ئاشنا ئىزدەش(پوۋسىت)

بەك ياخشى يېزىپسىز. ئاخىرىنى تېزراق تېزراق يوللاڭ  

samsiya218

ۋاي خۇدايىم نىم بوپ كەتتى ،بەك مۇرەككەپلىشىپ كەتتىخۇ؟.ئاخىرى قانداق بولار ...تىزراق يىزىپ

dldar

ئاخىرى تېخى چىقماپتۇ   بەك ساقلاپ كەتتۇق

ئوغۇز

ئاشنا ئىزدەش داۋامى(11)

توۋا،ماۋۇ خوتۇننى ،ئاجىرىشىشقا نېمانچە ئالدىراپ كەتمەك ئەمدى؟ئەجەبا بىر بالىسى بار ئەرگە تېگىش،ئۇنىڭ ئۈچۈن شۇنچىلىك بەخىتلىك ئىشمىدۇ؟،خېياللىرىم يىپى ئۈزۈلگەن مارجاندەك چېچىلماقتا ئېدى،ئەسلىدە چىرايلىق گەپلەرنى قىلىپ ئەپلىشىپ قېلىش نېيتىدە تېلىفون قىلغان ئېدىم،ئۆزىگە-ئۆزى قىلدى،ئۇ شۇگەپلەرنى ئاڭلاشقا لايىقكەن،ئۇ زادى نېمىسىگە ماڭا بۇنچىۋالا يوغانچىلىق قىلىدۇ؟بۇرۇن ۋاي دەپ ھالى قالمايتتى، ئەمدى گۇناھلىرى ئاشكارىلانغان چاغدا ،ئەپتى بەشىرىسىنى بىراقلا ئاشىكارلىغىنىمۇ بۇ؟،ئەمدىلىكتە مېھرايغا بولغان بايىقى كەچۈرىۋېتىش ھېسىياتىمدىن ئەسەرمۇ قالمىغان ئېدى،ئۇنىڭ شۇ گۈزەل چىرايىنىڭ كەينىگە خۇددى،ئامرېكا فېلىملىرىدىكى،گۈزەل ئاياللارنىڭ قىياپىتىگە كىرىۋالغان،ئاغزىنىڭ ئىچىدىن ،قۇرۇت-قوڭغۇز،يىلان چايانلار چىقىدىغان،قورقۇنۇچلۇق ئالۋاستى يوشۇرىنىۋالغاندەك كۆڭلۈمنى ئېلىشتۇرماقتا ئېدى.

يەنە بىر كېچنى تۈگىمەس خېيال،ئىزتىراپ،ئازاب ئىسكەنجىسىدە ئۆتكۈزدۈم،چۈش ۋاقتىغىچە ئورنۇمدىن تۇرالماي ئىزىلىپ ياتقاندىن كېيىن،ئاىشام ئېتىۋەتكەن يانفونۇمنى ئاچتىم،ئالىيە بىر نەچچە قېتىم تېلىفون قىلىپ،ئۇچۇر يازغاندىن باشقا،مېھراينىڭ زەينەپ ئىسىملىك بىر يېقىن دوستى ،مەن بېلەن كۆرۈشكۈسى بارلىقىنى ئېيتىپ، تېلىفون قايتۇرۇشۇمنى جىكىلەپ،بىر پارچە ئۇچۇر قالدۇرغان ئېدى.
-ھېلىقى خوتۇن ئاخىشام دېگەنلىرىگە پۇشايمان قىلىپ،دوستىنى ئارىغا سېلىپ يارىشىپ قالماقچى ئوخشىمامدۇ ؟خېيالىڭنى خام چاغلىما مېھراي ،ئەمدى سېنى ھەرگىز،ھەگىز كەچۈرەلمەيمەن-ئۆز-ئۆزۈمگە شۇنداق دېگەندىن كېيىن،، زەينەپكە تېلىفون قايتۇردۇم:
-ئەسسەلامۇ ،ئەلەيكۇم،ياخشىمۇ سىز ئەنۋەر،تېنىچ تۇرىۋاتامسىز؟
-ۋەئەلەيكۇم ئەسسەلام،ئۆزىڭىزچۇ،ئۆي ئىچى بالىلار تىنىچلىقتۇ؟
-ئاللاھقا شۈكۈر،بىز بىر كۆرۈشسەك بوپتىكەن ئەنۋەر-قىزغىن سالاملاردىن كېيىن،زەينەپ ئۇدۇللا مەقسىتىنى ئوتتۇرغا قويدى.
-ماڭا قاراڭ زەينەپ،سىزگە مېھراي بىرەر گەپ قىلغان ئوخشىمامدۇ-مەن سەل غادايغاندەك تەلەپپۇزۇمنى ئۆزگەرتتىم-ئەگەر راستىنلا شۇنداق بولسا ،بىزنىڭ كۆرۈشۈشىمىزنىڭ ھاجىتى يوق،مېھرايغا دەپ قويۇڭ،خېيالىنى خام چاغلىمىسۇن ئەمدى.
-نېمىلەرنى دەيدىغانسىز ئەنۋەر-زەينەپنىڭ تەلەپپۇزى ھەيرانلىق تۈسىنى ئالدى-مېھراي بىلەن شۇنچە يىل بىرگە ياشاپ ،ئۇنى تېخىچە چۈشىنىپ بولالمىدىڭىزمۇ؟مېھراي ئۆزى مۇلايىم،كۈلۈپ تۇرغان بىلەن،ئىچى كۈچلۈك قىز،بىر ئىشلارنى ئاسانلىقچە ھېچكىمگە ئېيىتمايدۇ،دەردى بولسا ھەتتا ئاتا-ئانىسىغىمۇ دېمەي ئىچىگە يۈتۈۋېتىدىغان تۇرسا،سىزچە ماڭا گەپ قىلىپ يۈرەرمۇ،سىز خاتا ئويلىۋاپسىز،مەندە سىزگە يەتكۈزىدىغان بىر خەۋەر بار،شۇنى ئاڭلىغاندىن كېيىن،قانداق قىلىشنى قارار قىلسىڭىزمۇ كېچىكمەيسىز،كېيىن پۇشايمان قىلىدىغان ئىش بولۇپ قالمىسىكەن دەيمەنغۇ؟
-ماقۇل،خەۋىرىڭىزگە سەل قىزىقىپ قېلىۋاتىمەن،نەدە كۆرۈشىمىز؟
-سىرىتتا كۆرۈشۈپ يۈرسەك بولماس-زەينەپ شۇنداق دەپ،چۈشلۈك تاماق ۋاقتىدا كۆرۈشۈشنى ئېيتىپ،مەلۇم بىر غەرپچە تاماقخانىنىڭ ئادرىسىنى قالدۇردى،چۈشلۈك تاماق ۋاقتى بولۇپ قالغان ئېدى،مەنمۇ سائىتىمگە قاراپ،ئورنۇمدىن تۇرۇپ،ئكزۈمنى بىرقۇر تۈزەشتۈرىۋەتكەندىن كېيىن،زەينەپ بېلەن كېلىشكەن ئورۇنغا اقاراپ ماڭدىم.
-قاراڭ ئەنىۋەر،ئەسلى سىلەرنىڭ ئىشىڭلارغا ئارىلاشماسلىقىم كېرەك ئېدى،بىراق ئائىلەڭلارنىڭ مۇشۇنداقلا بۇزۇلۇپ كېتىشىگە قاراپ تۇرغۇم كەلمىدى-بىز كۆرۈشۈپ ،سالاملىشىپ ،بىر ئورۇننى تېپىپ ئولتۇرغاندىن كېيىن،زەينەپ سۆز باشلىدى-ئاۋال سىزگە دەپ قوياي،مەن ھېچقانداق ئەھۋالدىن خەۋەردار ئەمەس،يەنە دېسەم ،يەنە شۇ،مېھراي ماڭا ئاراڭلاردا بولغان ئىش تۇوغرۇلۇق ھېچنىمە دېگىنى يوق.

-ئەلۋەتتە دېمەيدۇ-دە،بۇنداق ئىشنى قانداقمۇ ئېغىزىدىن چىقىرىپ بىرسىگە دەپ بېرەلەيدۇ،ھەرقانچە يېقىن دوستىڭىز بولغان تەقدىردىمۇ،شۇ.
-قاراڭ ئەنۋەر،مەن سۆزۈمنى دەۋالاي،سىز قوشۇق سالماي تۇرسىڭىز قانداق ؟-زەينەپ سۆزىگە ئارلىشۋالغىنىمنى ياقتۇرمىغاندەك،ماڭا ئالىيىپ قاراپ قويغاندىن كېين سۆزىنى داۋام قىلدى-قايسى كۈنى مېھراي بىلەن بىللە دوختۇرخانىغا بارغان ئېدىم،تەكشۈرۈتۈشتە ئۇنىڭ بويىدا بارلىقىغا دېئاگىنوز قويۇپ ئېنىقلاندى،شۇ كۈنى كەچتە مېھراي سىزنى تويۇقسىز خوش قىلىۋېتىش ئۈچۈن بىر مۇنچە تەييارلىق قىلىپ ئولتۇرغان ئېدى،بىراق سىز كېچىچە ئۆيگە كىرمەپسىز،مېنىڭ بىلىدىغانلىرىم مۇشۇنچىلىكلا،تۆنۈگۈن مېھراي بىلەن كۆرۈشكەن ئىدىم،ئۇ سىز بىلەن ئاجىرىشىپ كېتىدىغانلىقىنى ئېيىتتى،نېمە سەۋەبتىن ئىكەنلىكىنى سورىسام دەپ بەرگىلى ئۇنىمىدى،بالىنىڭ ئىشىنى سىزنىڭ بىلىدىغان ،بىلمەيدىغانلىقىڭىزنى سورىسام،تېخى بىلمەيدۇ ،دەپ ئېيىتتى،قارىسام مېھراينىڭ ئېرادىسى كۈچلۈكتەك قىلىدۇ،شۇڭا ئاۋال،سىزگە بىر ئەسكەرتىۋېتىشنى لايىق تېپىپ،كۆرۈشۈپ ئولتۇرۇپتىمەن،مېھراي ،قانداق ئىش بولمىسۇن بۇ بالىنى تۇغۇپ،ئەنۋەرگە پوقىنىمۇ كۆرسەتمەي باقىمەن ،دەيدۇ،شۇڭا كېيىن پۇشايمان قىلىدىغان ئىش بولۇپ قالمىسۇن ،دەپ ،سىزگە ئەسكەرتىپ قوياي دېدىم.قالغىنىنى سىز ئويلۇشۇپ باقاسىز؟مەن كەتتىم.
زەينەپ ئورنىدىن تۇرۇپ كېتىپ قالدى،مەن يەنە خېيال پاتقىقىغا پېتىپ قالدىم،زادى قانداق قىلسام بولار،<بالا>،بۇ مېھراي ئىككىمىز توي قىلغان ئاز كەم ئىككى يىلنىڭ ياقى تۆت كۆزىمىز بىلەن كۈتۈپ كېلىۋاتقان مەۋجۇداد شۇ ئەمەسمۇ؟،مانا ئەمدىلىكتە،ئىككىمىزنىڭ رىشتە يىپلىرىمىز ئۈزۈلەي دېگەن چاغلىرىدا ،پەرۋەردىگار بىزنى سىناۋاتقاندەكلا.........
ئولتۇرغان جايىمدىن قانداق تۇرغانلىقىمنى بىلمەيلا ،ئۆيگە كېلىپ قاپتىمەن،تېلىفونۇمنى قولۇمغا ئېلىپ،ئالىيەنىڭ نومۇرىنى باستىم.
-ۋەي،ئەنۋەر ئاكا،ئەجەپ تۆنۈگۈننىڭ ياقى تېلىفن قىلىپ ئالالمىدىم سىزگە-ئالىيە ئەركىلەپ تۇرۇپ ،تېلىفوننى ئالدى.
-ھە، -خۇش ياقمىغاندەكلا جاۋاپ قايتۇردۇم.
-سىزگە يەنە نېمە بولدى،كۆرۈشسەك بوپتىكەن.
-ھېچئىش بولمىدى،سەل مېجەزىم يوق شۇ ؟
-ئەمىسە تېخىمۇ كۆرۈشمىسەك بولمىغۇدەك،مەن ئۆيىڭىزگە بارايمۇ؟
-ياق،ياق،بولدى سىز كەلمەڭ،،مەن سىرىتقا چىقاي،كونا جايدا كۆرشىلى.
ئالىيەنى رەرت قىلىشقا ئامالسىز ،كونا جايدا كۆرۈشۈشكە كېلىشىپ تېلىفوننى قويۇۋەتتىم.
سىرىتقا چىققان چېغىمدا ئاللىقاچان تۈن پەردىسى يېپىلىپ،ئەتراپقا قاراڭغۇلۇق ئولاشقان ئېدى.
-كەلدىڭىزمۇ؟

-ھەئە.
-بۈگۈن نېمانچە غەمكىن كۆرۈنىسىز ئەنۋەر ئاكا،سىزگە زادى نېمە ئىش، بولدى يەنە مېھراي ئاچامنى ئويلاپ قالمىغانسىز؟
-سىزگە قانداق دېيىشنى بىلەلمەيۋاتىمەن ئالىيە-دېيىشكەن ئورۇنغا كېلىپ،ئالىيە بېلەن قالايمقان بىر پەس ئولتۇرىۋەتكەندىن كېيىن،ئېغىز ئاچتى-سىزگە دېسەم بولارمۇ ياكى دېمىسەم ياخشى بولارمۇ،دەي دېسەم تېخى دېمەي دېسەم،بېشىمنىڭ ئىچىمۇ تېشىمۇ تازا قېتىپ كېتىۋاتىدۇ،ئۇف...
-ئاكا،مېنى تېخىچە يات كۆرۈۋاتامسىز؟مەن سىزنىڭ ئالدىڭىزدا ھېچنىمىگە ئەرزىمىسەممۇ،سىزنىڭ سىردىشىڭىز بولۇشقا رازى،ماڭا شۇ كۇپايە،قانداق دەردىڭىز بولسا ،چوقۇم ماڭا ئېيتىڭ،بولمىسا مەن سىزدىن بەكلا ئەنسىرەپ قالىدىكەنمەن.
-زادى قانداق قىلسام بولاركىن-ئالىيەنىڭ قاراشلىرىدىكى سەمىمىيلىكنى كۆرۈپ،قايتىدىن ئېغىز ئاچتىم-يەنىلا دەۋېرەي،مېھراينىڭ بويىدا باركەن...
-نېمە؟-ئالىيە داڭ قېتىپ تۇرۇپ كەتتى-كىمدىن قاپتۇ؟
-نېمە؟ -مەن ئالىيەدىنمۇ بەك ھايرانچىلىقتا قالدىم.
-ئاكا،سىز ساراڭ بولمىغانسىز،بولغان ئىشلارنى ئۇنتۇپ قالدىڭىزمۇ؟ئەجىبا سىز،ئۇ بالىنى راستىنلا مېنىڭ دەپ ئېتىراپ قىلمايدىغانسىز ھە؟
-بۇ،بۇ-ئالىيەنىڭ سۆزلىرىنى ئاڭلاپ،گاڭگىراپلا قالدىم.
-قاراڭ ئاكا-ئالىيە ماڭا تەپسىلى چۈشەندۈرۈشكە باشلىدى-ئەگەر ئۇ بالا سىزنىڭ بولماي قالسا،بىر ئۆمۈر باشقىلارنىڭ بالىسىنى مېنىڭ بالام دەپ ياشاشقا رازىمۇسىز،بالىنىڭ ئۆزىڭىزنىڭ پۇشتىلىقىغا يۈزدە-يۈز ئېشەنچ قىلالىسىڭىز بۇنىڭ يولى باشقا،لېكىن بۇنىڭغا سىزدە ئىشنچ يوق تۇرۇپ،ئېتىراپ قىلسىڭىز بولمايدۇ،شۇڭا ئاۋال، بالا تۇغۇلسۇن،د ئىن ئاي،تەكشۈرتۈش ئارقىلىق بالا سىزنىڭ پۇشتىڭىز ئىكەنلىكى ئاشكارلانغاندىن كېيىن ،ئاندىن ئېتىراپ قىلسىڭىزمۇ كېچىكمەيسىز،بۇ مېنىڭ مەسلىھەتىم .خالاس .قالغان ئىشلارنى يەنىلا ئۆزىڭىز ئويلۇنۇپ قارار چىقىرىسىز.
ئالىيەنىڭ باشقا سۆزلىرى قۇلقۇمغا كىرمىدى،ئۆيگىمۇ قانداق كېلىپ قالغىنىمنى بىلمىدىم.
-نېمە دېگەن رەھىمسىزلىك بۇ-ئۆز-ئۆزۈمگە توختىماي شۇنداق دەپ پىچىرلايتتىم-ئاھ خۇدا ،بۇ ماڭا بەرگەن قانداق كۈنلىرىڭ ئەمدى؟
كېچىنى زۇلمەت ئىچىدە ئۆتكۈزۈپ،ئىنتايىن تەستە تاڭ ئاتقۇزۇپ،ئورنۇمدىن تۇرۇشۇمغا ئىشىك چېكىلدى.

-كېم؟
-مەن سوتتىن.
-سوتتىن-ھەيرانلىق ئىچىدە ئىشىكنى ئاچتىم.

-بۇ چاقىرىق قەغىزى،بۇ يەرگە قول قويۇپ بەرسىڭىز؟
-نېمە ئۈچۈن سوتقا چاقىرىلغانلىقىمنى بىلمەي تۇرۇپلا چاقىرىق قەغىزىگە قول قويۇۋېتىپ،ئۆيگە كىرىپلا،جىددىيلىك بىلەن قەغەزنى ئېچىپ ئوقۇشقا باشلىدىم.
جاۋابكار:ئەنۋەر،ئايالىڭىز مېھراي سىز بىلەن ئاجىرىشىشنى تەلەپ قىلىپ،سوتىمىزغا ئۈستىڭىزدىن ئەرىز سۇندى،سوتىمىز مۇناسىۋەتلىك قانۇن ،بەلگىلىمىرىگە ئاساسەن مەزكۇر ھەق-تەلەپ ئەرىزنامىسىنى قوبۇل قىلدى،ئېكىس ئاينىڭ،ئېكىسىنچى كۈنى سوتىمىزنىڭ كېلىشتۈرۈش زالىدا ،ئاجىرىشىش توغرۇلۇق كېلىشتۈرۈش ئېلىپ بېرىلىدۇ،ئەگەر سوتقا قاتناشماي قالسىڭىز،سوتىمىزنىڭ ئۈستۈڭلاردىن چىقارغان ئاجىرىشىش ھۆكۈمنامىسىگە قوشۇلغان بولۇپ كۈچكە ئېگە دەپ ھۆكۈم چىقىرىلىدۇ.

چاقىرىقنى شۇ يەرگىچىلا ئوقۇيالىدىم،كۆزلىرىمدىن توختىماي ياش قۇيۇلاتتى،يا غەزەپلەنگەنلىكىمنى ياكى ئازابلانغانلىقىمنى بىلگىلى بولمايدىغان ،ھېس تۇيغۇلار خېيالىمنى چىرمىۋالغان ئېدى.
شۇ تەرىقىدە چۈش بولغۇچە ئولتۇرۇپ،دەردىمنى تۆكۈش ئۈچۈن يېقىن بۇرادىرىم پەرھاتنى پاناھ تارتىپ،ئۇنىڭ يېنىغا قاراپ ماڭدىم.
-ئاداش،ساڭا دېسەم،سەن تېخىچە ئايالىڭنى ياخشى كۆرىدىكەنسەن،بولمىسا نېمىشقا بۇنداق ئايال ئۈچۈن ئازابلىنىپ يۈرىسەن،ھېلىقى قىز توغرا دەپتۇ،بالا بولسا نېمە بوپتۇ،ئۇ بالىنىڭ سېنىڭ ئىكەنلىكىگە كىم كېپىللىك قىلالايدىكەن؟ئەڭ ياخشىسى ئۇنىڭدىن ئاجىرىشىپ كەت،بۇنداق قىلىپ ئۇنىڭدىن ئۆچ ئالىمەن دېگەن بېلەن يەنىلا ئكزۈڭنى چارچىتىۋالغاىنىڭ قالىدۇ،تالاغا قارىغان بىر ئايالدا ،ساڭا نىسبەتەن يەنە كۆڭۈل دەيدىغان نەرسە قالارمۇ سېنىڭچە،ئەڭ ياخشىسى ۋاقتىدا ئاجىرىشىپ كەت،تۇغۇلغاندىن كېيىن تەكشۈرتۈپ ،ناۋادا بالا راستىنلا سېنىڭ بولۇپ قالسا يېنىڭغا ئەكىلۋالساڭلا بولمىدىمۇ.
پەرھاتمۇ مېنىڭ دەردىمنى ئاڭلىغاندىن كېيىن،ئالىيەگە ئوخشاشلا  تەكلىپ بەردى،ئۇنىڭ يېنىدىنمۇ ،كەچ كىرىشكە يېقىن ،تۆنۈگۈنكىدىن قېلىشمىغۇدەك،بۇزۇق ئەلپازدا قايتتىم.
-تېلتۇڭ-پەرھاتنىڭ يېنىدىن قايتىپ ،ئۆيگە كىرىپ تۇرۇشۇمغا ئىشىك قوڭغۇرىقى بېسىلدى،بۇ كىم بولۇپ كەتتى ئەمدى،ئالىيە ئۆيگىچە ئىزدەپ كەلمىگەندۇ؟ ھەرقانچە بولسىمۇ؟باشقا دەردىم ئازدەك مېنىڭ-ئۆز-ئۆزۈمگە كوتۇلدىغاچ بېرىپ ئىشىكنى ئاچتىم.
ئىشىكنى ئاچتىم،ئەمما نېمە دېيىشىمنى،نېمە قىلىشىمنى بىلمەي ،داڭ قېتىپ تۇرۇپ قالدىم.
-ئەسسەلامۇ ئەلەيكۇم-ئىشىك ئالدىدا ،بىر قىز ماڭا چىرايلىق سالام قىلغىنىچە ،ھېلىلا يىغلىۋېتىدىغاندەك قىياپەتتە قاراپ تۇراتتى،بۇ زادى كېم؟تولىمۇ تونۇش بىر سىيما،بۇ زادى كىم بولغىيدى؟
داۋامى داۋاملىق ئىنكاس شەكلىدە يوللىنىدۇ...........................

teskin

توردېشىمىز ئوغۇز بىز ئۈچۈن ئەسەر يوللايمەن دەپ جاپا تارتىۋاتىسىز.سىزگە كۆپ رەھمەت بۇ ئەسىرىڭىزمۇ ھەم شۇنداق ياخشى چىققان بىر ئەسەر بولۇپ تۇرمۇش چىنلىقى بەدئىيلىكى،باش ئاخىرنىڭ ماسلىششى تولىمۇ ياخشى ئېلىپ مېڭىلۋاتىدۇ.قانداق قىلمىز بىر ئەسەرنى بىركېچىدىلا تورغا يوللىۋەتىكىلى بولمايدۇ،  يوللانسىمۇ بىراقلا ئوقۇپ چىققان ئەسەرنىڭ نېمە لەززىتى قالىدۇ.

ئەسىرىڭىزنىڭ داۋامىغا ئىنتىزارمىز، تېنىڭىزگە ساقىلىق، ئىشلىرىڭىزغا ئۇتۇق، تۇرمۇشۇڭىزغا خۇشاللىق تىلەيمەن.

samsiya218

تىرىشىڭ،بەك ياخشى چىقىۋاتىدۇ.مەن بەك ياقتۇردۇم

ئوغۇز

ئاشنا ئىزدەش داۋامى(12

سىڭلىم بۇ سىز شۇمۇ؟-بىردەم داڭ قېتىم تۇرۇپ كەتكەندىن كېيىن،بۇ چىرايلىق قىزنى باغرىمغا مەھكەم بېسىپ،ساپسېرىق چاچلىرىنى ،مېھىرلىك قوللۇرۇم بىلەن سىلىدىم.

ئادەم دېگەن ئاجايىپ نەرسە،بەزىلەرنى كۆزىڭىز بېلەن تونۇسىڭىزمۇ ، يۈرۈكىڭىز تونۇيالمايدۇ،ئەمما بەزىلەرنى دۇنيانى كۆرگەن كۆزىڭىز بېلەن ئەمەس بەلكى ،قەلىب كۆزلىرىڭىز بېلەنلا تونۇيالايسىز.

-ھەئە ،مەن شۇ ئاكا،مېنى تېخىچە ئۇنتۇپ قالمىدىڭىزمۇ؟-ئۇ مىشىلداپ يىغلاشقا باشلىدى.

-ئەخمەق قىز،سىزنى قانداقسىگە ئۇنتۇپ قالغۇدەكمەن،سىز دىگەن مېنىڭ قېرىندىشىم،يۈرەك-پارەم تۇرسىڭىز؟-قىزدىن ئاجىراپ،ئۇنىڭ تېخىچە ئۆينىڭ سىرتىدا تۇرىۋاتقانلىقىنى بايقاپ،ئۆزۈمنى چەتكە ئېلىپ،ئۇنى ئۆيگە كىرىشكە تەكلىپ قىلدىم-ئۆيگە كىرىڭ سىڭلىم،ئۆيگە كىرىڭ.

-مېنى قانداق تاپتىڭىز سىڭلىم-سىڭلىمنى ئۆيگە باشلاپ،بىر-بىرىمىزگە ئېسىلىشىپ،خېلى ئۇزاق يىغا زارە قىلىشقاندىن كېيىن،چاي دەملەپ كىرىپ،پىيالىگە قۇيغاچ سۆز باشلىدىم-ئانام ئىككىڭلارنى ئىزدەۋاتقىنىمغا خېلى ئۇزاق بولدى ،لېكىن پەقەتلا تاپالمىدىم،مۇشۇ كۈنلەردە بېشىمدىن نۇرغۇن ئىسسىق سوغاقلارنى ئۆتكۈزۈپتىمەن،بۈگۈنكىدەك جېنىمدىن تويۇپ،دۇنيادىن ،ئىنسانلاردىن ئۈمۈدسىزلىنىۋاتقان كۈنلىرىمدە،ياراتقان ئېگەم،ماڭا تەسەللىي ئۈچۈن سىزنى ئەۋەتىپتۇ،بىزنى ئۇچراشتۇرغان ئاللاھقا چەكسىز شۈكۈرلەر.

-ئاكا،بېشىڭىزغا كەلگەن ھەممە ئىشلاردىن بۈگۈن خەۋەر تاپتىم-دېدى سىڭلىم سۆزلىرىمنى ئاڭلىغاندىن كېيىن،يەنە بىر قېتىم ئېسەدەپ يىغلىغىنىچە -خەۋەر تاپقاندىندىن كېيىنلا سىزنى ئىزدەپ كېلىشىم .

-ئايزىبا،سىز نېمىلەرنى دەۋاتىسىز،پەقەت چۈشەنمىدىمغۇ،سىز قانداقسىگە ؟-ئۇنىڭ سۆزلىرىنى ئاڭلاپ،ئاغزىمنى ئېچىپلا قالدىم.

-ئاكا،دەپ كەلسەم،گەپ بەك جىق،بۇ ئىشلارنى سىزگە چۈشەندۈرۈش ئۈچۈن ،ئانام مېنى ئېلىپ،ئۆيدىن چىقىپ كەتكەن شۇ كۈندىن باشلاپ،سۆزلەشكە توغرا كېلىدۇ.

-مەنمۇ،شۇ ئىشلارنى ئاڭلاشقا تەقەززا بولۇپ كېلىۋاتىمەن سىڭلىم،15 يىلدىن بېرى ئۇخلىسام چۈشۈمدە،ئويغانسام ،خېيالىمدا،ئانام ئىككىڭلار،نەچچە قېتىملاپ،ئانامنى چۈشلۈرۈمدە كۆرۈپ،چۆچۈپ ئويغۇنۇپ كېتىمەن،ئىشىنەمسىز سىڭلىم،مەن ھازىر چوپچوڭ ئەركىشى بولۇپ بولغان تۇرۇقلۇق،ھازىرمۇ كېچىلەردە ئانام ئىككىڭلارنى چۈشەپ،قارا بېسىپ ئويغۇنۇپ كېتىمەن،سۆزلەڭ سىڭلىم،سۆزلەڭ،مېنى 15 يىلدىن بېرى قىيناۋاتقان ھېجىراننىڭ سوئاللىرىغا جاۋاب تاپاي،سۆزلەڭ.

-مەن سۆزلەيمەن ئاكا،بۈگۈن سۆزلىگىنى كەلدىم-دېدى ئايزىبا سۆز باشلاپ-لېكىن سىزنىڭ نۇرغۇن ئىشلارنى ئاڭلاشقا ئىدىيەڭىزدە تەييارلىق بولىشى كېرەك.

-خاتىرجەم بولۇڭ،سىڭلىم،مەن نۇرغۇن ئىسسىق -سوغاقلارنى بېشىمدىن ئۆتكۈزدۈم،ئەڭ رەھىمسىز رېئاللىقلارنى ئاڭلاشقىمۇ ،ئېدىيەمدە تەييارلىق بار.

-ئۇنداق بولسا،مەن سۆزلەي سىز ئاڭلاڭ ئاكا-ئايزىبا مېنىڭ ۋەدەمنى ئاڭلىغاندىن كېيىن خاتىرجەم بولۇپ،سۆز باشلىدى-ئېسىڭىزدە بولسا كېرەك،ئانام ئىككىمىز ئۆيدىن چىقىپ كەتكەندە،مەن تېخى 6 ياشقىمۇ توشمىغان ئېدىم،ئۆيدىن چىقىپ كېتىشنىڭ زادى نېمىلىكىنىمۇ چۈشەنمەيتتىم،شۇ كۈنى ئەتىگەن ئانام مېنى ئويغۇتۇپ،بازارغا ئاپىرىمەن دېگەنلىكى ،سىزنىڭ بېشىڭىدا ئولتۇرۇپ،ئۇزۇندىن-ئۇزۇنغا كۆز يېشى قىلغىنى،ئىككىمىزنىڭ،بىر ئۇزۇن ئاپتۇبۇسقا چىقىپ،شۇنداق ئۇزۇن ئولتۇرۇپ ،بۇ يەرگە كەلگەنلىكىمىز، چالا ئېسىمدە تۇرۇپتۇ.

بىز ئۆيدىن چىقىپ كەتكەن دەسلەپكى چاغلاردا،ئانام نۇرغۇن جاپا-مۇشەققەتلەرنى تارتتى،مەن كىچىك بولغاچقا ،ئانامنىڭ جاپالىرىنى چۈشەنمەي،داۋاملىق ئۆيگە قايتىمەن،ئاكامنى كۆرگۈم كەلدى -دەپ يىغا-زارە قىلاتتىم،ئانامنىڭ پۇل تاپمىقىنى قانچىلىك تەسلىكىنى بىلمىگەچكەن،كۆزۈمگە نېمە چىرايلىق كۆرۈنسە شۇنى ئېلىپ بەر دەپ خاپا قىلاتتىم.

مەن يەتتە ياشقا توشقان يىلى قاتتىق ئاغرىپ قالدىم،دوختۇرلار ھەتتا مېنى-ئۆلۈپ كېتىشى مۇمكىن -دېدى ،ئانام دوختۇرلارغا يىغلاپ،يالۋۇرۇپ يۈرۈپ ،مېنى ياتاققا ئالدۇردى،مەن ھېچنىمىنى بىلمەيتتىم،قىلىنىۋاتقان ھەممە گەپ-سۆزلەر ماڭا خۇددى بىر چۈشتەك بىلىنەتتى .

ساقايغان چېغىمدا،ئانام،ئۆزىدىن خېلى چوڭ بىر داداش بىلەن كېلىپ،مېنى دوختۇرخانىدىن چىقىرىپ،يوغان بىر داچا ئۆيگە باشلاپ كەلدى.مەن زادى نېمە ئىشلارنىڭ يۈز بەرگەنلىكىنى بىلمەيتتىم.لېكىن ئانامنىڭ شۇ چاغدا ماڭا:

-قىزىم،بىز ئەمدى مۇشۇ ئۆيدە ياشايمىز،ئاۋۇ داداش بۇندىن كېيىن سىزنىڭ دادىڭىز بولىدۇ،ئۇنىڭغا ئاكىڭىز توغرۇلۇق ھېچقانداق گەل قىلماڭ،دادىڭىز توغرۇلۇقمۇ ھېچقانداق گەپ قىلماڭ،سوراپ قالسا ،دادام ئۆلۈپ كەتكەن دەڭ-بولمىسا ،ئۇ بىزنى ،بۇرۇنقى دادىڭىزدەك ئۇرۇپ،ئۆيدىن قوغلاپ چىقىرىدۇ،بولامدۇ قىزىم -دېگەنلىكى ھازىرمۇ ئېنىق ئېسىمدە تۇرۇپتۇ.

شۇنىڭدىن كېيىن ،مەن ئانام ئىككىمىزنىڭ ئازاب تارتماسلىقىمىز ئۈچۈن،ئۇ ئادەمنى -دادا -دەپ چاقىرىشقا باشلىدىم،دادام ئىككىڭلار توغرۇلۇق ھېچكىمگە ،ھېچقانداق گەپ قىلمىدىم،ئۇ داداممۇ ماڭا شۇنداق ئامىراق بولۇپ،ھالىمدىن ياخشى خەۋەر ئالدى.

بىراق،مېنىڭ بىر ئۆگەي ئاكام بار ئىدى،ئۇ مېنى بەكلا بوزەك قىلاتتى،ئۆگەي دادامنىڭ كۆڭلى ياخشى بولغاچقا ،ھەر قېتىم ماڭا بولۇشۇپ،ئۇنىڭغا تەربىيە بېرەتتى،ئۆگەي ئاكام،دادامغا ھېچنىمەي دېيەلمەي،ئاچچىقىنى ئانامدىن چىقىرىپ،ئۇنىڭغا ئەسكىلىك قىلاتتى،ئانام ئۇنىڭغا شۇنچىلىك ياخشى مۇئامىلە قىلسىمۇ،يالغان ياۋىداق گەپلەر بېلەن دادامغا چېقىشتۇراتتى.
كىچىك چاغلىرىمدا ئانامنىڭ نېمىشقا بۇ ئازابلارغا چىداپ،بۇ ئۆيدە ياشايدىغانلىقىنى چۈشەنمەيتتىم،ئۇنىڭ كۆڭلى ئازار يەپ يىغلىغان چاغلىرىدا،نېمىشقا ئۆيگە قايتىپ كەتمەيمىز -دەپ سورايتتىم.

بىراق بۇ سوئالنىڭ جاۋابىنى چوڭ بولغاندىن كېيىن،ئۆگەي ئاكامدىن ئاڭلاپ،ئاندىن بىلدىم،ئەسلىدە ئانام،مەن ئاغرىپ قالغان ھېلىقى چاغدا،مېنى داۋالىتدىغان پۇلنى  ھەل قىلىش بەدىلىگە ئۆگەي دادامغا ياتلىق بولغان ئىكەن،ئۇ مېنى جاپا تارتقۇزماسلىق ئۈچۈن شۇ ئازابلارغا چىداپتىكەن.

بەلكىم سىز،ئانام،باي ئەرگە تېگىپ مېنى ئۇنتۇپ كەتكەن ئوخشايدۇ،دەپ ئويلاپ قېلىشىڭىز مۇمكىن،بىراق ئۇنداق ئەمەس،ئانامنىڭ قانچىلىغان كېچىلەرنى سىزنى سېبىنىش بىلەن ئويقۇسىز ئۆتكۈزگەنلىكىگە،تالاي قېتىملاپ،سىزنى سېبىنىپ،يالغۇز ئولتۇرۇپ يوشۇرۇنچە ياش تۆككەنلىكىگە ،مانا مەن گۇۋاھ،بىراق ،ئۇ مەن ئۈچۈن،مېنىڭ بەختىم ئۈچۈن،بۇ ھېجىرانغا چىداشقا مەجبۇر ئىدى.بۇلارنى مەنمۇ ناھايىتى كېچىكىپ چۈشۈنۈپ يەتتىم.

ئانامنىڭ شۇ كۆز ياشلىرى ھەم ئازابى بەدىلىگە،ئۆگەي دادام ،ماڭا داىلىق مېھرىنى بەردى ،مېنى ئالىي مەكتەپلەرگىچە ئوقۇتتى،يەنە مېنى ئۆزۈمدىن 10 ياش چوڭ ئۆگەي ئاكامغا ياتلىق قىلدى،شۇ چاغدا ئۆزۈم ئاكام دەپ بىلىدىغان بىرىگە مېنى ياتلىق قىلغانلىقى ئۈچۈن،ئۆگەي دادامغا بەكلا ئۆچلۈكۈم كەلگەن ئېدى،ھەم بۇ تويغا بارلىق كۈچۈم بىلەن قارشى تۇرغان ئىدىم،بىر كۈنى ئۆگەي دادام مېنى يېنىغا چاقىرىپ،-قىزىم،مەن سىزنى 7 يېشىڭىزدىن باشلاپ ،بېقىپ چوڭ قىلدىم،سىزنى ھېچقاچان ئۆگەي قىزىمدەك كۆرۈپ باقمىدىم،ئۆز قىزىمدەكلا كۆرۈپ كەلدىم،ئالىمنىڭ،خۇي -پەيلى سىزگىمۇ بەش قولدەك ئايان،ئۇنىڭ مىجەزى چۇس،ئۇنىڭ ئۈستىگە ئاپىڭىز ئىككىڭلارغا بەكلا ئۆچمەنلىك نەزىرى بىلەن قارايدۇ،بەلكىم ،سىز ،مېنىڭ سىزنى ئۇنىڭغا ياتلىق قىلىدىغانلىقىمنى ئاڭلاپ،كۆڭلۈڭۈزدە ماڭا ئۆچ بولۇۋاتقانسىز،مېنىڭمۇ،بۇنداق ئىشنى قىلغۇم يوق،بىراق ئانىڭىز ئىككىڭلارنىڭ كەلگۈسىنى ئويلاپلا مۇشۇنداق قىلىشقا مەجبۇر بولۇۋاتىمەن،سىزغۇ قىزبالا،ئۆزىڭىز ياخشى كۆرىدىغان بىرىگە ياتلىق بولۇپ چىقىپ كەتسىڭىزلا ھەممىدىن قۇتۇلىسىز ،بىراق ئانىڭىزچۇ؟مەندىن كېيىن قالسا ،ئۇنىڭ،ئانىڭىزنىڭ ھالىدىن خەۋەر ئالدىغانلىقىغا پەقەتلا كۆزۈم يەتمەيدۇ،ھەم مەندىن كېيىن،سىلەرنىڭ مىراس ماجىراسىغا پېتىپ قېلىشىڭلارنى تېخىمۇ خالىمايمەن،قىزىم،مېنى نېمە دەپ تىللىسىڭىز مەيلى،لېكىن ،بۇ تويغا قوشۇلۇڭ،بۇ ئالىمنى ئۆزگەرتىشتىكى بىردىنبىر يول-دەپ ماڭا خېلى ئۇزۇن خىزمەت ئىشلىگەندىن كېيىن،مەنمۇ بۇ تويغا قوشۇلۇشقا مەجبۇر بولدۇم.

بىز توي قىلغاندىن كېيىن،خۇددى ئۆگەي دادامنىڭ دېگىنىدەكلا،ئالىمدە خېلى كۆپ  ئۆزگىرىشلەر بولدى،بۇ ئۆزگىرىشلەر،مېنىڭ قەلبىمدىمۇ،ئاستا-ئاستا مۇھەببەت پەيدا قىلىپ،ئانام ئىككىمىزنىڭ تۇرمۇشىنى بەخىت تۇيغۇسىغا چۈمدۈردى.بىراق،ئانام،يەنىلا سىزنىڭ بارلىقىڭىزنى ئاشكارلاشقا جۈرئەت قىلالمىدى،ئۇ سىزنى قانچىلىك سېغىنىشىدىن قەتئىينەزەر،مېنىڭ بەخىتلىك تۇرمۇشۇمنى بۇزۇشنى خالىمىغانلىقى ئۈچۈن چىداپ كەلدى.

مەن بېخەۋەر،نەچچە يىلنىڭ ئالدىدا ،ئانام باشقىلاردىن سىزنىڭ بىزنى ئىزدەپ،ئۈرۈمچىگە كەلگەنلىكىڭىزدىن خەۋەر تېپىپتۇ،بىز ئىسىمىمىزنى ئۆزگەرتىپ باشقا سالاھىيەتتە ياشاۋاتقانلىقىمىز ئۈچۈن ،سىزنىڭ بىزنى ئىزدەپ تاپالىشىڭىز ئاسان ئەمەستى،ئانام باشقىلاردىن سۈرۈشتۈرۈپ يۈرۈپ،بار يېرىڭىزنى تېپىپ،نەچچە قېتىملاپ،سىزگە يىراقتىن قاراپ،ئىزىلگەن قەلبىگە تەسەللىي ئىزدەپتۇ،تۇرمۇشتا قىينىلىۋاتقانلىقىڭىزنى كۆرۈپ،ئۇزاق يىلدىن بېرى يىغقان،دەپە-دۇنيالىرىنى يىغىش قىلىپ،سىزگە ھېلىقى ماشنىنى ئېجارە ئېلىپ بېرىپ،تاكسىي شىركەت خوجايىنىدىن ،بۇ ئىشلارنى مەخپىي تۇتۇشنى ئۆتۈنۈپتۇ،سىز ھادىسىگە يولۇقۇپ،ھوشىسىز ياتقان چاغلىرىڭىزدا،ئۇ نەچچە قېتىم يېنىڭىزغا بېرىپ،كۆرۈپ كەپتۇ،مېھراي ئاچام بىلەنمۇ شۇ چاغدا تونۇشۇپ قاپتىكەن،ھەم ئۇنىڭدىن بۇ ئىشلارنى سىر تۇتۇشنى قايتا-قايتا ئۆتۈنۈپتىكەن،شۇڭا ئۇمۇ سىزدىن بۇ ئىشلارنى زورىغا پىنھان تۇتۇپ كەلدى،كېيىن سىز دوختۇرخانىدىن چىققاندىن كېيىن،ئانام تاكسىي شىركىتىگە تۆلەملەرنى تۆلەپ،سىزنىڭ ھازىقرى دۇكىنىڭىزنى ،شۇ خوجايىن ئارقىلىق قولىڭىزغا بېرىپ،سىزگە يەنە بىر چىقىش يولى يارىتىپ بەردى.

ئەسلىدە ئانام،مۇۋاپىق پەيىتنى تېپىپ،ئۆگەي دادامغا ئېيتىپ،ئاندىن سىزنى ئىزدىمەكچى بولغان ئىدى،بىراق،ئۆگەي دادامنىڭ ئانامنىڭ ئۆزىنى بىر ئۆمۈر ئالداپ كەلگەنلىكىنى بىلسە ،مېنىڭ بەخىتلىك تۇرمۇشۇمنىڭ بەربات بولۇشىدىن ئەنسىرەپ،جۈرئەت قىلالماي كەلدى.

يېتىمنىڭ ئاغزى ئاشقا تەگسە بۇرنى قاناپتۇ دېگەندەك،ئانام سىزنىڭ ئىشىڭىزنى دادامغا ئېيتىشقا پۇرسەت تاپالماي يۈرگەن شۇ كۈنلەردە،ئۆيىمىزدە ئۇشتۇمتۇت ئوت ئاپىتى يۈز بېرىپ،دادام بېلەن ئانام كۆيۈپ زەخمىلىنىپ،ئۆگەي دادامنىڭ يېشى بەكلا چوڭ بولغاچقا بەرداشلىق بېرەلمەي ،ئۆلۈپ كەتتى،ئانامنىڭ ھەممە يېرى كۆيۈپ يارىلانغاچقا ھەتتا چىرايىنىمۇ تونغىلى بولمايدىغان ھالەتكە كېلىپ قالدى-ئايزىبا مۇشۇ گەپلارنى قىلىۋاتقان چاغلىرىدا،مەنمۇ ئۇمۇ يىغلاپ،ئۆزىمىزنى تۇتۇۋالالماي قالدۇق،ئۇ بىر پەس توختىلىۋالغاندىن كېيىن،يەنە سۆزىنى داۋاملاشتۇردى-ئانام ھەر كۈنى كۆيۈك ئازابىدا تولغانغان چاغلىرىدا -جېنىم بالام،ئەنۋەر بالام،ھاياتىڭنى كۆيدۈرگەنتىم بالام،مانا مەنمۇ كۆيدۈمغۇ بالام،-دەپ توختىماي يىغلايتتى،بىر قېتىممۇ ۋايجان دەپ باقمايتتى،مەن مېھراي ئاچامنىڭ كىملىكىنى بىلمەيتتىم،ئۇ ئانام يارىلانغان شۇ كۈندىن باشلاپ،ھەر كۈنى دېگۈدەك كېلىپ،ئانامنى يوقلاپ،ئۇنىڭ ھالىدىن خەۋەر ئېلىپ تۇرۇپ،مەن قىلالمىغان نۇرغۇن ئىشلارنى قىلىپ بەردى،ھەر قېتىم ھەيران بولۇپ،ئۇنىڭدىن سىز كىم دەپ سورىغىنىمدا،ئۇ ماڭا،مەن ئانىڭىزنى قىزى،ئۇ ماڭا نۇرغۇن ياخشىلىق قىلغان،شۇڭا ،ئۇمۇ مېنىڭ ئانامغا ئوخشاش -دەپ جاۋاب بېرەتتى.بۇنى ئاڭلاپ شۇنداق دىلىم سۆيۈنۈپ كېتەتتى.

ئەسلىدە،مېھراي ئاچام،ئانامنىڭ يارىلانغانلىقىنى بىلگەن شۇ چاغدىلا سىزنى باشلاپ بارماقچى بوپتىكەن،بىراق،ئانامنىڭ سىزگە بۇ ھالىنى كۆرسەتكۈسى كەلمەي،ئۇنىڭدىن قايتا-قايتا ئۆتۈنۈپتۇ،ئەگەر،سىزگە دەيدىغان بولسا،ئۇنىڭدىن ھەر ئىككىلى دۇنيادا نارازى بولىدىغانلىقىنى ئېيتىپ،سىزگە بۇ ئىشلارنى دېمەسلىككە قاتتىق ۋەدە ئاپتۇ.

تۆنۈگۈن ئاخشام ،شوپۇرىمىز ھەر كۈنكىدەك،مېھراي ھەدەمنى ئېلىپ كەلگەندە،ئۇنىڭ چىرايىدا بىر بىنورماللىقنى سېزىپ،ئۇ مەن بېلەن سالاملىشىپ بولۇپ،ئانامنىڭ ھوجىرىسىغا كىرىپ كەتكەنىن كېيىن،ئارقىسىدىن بېرىپ،ئۇلارنىڭ پاراڭلىرىنى ئاڭلىدىم.

مېھراي ئاچام يىغلاپ تۇرۇپ،سەندىن ئاجىرىشىپ كېتىدىغانلىقىنى ئېيىتتى،ئانام چىداپ تۇرۇشنى،ئاجىراشماسلىقنى ئۆتۈندى،ئۇلار شۇ تەرىقىدە خېلى كۆپ  تالاشتى،مەن بۇ تالاش-تارتىشلارنى ئاڭلاپ،پەرەز قىلىپ،ساڭا باغلىنىشلىقتەك ھىس قىلدىم،شۇنىڭ بىلەن نەق مەيدانغا كىرىپ،ئانام بىلەن مېھراي ئاچامدىن سوراپ،بۇ ئىشلارنىڭ ھەممىسىدىن خەۋەر تاپتىم.

ئاكا،سېنىڭ مېھراي ئاچامدەك ياخشى قىزدىن ئايرىلىپ قېلىشىڭنى پەقەتلا خالىمايمەن،ئانامدىن ئاغرىنىپ يۈرىشىڭنى تېخىمۇ خالىمايمەن،ئاغرىنىشقا توغرا كەلسە،ئانام ئىككىڭلارنىڭ ئارىسىغا قىسىلىۋالغان،مەندەك شۇم پېشانە سىڭلىڭدىن ئاغرىنغىن،مېنى تىللىغىن،ھەممە دەردىڭنى مەندىن ئالغىن،بىلەمسەن،ئانام بېچارە سېنى كۆرۈشنى قانچىلىك ئارزۇ قىلىۋاتقان بولسىمۇ،بىراق،ساق ۋاقتىمدا باقالمىغان بالامنى،كېسەل ۋاقتىمدا باقتۇرۇشقا مېنىڭ نەدە يۈزۈم،دەپ ،تېخىچە سېنىڭ بۇ ئىشلاردىن خەۋەر تېپىشىڭنى خالىمايۋاتىدۇ،مېھراي ئاچامدىن ئاڭلىدىم،سەن بىر قىز بىلەن تېپىشىۋاپسەن،تېخى بىر كېچە ئۆيگە كىرمەي،ئەتىسى ئۇ قىزنى مېھراي ئاچامنىڭ كۆز ئالدىدىلا قولتۇقلاپ مېڭىپسەن،يەنە تېخى بىزنىڭ شوپۇرىمىزنى مېھراي ئاچامنىڭ ئاشنىسى دەپ گۇمانلىنىپ،ئۇنى ھاقارەتلەپسەن،مېھراي ئاچام بۇ ئەلەملەرگە چىدىيالماي سەندىن ئاجىراشماقچى بولۇۋېتىپتۇ.

ساڭا دەپ قوياي ئاكا،سەن ھەرقانچە ئىزدىسەڭمۇ،ئەمدى مېھراي ئاچامدەكتىن يەنە بىرنى تاپالمايسەن،سەن بىلمەيسەن،ئانام يېتىپ قالغان نەچچە ئايدىن بېرى،ئۇ ئانامغا ئۆز قىزىدەكلا ياخشى قارىدى،ھالىدىن خەۋەر ئالدى،كۈندە نەچچە قېتىپ،تېلىفون قىلىپ،ئۇچۇر يوللاپ،ئۇنىڭ ئەھۋالىنى سوراپ تۇردى،ھەتتا سەن ئۇنىغا شۇنچىۋالا يۈزسىزلىك قىلساڭمۇ،ئۇ يەنە كېلىپ،ئانامنىڭ ھالىدىن خەۋەر ئېلىۋاتىدۇ،ئاكا،سەن مۇشۇنداق ياخشى ئايالغا ئېرىشكىنىڭدىن خۇشال بولماقتا يوق،يەنە ئۇنىغا يۈزسىزلىك قىپسەن،بۇنداق قىلساڭ،بىزنى مۇشۇ كۈنگە قويغان شۇ دادىمىزدىنمۇ ئېشىپ چۈشكەن بولمامسەن،بىزنى كەچۈرمىسەڭ مەيلى ،لېكىن مېھراي ئاچامغا بۇنداق يۈزسىزلىك قىلساڭ بولمايدۇ،ئاكا.

مەن بۇ ئىشلاردىن خەۋەر تېپىپلا ،ئانام بىلەن مېھراي ئاچامنىڭ توسۇشلىرىغا قارىماستىن يېنىڭغا كەلدىم،قالغان ئىشلارنى ئۆزۈڭ ئويلۇشۇپ قىلغايسەن،لېكىن ساڭا دەپ قوياي،بۇ دۇنيادا ،سېنى ئانامدىن قالسىلا ئەڭ ياخشى كۆرىدىغان ئايال-مېھراي ئاچام،شۇنى بىلساڭلا بولدى.-ئايزىبا سۆزدىن توختىغان چاغدا ،كۆزلىرىمدىن تۆكۈلگەن ياشلار،ئاپئاق كۆڭلۈكۈمنىڭ ياقىسىنى ئاللىقاچان ،سۇغا چىلىغاندەك ھۆل قىلىپ بولغان ئېدى....

داۋامى داۋاملىق ئىنكاس شەكلىدە يوللىنىدۇ.........................

沙漠公主

ئەسىلامۇئەلەيكۇم ئوغۇز،  قەلىمىڭىزگە بەرىكەت تىلەيمەن. بۇ ئەسىرىڭىزنىمۇ «بودەك قىز» نىڭ ئاخىرىغا تەقەززا بولغاندەك  قىزغىنلىق بىلەن ساقلاپ ئوقۇيدىغان بولدۇمدە، ھارمىغايسىز.

teskin

تەسىرلككەن

ئوغۇز

ئاشنا ئىزدەش داۋامى(13)


-سىڭلىم يۈرۈڭ-ئىككىمىز خېلى ئۇزاق سۈكۈتتە ئولتۇرغاندىن كېيىن،ئايزىباغا قاراپ تەبەسسۇم قىلىپ ئورنۇمدىن تۇردۇم.

-نەگە ئاكا-ئايزىبا ھەيرانلىق ئىلكىدە ماڭا قاراپ تىكىلدى.
-نەگە بولاتتى،ئانامنىڭ يېنىغا.
-مېھراي ئاچامنىڭ يېنىغا بامامسىز؟
-بارىمەن،ئەلۋەتتە بارىمەن،ئاۋال ئانامنى كۆرىۋالاي،ئاندىن مېھراينىڭ يېنىغا بارساممۇ كېچىكمەيمەن.
ئايزىبا ئىككىمىز چوڭ يولغا چىقىپ،ماشىنا توسۇپ،ئانامنىڭ يېنىغا قاراپ مېڭىپ كەتتۇق.

-ئاكا،ئانامغا ئامال بار دىلى رەنجىيدىغان گەپلەرنى قىلمىسىڭىز،ئۇنىڭسىزمۇ 15 يىلدىن بېرىقى ھېجىران ئوتى ئۇنىڭ يۈرىكىنى كۆيدۈرۈپ كاۋاپ قىلىپ بولدى،ئەمدى ئۇنىڭ دەرىت تارتقۇچىلىكى يوق،بەلكىم ئۇنى كۆرۈپ تونۇيالماسلىقىڭىز مۇمكىن،شۇڭا ئۇنىڭدىن ،سىز مېنىڭ ئاناممۇ دېگەندەك سوئاللارنى سورىمىسىڭىز-دېدى ئايزىبا، ئىككىمىز ماشنىدىن چۈشۈپ،ئۇلارنىڭ ئۆيىگە كىرىشمىزنىڭ ئالدىدا.

-خاتىرجەم بولۇڭ سىڭلىم،سىز ئويلىغاندەك ئىشلار يۈز بەرمەيدۇ،مەن ھەممىنى چۈشەندىم،مېنىڭ ئانام دۇنيادىكى ئەڭ ئۇلۇغ ئانا،مەن قېرىندىشىم ئۈچۈن تارتقانلىرىمغا رازى،بىر ئەركەك ئاجىزلارغا بېغىشلاپ ياشىشى كېرەك،ئاجىزلارغا تايىنىپ ئەمەس.
مەن شۇنداق دەپ ئايزىبانى خاتىرجەم قىلغاندىن كېيىن،ئايزىبا مېنى ئىككى قەۋەتلىك قىلىپ سېلىنغان ھەشەمەتلىك بىر داچىغا باشلاپ كىردى.
شۇ تاپتا،يۈرۈكۈم،سېغىنىشتىن پەيدا بولغان ھارارەتتە كۆيگەنەك بولۇپ،بۇ ئوتنى ئۆچۈرەلەيدىغان ئوتنىڭ يېنىغا بېرىشقان ئالدىراپ،دۈپۈلدەپ سوقماقتا ئېدى.
ئايزىبا مېنى باشلاپ قاپقاراڭغۇ بىر ئۆيگە ئېلىپ كىردى،ھاۋا تەڭشۈگۈچتىن بىرخىل سالقىن شامال چىقىۋاتاتتى،كارىۋاتتا ،ماڭا تولىمۇ تونۇش بولغان بىرسىما-ۋاي،ۋايجان،ۋاي بالام،دېگىنىچە ئىڭىراپ ياتاتتى،ئاستا قەدەملەر بېلەن ئۇنىڭ يېنىغا بېرىپ ،قولىنى تۇتۇپ-ئانا-دەپ چاقىردىم،شۇ بېر ئېغىز ەەپنى قىلىپ بولۇپلا ھۆڭۈرەپ يىغلاپ كەتتىم،ئالقىنىمداكۆيۈپ يىگىلەپ ،بارماقلىرىنى بىر-بىرىدىن ئايرىغىلى بولمايدىغان ،شەلۋەرەپ كەتكەن بىر قول ،خۇددى مېنىڭ يۈرىكىمگە ئوخشاشلا تىترەۋاتاتتى.
-كىم؟-ئېنىق ئۇققىلى بولمايدىغان تولىمۇ خېرە ،ئەمما ماڭا تولىمۇ تونۇش بولغان بىر ئاۋا قۇلاق تۈۋىمدە ئەمەس يۈرەك قېتىمدا ياڭرىدى.
-مەن ئەنۋەر،سىزنىڭ ئوغلىڭىز جېنىم ئانا-ئىچىمدىن ئوخچۇپ چىقىۋاتقان ،بىر ئاچچىق ئېقىن ئاۋازىمنى بوغۇۋاتاتتى.
-ئەنۋەر،خاتا تونۇپ قاپسىز،مېنىڭ ئەنۋەر دەپ ئوغلۇم يوق-ئۇ شۇنداق دەپ بولۇپلا،قولىنى ئالقىنىمدىن تارتىۋېلىپ،نېپىز شايى ياغلىقىنى يۈزىگە يېپىۋالدى.
-ئانا،بۇ راستىنلا ئاكام ئەنۋەر شۇ،مەن ئۇنىڭغا ھەممە ئەھۋاللارنى ئېيتىپ بولدۇم،ئەمى ئكزىڭىزنى يوشۇرىشىڭىزنىڭ ھاجىتى يوق،سىز ئۇزاقتىن بۇيان ئۇنى سېغىنىپ كەلگەن ئېدىڭىزغۇ،ئۇنىڭ مەڭزىگە سۆيۈشنى،باغرىڭىزغا بېسىشنى ئارزۇ قىلىپ كەلگەن ئەمەسمىدىڭىز-دېدى بايىدىن بېرى بىر چەتتە مىشىلداپ يىغلاپ تۇرغان ئايزىبا،يېنىمىزغا كېلىپ.
-ئەنۋەر ،كەتكىن بالام،ساڭا قارىغۇدەك يۈزۈم يوق،ساڭا بۇ ھالىتىمنى كۆرسەتكۈم تېخىمۇ يوق-يىغا ئارلاش چىقىۋاتقان،بۇ خىرە ئاۋازلار شۇنچىلىك بوش بولسىمۇ،يۈرىكىمنىڭ تىڭشىشى بىلەن ،قەلبىمدە بىر ياڭىراق ئېقىن پەيدا قىلىۋاتاتتى.
-ياق ئانا،مەن ھەممىدىن خەۋەر تاپتىم،ئەمدى سىزدىن ئايرىلمايمەن،قوغلىۋەتسىڭىزمۇ ،يېنىڭىزدىن كەتمەيمەن،سىز مېنىڭ ئالدىمدا ھېچقانداق گۇناھ قىلمىدىڭىز؟
ئانام ھېچنىمە دېمەي،توختىماي يىغلايتتى .
-سىڭلىم،ئانام مۇشۇ ھالدا تۇرسا نېمىشقا دوختۇرخانىدا ياتقۇزمىدىڭلار-خىرە يورۇقلۇق ئىچىدە،كزلۈرۈم كۆرگەن ئانامنىڭ تۇرقىغا قاراپ،يۈرەك باغرىم سىيرىلىپ كېتىۋاتاتتى-ئانا،مەن سىزنى دوختۇرخانىغا ئاپىرىمەن،ئۆگەي ئوغلىڭىز سىزنى داۋالىتىشقا چىدىمىغان بولسا،مەن قېنىمنى سېتىپ بولسىمۇ سىزنى داۋالىتىمەن.
-ئاكا،سىز خاتا چۈشىنىپ قاپسىز،مىر كامىل ئانامنى داۋالاتمىغا يېرى يوق،دوختۇرخانىدىن ئكينىڭ شارائىتى ئانامنىڭ داۋالىنىشىغا ياخشى بولغانلىقى ئۈچۈن ،ئۇنى ئۆيدە داۋالىتىۋاتىمىز،ھەركۈنى مەخسۇس دوختۇرلار نەچچە قېتىم كېلىپ،ئانامغا داۋالاش ئېلىپ بېرىۋاتىدۇ-دېدى ئايزىبا يىغىدىن توختاپ،ماڭا چۈشەنچە بېرىپ.
-ئەمىسە ئانام،نېمىشقا بۇنداق...
-بالام،بولدى قىل،-ئانام خىرىلداپ،تولىمۇ بوش ئاۋازدا سۆزلەپ منىڭ سۆزۈمنى بۆلدى-بۇ ئاللانىڭ ماڭا بەرگەن جازاسى ،مەن بۇرۇنلا ئۆلۈپ كېتەتتىم،بىراق سېنى بىر قېتىم كۆرۈش،ساڭا كەچۈر ئوغلۇم دېگەن بىر ئېغىز گەپنى ئېيتىش ئۈچۈن ،مۇشۇ ۋاققۇچە ياشاپ كەلدىم-ئانام تولىمۇ تەستە ،ئاستا -ئاستا سۆزلەۋاتاتتىمان سېنى كۆردۈم،ئارزۇيىمغا يەتتىم،مېنى كەچۈرەرسەنمۇ ئوغلۇم.
-ئانا،بۇ نېمە دېگىنىڭىز-ئانامنىڭ يۈزىدىكى ياغلىقنى ئېلىۋېتىپ،لەۋلىرىگە مەڭزىمنى ياقتىم-سىز ياشايسىز،تېخى ساقىيىپ،ئۇزاققىچە ياشىيالايسىز،ئۆزىڭىز دېدىڭىزغۇ ئانا،مەن سىزگە مۇھتاج،مەن ئۈچۈن ياشاڭ ئانا،مەن سىزدىن ھېچقاچان رەنجىپ باقمىدىم،مەن سىزنى ياخشى كۆرىمەن جېنىم ئانا.
-ھە،ھە-ئانامنىڭ كۆزلىرىدىن ئاققان بىر تامچە قان ئارىلاش ياش،مەڭزىمگە قۇيۇلدى-مېنى كەچۈرگىن ئوغلۇم،مەن بۇ ئاغرىقلارغا چىدىيالمىدىم،سېنى تاشلاپ كېتىدىغان بولدۇم.
-ئانا،بۇ نېمە دېگىنىڭىز ئانا-مەن ئانامنىڭ قوللىرىغا ئېسىلددىم،شۇ تاپتا كۆزلىرىدىمدىن توختىماي ياش قۇيۇلىۋاتاتتى،يۈرىكىم،ئانامدىن يەنە بىر قېتىم ئايرىلىپ قېلىشنى سېزىۋاتقاندەك،ئېچىشىپ كېتىۋاتاتتى.
-ئىم،ئى،ئى..........-ئانام ھېچنىمە دېيەلمىدى،ئۇنىڭ بېشىمنى سىلاشقا ئۇزىتىۋاتقان كۈچسىز قوللىرى ،تېخى بېشىمنى سىلىماي تۇرۇپلا،پەسكە تاشلاندى.......
داۋامى داۋاملىق ئىنكاس شەكلىدە يوللىنىدۇ...............