ ھەممىسىنىڭ قورسىقىمدىكى بالام ئۈچۈن ئىكەنلىكىنى ئويلاپ،كەلگۈسىدە ،نارىسىدە بالامنىڭ دادىسى ئاقكېسەل دەپ كەمسىتىلىشىدىن ،ھەم قىزلارنىڭ ئېرسىيەت بولۇپ  قېلىشىدىن ئەنسىرەپ،كۆڭۈلدىكىدەك لايىق تاپالماي،تۇرمۇشىنىڭ كۆڭۈلسىز بولۇپ قېلىشىدن ئەنسىرەپ بۇ نېيىتىمدىن يەنە يېنىۋالدىم.
-تۇيۇقسىزلا ئالىيەنىڭ يۇقارقى سۆزلىرى يادىمغا كېلىپ،كاللامدىكى گاراڭچىلىق تېخىمۇ ئېغىرلىشىپ كەتتى،ئالىيە جېنىدا ،دادىسىنىڭ تايىنى يوق بالىسىغا ،دادا بولۇشقا مېنى لاياقەتسىز دەپ ئويلايدىغان تۇرسا،ئۆز پۇشتۇمدىن بولغان پەرزەنتىمنىڭ،كەلگۈسىدە ئالىيە ئېيىتقاندەك قىسمەتلەرگە ئۇچرىشىغا مەن قانداق چىداپ تۇرالايمەن،ئالىيە بېلەن كۆرۈشكەندىن كېيىن،مېھراي  چوقۇم ،مېنىڭ يېنىمغا قايتىپ كېلىدۇ،بىراق مېنىڭ كېسىلىمنىڭ تەرەققىي قىلىشىغا ئەگىشىپ،ئۇنىڭ ماڭا بولغان مۇھەببىتى بارا-بارا سۇسلايدۇ،بالىمىز چوڭ بولغانسىرى،ئۇ ئۇچراۋاتقان ئوڭۇشسىزلىقلارغا قاراپ ،مۇھەببەت بارغانسىرى ئۆچمەنلىككە قاراپ تەرەققىي قىلىدۇ ،ياق،بۇناق بولسا ھەرگىز بولمايدۇ ،مەن يەنە بىر قېتىم،مېھراينىڭ مۇھەببىتىدىن مەھرۇم قېلىشقا چىداپ تۇرالمايمەن،ئەڭ ياخشىسى مۇشۇ يەردە توختاپ قالاي،مېھراي مېنى يارامسىز ،بۇزۇق ئەر ،دەپ ئويلاپ،يېڭىدىن بەختىنى تېپىۋالسۇن،بالاممۇ مەندەك ،جەمىيەت تەرپىدىن كەمسىتىلىدىغان دادىسىدىن قۇتۇلسۇن،مەن بۇندىن كېيىن،دادىلىق مەجبۇرىيتىم بويىنچە ،ئىقتىسادىي جەھەتتىن ئۇنىڭغا ياردەم قىلىپ تۇرساملا بولدىغۇ ،شۇ خېياللاې بېلەن ،ئالىيەنىڭ ئالدىنى توسۇش ئۈچۈن ،تېلىفوننى قولۇمغا ئالدىم -ۋە،،ئېنتايىن جىددىي كەيپىياتتا-ئالىيە ،تېخى مېھراي بېلەن كۆرۈشمىگەنسىز -دېدىم.
-ئالدىراپ كەتتىڭىزما،ئالدىرىماڭ،ئاز قالدىم ،خاتىرجەم بولۇڭ،سە تۇرۇپ،مەن دۇنيادىكى ئەڭ رەزىل ئايالغا،سىز ئەڭ پاك،ساددا ،ھەم ئاقكۆڭۈل ئەرگە ئايلىنىسىز -ئالىيە تەنە ئارىلاش سۆزلەشكە باشلىدى.
-ئالىيە مېنى خاتا چۈشىنىۋاپسىز ،مېنىڭ سىزگە تېلىفون قىلىشىمدىكى مەقسىتىم بۇ ئەمەس، سىز مېھراي بېلەن كۆرۈشمىگەن بولسىڭىز دەرھال كەينىڭىزگە يېنىڭ،ئەمدى ئۇنىڭ بېلەن كۆرۈشمەڭ،ئۇنىڭغا ھېچنىمە دېمەڭ.
-ساراڭ بولدىڭىزمۇ ئاكا،بۇ نېمە دېگىنىڭىز، سىز مېنىڭ شۇنداق قىلىشىمنى خالايتتىڭىزغۇ،مەندىن ئۆتۈنۈپ،يىغلاپ كەتكەن ئېدىڭىزغۇ؟ئەمدى سىزگە نېمە بولدى،ئەجەبا سىزنىڭ مېھراي ئاچام يوقمۇ،ئۇنتۇپ قالماڭ،بۇ سىزنىڭ ئۇنى يېنىڭىزغا قايتۇرۇپ كېلىشتىكى بىردىنبىر ھەم ئاخىرقى پۇرسىتىڭىز.
-بىلىمەن، ھەممىنى بىلىمەن، بىراق سىزمۇ،ئويلاپ بېقىڭ، سىز بالىڭىز ئۈچۈن قىلغاننى ،مەنمۇ قىلالىشىم كېرەك ،سىز بالىڭىزغا راۋا كۆرمىگەننى مەن راۋا كۆرمىسەم قانداق بولىدۇ؟ئەگەر ،ئۆزىڭىزنى مېنىڭ ئالدىمدا ئازىراق بولسىمۇ گۇناھكار ھېسابلىسىڭىز دەرھال كەينىڭىزگە يېنىڭ،بىلىشىڭىز كېرەككى ،بۇنداق قىلغىنىڭىز مېھراي ئۈچۈنمۇ پايدىلىق،ئۆزىڭىزمۇ مېھرايغا يۈز كېلەلمەيدىغانلىقىڭىزنى ئېيىتقانتىڭىزغۇ،ئۇنىڭ بەختىنى بىر قېتىم ۋەيران قىلدىڭىز، ئەمدى ،ئۆزىڭىز ياراتمىغان ،ھەم خالىمىغان ئەرنى ئۇنىڭغا قايتۇرۇپ بېرىمەن ،دەپ،ئۇنىڭ بەختىنى يەنە بىر قېتىم ۋەيران قىلماقچىمۇ سىز ؟
ئالىيە مېنىڭ سۆزۈمنى ئاڭلاپ جىمىپ كەتتى ،مەن ئۇنىڭ ئىككىلنىپ قالغانلىقىنى سېزىپ،پۇرسەتتىن پايدىلىنىپ،ئۇنى قايتىپ كېلىشكە مەجبۇرلاپ،ئەمدى مېھرايغا ھېچنىمە دېمەسلىككە ۋەدە ئېلىۋالغاندىن كېيىن تېلىفوننى قويۇۋەتتىم.
شۇنداق قىلىپ،مېنىڭ ئاخىرقى ئاقلىنىش پۇرسىتىممۇ يوققا چىقىتى،نېمىشقىكىن ،بەزىلەرنىڭ ،بۇ كېسەل ساقايمايدۇ،دېگەن سۆزلىرىنى ئاڭلاپ تۇرساممۇ،مەندە داقىيىپ چىقىشقا بولغان ئۈمۈد ،ئېنتايىن كۈچلۈك ئېدى ،شۇنداق بولغاچقا ،يېڭىدىن يۇقۇملانغان ،قىسقىغىنە بىر نەچچە ئاي ئىچىدە،ئۈرۈمچىدىكى ئاقكېسەلنى داۋالايدىغان ،بىر نەچچە دوختۇرخانا ،شىپاخانىلارغا كىرىپ داۋالاندىم،بەزىللىرىدە،قارا پىگمېنىت كۆپىك ئورنىنى رەڭگى ئەسلىگە كەلگەن بولسىمۇ،يېڭى كېسەللىكنىڭ كۆپىيىشىنى تىزگىنلىيەلمىدى ،بەزىللىرىنىڭ بولسا،دورىللىرى ،تېرەمدە سەزگۈرلۈك،ياكى يارا ئېغىزلىرىنى پەيدا قىلىپ،قوشۇمچە كېسەللىك شەكىللەندۈرۈپ قويدى،شۇنىڭ بېلەن بىرنەچچە ئاي داۋالانغاندىن كېيىن،بۇ ئورۇنلاردا ساقىيىشتىن ۋاز كېچىپ،ئۆيگە يېنىپ كېلىپ،كەسپىمنى داۋاملاشتۇردۇم.
ساقىيىشتىن ئۈمۈدۈم ئۈزۈلەيلا دەپ قالغان ،كۈنلەرنىڭ بىرىدە ،سىڭلىم ئايزېبا ،خۇشاللىقتىن ئاغزى قۇلقىغا يەتكىنىچە مېنى ئىزدەپ كەلدى .
ئاكا،ئاكا،ئىشىڭىزنى قويۇپ مەن بىلەن يۈرۈڭ-ئۇ شۇنداق دەپ ،مېنىڭ قولۇمدىن يېتلىلەپ ماڭدى.
نەگە بارىمىز؟
ھېلى بىلىپ قالىسىز ،سىزگە بىر خۇشاللىق بار.
-قانداق خۇشاللىق ئۇ ،ماڭا ئېيىتسىڭىزچۇ.
-ياق ئېيىتمايمەن، ھېلى بىلىسىز،دېدىمغۇ،
ئايزىبا شۇنداق دەپ مېنى يېتىلەپ ،خېلى ئۇزاق ماڭغاندىن كېيىن،بىر ناۋايخانىنىڭ ئالدىغا كېلىپ توختاپ،مەن بېلەن يېشى ئانچە كۆپ پەرىقلەنمەيدىغان ،بىر يېگىتنى كۆرسەتتى-قاراڭ ئاكا،ئاۋۇ بالىغا.
توۋا ،ما قىز بالا ،ماڭا بۇ ئوغۇلبالىنى كۆرسىتىپ نېمە دەيدىغاندۇ؟ئۇ بىزنىڭ يوقىتىپ قويغان قېرىندىشىمىزغۇ ئەمەس بولغىيتى،ئۇنداق بولىشىغۇ مۇمكىن ئەمەس،بىز ئىككىلا بالا تۇرساق، ئىچىمدە شۇنداق ئويلاپ ،ئايزىبانىڭ بۇ يېگىت بېلەن مۇناسىۋەتلىك قانداق بىر خۇشخەۋىرى بارلىقىنى بىلەلمەي گاڭگىرىغىنىمچە ،ئۇنى بىر يانغا تارتىپ-سىڭلىم ساراڭ بولدىڭىزمۇ،نېمە مېنى بۇ بارلىنىڭ يېنىغا باشلاپ كېلىسىز ،يا مەن ئۇنى تونىمىسام -دېدىم.
-ئالدىرىمىڭە ئاكا، ئاۋال بۇ بالا بېلەن بىر كۆرشىۋېتىڭە -ئۇ شۇنداق دەپ،مېنى ئۇنىڭ بېلەن كۆرۈشتۈردى .
-تېنىچلىق،تېنىچ تۇرۇپسىلە-يېگىتنىڭ تولۇق خوتەن تەلەپپۇزىدىن ،ئۇنىڭ خوتەندىن كەلگەنلىكىنى بىلىۋېلىش تەس ئەمەس ئېدى .
-تېچلىق،ئۆزۈڭلارمۇ تىنچلىقتۇ،-مەنمۇ ئۇنىڭغا ماس ھالدا جاۋاب قايتۇرغاندىن كېيىن،ئايزىبا ،ماڭا ئۇنىڭ قولىنى شەرەتلىدى .ئۇنىڭ قولىدا ،نېمە ۋەقە بارلىقىغا قىزىقىپ،دەرھال سىنچىلاپ قارىدىم،بىراق ھېچقانداق غەيرى ئالامەتنى بايقىيالمىدىم.
-ئاكا -ئايزىبا مېنىڭ چىرايىمدىكى گاراڭلىققا قاراپ،ماڭا بىر ئىشنى چۈشەندۈرمەكچى بولغاندەك ،يېنىمغا كەلدى-قاراڭ ،ئۇنىڭ قولىدا ،بىنورمال ئالامەتلەر بارمىكەن .
-ياق ،يوققۇ-مەن ھەيرانلىق بېلەن يەنە بىر كۆزىتىۋەتتىم.
-يوق ئاينا،ھازىر يوق، ساقايدى -خوتەنلىك بالا ،ئالقانلىرىنى ئۆرۈم ماڭا كۆرسەتتى .
-ئاكا، بۇ ئاكىمىز خوتەندىن كەپتۇ، مەن داۋاملىق ئۇنىڭدىن نان سېتىۋالاتتىم، بىر كۈنى ئۇنىڭ بېلەن پاراڭلىشىپ قېلىپ،بۇرۇن ،ئۇنىڭمۇ سىزدەك كېسەل بولۇپ قالغانلىقىنى، يۇرتىدىكى بىر تېۋىپقا يېرىم يىلدىن ئارتۇق داۋالىنىپ،سەللىمازا ساقىيىپ كەتكەنلىكى،كېسىلىنىڭمۇ قايتا قوزغالمىغانلىقىنى ئېيتىپ،بەردى ،قارىسام راس دېگەندەك ،ئۇنىڭدا ھېچقانداق بىر كېسەللىك ئالامىتى يوقكەن ،شۇڭا سىزنى ئۆز قۇلقى بېلەن ئاڭلاپ،كۆزى بېلەن كۆرۈپ باقسۇن دەپ ،بۇ يەرگە باشلاپ كەلدىم.
-راسمۇ؟-كۆزلىرىمگە ياش كەلگەندەك بولۇپ،ناۋاي يېگىتكە قاراپ تەلمۈردۈم.
-راس ئاينا،ئىشەنمىسىڭىز قاراپ بېقىڭ،مۇنا ماۋۇ يەدىمۇ ،ماۋۇ يەدىمۇ باتى ئاينا،ھازىي يوق ،ساقايدى -يېگىت ماڭا ،بوينى بېلەن يۈزىدىكى سۇس تاتۇق ئىزىنى كۆرسەتتى .
كېسىلىمگە داۋا تېپىلغانلىقىدىن شادلىنىپ،ئۇنى خۇددى ئكزۈمنىڭ ئكيىدىكى ئورۇندۇققا باشلىغاندەك ،تونۇرنىڭ بىر تەرىپىگە قويۇلغان ئورۇندۇققا باشلاپ كېلىپ، ئولتۇرۇپ،پاراڭغا چۈشتۈم،يېگىت ماڭا ،يۇرتىدا بىر تېۋىپنىڭ بارلىقىنى مەخسۇس مۇشۇ كېسەللىكنى داۋالاپ سەللىمازا ساقايتىدىغانلىقىنى ،داۋالانغانلارنىڭ كېسىلىنىڭ قايتا قوزغالمايدىغانلىقىنى ،لېكىن چوقۇم ئۇزۇن مۇددەت ئاپتاپقا قاقلىنىدىغانلىقىمىز ھەم ،ئاچچىق دورا يەپ،پەرھىز تۇتىدىغانلىقىمىزنى ،ئېرادەم كۈچلۈك بولمىسا بارغىنىمنىڭمۇ پايدىسى يوقلۇقىنى ئېيتىپ بەردى ،مېنىڭ داۋالنىپ ساقىيىش ئېرادەم كۈچلۈك بولغانلىقى ئۈچۈن،ئۇنىڭدىن ھېلىقى تېۋىپ بېلەن ئالاقىلىشىپ بېرىشنى ئۆتۈنۈپ،شۇ كۈنىنىڭ ئۆزىدىلا ،ئۇنىڭ بېلەن ئالاقىلىشىپ،ىوتەن ۋىلايىتىنىڭ قارىقاش ناھىيىسىگە قاراپ يولغا چىقتىم .
چوقۇم چىدايمەن ،ھەرقانچە قاپالىق بولسىمۇ چىدايمەن ،ساقايمىغىچە ئۈرۈمچىگە ھەرگىز قايىتمايمەن ،ئۇلۇغ ئاللاھىم،بۇ مۇدھىش كېسىلىمگە ئۆزۈڭ شىپاھ بەرگىن،ئۆزۈم بەرگەن كېسەللىكنى ،ئۆز قولۇڭ بېلەن تېنىمدىن ئاجراتقىن،-،يول بويى ئكز-ئكزۈمنى شۇنداق دەپ رىغبەتلەندۈرەتتىم ،ئاللاھنىڭ ،كېسىلىمگە شىپالىق بېرىشىنى قايتا -قايتا تىلەيتتىم،مېھراي بېلەن قايتا جەم بولىدىغان كۈننىڭ كېلىدىغانلىقىنى ئويلاپ،ئۆز-ئۆزۈمگە مەدەت تىلەيتتىم،چۈنكى مەن ساقايساملا، ئاندىن مېھراينىڭ يېنىغا قايتالايتتىم،ئاجراشقاندىن بېرى ،ئۇنىڭ بېلەن يۈزتۇرانە كۆرۈشۈپ باقمىغان بولساممۇ ،لېكىن،ھەرۋاقىت ئۇنىڭ ئاھۋالىنى ئېگەللەپ ،ئۇنى ئوغۇرلۇقچە ماراپ يۈرگەچكە،ئۇنىڭ قورسىقىنىڭ كۈندىن -كۈنگە يوغىناۋاتقانلىقىنى ،ھەم قايتا تۇرمۇش قۇرۇش ئويىنىڭ يوقلۇقىنى بېلەتتىم.
ئۇنىڭ ئۈستىگە ،گەرچە ئالىيە بېلەن شۇنىڭدىن كېيىن قايتا كۆرۈشۈپ باقمىغان بولسامممۇ،ئۇنىڭ قورسىقىدىكى بالىنى ئالدۇرىۋېتىپ،خىزمىتىدىن ئىستېپا بېرىپ،ئېنىسىنى ئىزدەش ئۈچۈن ئىچكىرىگە كىرىپ كەتكەنلىكىنى باشقىلاردىن ئاڭلىغانلىقىم ئۈچۈن،مېھراينىڭ،چوقۇم،بۇ ئىشلارنىڭ سەۋەبى توغرۇلۇق ئويلۇنۇپ،مېنى ئازىراق بولسىمۇ چۈشۈنۈپ يەتكەنلىكىگە ئىشىنەتتىم .
داۋامى داۋاملىق ئېنكاس شەكلىدە يوللىنىدۇ ..................