ئاشنا ئىزدەش(پوۋسىت)

ئوغۇز

ئاشنا ئىزدەش داۋامى(14)


يىغا زارىلەر ئىچىدە ،ئەمدىلا جەم بولۇش شادلىقىغا چۈمگەن قەلبىم،ئانام بىلەن يەنە بىر قېتىم خوشلۇشۇشقا مەجبۇر بولدى.

تۇنجى قېتىملىق ئايرىلىشتىن كېيىن،ئانامنى تېپىشقا بولغان ئىشەنچىم بېلەن قېيىنچىلىقلارنى يېڭىپ،ئانام بېلەن جەم بولىدىغان شۇ كۈننى ئويلاپ،ھاياتقا ئۈمۈد باغلاپ كەلگەن ئېدىم،لېكىن،كىمممۇ ئويلاپ باققان،بۇ ئۇچرىشىش،جەم بولۇش بېلەن ئەمەس،بەلكى مەڭگۈلۈك ھېجىران بېلەن ئاخىرلىشىپ،قەلب يارامنى ساقايتىشنىڭ ئورنىغا تېخىمۇ چوڭ بىر جاراھەتنى قالدۇرۇپ قويدى.بۇرۇن ئانامنىڭ مېنى تاشلاپ كەتكەنلىكىدىن ئاغرىنىپ،ئۇنىڭ نېمىشقا مەن بېلەن كارى بولمايدىغانلىقىغا قاۋاب ئىزدەيتتىم،مانا ئەمدىلىكتە بۇ سوئاللىرىمنىڭ جاۋابىغا ئېرىشىپ،ئۇنىڭ ھالىدىن خەۋەر ئېلىپ،پەرزەنتلىك بۇرچۇمنى ئادا قىلىشقا ئىنتىلگەن چېغىمدا بولسا،ئۇ مېنى تاشلاپ كېتىپ قالدى،بىر كۈن بولسىمۇ،ھالىدىن خەۋەر ئېلىشىمغا پۇرسەت بەرمەستىن ،مېنى يەنە بىر قېتىم تاشلاپ كېتىپ قالدى.
كۈنلىرىم چۈش بېلەن رېئاللىقنىڭ ئىسكەنجىسىدە قىسىلىپ،خېيالغا مەپتۇن بولغان ھالەتتە ئانامنىڭ مېيتىنى ئۇزاتتىم،سىڭلىمنىڭ يىغا زارىللىرى،يولدىشىنىڭ ئانام بېلەن ئاخىرقى قېتىم ،پۇشايمان ئارىلاش خوشلۇشۇشلىرى،ھەممىدىن بەكىرەك،قەدىرلىكىىم مېھراينىڭ،ئانام ئۈچۈن خۇددى ئۆز قىزىغا ئوخشاش قىلغان نالىلىرى،مېنىڭ يۈرەك تارىمنى چېكىدىغان ،مۇھەببەتنىڭ رېئال تۇرمۇشتىكى ھېجىرانغا قايتۇرغان ئەڭ تەسىرلىك كارتىنىسى ئېدى.
شۇ ۋاقىتلاردا چوڭقۇر ھېس قىلدىمكى،مەن مېنى سۆيىدىغان ،ئەڭ -ئەڭ ياخشى كۆرىدىغان بىر ئايالنى مەڭگۈلۈك يوقتىپ قويدۇم،ئەمدى مېنى ئۇنىڭدىن قېلىشمۇغۇدەك سۆيەلەيدىغان يەنە بىر ئىنساننى يوقىتىپ قويۇشتىن ساقلىنىشىم كېرەك،ئۇنى يېنىمغا قايتۇرۇپ كېلىش ئۈچۈن،قولۇمدىن كەلگەننىڭ ھەممىسىنى قىلىشىم كېرەك.
ئانام كەتكەندىن كېيىن،مېھراي ماڭا بىر ئېغىزمۇ گەپ قىلمىدى،دېمەك مېنىڭ قىلغانلىرىم ئۇنىڭغا ھەقىقەتەن ئېغىر كەلگەنلىكى ئېنىق ئېدى،ئۇنىڭدىن كەچۈرۈم سوراپ ھەممىنى چۈشەندۈرۈش نېيىتىم بولسىمۇ،ئۇ ماڭا كۆرۈشۈپ،چۈشەندۈرۈش بەرگۈدەك پۇرسەت بەرمەستىن مەندىن قېچىپلا يۈردى.شۇ تەرىقىدە ئانامنىڭ كېتىپ قالغىنىغىمۇ ئىككى ھەپتە بولاي دېدى.سىڭلىم ئايزىبا مەن ئۈچۈن ئارىغا كىرىپ،ئاران دېگەندە مېھراي بېلەن كۆرۈشۈشكە بىر پۇرسەت يارىتىپ بەردى.

-مېھراي،مېنى كەچۈرگىن،مەن سېنىڭ ئېسىل قىز ئىكەنلىكىڭنى بىلەتتىم،ساڭا ئىشىنىشىم،سەندىن ئورۇنسىز گۇمانلارنى قىلماسلىقىم كېرەك ئېدى-مېھراي بېلەن كۆرۈشۈپلا ئۇنىڭدىن كەچۈرۈم سوراشقا ئالدىرىدىم-بىراق سەندىنمۇ ئۆتكەن يېرى بار،ھەممە ئەھۋاللارنى ماڭا ئېيتىشىڭ،مەندىن يوشۇرماسلىقىڭ كېرەك ئېدى،ئەگەر سەن بۇرۇنلا ماڭا ھەممە راس گەپنى دېگەن بولساڭ،مەنمۇ سەندىن ئورۇنسىز گۇمانلارنى قىلمىغان بولاتتىم،شۇ كۈنلەردە قانچىلىك ئازاب تارتقانلىقىمنى بىلمەيسەن مېھراي،سەن دېگەنلىكىم ئۈچۈن خاپا بولما،سەن بۇرۇن دەيتىڭغۇ،سەن دېگەن گەپ يۈرەكتىن چىقىدۇ،مېنى بۇندىن كېيىن،سەن دەپ چىقىرىڭ،ئەر بىلەن ئايالنىڭ پەرقى بولسۇن دەپ.


-مېنى چۈشەندۈرگىسى يوق دەمسىز ،ئەنۋەر-مېھراي بىرپەس جىمجىت ئولتۇرىۋەتكەندىن كېيىن،كۆز ياشلىرى بىلەن گەپ باشلىدى-بىراق مەن ئانىڭىزغا قايتا-قايتا ۋەدە بەرگەن ،ئۇنىڭ ئۈشتىگە ئۇنى ئۆز ئانامدەك كۆرىدىغان تۇرسام،قانداقمۇ ئالداشقا كۆڭلۈم ئۇنىسۇن،سىز مەندىن گۇمانلانغانلىقىڭىزنى باھانە قىلىپ،ھەممە مەسئۇلىيەتنى ماڭا ئىتتىرىپلا قۇتۇلماقچىمۇ؟ھېلىقى كۈنى ،تېخى سىزنى مېنى ئالغىنى كەلگەن ئوخشايدۇ دەپ ،خۇشال بولۇپ كېتىپتىمەن،ئەسلىدە ئالىيە بېلەن كۆرۈشكىلى كەپتىكەنسىز ئەمەسمۇ؟مەن ئكيدىن چىقىپ كېتىدىغان كۈنى ئېيىتقان گەپلىرىڭىز مەڭگۈ ئېسىمدىن چىقمايدۇ،كۆز ئالدىمدىلا،ئكز سىڭلىمغا ئوىشاش ككرىدىغان بىر قىزنى ئازدۇرغانلىقىڭىزنى ئويلىساملا سىزدىن قاتتىق يىرگىنىپ كېتىمەن،توغرا مەندىن گۇمانلىنىشىڭىزنى چۈشىنىشىم مۇمكىن،بىراق،گۇمانلانغىنىڭىز ئۈچۈنلا،چوقۇم سىرىتقا قارىشىڭىز كېرەكمىدى،ئەگەر  راستىنلا شۇنداق قىلىدىغان ئىش بولسا،ئەجەبا ،بۇ جاھاندىكى ،ئېرىدىن گۇمانلانغان ئاياللار،ئايالىدىن گۇمانلانغان ئەرلەرنىڭ ھەممىسى ،سىرىتقا چىقىپ،ئاشنا ئىزدىشى كېرەكمۇ؟
قاراڭ ئەنۋەر،كۆڭۈل دېگەن ئەينەككە ئوخشايدۇ،بىر ئەينەككە مەلۇم سەۋەبلەردىن چاك كېتىپ قالسا،ھەرقانچە قىلىپمۇ،چاك كەتكەن ئورۇننى ئەسلىگە قايتۇرالىشىڭىز مۇمكىن ئەمەس،يەملەپ قويدىڭىزمۇ دەيلى،بىراق بۇ ئەينەك(مېھراي شۇنداق دەپ قولى بىلەن يۈرىكىنى چەنلىدى)بۇرۇنقىدەك بوران -چاپقۇنلارغا ئەمدى بەرداشلىق بېرەلمەيدۇ،چۈنكى بۇ يەرگە كەتكەن دەزنىڭ ساقىيىشى مۇمكىن ئەمەس،ئويلاپ بېقىڭ،ئەگەر ،مەن راستىنلا سىزگە ئوخشاش تالاغا قارىغان،بىر كېچە سىرىتتا قونۇپ ،ئۆيگە كىرمىگەن بولسام،سىز مېنى ھەرقانچە ياخشى كۆرسىڭىزمۇ،ھازىرقىدەك ئۇدۇلۇمدا ئولتۇرۇپ،سۆزلىرىمنى ئاڭلارمىدىڭىز،ياق،بۇنداق قىلالىشىڭىز مۇمكىن ئەمەس،چۈنكى،سىزنىڭ گۇمانلىرىڭىزغا قۇل بولۇپ قىلغان ئىشلىرىڭىز،ئاللىقاچان بۇنداق قىلالمايدىغانلىقىڭىزنى ئىسپاتلاپ بولدى،ئەمدى بولدى قىلايلى ئەنۋەر، مېنى زورلىماڭ،مەن ئۇ ئۆيدىن چىقىپ كەتكەن شۇ كۈنىلا ،قايتىپ كىرىشنى ئويلاپ باقمىغان.خاتىرجەم بولۇڭ،ئەركىشى ئاتلىق سىزدەك بولىدىغان بولسا،ئەمدى ھەرگىز ئەرگە تەگمەيمەن،ماڭا ھەمرا بولىدىغانغا مۇشۇ بالام بولسىلا كۇپايە(مېھراي قورسىقىنى مېھىر بىلەن سىلاپ قويدى)،ئاللا ماڭا بۇ پەرزەنتنى ئۆمرى بېلەن بېرىدىغانلا بولسا،ئۇنىڭ كەلگۈسى ئۈچۈن بارلىقىمنى قۇربان قىلىشقا رازىمەن،ئەسلىدە سىز بىلەن كۆرۈشمەي دېگەن ئېدىم،بىراق،مۇشۇ كۈنلەردە ئېزىلىپ كېتىۋاتقانلىقىڭىزنى كۆرۈپ،ئاخىرقى قېتىم كۆرۈشۈپ،جاۋابنى ئۆز ئاغزىم بېلەن بېرىۋېتىشنى لايىق تاپتىم.-مېھراي كۆز ياشلىرىنى سۈرتۈپ،ئورنىدىن تۇرۇشقا تەمشەلدى.
-ھا،ھا،ھا،ھا-يا كۈلۈشۈمنى ،يا يىغلىشىمنى بىلەلمەي،مېھراينىڭ قولىغا ئېسىلغىنىمچە قاملاشمىغان كۈلكەمنى كۈلۈپ،ئۇنى جايىغا ئولتۇرغۇزدۇم-مېھراي ئەمدى مېنىڭ سۆزۈمنىمۇ ئاڭلاپ باققىن،ساڭا دېسەم،ئۇ كۈنى ساڭا ئاچچىقلىنىپ ،شۇنداق دەپ قويغان،بۇمۇ دەل ھېلىقى ئورۇنسىز گۇماننىمنىڭ سەۋەبىدىن،سەندىن ئۆچ ئالىمەن دەپ قىلغان گەپلەر شۇ،،ھېلىقى كۈنى كەچ ئۆيگە كىرمىگەن ئىشنى دېسەك،ئۇ كۈنى مەن ئالىيەنىڭ قېشىدا ئەمەس،پەرھاتنىڭ قېشىدا قوندۇم،ئىسەنمىسەڭ،بېرىپ ئۇنىڭدىن سوراپ باقساڭ بولىدۇ،سەن پەرھاتنى ئوبدان تونۇيسەنغۇ،ئۇقۇشماسلىق تۈگىدى مېھراي،ئەمدى مەن بىلەن ئۆيگە قايىتقىن،بالىمىزنى ئىككىمىز تەڭ باقايلى،ئاچچىقىڭغا پايلىماي،ئۇنى دادىسىز قىلىپ قويمىغىن يەنە.
-ھەئە ،ئوبدان تونۇيمەن ئۇ پەرھاتنى ،ئۇ سىز بىلەن بىر تۆشۈككە سىيدىغان يېقىن ئاغىنىڭىز،سىز نېمە دېسىڭىز شۇنىڭغا ماقۇل دەيدۇ،ئورۇنلاشتۇرۇپ بولغانسىز ،گۇۋاھچىلىق سورۇنىنىمۇ،مەن ئۆيدىن چىقىپ كەتكەن كۈننىڭ ئەتىسى كەچقۇرۇن ،ئالىيەنى قولتۇغلاپ ماڭغانلىقىڭىزنى ئۆز كۆزۈم بېلەن كۆرمىگەن بولسم بىر گەپ،بۇ گەپلىرىڭىز بىلەن كىچىك بالىنى ئالدىڭە ئەنۋەر-مېھراي يەنە ئورنىدىن تۇرۇپ ،كېتىشكە تەمشەلدى.
-مېھراي،مېھراي،قەدىرلىكىم،گېپىمنى ئاڭلىساڭچۇ،مەن سېنى ئالدىمىدىم-يەنە ئۇنىڭ قولىغا ئېسىلدىم-زادى قانداق قىلسام ماڭا ئىشىنىسەن،نېمە دېسەڭ شۇنى قىلاي،بۇنداق قىلمىغىن،ئالىيە بېلەن ئارىمىزدا راسلا سەن ئويلىغاندەك ئىش يوق.
-قانداق قىلسام ئىشىنىسەن دەپ قويۇڭ-مېھراي ئارقىغا ئۆرۈلۈپ سوغاق كۈلۈپ قويدى-ماقۇل،ئۇنداقتا ئالىيە ئەتىلا،ئېدارىدىكى خىزمەتداشلىرىمنىڭ ئالدىدىلا،ماڭا ،ئەنۋەر ئىككىمىزنىڭ ئارىمىزدا ھېچقانداق مۇناسىۋەت يوق،دەپ گۇۋاھلىق بەرسۇن،قاندق،ئۇنى شۇنداق قىلدۇرالامسىز،ئەگەر راستىنلا شۇنداق قىلالىسىڭىز ،مەن سىز بىلەن بىرگە قايتىمەن،سىزنىڭ پاكلىقىڭىزغا ئىشىنىمەن.
مېھراي ئورنىغا كېلىپ ئولتۇردى،ئارىمىزنى يەنە سۈكۈت باستى،ئالىيە بىلەن ئارىمىزدا ھېچقانداق بىر مۇناسىۋەت يوق تۇرسا،ئۇنىڭغا ،ئايالىمغا مېنىڭ پاكلىقىمنى ئىسپاتلاپ بېرىڭ ،دەپ ئېغىز ئاچمىقىم ئاسانمۇ،ئۇنىڭ ئۈستىگە خىزمەتداشلىرىنىڭ ئالدىدىلا،ئۇ توي قىلمىغان تۇرسا ،بۇنداق گەپنى قانداقمۇ خىزمەتداشلىرىنىڭ ئالدىدىلا ئېيتالىسۇن.؟مانا ئەمدىلىكتە،ئايالىمدىن ئۆچ ئالىمەن دەپ،بېشىمغا بالا تېرىۋالغاندەك قىلاتتىم.
-قىلالمايسىز شۇنداقمۇ؟-مېھراي يەنە ئورنىدىن تۇرىۋالدى-قىلالمايدىغانلىقىڭىزنى بىلەتتىم،بىراق يەنىلا دەپ باققۇم،كەلدى،چۈنكى سىزنىڭ مەندىن ،پۇرسەت بەرمىدى دەپ ئاغرىنىشىڭىزدىن،قورسىقىمدىكى بالامنىڭ،شۇ سەۋەبلىك دادىسىز قېلىشىغا سەۋەبكا بولۇپ قېلىشىدىن ئەنسىرىگەن ئېدىم.
-مېھراي،سەنمۇ مېنى تار يولدا قىستىمىغىن،ئالىيە بىلەن ئارىمىزدا راسلا ھېچقانداق ئىش يوق،سەن چوقۇم ئالىيە ئۆزى گۇۋاھلىق بېرىشى كېرەك دەپ ،تۇرىۋالساڭ،ئالىيەنى چاقىرىپ كېلەي،لېكىن ئىدارەڭدە ئەمەس،خالىيراق بىر جايدا بولسۇن،-مەن يەنە ئورنۇمدىن تۇرۇپ مېھرايغا ئېسىلدىم-بۇنداق جاھىللىق قىلمىغىن.
-ئەنۋەر ،مېنى شۇنداق قىلغۇسى بار دەمسىز؟بىراق ئالىيە،خىزمەتداشلىرىمنىڭ ھەممىسىگە،ئەنۋەر ئاكام مېنى ياخشى كۆرىدۇ،ئۇ مېھراي ئاچام بېلەن ئاجىرىشىپ،مەن بىلەن توي قىلىدۇ-دەپ گەپ تارقىتىپ يۈرۈپتۇ،ئۇ خىزمەتداشلىرىمنىڭ ئالدىدا ،شۇنداق دەپ گۇۋاھلىق بەرمىسە،مەن بۇ پىتنە ئېغۋالارنى قانداق بېسىقتۇرىمەن،ئېرى تالاغا قارىسىمۇ ،قېلىنلىق قىلغان غورۇرسىز ئايال دېگەن نامنى قانداق كۆتۈرۈپ يۈرىمەن،قىلالمايدىغان بولسىڭىز ،قىلالمايمەن دەڭ،مەن سىزدىن رەنجىمەيمەن،سوتقا سۇنغان ئەرىزىمنى ،ئانىڭىزنىڭ ۋاپاتى سەۋەپلىك قايتۇرىۋالغان ئېدىم،ۋاقتىنچە سىزنى ئويلۇشۇپ قايتا ئەرىز سۇنمايمەن،بىراق مېنىڭ دېگىنىمنى قىلالمىسىڭىز،چىرايلىق ئاجىرىشىپ كەتسەكلا بولىدۇ ،شۇ-مېھراي سۆزىنى تۈگىتىپ قولۇمنى سىلكىۋېتىپ،جاۋابىمنى كۈتمەستىنلا سىرىتقا قاراپ ماڭدى.
-مېھراي-مەن ئۇنىڭ كەينىدىن يۈگىرەپ چىقىپ يەنە قولىغا ئېسىلدىم-مەن ئالىيەنىڭ قىلغانلىرىدىن خەۋەرسىزكەنمەن،دېگىنىڭدەك بولسۇن،مەن ئالىيە بىلەن سۆزلىشەي،ئۇ ئارىمىزدا يۈز بەرمىگەن ،ھەم يۈز بېرىشى مۇمكىن بولمىغان ئىشلار ئۈچۈن،كۆپچىلىكنىڭ ئالدىدا گۇۋاھلىق بەرسۇن.
-ھە-مېھراي كۈلۈپ قويدى-ئەمىسە مەن كەتتىم.
-نەگە؟
-ئالىيەنىڭ ئىشى تۈگىگەندىن كېيىن ئالاقىلىشايلى-مېھراي شۇنداق دەپ قويۇپ كېتىپ قالدى،مېھراينىڭ دېگەنلىرىگە ھېچ ئىشەنگۈم كەلمەيتتى ،چۈنكى مەن ئالىيەنى بۇنداق يالغانچى قىز دەپ ھېسابلىمايتتىم،مېنىڭ نەزىرىمدىكى ئالىيە-ئاقكۆڭۈل،ساددا،سەمىمىي ھەم گۆدەك بىر قىز ئېدى ،ئۇنىڭ قولىدىن بۇنداق چوڭ يالغانچىلىقلارنى قىلىش كەلمەيتتى .
كەچ كىرىشىنى كۈتمەستىنلا ،ئالىيەگە تېلىفون قىلىپ كۆرۈشۈشنى ئېيىتتىم،ئۇمۇ ئىتتىكلا قوشۇلدى،ئۇنىڭ بېلەن كۆرىشىدىغان ئورۇنغا قاراپ كېتىۋاتقىنىمدا،مېھراي ماڭا تېلىفون قىلىپ-ئويلىنىپ قالغانلىقىنى،ئالىيەنىڭ خاتالىقى ئۈچۈن كۆپچىلىكنىڭ ئالدىدا ئۇنى رەسۋا قىلىپ،كەلگۈسى بەختىگە ئولتۇرۇپ قويۇشنى خالىمايدىغانلىقىنى ،شۇڭا ئۇنىڭ بىلەن يالغۇز كۆرۈشۈدىغانلىقىنى،بۇلارنى ئالىيە بىلەن ئۆزى ئالاقىلىشىپ،ئۇقتۇرىدىغانلىقىنى ،مېنىڭ ئۇنىڭ بىلەن ئەمدى كۆرۈشمەسلىكىمنى -ئېيىتتى.
بىراق ،مەن مېھراينىڭ ئېيىتقانلىرىنىڭ قانداق ئىش ئىكەنلىكىنى بىلىش،ھەم ئالىيە ئىككىمىزنىڭ سۆزلىرىمىزنىڭ،مېھراينىڭ ئالدىدا ئىككى خىل بولۇپ قېلىشىدىن ساقلىنىش ئۈچۈن،يەنىلا ئالىيە بىلەن كۆرۈشىدىغان ئورۇنغا كېلىپ،ئۇنىڭ كېلىشىنى ساقلىدىم.

ئالىيە بىلەن كۆرۈشۈپلا،ئۇنىڭغا مېھراينىڭ ئېدارىسىدا ئېيىتقان ھېلىقى سۆزىنى دەپ،بۇنداق قىلىشىنىڭ سەۋەبىنى سورىدۇم،بىراق ئالىيە،قەتئىيلىك بىلەن،ئۆزىنىڭ بۇنداق گەپ قىلمىغانلىقىنى،بۇ گەپنى ئالىيە ئىككىمىزنىڭ قولتۇغلۇشۇپ كېتىۋاتقانلىقىمىزنى كۆرگەنلەرنىڭ تارقاتقانلىقىنى ئېيتىپ،ئۆزىنى ئاقلىدى،قارىغاندا ،راستىنلا مېھراي خاتا چۈشىنىپ قالغاندەك قىلاتتى.شۇنىڭ بىلەن گەپنى ئۇدۇللا مەخسىتىمگە يۆتكەپ،مېھراينىڭ پاكلىقىنى،مېنىڭ ئۇنىڭدىن ئورۇنسىز گۇمان قىلغانلىقىمنى،شۇ سەۋەبلىك،ئالىيەنى ئورۇنسىز ئاۋارە قىلغانلىرىم ئۈچۈن كەچۈرۈم سورايدىغانلىقىمنى ئېيتىپ،مېھراينىڭ ماڭا تېخىچە ئىشەنمەيۋاتقانلىقىنى ،شۇڭا،ئۇنىڭ مەن ئۈچۈن،بېرىپ مېھرايغا ھەقىقى ئەھۋاللارنى دەپ گۇۋاھلىق بېرىشىنى ئۆتۈندۈم.
-ئەنۋەر ئاكا،ماڭا بەرگەن ۋەدىڭىز ئېسىڭىزدە بارمۇ؟-دېدى ئالىيە مېنىڭ سۆزلىرىمنى ئاڭلىغاندىن كېيىن،ئېنتايىن چۈشۈنۈكسىز قېياپەتتە.
قايسى ۋەدەمنى دەيسىز سىڭلىم؟
-ھېلىقى ۋەدىڭىزنى،ناۋادا مېھراي ئاچامدىن ئاجىرىشىپ كېتىپ قالسىڭىز،مېنى بىرىنچى بولۇپ ئويلۇشۇش توغرىسىدىكى ۋەدىڭىزنى دەيمەن.
-ئەلۋەتتە ئېدىمدە بار،سىڭلىم،بىراق،ھازىر ھەممە ئىشلار ئايدىڭلىشىپ بولدى،ئەمدى مېھرايدىن ئايرىلىشىم مۇمكىن ئەمەس،ئەمدى مېنى ھېچقانداق بىر كۈچ مېھرايدىن ئايرىيالمايدۇ،سىزمۇ ئەمدى ئۇ ۋەدىلەرنى ئۇنتۇپ كېتىڭ سىڭلىم،شۇ تاپتا،ھېسىياتىمغا قۇل بولۇپ،قىلغان ئەقىلسىزلىكلىرىم ئۈچۈن سىزنىڭ ئالدىڭىزدىمۇ خىجىللىقتىن ئۆزۈمنى قويىدىغان يەر تاپالمايۋاتىمەن.
-ئېسىڭىزدە بولسىلا ياخشىغۇ ئاكا-ئالىيە شۇنداق دەپ سوغاق كۈلۈپ قويدى.
-بۇ،،،،سىزگە نېمە بولدى سىڭلىم-ئالىيەنىڭ بۇ كۈلكىسىگە قانداقتۇر بىر مەنا يوشۇرۇنغاندەك ئۇنىڭغا ھەيرانلىق نەزىرىدە قاراپ،ئاغزىمنى ئېچىپ تۇرۇپلا قالدىم.
-ھېچنىمە ئاكا،سىز خاتىرجەم بولۇڭ،مەن چوقۇم مېھراي ئاچام بېلەن كۆرۈشۈپ،ھەممە ئەھۋاللارنى بىرمۇ بىر بايان قىلىپ،سىزنى ئاقلايمەن.
ئالىيەنىڭ سۆزلىرىدىن كۆڭلۈم تىنغاندەك بولۇپ،خاتىرجەم لىك ئىچىدە ،ئېغىر بىر تىنىۋەتكەندىن كېيىن،ئۆيگە قاراپ ماڭدىم.
لېكىن نېمىشقىكىن،ئۆيگە قايتىپ كەلگەندىن كېيىن،ئالىيەنىڭ ھېلىقى سوئالى بېلەن  سوغاق كۈلكىسىگە بىر سىر يوشۇرىنىۋالغاندەك  ،تولا خېيال قىلىپ يېتىپ،خاتىرجەم ئۇخلىيالماي،ئەتىسى تاڭنى ئاتقۇزۇپلا،مېھرايغا تېلىفون قىلىپ،ئۇنىڭ ئالىيە بىلەن كۆرۈشكەن،كۆرۈشمىگەنلىكىنى سوراپ باقماقچى بولدۇم،بىراق مېھراي،مېنىڭ تېلىفونۇمنى زادىلا ئالغىنى ئۇنىمىدى،ئامالسىز،ئۇ خىزمەتكە مېڭىپ بولغۇچە،بىرىپ بولۇشنى نىيەت قىلىپ،ئۇنىڭ ئاتا-ئانىسىنىڭ ئۆيىگە قاراپ ماڭدىم .
-ۋۇ ئەبلەخ-بىر چەتتە دۇغدۇيۇپ ساقلاپ يۈرۈپ،مېھراي دەرۋازىدىن چىقىشىغا ئۇنىڭ يېنىغا يۈگۈرەپ بېرىشىمغا تەگكەن قاتتىق تەستەك زەربىسىدىن ئكرۈلۈپ كەتكىنى تاسلا قالدىم.
داۋامى داۋاملىق ئىنكاس شەكلىدە يوللىنىدۇ.......................

ئوغۇز

ئاشنا ئىزدەش داۋامى(15)

-بۇ نېمە قىلغىنىڭ مېھراي،يەنە نېمە بولدى ساڭا-يا ئاچچىقلىنىشنى ،يا.يىغلاشنى بىلەلمەي ،ئۆزۈمنى ئوڭشاپ،مېھرايغا غەزەب بېلەن تىكىلدىم.
-نېمە قىلغىنىمنى ،بۇ خەتنى ئوقۇغاندىن كېيىن ئوبدان بىلىپ قالىسىز،ئېلىڭە-مېھراي قولۇمغا بىر پارچە كونۋېرىتنى تۇتقۇزۇپ قويغاندىن كېيىن ،كېتىپ قالدى-ۋۇ ئەبلەخ.
ئەسلىدە مېھراينىڭ كەينىدىن قوغلىماقچى ئېدىم،بىراق،تەستەك زەربىسىدىن تېخىچە ئېچىشىۋاتقان يۈزلىرىمدىكى ئاغرىقنىڭ سەۋەبىنى بىلىشكە قىزىقىپ،خالىي يەردىن بىرنى تېپىپ،كونۋېرىتنى ئېچىپ ئوقۇپ باقماقچى بولدۇم.
مەن ھۆرمەتلەيدىغان مېھراي ئاچامغا:
-بۇ خەتنىڭ ماۋزۇسىدىن قارىغاندا چوقۇم ئالىيە يازغاندەك قىلىدۇ-ئۆز-ئۆزۈمگە غودۇرىغاچ،خەتنىڭ داۋامىنى ئوقۇشقا باشلىدىم:
سىزگە بۇ گەپلەرنى قانداق ئېيتىشنى،قانداق چۈشەندۈرۈشنى ،بىلەلمەي كۆپ قىيىنچىلىقلارنى تارتتىم،سىز بىلىسىز،لېكىن،ھەر ئىككىلىمىز دۇچ كەلگەن رەھىمسىز تەقدىر ،مېنى بۇ خەتنى يېزىشقا مەجبۇر قىلىپ تۇرۇپتۇ.
سىز بىلىسىز،مەن بىر سەھرالىق قىز،ئىچىمدە يامانلىق يوق،ئاقكۆڭۈل،ھەم ساددا،ئىچىم بىلەن تېشىم بىرخىللا،سىزنى ئۆز ئاچامدەكلا ياخشى كۆرىمەن،مېنىڭ قانداقلىقىم سىزگە ،دېمىسەممۇ ،بەش قولدەك ئايان.
مەن ھەرگىزمۇ ،ئايالى بار،بەخىتلىك ئائىلىسى بار ،بىر ئائىلىنى قەستەن بۇزىۋېتىدىغان ،شاللاق قىز ئەمەس،بەلكىم يۈزبەرگەن ئىشلار،سىزنى ماڭا نىسبەتەن ،شۇنداق كۆز قاراشتا بولۇشىڭىزغا شاھىت بولىۋاتقان بولىشى مۇمكىن،بىراق،سىزنىڭ كۆزىڭىز بېلەن كۆرگىنىڭىز بېلەن رېئاللىق ھەرگىزمۇ بىردەك ئەمەس.
بولدى بەس،ئەمدى،بۇنداق ئۆزۈمنى ئاقلايدىغان گەپلەر بېلەن ئىچىڭىزنى پۇشۇرۇشنى توختۇتۇپ،نەق گەپلەرنى باشلاي،بۇ گەپلەرنى دېيىش ئۈچۈن،ئەنۋەر ئاكام ئېدارىمىزگە كەلگەن ھېلىقى كۈندىن باشلاپ ،سۆزلەشكە توغرا كېلىدۇ.
شۇ كۈنى ئەنۋەر ئاكام سىزنى ئالغىنى كەپتىكەن،سىز يىغىنغا كىرىپ كەتكەن بولغاچقا،مەن ئۇنى ئىشخانىڭىزغا كىرىپ ،ئولتۇرۇپ تۇرۇشقا تەكلىپ قىلغان ئېدىم،چۈنكى مەن سىزنى ئۆز ئاچامدەك كۆرگەنكەنمەن،ئۇنىمۇ ئۆز ئاكامدەك كۆرۈشۈم كېرەك دەپ ئويلايتتىم،شۇ ۋاقىتتا ئەنۋەر ئاكام،بەزى چاغلاردا سىز بىلەن ئالاقىلىشالمايۋاتقانلىقىنى،شۇڭا،مېنىڭ نومۇرۇمنى كىرگۈزىۋېلىپ،مەن ئارقىلىق ئالاقىلىشىش،نېيتى بارلىقىنى ئېيىتتى،مەن ئۇنىڭغا ئىشەنگەنلىكىم ئۈچۈن،ئۇنىڭغا نومۇرۇمنى ئېيتىپ بەردىم،بىراق كىم ئويلىغان دەيسىز،شۇنىڭدىن كېيىن،ئەنۋەر ئاكام،ھەركۈنى كېچە -كۈندۈز،دېمەستىن ماڭا تېلىفون قىلىدىغان ئۇچۇر يازىدىغان بولۇپ قالدى،تېلىفون قىلماڭ ،دېسەم،مېھراي سىرىتقا بۇزۇلدى،مېنىڭ كۆڭلۈم يېرىم،مېنىڭ دەردىمنى ئاڭلىشىپ بېرىڭ -دەپ،تۇرىۋالدى.
سىزنىڭ قانداقلىقىڭىز ،ماڭا بەش قولدەك ئايان ئاچا،شۇنداق بولغانلىقى ئۈچۈن،سىلەرنىڭ ئائىلەڭلارنىڭ بۇزۇلۇپ كېتىشىنىڭ ئالدىنى ئېلىش ئۈچۈن،ئەنۋەر ئاكامغا خىزمەت ئىشلەي ،دېگەن مەخسەتتە ،ئۇنىڭ تېلىفونىنى ئېلىپ،سىزنى ئاقلاشنىڭ،ئۇنىڭ گۇمانلىرىنى تۈگىتىشنىڭ كويىغا چۈشتۈم،ھەم سىزنىڭ خاتا چۈشىنىۋېلىشىڭىزدىن ساقلىنىش ئۈچۈن،بۇ ئىشلارنى ،سىزدىن سىر تۇتۇشقا مەجبۇر بولدۇم.
بىراق ،مېنىڭ بۇ ياخشى نېيتىمنىڭ،ھەممىمىزگە ئاۋارىچىلىق كەلتۈرىدىغانلىقىنى كىممۇ ئويلىغان دەيسىز،ھەممىنى بەربات قىلىدىغان ،ئەنۋەر ئاكام بىر كېچە ئۆيگە كىرمىگەن ھېلىقى ئاخشام سىزنىڭمۇ ئېسىڭىزدە بولسا كېرەك،شۇ كۈنى كەچتە ئىشتىن يېنىپ تۇرۇشۇمغا،ئەنۋەر ئاكام،ماڭا تېلىفون قىلىپ،كۆڭلىنىڭ يېرىملىقىنى،سىز بىلەن چوقۇم ئاجىرىشىپ،كېتىدىغانلىقىنى،ھەم سىزدىن ئۆچ ئالىدىغانلىقىنى ئېيىتتى،ئۇنىڭ روھىي -ھالىتىگە قاراپ،ئۆيگە بېرىپ،بىر ئىش چىقىرىپ قويىشىدىن ئەندىشە قىلىپ قالدىم،شۇنداق ئەندىشە ئىچىدە تۇرغىنىمدا،ئۇ يەنە تېلىفون قىلىپ،ماڭا دەيدىغان زۆرۈر،گەپ بارلىقىنى ،شۇڭا مېنىڭ ياتىقىمغا كېلىدىغانلىقىنى ئېيتتى،مەن ئەنۋەر ئاكامنىڭ ئاچچىقىنىڭ يېنىشىغا ئازىراق بولسىمۇ ياردىمى بولار دېگەن ئۈمۈدتە،ئۇنىڭغا ياتىقىمنىڭ ئادىرىسىنى ئېيتىپ بەردىم،ئۇ ناھايىتى تېزلا ،قوللىرىدا ھاراق،ھەم زاكۇسكىلارنى كۆتۈرۈپ كەلدى.
مەن ئەنۋەر ئاكامنىڭ ھاراق ئىچمەيدىغانلىقىنى بىلەتتىم،شۇڭا ئۇنىڭ قولىدىكى ھاراقنى كۆرۈپلا چۆچۈپ كېتىپ،ئۇنىڭغا قايتىپ كېتىشنى ئېيىتتىم،ئۇ قوشۇلمىدى،تېخى ماڭا تەھدىت سالدى،مەن بىر ئاجىز قىز بولغاچقا باشقا ئامال قىلالمىدىم،بوپتۇ،ئىچىپ بولسا،دەردى شۇنىڭ بىلەن چىقىپ كەتسە،كېتەر دەپ ئويلۇدۇم.
بىراق ،يەنە كىم بىلسۇن،ئۇ ھاراقنى ئىچىپ بولۇپلا،ماڭا ئېسىلدى،ھەم مېنى قاتتىق ياخشى كۆرىدىغانلىقىنى،سىز بىلەن ئاجىرىشىپ كېتىدىغانلىقىنى ئېيتىپ،مېنى باشقا ئىشلارغا زورلىدى،مەن قوشۇلمۇدۇم،ئۇ ئەگەر مەن قوشۇلمىسام،ھازىر مېنى ئۆلتۈرىۋېتىدىغانلىقىنى،ئاندىن بېرىپ ،سىزنىمۇ ئۆلتۈرىۋېتىدىغانلىقىنى ئېيىتتى،شۇنداقتىمۇ،ئۇنىڭغا قارشى تۇرۇپ،پاكلىقىمنى قوغداپ،سىرىتقا قېچىپ،چىقىپ كېتىشكە ئۇرۇندۇم،ئەمما ھەرقانچە قىلىپمۇ،ئۇنىڭ چاڭگىلىدىن قېچىپ قۇتۇلالمىدىم.
بۇلغانغاندىن كېيىن،ئۆزۈمنى ئۆلتۈرىۋالماقچى بولدۇم،بىراق سەھرادا قالغان ئاتا-ئانامغا چىدىمىدىم،شۇ كۈندىن كېيىن،ئەنۋەر ئاكامدىن ئۆزۈمنى ئېلىپ قېچىشقا شۇنچىلىك تىرىشقان بولساممۇ،ئۇ مېنى زادىلا قويۇپ بەرمىدى ،ھەم سىزنىڭ سىرىتتا بىرى بىلەن ئارىلىشىۋاتقىنىڭىز توغرىسىدا ئېنىق پاكىتى بارلىقىنى،تېز ئارىدا سىز بىلەن ئاجىرىشىپ،مەن بېلەن توي قىلىدىغانلىقىنى ئېيىتىپ،كۆڭلۈمنى خاتىرجەم قىلىدى،گەرچە سىزنىڭ ئۇنداق ئىشنى قىلمايدىغانلىقىڭىزنى ئېنىق بىلىپ تۇرساممۇ،ئەمدى ماڭا باشقا چىقىش يولى قالمىغانلىقىنى ئويلاپ،شۇ گەپلەرگە ئىشنىشكە مەجبۇر بولدۇم.

كېيىن،سىز ئاقلاندىڭىز،ئەنۋەر ئاكام،سىزنىڭ قورسىقىڭىزدا ئۆز پۇشتى بارلىقىنى بىلگەندىن كېيىن،سىز بىلەن ياراشقۇسى كېلىپ قالدى،ھەم ماڭا،يالغان سۆزلەپ،ئۆزىنى ئاقلاپ بېرىشىمنى،شۇنداق قىلسام،مېنىمۇ تاشلىۋەتمەيدىغانلىقىنى ھەم ماڭا نۇرغۇن پۇل بېرىدىغانلىقىنى ئېيتىتى،ئەسلىدە،سىزنىڭ ھەم بالىڭىزنىڭ بەختى ئۈچۈن،ئكزۈمنى قۇربان قىلىىش بەدىلىگە ياكى ،بۇ يەردىن غايىب بولۇپ،ئەنۋەر ئاكام ئىككىڭلارنى جەم قىلىش قارارىغان كەلگەن ئىدىم،بىراق تېخى بىر كۈن ئاۋاللا،ئۆزۈمنىڭ ھامىلدار بولغانلىقىمدىن خەۋەر تاپتىم،ئەنۋەر ئاكامغا ھەرقانچە دېسەممۇ ئىلىك ئالمىدى ،تېخى ئاخشام يېنىمغا كېلىپ،ئۆزىنى ئاقلىسام،كېيىن ،بالام ئىككىمىزگە ياخشى قارايدىغانلىقىنى ،بولمىسا،ھەممە ئىشتىن تېنىۋالىدىغانلىقىنى ئېيتىپ،ماڭا تەھدىت سالدى.
مەن بىلىمەن ئاچا،سىز شەھەرلىك،ھەم خىزمىتىڭىزمۇ مۇقىم،شۇڭا ئەنۋەر ئاكام،مېنى كۆڭلىدە سىزگە تەڭ قىلمايدۇ،ئەسلىدە ،ئەنۋەر ئاكامنىڭ دېگەنلىرىگە ماقۇل بولماقچى ئېدىم،بىراق سىزنى  بىر ئۆمۈر ئالداپ ئۆتۈشكە كۆڭلۈم ئۇنىمىدى،بالام بولمىغان بولسا،ئۆلۈۋېلىپلا ھەممە ئىشتىن بىراقلا قۇتۇلاتتىم،بىراق قورسۇقۇمدىكى سەبىي گۇناھسىز-دە.
ئاچا ،مەن بۇنداق دەپ،سىزگە -ئەنۋەر ئاكامنى ماڭا ئۆتۈنۈپ بېرىڭ-دېمەيمەن،پەقەت سىزنىڭ مېنى خاتا چۈشەنمەسلىكىڭىزنى ئۈمۈد قىلىمەن،بۇندىن كېيىنمۇ،سىز داۋاملىق ئەنۋەر ئاكامنىڭ قانۇنلۇق ئايالى بولۇۋېرىسىز،پەقەت مېنىڭ بالامنىڭ يېتىم بولماسلىقى ئۈچۈن،مېنى ئەنۋەر ئاكامدىن ئايرىۋەتمىسىڭىزلا ماڭا شۇ كۇپايە،بىر ئۆمۈر ،ئكي خىزمەتكارىڭىز بولۇپ،ئۆتسەممۇ ،مەن رازى.
سىزگە مەن سەۋەبلىك يەتكەن ،بارلىق ئەرزىيەتلەر ئۈچۈن سىزدىن سەمىمىي كەچۈرۈم سورايمەن ئاچا،مېنى كەچۈرۈڭ.
سىڭلىڭىز ئالىيەدىن........
خەت تۈگىدى،خەتنىڭ ئاخىرىدىكى ئالىيە دېگەن ئىسىم،كۆزلىرىمگە ئۆمۈچۈكتەك سەت كۆرۈنۈپ،خۇددى مېنى ھازىرلا،تورلىرىغا ئىلىپ،يەپ كېتىدىغاندەك ،خەتنى دەرھال يېپىۋەتتىم.
نېمە دېگەن تەسىرلىك ھە ئالىيەقىز-ئۆز-ئۆزۈمگە شۇنداق دەپ پىچىرلىدىم-ئەگەر ،بۇ ۋەقەلىكتىكى سەلبىي پېرسوناز،مەن بولمىغان بولسام،بۇ ھېكايەڭگە ئىشەنگىلى تاسلا قالىدىكەنمەن،سېنى بوش چاغلاپ قاپتىمەن،ئالىىـــــــــــــــــيە.......
شۇ تاپتا تېنىم،غەزەپتىن تىترەپ كېتىۋاتاتتى،دېمەك مېھراي ئاللىقاچان ئالىيەگە ئىشىنىپ بولدى،ئۇنى ئەمدى قايىل قىلىپ،ئۆزۈمگە ئىشەندۈرمىكىم،ناھايىتى تەس،ھازىرچە بېرىپ،ھېلىقى ئالىيە دېگەن بېلەن ھېسابلىشاي........
داۋامى داۋاملىق ئېنكاس شەكلىدە يوللىنىدۇ.............

ئوغۇز

ئاشنا ئىزدەش(16)

-ئالىيە سىز ساراڭ بولدىڭىزمۇ؟ئاخشام ماڭا نېمىلەرنى دېگەنلىكىڭىزنى ئۇنتۇپ قالدىڭىزمۇ؟بۇ سىزنىڭ نېمە قىلغىنىڭىز-شۇ ىېياللار بېلەن ئالىيەگە تېلىفون قىلىپ،ئۇنىڭ تېلىفوننى ئېلىشىغىلا گەپ قىلىشىنىمۇ كۈتمەستىن ،سۆزلەپ كەتتىم.
-ئالدىرىماي سۆزلەڭ ئەنۋەر،مېنىڭ كاللام ناھايىتى جايىدا،سىزنىڭ كاللىڭىز سەل جايىدا ئەمەستەك قىلىدۇ.
-ئەنۋەر؟-دېدىم مەن تاڭسىتقان ئاھاڭدا،چۈنكى بۇ،ئالىيەنىڭ تۇنجى قېتىم مېنىڭ ئىسمىمنى مۇشۇنداق ئۇدۇللا ئاتىشى ئېدى-كاللام جايىدا دەپ قويۇڭ،ئەجەبا ھېلىقى تەسىرلىك توقۇلمىلارنى مەن يازمىغان دېمەيدىغانسىز ھە؟
-مەن يازدىم،ئەلۋەتتە مەن يازدىم،لېكىن توقۇلمىنى ئەمەس راست ئىشلارنى يازدىم،سىز ،قاچانغىچە ھەقىقەتتىن قېچىپ يۈرمەكچى،ماڭا بەرگەن ۋەدىڭىزنى ئۇنتۇپ قالماڭ،تېخى تۆنۈگۈنلا ،ۋەدەم-ۋەدە دېگەن سىز ئۆزىڭىز شۇغۇ؟
-بولدى،سىز بىلەن تاكاللىشىپ ئولتۇرغىدەك ۋاختىم يوق،ھازىرلا كۆرىشەيلى -مە ئالىيەگە ئېغىز ئۇپراتقىنىمنىڭ پايدىسى يوقلۇقىنى سېزىپ،گەپنى دەرھال مەخسىتىمگە بۇرۇدۇم.
-بولىدۇ،كۆرۈشەيلى،بەرىبىر بۇنىڭدىن كېيىن،داۋاملىق كۆرۈشۈپ تۇرىمىزغۇ ،ئەمدى.
ئالىيەنىڭ ماقۇللۇقىدىن كېيىن،ئۇنىڭغا چۈشلۈك تاماق ۋاختىدا ،ئۇدۇل بىزنىڭ ئۆيگىلا كېلىشنى ئېيتىۋېتىپ،ئادرىسنى ئېيتىپ بەرگەندىن كېيىن،تېلىفوننى قويۇۋېتىپ،دەرھال مېھرايغا تېلىفون قىلدىم.
-قانداق گېپىڭىز بولسا چاققان دەڭ-مېھراي،مەن بىر نەچچە قېتىم ،ئۇدا تېلىفون قىلغاندىن كېيىن،مىڭ تەسلىتكتە تېلىفوننى ئالدى.
-مېھراي،بۇنچىۋالا قىلىپ كەتمە،سەن نەچچە يىللىق ئېرىڭگە ئىشەنمەي،ئەجەبا ،ئاشۇ قوڭالتاقنىڭ بىر ئېغىز سۆزىگە ئىشىنىپ يۈرەمسەن؟مەن بىلىمەن،ئەمدى ساڭا ھەرقانچە گەپ قىلساممۇ بىكار،مەن ساڭا ئۆزۈمنىڭ پاكلىقىمنى ئىسپاتلاپ بېرىمەن،چۈشتە بالدۇراق ،ئۆيگە كەلگىن،لېكىن ئۆيگە كېلىدىغانلىقىڭنى  ئالىيەگە ھەرگىز بىلدۈرۈپ قويما،مەن ئالىيەنى ئۆيگە چاقىرىپ قويدۇم.ئۇ ئۆز ئاغزى بېلەن ھەقىقى ئەھۋاللارنى سۆزلەپ بەرگەندىن كېيىن ،قارار چىقارساڭمۇ كېچىكمەيسەن،سەندىن ئۆتۈنەي،ماڭا ئاخىرقى قېتىم پۇرسەت يارىتىپ بەرگىن،مۇشۇ بىر قېتىملا....
-بولىدۇ،سىزگە ئىشىنەي،لېكىن،بۇ ئاخىرقى قېتىملىقى بولسۇن،ئەگەر ھەقىقى ئەھۋال سىزنىڭ ئېيىتقىنىڭىزدەك بولسا سىز بىلەن يارىشىمەن،ئەگەر ئالىيەنىڭ دېگەنلىرى راس بولىدىغان بولسا،سىز مېنى ئاۋارە قىلمايسىز،شۇ ھامانلا ئاجىرىشىمىز.
-ماقۇل،ماقۇل-مېھراينىڭ ماقۇللۇقىغا ئېرىشىكە ئالدىراپ،ئىتتىكلا ماقۇللۇق بىلدۈرىۋەتتىم،لېكىن ،بۇ ماقۇللۇقنىڭ ۋەزنىنىڭ قانچىلىك ئېغىرلىقىنى تېلىفوننى قويۇۋەتكەندىن كېيىن،ھېس قىلىشقا باشلىدىم.دېمەك،ئىش قاملاشمىسا،مېھراينى پاكلىقىمغا ئىشەندغرەلمىسەم،ئۇنىڭ بىلەن ئاجىرىشىشقا مەجبۇر بولىمەن،شۇڭا بۈگۈن قانداقلا قىلىپ بولمىسۇن،چوقۇم،ئالىيەنىڭ ھەقىقى ئەپتىبەشىرىسىنى ئاشكارلاپ.ھەقىقەتنى ئايدىڭلاشتۇرۇشۇم كېرەك-ئۆز-ئۆزۈمگە ،شۇنداق دەۋەتكەندىن كېيىن،ئالىيە بىلەن بولغان سۆھبەتنىڭ ،ئەڭ يامان ئاقىۋەتلىرىگىمۇ ،ئىدىيەمدە تەييارلىق كۆرۈپ قويدۇم.
مېھراي،چۈشلۈك تاماق ۋاقتىدىن بىر سائەت بۇرۇن ئۆيگە كېلىپ،مېنىڭ چۈشەندۈرۈشلۈرۈمگە پىسەنىتمۇ قىلماستىن،ياتاق ئۆيگە كىرىپ،مۆكۈنۈپ ئولتۇردى،ئالىيەمۇ،ئانچە ھايالشىمايلا يېتىپ كەلدى،ئۇ مېھراينىڭ بۇ ئۆيدە ئىكەنلىكىنى بىلسە ،ھەرگىزمۇ كەلمىگەن بولاتتى،دېمەك ئۇ بۇ ئىشلاردىن بېخەۋەر.

-ئەسسەلامۇ-ئەلەيكۇم-ئالىيە ھېجاراپ دېگۈدەك،ئۆيگە كىرىپ كەلدى.

قىز بالا دېگەنمۇ سەندەك قېلىن بولامدۇ،نومۇس قىلماي،ھېجاراپ كەتكىنىڭنى قارا،بوپتۇ ھازىر ھېجىيىۋال،سەل تۇرۇپ،يىغلاپ چىقىپ كېتىسەنغۇ،بۇ ئۆيدىن-ئۆز-ئۆزۈمگە شۇنداق دەپ غودۇرىغاندىن كېيىن،قاپاقلىرىمنىمۇ ئاچماستىن ئۇنى ئۆيگە باشلاپ كىردىم،شۇ تاپتا.ئۇنى چايناپ،پۈركىۋەتسەممۇ ئاچچىقىم چىقمايتتى،بىراق ،ئۆزۈمنى ئاقلاش ئۈچۈن،يەنىلا ئۆزۈمنى بېسىۋېلىشىمغا توغرا كېلەتتى.
-ئالىيە،سىزنىڭ نېمىشقا ،بۇنداق يالغان-ياۋىداق گەپلەرنى يېزىپ،مېھرايغا بەرگەنلىكىڭىزنىڭ سەۋەبىنى زادىلا بىلەلمىدىم؟مەن سىزگە نەچچە قېتىملاپ دېدىم،مەن سىزنى ئۆز سىڭلىمدەك كۆرىمەن،سىز بىلەن مېنىڭ ئارامدا ئۇنداق مۇناسىۋەت پەيدا بولۇشى مۇمكىن ئەمەس،بەلكىم كىچىكلىك قىلىۋاتقانسىز،مەن سىز ئۇنچىۋالا قىلىپ كەتكۈدەك ياخشى ئەر ئەمەس،سىزدىن خۇش بولاي ،بۇ يولدىن قايتىڭ،مېھراي ئىككىمىزنىڭ بەخىتلىك تۇرمۇشۇمىزنى بۇزىۋەتمەڭ.
-ئەنۋەر ئاكا-ئالىيە سۆزۈمنى ئاڭلىغاندىن كېيىن،خۇددى ئارتىسلاردەك ھەيران بولغان قىياپەتتە سۆز باشلىدى-مەن قايسىز يالغان سۆزلەرنى ،مېھراي ئاچامغا دەپتىمەن،ئەجەبا سىز يۈزبەرگەن ئىشلاردىن تېنىۋالماقچىمۇ،ئەجەبا ھېلىقى كۈنى يۈز بەرگەن ئىشلارنىڭ ھەممىسى يالغانمۇ؟
-يالغان،قايسى كۈنىكەن ئۇ،ئۇ كۈنى بىز بىر ۋاق تاماقلا يىدۇق خالاس،ئۇنىڭدىن باشقا ئارىمىزدا ھېچقانداق ئىش بولغىنى يوق.

-بوپتۇ،سىز تېنىۋالسىڭىز ئەلۋەتتە يالغان بولىدۇ،مېنىڭ ئۆيۈمگە كەلگەنلىكىڭىز،ھاراق ئىچىپ بولغاندىن كېىيىن قىلغان ھېلىقى ئىشىڭىزنىمۇ يالغان دېمەيدىغانسىز؟
-يالغان تۇرسا،يالغان دېمەي نېمە دەيتتتىم،ماڭ تۆھمەت قىلماڭ ئالىيە-ئالىيەگە غەزەب بىلەن ئالايدىم،ئۇنىڭ چىرايىنى ئۆزگەرتمەي تۇرۇپ ،دەۋاتقان يالغان سۆزلىرىنى ئاڭلاپ،ئكزۈمنى بېسىشقا ئامالسىز قېلىۋاتاتتتىم.
-بۇنچىۋالا قىلىپ كەتمەڭ ئەنۋەر ئاكا،مەنمۇ سىزگە بۇنچىۋالا چاپلىشىۋالدىغانغا ئاشىق بىقارار بولۇپ قالغىنىم يوق،سىز مېنى ئالدىسىڭىز مەيلى،لېكىن قاراپ تۇرۇپ،مېھراي ئاچامدەك ئاخكۆڭۈل بىر قىزنى ئالدىسىڭىز ھەرگىز بولمايدۇ،مەن بۇنىڭغا قاراپ تۇرالمايمەن،مەندىنغۇ تېنىۋېلىڭ،قورسىقىمدىكى بالىڭىزدىنمۇ تېنىۋالماقچىمۇسىز؟
-نېمە بالا،نېمە بالىكەن ئۇ،كاللىڭىزدىن كەتتىڭىزمۇ نېمە؟
-مانا مۇشۇ بالا-ئالىيە شۇنداق دەپ ،بىر تەكشۈرۈش قەغىزىنى ئالدىمغا قويدى،كۆپ ئوقۇيالمىغان بولساممۇ،بۇ تەكشۈرۈش قەغىزىدىكى مەزمۇنلارنى ئوقۇپ چۈشىنەلىگۈدەك ئىقتىدار مەندە بار ئېدى،قەغەزنىڭ ئۈستىگە يېزىلغان،ھامىىلدارلىق تەكشۈرۈش قەغىزى،دېگەن خەنزۇچە خەت،تۆۋەنكى قۇرلاردىكى ،ئالىيەئوبۇلقاسىم ،دېگەن ئىسىم،ھەم ھاممىلدار بولۇپ قالغانلىق ئىسپاتىنى كۆرۈپ،بېشىم ئايلىنىپ كېتەيلا دەپ قالدى.
-قايسى ئاشناڭدىن تاپقان بالاڭ بۇ،ۋۇ بۇزۇق،ئۈسىدىغان يەر تاپالماي ماڭا ئۈسەي دەپ كەلدىڭمۇ ئەمدى؟-غەزەپتىن ئۆزۈمنى باسالماي ،قولۇمدىكى تەكشۈرۈش قەغىزىنى يىرتىۋېتىپ،ئالىيەنىڭ گېلىدىن سىقتىم.
-سىزدىن،سىزدىن،ئاشنام بولۇپ بېرىڭ ،دەپ ئالدىمغا كەلگەن سىز ئەمەسمىدىڭىز،مېھرايدىن ئاجىرىشىپلا سىز بىلەن توي قىلىمەن دېگەن سىز ئەمەسمىدىڭىز،ئەمدىلىكتە تانماقچىمۇسىز؟نەرىڭىز ئەركەك سىزنىڭ،ئىسىت،ئىسىت،مىھراي ئاچام ئىككىمىزگە سىزدەك ئەرنى نېمىشقىمۇ ئۇچراشتۇرغان بولغىيتى -ئالىيە قولۇمدىن يۇلقۇنۇپ چىقىپ،قاتتىق يۆتەلگەن ،ئاۋازىنى قويۇۋېتىپ،يىغلاشقا باشلىدى.
-مەن سەن بىلەن راس ئاشنا ئوينۇمدۇم،ئويۇن ئوينايلى دېدىم،ئۇ گەپنى دېيىشكە سەن مېنى مەجبۇرلىدىڭ-شۇنداق دەپ بولۇپ،يەنە ئالىيەگە قاراپ ئېتىلدىم.
-قولىڭىزنى تارتىڭ ئەنۋەر-ئىچكىرى ئۆيدە زۇۋان سۈرمەي ئولتۇرغان مېھراي چىقىپ،شۇنداق دېدى-دە ،ئالىيەنىڭ گېلىنى سىقىۋاتقان قولۇمنى سىلكىپ چۈشۈرىۋەتتى .
-ئاچا،جېنىم ئاچا،مېنى كەچۈرۈڭ-ئالىيە،مېھرايغا ئېسىلىپ يىغلاشقا باشلىدى.

-مېھراي،جېنىم مېھراي،ئۇنىڭغا ئىشەنمە،ئۇ يالغان سۆزلەۋاتىدۇ،ئۇنىڭ دېگەنلىرىنىڭ ھەممىسى يالغان،مەن پەقەت سېنى قورقۇتۇپ قويۇشنىلا ئويلىغان،ئۇنىڭ بېلەن ئاشنا ئوينۇغۇنۇم يوق.
-تۈفېي-مېھراي يۈزۈمگە شالاققىدە بىرنى تۈكۈرىۋەتكەندىن كېيىن-ئىسىت،سىزنى ئوغۇلبالا،ھەقىقى ئەركەك دەپ يۈرۈپتىمەن،ئىسىت سىزگە قىلغان ئەقىدەم،قىلغان ئىشىڭىزغىمۇ ئىگە بولالمايدىغان سىزدەك ئەرنى ئەركەك دېگىنى بولسۇنمۇ-دېدى-دە،ئالىيەنىڭ مۆرۈسىدىكى قوللىرىنى چۈشۈرىۋېتىپ،ھەر ئىككىلىمىزگە قاراپمۇ قويماستىن چىقىپ كەتتى.
-ھا،ھا،ھا،ھا-ھېلىلا يىغلاۋاتقان ئالىيە،مېھراي چىقىپ كەتكەندىن كېيىن،مېنىڭ ھۆڭۈرەپ يىغلاۋاتقان ھالىتىمگە قاراپ،ساراڭلاردەك قاقاھلاپ كۈلۈپ كەتتى........
داۋامى داۋاملىق ئىنكاس شەكلىدە يوللىنىدۇ............................

پوۋېستنىڭ ئاخىرى ھەجەپ چىقمايدىغۇ.

teskin

ئاخىرنى  بىلسەك بولاتتى....

ئوغۇز

ئاشنا ئىزدەش(17)

-ئاغزىڭنى يۇمۇپ دەرھال بۇ يەردىن يوقال ۋۇ ساراڭ-ئۆرلەپ تېشىۋاتقان غەزىپىمنى باسالماي،ماڭا زاڭلىق قىلغان نەزىرىدە قاراپ،تېخىچە قاقاقلاپ كۈلۈپ ئولتۇرغان ئالىيەگە قاتتىق ۋارقىرىدىم.
-يوقۇلىمەن،خاتىرجەم بولۇڭ،لېكىن ھازىر يوقالغىنىم بېلەن،يەنە پەيدا بولىمەن،بىزنىڭ رىشتىمىز چىگىلىپ بولدى ،ئەنۋەر ئاكا،ئەمدى يېشىمەن دېسىڭىزمۇ يېشىپ بولالمايسىز-ئالىيە غىلجىڭشىغىنىچە تەنە ئارلاش سۆزلەشكە باشلىدى،ئۇنىڭ بۇ سۆزلىرى مېنىڭ غەزىپىمنى تېخىمۇ ئۆرلىتىۋەتتى-دە ،ئۇنى بىر نېمە قىلىپ قويۇشتىن بۇرۇن ،ئۆيدىن چىقىرىۋەتمەكچى بولۇپ،قولىدىن تارتىپ ،ئورنىدىن تۇرغۇزۇم.
-ماڭا بۇنداق قىلماڭ؟-ئالىيە ماڭا قاراپ قاتتىق ۋارقىرىدى-سىزنىڭ بۇنداق قىلىدىغان ھوقۇقىڭىز يوق.
-قانداق قىپتىمەن،مەن سېنى ئۆلتۈرىۋېتىشتىن بۇرۇن دەرھال كۆزۈمدىن يوقال -ئالىيەنىڭ بۇ بىشەملىكلىرىگە ئەمدى چىداپ بولالماي،راستىنلا قول سېلىپ قالىدىغانلىقىمنى ھېس قىلىپ،ئۇنى ئىتتىرىپ ،ئىشىكنىڭ يېنىغا ئەكەلدىم.
-قويۇۋېتىڭ،ئۆزۈم چىقالايمەن-دېدى ئالىيە بىر قولى بىلەن ئىشىكنى ئېچىپ،مېنى ئىتتىرىپ تۇرۇپ-ھەي، ئەنۋەر ،ھەي ئەنۋەر،ئەقلىڭىز بېشىڭىزغا چىقىپ قالغان ئوخشىمامدۇ سىزنىڭ،ھېلىمۇ مېھرايدىن ئايرىلىپ قالدىڭىز،ئەمدى مەندىنمۇ ئايرىلىپ قالسىڭىز ،ھالىڭىز تولىمۇ خەتەر،بۇرۇنقى كۈنلىرىڭىزنى ئويلاڭ،مېھراي بېلەن ئۇچرىشىشتىن ئاۋۋالقى كۈنلىرىڭىزنى ئويلاڭ،خۇددى شۇ ۋاقىتتىكىدەك يالغۇز قالىسىز ،بىلدىڭىزمۇ؟مەنمۇ سىزنى تاشلاپ كەتسەم ،سىزدەك تالاغا قارىغان ئوغرى مۆشۈككە ھەمرا بولىدىغان ھېچكىم قالمايدۇ،ماڭا بەرگەن ۋەدىللىرىڭىزنى ئەسلەڭ،ئەڭ ياخشىسى ،مەن سىزدىن ۋاز كېچىشنى ئويلۇشۇپ كۆرۈشتىن ئاۋال،ئەمدى مېنى يېنىڭىزدا قانداق ئېلىپ قېلىش توغرۇلۇق ياخشى ئويلۇنىۋېلىڭ ،خوش مەن كەتتىم-ئۇ شۇنداق دەپ،ئىشىكنى جاڭڭىدە ياپقىنىچە چىقىپ كەتتى .
ئاۋال كۈلگەن ،ئاندىن يىغلىغان بىر ئاۋاز ئىشىكنىڭ سىرتىدىن بوشقىنە ئاڭلىنىپ،نېرۋىللىرىمنى قاتتىق چىڭقىغاندەك بولۇپ،بېشىمنى قاماللىغىنىمچە ئولتۇرۇپ قالدىم.
ھەي مېھراي ،ھەي مېھراي،سۆيگۈمىزنى ئۆز قولۇڭ بېلەن ،كۆمۈپ تاشلىدىڭغۇ،مۇھەببەتنىڭ ئاساسىي ئىشەنچ ئېدىغۇ؟،مەن بېلەن شۇنچە يىل بىر ئۆيدە ياشاپ تۇرۇپ،قەلبىڭدە ماڭا نىسبەتەن ئازىراق ئېسەنچمۇ تۇرغۇزمىغاندىڭ؟مېنى سۆيگۈنىڭ،ياخشى كۆرگىنىڭ مۇشۇمىدى،مەن سەندىن گۇمانلانغان شۇ چاغلىرىمدا،سېنىڭ بىر چۈشەندۈرۈش بېرىشىڭگە تەشنا بولۇپ،قانچە قېتىملىپ،غەزەبلىرىم ئۈستىدىن ،ئىشەنچ بىلەن غالب كەلگەن ئەمەسمىدىم؟مانا ئەمدىلىكتە سەن،يات بىر قىزنىڭ يالغان ياۋىداق سۆزلىرىگە ئىشىنىپ،ماڭا چۈشەندۈرۈشكە بىر قېتىم پۇرسەت بەرمەستىنلا ،مېنى ئازابلار قوينىغا يالغۇز تاشلاپ كېتىپ قالدىڭغۇ؟سېنىڭ مۇھەببىتىڭ ساختا بولسا،مېنىڭ راس ئېدى ئەمەسمۇ؟
بىر كېچە ئۆز-ئۆزۈمگە سۆزلەپ چىقتىم،ئەتىسى ئەتىگەندە مەن تېلىفون قىلىپ ،پۇرسەت تەلەپ قىلىشتىن ئاۋال،مېھراي تېلىفون قىلىپ،مېنىڭ ئۇنىڭغا قىلغان ھېلىقى ۋەدەمنى ئېسىمگە سېلىپ ئاجىرىشىشنى تەلەپ قىلدى .
-مېھراي ،ماڭا بىر چۈشەندۈرگىدەك پۇرسەت بەرسەڭچۇ؟ئىككىلىمىز پۇشايمان قىلىدىغان ئىش بولىدۇ ،چوقۇم پۇشايمان قىلىسەن-مېھراي بېلەن ئاجرىشىش ئۈچۈن ،كېلىشتۈرۈش ئورنىغا بېرىپلا ،ئۇنىڭ قوللىرىغا ئېسىلىپ يالۋۇرۇشقا باشلىدىم.
-قولىڭىزنى تارتىڭ ئەنۋەر-مېھراي قوللىرىمنى سىلكىۋېتىپ ماڭا غەزەپ بېلەن تىكىلدى-بۇرۇن مېنىڭ نەزىرىمدە ،قىلغان ئىشىغا ئېگە بولىدىغان بىر مەسئۇلىيەتچان ئەر ئېدىڭىز،تۆنۈگۈن بۇ خىسلىتىڭىزنى قەلبىمدن ئۆز قولىڭىز بېلەن ئۆچۈرۈپ تاشلىدىڭىز،مەن ھېلىھەم بولسىمۇ،سىزدى ۋەدىسىدە تۇرىدىغان ،غورۇرى بار ئەركەك بولالمىسىمۇ ،ئەر سانىلىشقا لايىق دەپ قارايمەن ،ئەمدى بۇ كىچىككىنە خىسلىتىڭىزنىڭ بولسىمۇ قەلبىمدە ساقلىشىمغا يول قويۇڭ ،ئاۋال دەپ قوياي ،بالىنىڭ ئىشىنى ئاجىرىشىدىغان ئورۇندا ئېيىتمايمىز،سىرىتقا قارىغانلىقىڭىز بېلەن ئالىيەنىڭ قورسىقىدىكى بالىنىڭ ئىشىنى ئېتىراپ قىلىسىز ،ھەرقانداق شەكىلدىكى كېلىشتۈرۈشنى قوبۇل قىلمايمىز،مېنىڭ ئەمدى سىز بېلەن تالىشىپ-تارتىشىپ،ئاجرىشىش ئۈچۈن ،بۇ جايلارغا كېلىپ يۈرگۈم يوق.

مېھراينىڭ قارارى كەسكىن ئېدى،ئۇنىڭ چىرايىدىكى كەسكىنلىك ھەم يۇقۇرىدا قىلغان سۆزلىرىدىن كېيىن،مېنىڭ ئەمدى سۆزلىشىمنىڭ ،ھېچقانداق پايدىسى بولمايدىغانلىقىنى ھېس قىلىپ ،زۇۋانىمنى تۇتۇۋېلىشنى قارار قىلدىم.
ئىككىمىز ئاۋال ئاھالىلەر كومتىتىغا بېرىپ،كېلىشتۈرۈش ئورنىدىن خەت ئالغاندىن كېيىن،رايونغا بېرىپ ،ئاجىرىشىش رەسمىيتىنى بېجىردۇق،ئەلۋەتتە ،كېلىشتۈرگىچىلەر ئاۋال،بىزنى ياراشتۇرش ئۈچۈن ىېلىلا كۈچە باقتى-يۇ،مېھراينىڭ مېنى ئەيىبلەش بايانلىرىنى ئاڭلىغاندىن كېيىن،ماڭا تىل-ھاقارەت،سېسىق گەپلەرنى ،بىر قۇر ياغدۇرىۋېتىپ،رەسمىيەتلەرنى بېجىرىپ بەردى،تېخى مېھراينى ئۈستۈمدىن ئەرز قىلىپ،تۆلەم تەلەپ قىلىش ياكى،تۈرمىگە سولتىۋېتىشكە دەۋەت قىلغانلارمۇ بولدى ،بىراق مېھراي بۇنداق قىلغۇسى يوقلۇقىنى،مېنىڭ سىرىتقا قارىشىمدا ئۆزىنىڭمۇ مەسئۇلىيتى بارلىقىنى ئېيتىپ،بۇنداق تەكلىپلەرنى چىرايلىق رەت قىلدى .
بىر كۈن پالاقشىپ،ئاجىرىشىش رەسمىيتىنى بېجىرىپ بولغاندىن كېيىن،ئۆيگە كېلىپلا،مۇزدەك سوغاق سۇغا ،ئوت ئالغاندەك قىززىپ كېتىۋاتقان يۈزۈمنى چىلاپ،بىر ھازا تۇرىۋەتكەندىن كېيىن،ھالسىز قىياپەتتە ئەينەككە قارىدىم.
ھەر ئەنۋەر،ھەي ئەنۋەر،سەن مۇشۇنچىلىك بىر ئىنسان،كۆردۈڭمۇ،ئىگەڭ ساڭا بىر ئايالنىڭ ھەقىقى مۇھەببىتىگە ئېرىشكۈدەكمۇ قىياپەت بەرمەپتۇ ئەمەسمۇ؟-ئۆز-ئۆزۈمگە شۇنداق دەپ پىچىرلىغان،تۇغما بۇنداي ئۆڭ كەلگەن يۈزۈمنىڭ ئوڭ تەرىپىدە ،بىر ئاي بۇرۇن پەيدا بولۇپ قالغان ئاق چېكىتنىڭ تەڭگە چوڭلۇقىغا يېتەي دەپ قالغانلىقىنى كۆرۈپ،يۈرىكىم قارتتىدە قىلىپ قالدى،چۈنكى بۇنداق تەڭگىلەر باش بارماق ،قورساق ،ھەم پايپاق بوغىدىغان جايلىرىمدىمۇ ئانچە مۇنچە پەيدا بولۇپ قالغان بولۇپ،يۇيۇنغان چېغىمدا روشەنلىشىپ،بەدىنىم قۇرىغاندىن كېيىن ،خۇنۇكلىشىپ قالاتتى،بۈگۈن بۇ تەڭگىنىڭ يۈزۈمدە بۇنىۋالا راۋاج تېپىپ كەتكەنلىكىنى كۆرۈپ،بىر ئاغىنەمنىڭ،يۈزى ھەم قول ،بويۇن قىسىملىرىغا راۋاج تېپىپ كەتكەن ئاق كېسىلى يادىمغا كېلىپ،ئۆزۈمنىڭ شۇنداق كېسەلگە گىرىپتار بولغانلىقىمدىن گۇمان قىلىپ قېلىۋاتاتتىم.
ئەمدى بىر غېمىمگە يەنە بىر غەم قوشۇلۇپ،يەنە بىر كېچىنى ئۇيقۇسىز ئۆتكۈزۈپ،ئەتىسى سەھەردىلا ،ئۇيغۇر تېبابەت دوختۇرخانىسىنىڭ تېرە بۆلۈمىگە بېرىپ،مۇتەخەسىس نومۇرىدىن بىرنى ئېلىپ،ئۆچۈرەتنىڭ كېلىشىنى ساقلىدىم .
-قورساق،ھەم پايپاق بوغۇلغان ئورۇنلاردىكى كېسەللىك كونىراشقا يۈز تۇتۇپتۇ-دوختۇر ئاق داغ بار ئورۇنلارنى ،لوپا ئەينەك بىلەن بىر قۇر كۆزەتكەندىن كېيىن،ئېغىر بىر تىنىۋېتىپ سۆز باشلىدى -قول ھەم يۈز قىسمىڭىزدىكىسى تېخى يېڭىلا پەيدا بوپتۇ،بۇ كېسەل،رەئىس ئەزالارنىڭ خىزمىتى قالايمىقانىشىپ،جىگەرنىڭ رەڭ ئىشلەپچىقىرىش خىزمىتى بىنورماللىشىپ،قان سويۇپ كېتىشتىن شەكىللىنىدىغان بىرخىل كېسەللىك،سىز كېسەللىكنى باشتا بايقىغان ۋاقىتتىلا كېلىپ تەكشۈرتمەپسىز ،ئەگەر شۇنداق قىلغان بولسىڭىز،ۋاقتىدا داۋالاش ئېلىپ بېرىپ،كېسەللىكنىڭ باشقا ئورۇنلارغا يامىراپ كېتىشىنىڭ ئالدىنى ئالالىغان بولاتتۇق ،ھېلىمۇ داۋالاشقا كېچىكمەيسىز،يۈز ھەم قول قىسمىڭىزدىكىنى داۋالاش ئارقىلىق ئەسلىگە كەلتۈرۈش مۇمكىن،پۇت ھەم قورساق قىسمىڭىزدىكىنى داۋالاش قىيىن،لېكىن باشقا ئورۇنلارغا يامىراشنى كونتىرول قىلغىلنى بولىدۇ،بۇ كېسەللىك كونىرىغانسىرى جاھىللىشىپ كېتىدۇ،شۇڭلاشقا شارائىتىىز بولسا بۈگۈنلا ياتاققا كىرىپ داۋالىنىشنى قوبۇل قىلىڭ،شارائىتىڭىز بولمىسا،دورا ئېلىپ،ئۆيىڭىزدە ئۆزىڭىز ئىشلىتىپ كۆرسىڭىزمۇ بولىدۇ.
دوختۇرنىڭ سۆزلىرىنى ئاڭلاپ،ئاسمان زىمىن ئاستىن -ئۈستۈن بولۇپ كېتىۋاتقاندەك بېشىپ پىرقىراپ،پۇت-قولۇم،جانسىزلىشىپ،ئۇنىڭغا جاۋاب بەرمەيلا ،ئورنۇمدىن تۇرۇپ،دوختۇر ئىشخانىسىدىن چىقىىشقا تەمشەلدىم،ئىشىتىن چىقىش ئالدىدا دوختۇرنىڭ بىر نىمىلەرنى دەۋاتقانلىقىنى قۇلقۇم ئاڭلىغاندەك بولدىيۇ،لېكىن ،ئۇنىڭ سۆزىنى چۈشۈنۈشنى خالىماي،تېز-تېز قەدەملەر بىلەن  مېڭىپ،بىردەمدىلا دوختۇرخانا دەرۋازىسىدىن چىقىپ كەتتىم.
دەر-ئۈستىگە دەرت،ئەلەم ئۈستىگە ئەلەم يېغىپ،بۇ ئەلەملەرنى قوبۇل قىلىشقا ئامالسىز قېلىۋاتاتتى ،بۇ دەرتلىرىمنى كىمگە ئېيتاي،مېھراي ئەمدى مېنىڭ دەردىمنى ئاڭلىمايدۇ،ئۇنىڭغا بۇ بىچارە ھالىمنى كۆرسەتكۈم يوق،ئالىيە دېگەن بىر نېمە ،مېنى پەقەت ئاغزىدىلا ياخشى كۆرۈۇ،ئۇنىڭ كۆڭلىدىكىنى چۈشەنگىلى بولمايدۇ،ئانام بولسا كېتىپ قالدى،ئەمدى مېنىڭ نېمەم بار،دەردىمنى ئاڭلايدىغان كىمىم بار زادى؟
ھە راس،مېنىڭ يەنە بىر سىڭلىم بارغۇ-تۇيۇقسىزلا سىڭلىمنى ئېسىمەە ئېلىم تېلىفوننى قولۇمغا ئالدىم.
-ئەسسەلامۇ ئەلەيكۇم ئاكا-سىڭلىمنىڭ ئاۋازىنى ئاڭلاپلا ،ئۆزۈمنى تۇتۇۋالالماڭ،ھۆڭۈرەپ يىغلاپ كەتتىم......
داۋامى داۋاملىق ئىنكاس شەكلىدە يوللىنىدۇ...........................

teskin

داۋامنى ساقلايمىز

ئوغۇز

ئاشنا ئىزدەش داۋامى (18)

-ئاكا نېمە بولدىڭىز-ئايزىبا مېنىڭ يىغلىغان ئاۋازىمنى ئاڭلاپ،ماڭا قوشۇلۇپ يىغلاشقا باشلىدى-نېمىشقا يىغلايسىز،ئانام يادىڭىزغا كېلىپ قالغان ئوخشىمامدۇ؟
-ياق سىڭلىم-ماڭا يۆلىنىشكە تېگىشلىك بولغان بىر ئاجىزەگە ،كۆز يېشىمنى كۆرسىتىپ يۈرگەنلىكىمدىن نومۇس قىلدىم بولغاي دەرھال يىغىدىن توختىدىم-مەن بەك شورپېشانە ئادەمكەنمەن،نېمىشقىمۇ بۇ دۇنياغا تۆرۈلۈپ قالغان بولغۇيتۇم.
-ئۇنداق دېمەڭ ئاكا،سىز ھازىر نەدە،مەن ھازىرلا يېنىڭىزغا باراي-يىغىدىن توختىغان بېلەن،ئىچىمگە پاتمايۋاتقان بىر ئېغىز گەپنى ئاغزىمدىن چىقىرىپ سالغىنىم ئۈچۈن،ئايزىبا مەندىن ئەنسىرەشكە باشلىدى.
-مەن ھازىر ئۆيگە ماڭدىم،سىزمۇ ئۆيگە كېلىڭ سىڭلىم-كۆرۈشمىگىلى بىر نەچچە كۈن بولغاچقىمۇ ،مەنمۇ دۇنيالىقتىكى بىردىنبىر قېرىندىشىمنى خېلىلا سېغىنىپ قالغان ئىدىم،شۇڭا ئۇنى ئۇدۇللا ئۆيگە تەكلىپ قىلىۋېتىپ،ئۇدۇل ئۆيگە قاراپ ماڭدىم.

-ئاكا كەلدىڭىزمۇ؟-مەن كەلگەن ۋاقىتتا ئايزىبا ئاللىقاچان كېلىپ،ئۆينىڭ ئالدىدا مېنىڭ كېلىشىمنى ساقلاپ تۇرغان ئېدى.

-ھەئە-مەن شۇنداق دەۋېتىپ ،ئىشىكنى ئاچتىم،ئاچتىم-يۇ،ئۆيگە قەدەم بېسىپلا ،نۇمۇستىن يەرنىڭ تېگىگە كىرىپ كەتكۈدەكلا بولدۇم،چۈنكى مەندەك خوتۇنسىز بىر بويتاقنىڭ تۇرغان ئۆيى ،يەنە قانچىلىك بولماقچى ئېدى؟ھەممە يەردە چېچىلىپ يۈرگەن كېيىم-كېچەكلەر،لۆڭگۈلەر،نەچچە كۈننىڭ ياقى بىر قېتىممۇ يىغىلىپ باقمىغان داستىخان،سۈرتىلمىگنىگە ئۇزاق بولغاچقا،داغلىشىپ كەتكەن ،ئاشخانا سايمانلىرى ،ھەم مېھمانخانا ئۆيدىكى كىرىسلو،تاماق شىرەلىرى،بۇ نەرسىلەرگە كۆزۈم چۈشىشى بېلەنلا،خۇددى ،مەن كۆزۈمنى يۇمۇۋالساملا،ئايزىبامۇ بۇ نەرسىلەرنى كۆرمەيدىغاندەك،كۆزلىرىمنى چىڭ يۇمۇۋالدىم.
كۆزۈمنى ئاچقان چېغىمدا بولسا ،ئايزىبا ئاللىقاچان مېنىڭ قالايمىقانچىلىقلىرىمنى يىغۇشتۇرۇشقا كىرىشىپ كەتكەن ئېدى.
ئايال كىشى بار ئۆي نېمە دېگەن ئىللىق ھە؟نەچچە چاقىتتىن بۇيان ،مېھرايدىن گۇمانلىنىش بىلەنلا بولۇپ كېتىپ،ئۇنىڭ بۇ ئائىلىدىكى رولىنىڭ ،بۇ قەدەر مۇھىملىقىنى ،خېيالىمغا كەلتۈرۈپ باقماپتىمەن،مانا ئەمدىلىكتە،ئايزىبانىڭ ئەستايىدىللىق بىلەن ،ئىشقا كىرىشكەن تۇرقىغا قاراپ،مېھراينىڭ ،بۇرۇن،ئۆي تازلىغان كىر يۇيغان ،تاماق ئەتكەن،كىيىملىرىمنى دەزماللاپ،كېيىمىڭىزنى ئالماشتۇرىۋېلىڭ ،دەپ ،كۈلۈپ تۇرغان،ئايىغىمنى سۈرتىۋاتقان ،ھالەتلىرىنى كۆز ئالدىمغا ئەكىلىپ،كۆزلىرىمدىن ئىخىتيارسىز ياشلار سىرغىپ چۈشۈشكە باشلىدى .
-ئاكا نېمە تاماق يەيسىز ؟مەن سىز گە تاماق ئېتىپ بېرەي-ئايزىبا بىردەمدىلا ئۆي ئىچىدىكى قالايمىقانچىلىقلارنى يىغۇشتۇرۇپ بولۇپ،يېنىمغا كېلىپ،مەندىن سورىدى.
-بولدى سىڭلىم،تاماق گېلىمدىن ئۆتمەيدۇ ھازىر،ھېلىمۇ سىزنى كۆپ ئاۋارە قىلىۋەتتىم .سىزمۇ كېلىپ ئولتۇرۇڭ،ئاكا-سىڭىل ئىككىمىز بىردەم مۇڭدىشايلى.
-ياق ئاكا،گېلىڭىزدىن ئۆتمىسىمۇ ،زورلاپ يېمىسىڭىز بولمايدۇ،ئاۋال تائام ئاندىن كالام،دەپتىكەن،ئاۋال سىزگە تاماق ئېتىپ بېرەي ،ئاندىن ،قانچىلىك دېسىڭىز شۇنچىلىك مۇڭدىشايلى .
ئايزىبانىڭ قارشىلىقىغا ئامالسىز قېلىپ،ئۇزۇندىن بۇيان يەپ باقمىغان ،ئۆي لەغمىنىنى يىگۈم بارلىقىنى ئېيتىپ ،ئۇنىڭ بالدۇرراق تاماقنى پۇشۇرۇپ،ئېلىپ چىقىپ،مېنىڭ دەردىمنى ئاڭلىشىنى ساقلاپ ئولتۇردۇم.
ئايزىبا بىردەمدىلا ،ئوخشىغان بىر تەخسە لەغمەننى كۆتۈرۈپ چىقتى ،نېمىشقىكىن ،ئۇنىڭ ئەتكەن بۇ تامىقى ماڭا خۇددى رەھمەتلىك ئانامنىڭ بالا ۋاقىتلىرىمدا ئېتىپ بېرىدىغان ،تەملىك لەغمەنلىرىدەك تېتىپ،ئىشتىھايىم يوق بولسىمۇ،بىر تەخسە لەغمەننى بىردەمدىلا يەپ بولدۇم.
-ئاكا،كۆزلىرىڭىزدىن ئېغىر بىر غەمنى كۆرۈۋاتىمەن،قانداق غېمىڭىز بولسا ماڭا ئېيتىڭ ،ئىچىڭىزدىكى دەردىڭىزنى ماڭا تۆكۈۋالسىڭىز باشقىچە يېنىكلەپ قالىسىز -دېدى ئايزىبا،تاماقتىن كېيىن،ئاشخانىغا كىرىپ،قاچا-قۇچىللىرىنى يىغۇشتۇرىۋەتكەندىن كېيىن،يېنىمغا كېلىپ ئولتۇرۇپ.
-سىڭلىم،بەلكىم سىزنىڭمۇ خەۋىرىڭىز باردۇر-قانداق ئېغىز ئېچىشنى بىلمەي بىردەم،سۈكۈتتە ئولتۇرىۋەتكەندىن كېيىن،تەستە گەپ باشلىدىم -تۆنۈگۈن مېھراي ئاچىڭىز ئىككىمىز ئاجىرىشىپ كەتتۇق.
-ئاجىرىشىپ كەتتۇق ؟-ئايزىبا بۇ سۆزۈمنى ئاڭلىغاندىن كېيىن ھەيرانلىقتا ئاغزىنى ئېچىپلا قالدى -ئاكا ،مۇشۇنداق مۇھىم ئىشنى ماڭا مەسلىھەت سالمىغىنىڭىز نېمىسى،نېمىشقا بۇنداق يەڭگىلتەكلىك قىلغانسىز،ھەرقانچە ئىش بولسىمۇ ،مېھراي ئاچامغا يول قويسىڭىز بولاتتىغۇ،ئۇنىڭ قانچىلىك ياخشى ئايال ئىكەنلىكىنى مەن سىزگە دېمىسەممۇ سىز ئوبدان بىلەتتىڭىزغۇ؟
ئايزىبانىڭ ئەيىبلەشلىرى ھەقلىق ئېدى،چۈنكى ،مەن ئۇنىڭمۇ،مېھرايدەك ،ئالىيەنىڭ يالغان ياۋىداق سۆزلىرىگە ئىشىنىپ،مېنىڭ قەلبىدىكى ئوبرازىمغا داغ يېتىشىدىن ئەنسىرەيتتىم،چۈنكى ،ئايزىبا ئىككىمىز بىر قورساق ئاكا-سىڭىل بولساقمۇ،بىر ئۆيدە ياشىمىغىنىمىزغا ئۇزۇن بولغان بولغاچقا،ئۇنىڭ ماڭا قانچىلىك ئىشىنىدىغانلىقىغا بىر نەرسە دېيەلمەيتتتىم.
-سىڭلىم،سىزگە چۈشەندۈرەي ،سىز ھېچنىمە دېمەي مېنىڭ چۈشەندۈرۈشلىرىمنى ئاڭلاڭ،ئاندىن مېنى ئەيىبلىسىڭىزمۇ كېچىكمەيسىز -مەن شۇنداق دېگەندىن كېيىن،مېھراي ئىككىمىزنىڭ ئارىمىز بۇزۇلۇشقا سەۋەبچى بولغان گۇمانلىق كۈنلەردىن ،بۈگۈنگىچە بولغان ھەممە ئىشنى ئايزىباغا ،يىپىدىن يىڭنىسىغىچە سۆزلەپ بەردىم .
-ھەي ئەخمەق ئاكا،ھەي ئەخمەق ئاكا،سىز ئانامدىنمۇ ئەخمەق ئىكەنسىز ئەمەسمۇ؟-ئايزىبا مېنىڭ سۆزلىرىمنى جىمجىت تۇرۇپ ئاڭلىغاندىن كېيىن،ماڭا ئېسىلىپ يىغلاپ كەتتى -ئانام ئەخمەق،سىزنى شۇنچىلىك سېغىنغان بولسىمۇ،سىزگە قارىغۇدەك يۈزۈم يوق ،دەپ قاراپ،تاكى كۆز يۇمغانغا قەدەر ،سىز بىلەن يۈز تۇرانە كۆرۈشۈشكە جۈرئەت قىلالماي،سىزنىمۇ،ئۆزىنىمۇ قىيناپ كەلدى ،ئاقىۋەتتە مانا ،سىزنىڭ ئائىلىڭىز بۇزۇلۇش گىردابىغا بېرىپ قالدى ،ئەمدى سىزمۇ ئۇنى دوراپ،مېھراي ئاچامغا بەرگەن بىر ئېغىز ۋەدىڭىز ئۈچۈنلا ،ئۇنىڭغا چۈشەندۈرۈش پۇرسىتىدىن ۋاز كەچكىنىڭىز نېمىسى ،سىز ۋاقىت ھەممىنى داۋالايدىغان دورا دېگەن ،سۆزنى ئاڭلىمىغانمۇ قېنىم ئاكا،سىز ئاجىرىشىىشقا قوشۇلماي ۋاقىتنى كەينىگە سوزغان بولسىڭىز،ھېچ بولمىغاندە،ماڭا ھەقىقى ئەھۋاللارنى ئېيتىقان بولسىڭىز،ھەقىقەتنى ئايدىڭلاشتۇرىدىغان پاكىتنى تەڭ ئىزدىسەك بولماسمىدى،ھېلىقى ئالىيە دېگەن ،بىر نېمە ھەرقانچە قۇۋ تۈلكە بولغان تەقدىردىمۇ ،قۇيرىقىدىن ئىلىنگۈدەك بىرەر يېرى بولاتتى ئەمەسمۇ؟خەيىر ئۆتكەن ئىشلار ئۆتۈپ كەتتى ،ئەمدى بولسىمۇ،مېھراي ئاچام بېلەن يارىشىدىغان ئامالنى قىلايلى،بۇنچىۋالا ئۈمۈدسىزلىنىپ كەتمەڭ ئاكا،مەن چوقۇم ،مېھراي ئاچامنى قايىل قىلىپ،يېنىڭىزغا قايتۇرۇپ كېلىمەن.
-بولمايدۇ ،سىڭلىم،ئەمدى مېھراينى ئىزدىسىڭىز قەتئىي بولمايدۇ-مەن ئايزىبانىڭ مېھراينى ئىزدەپ بېرىشى توغرىسىدىكى سۆزنى ئاڭلاپلا قارشىلقىمنى بىلدۈردۈم.
-نېمىشقا ؟-دېدى ئايزىبا يەنە ھەيرابلىقىنى بىلدۈرۈپ،ئەجەبا سىزمۇ ھېلىقى ئالىيە دېگەن جىن شەيتاننى راستىنلا ياخشى كۆرۈپ قالمىغانسىز ھە؟
-ياق،بۇنداق بولۇشى مۇمكىن ئەمەس،ماڭا ئىشىنىڭ سىڭلىم-مەن شۇنداق دېگەندىن كېيىن،قوللىرىمدىكى ئاق داغ بار ئورۇنلارنى ،ئايزىباغا كۆرسەتتىم-قاراڭ سىڭلىم،بۇلارغا قاراڭ،مەن ئاق كېسەل بولۇپ قاپتىمەن ،بۇ كېسەك ناھايىتى تېز تەرەققىي قىلىدۇ،كونتىرول قىلىشمۇ ناھايىتى قېيىن،ھازىر ھەتتا يۈزۈمگىمۇ يۈرۈشكە باشلىدى،ئۇزاق ۋاقىتقا قالماي،مەن رەڭگى يوقالغان بىر رەڭسىز ئادەمگە ئايلىنىپ قېلىپ،ھەتتا بەدىنىمدىكى تۈكلەرمۇ ئاقىرىپ كېتىشى مۇمكىن،ساق ۋاقتىمدا قەدرىگە يەتمىدىم،ئەمدى بۇ كېسىلىم بېلەن ،ئۇنىڭ يېنىغا بېرىشقا قانداقمۇ يۈزۈم چىدىسۇن ،مەن بۇنداق تۇرسام ،مېھراي بۇنىڭدىن كېيىن قانداق ياشايدۇ؟ئېرىڭ كېم ؟،دېسە،مەندەك بىر ئاقكېسەلنى،مۇشۇ ،دەپ،خەققە كۆرسىتىپ يۈرەمدۇ؟بالام بىچارىچۇ؟كىچىكىدىن باشلاپ،ئاق كېسەلنىڭ بالىسى -دەپ كەمسىتىلىپ،يەكلىنىپ ياشامدۇ؟ياق ،مەن ئۆزۈم ياخشى كۆرىدىغان ئىككى ئىنساننىڭ مەن سەۋەبلىك ،بۇنداق ئەرزىيەتلەرنى تارتىشىغا قاراپ تۇرالمايمەن،سىز مېنىڭ سىڭلىم بولسىڭىز،ئەمدى مېھرايغا مەن توغرۇلۇق ھېچنىمە دېمەسلىككە ۋەدە بېرىڭ.
-ئاكا-بايىدىن بېرى بۇلدۇقلاپ يىغلاپ تۇرغان ئايزىبانىڭ ،قوينۇمغا ئۆزىنى ئېتىشى بېلەن ،يىغلىمايمەن دېگەن مەنمۇ،ئۆزۈمنى تۇتۇۋالالماي،ئۇنىڭغا ئەگىشىپ كىچىك بالىدەك ھۆڭۈرەپ يىغلاپ كەتتىم.
-ئاكا،ئەمدى بولغۇلۇق بولۇپ بوپتۇ،ئەمدى قانداق قىلىشنى ئويلۇشىۋاتىسىز؟-دېدى ،ئىككىمىز بىر ھازا يىغا زارە قىلىشقاندىن كېيىن،ئۆينىڭ ئىچىگە بىر قۇر نەزەر سالغاندىن كېيىن،ئەمدى يالغۇز ياشىمايدىغانسىز دېگەندەك نەزەردە ماڭا قاراپ.
-تېخى ھېچقانداق ئىشنى ئويلاشقۇدەك بولمۇدۇم،ئاۋال،دوختۇرنىڭ داۋالىشىچە داۋالىنىپ باقاي،ساقىيىپ قالسام ،ئۇنى كۆرەرمەن ،ساقايماي قالسام،تەنھا پېتى ياشارمەن ،باشقىلارغا يالۋۇرۇپ،يېلىنىپ،سەت كۆرۈنۈپ ياشىغاندىن كۆرە.
-ئۇنداق دېمەڭ ئاكا-دېدى ئايزىبا مېنىڭ،سۆزۈمنى ئاڭلىغاندىن كېيىن،ئەندىككەندەك بولۇپ-بىر باشقا بىر بۆك لازىم،جاھاننىڭ مەرى ئۇزۇن ،تەنھا ئۆتۈپ بولغىنى بولماس،ھاياتتا،بوران چاپقۇنلارغا،قايغۇ-ئازابلارغا،تاقابىل تۇرغىدەك بىر ھەمراغا مۇھتاج بولىسىز،ئۇنىڭ ئۈستىگە ھازىر مېدىتسىنا تەرەققىي قىلغان مۇشۇنداق ۋەزىيەتتە تۇرىۋاتىمىز،ساقايماس كېسەللەرمۇ ساقىيىۋاتقان تۇرسا،سىزنىڭ دەسلەپكى باسقۇچتىكى بۇ كېسىلىڭىزمۇ ساقىيىپ كېتەر،ئۈمۈدلىك بولۇڭ،ئىشەنچىڭىزنى يوقاتماڭ .
-مېنىڭ ياخشى سىڭلىم-ئايزىبانىڭ تەسەللىيلىرىدىن ئازىراق ئۈمۈدكە ئېرىشكەندەك بولۇپ،ئۇنىڭ قوللىرىنى چىڭ سىقتىم.
-ھە راس ئاكا-ئايزىبا بىر ئىشنى ئېسىگە ئالغاندەك بولۇپ،ماڭا مېھىر بېلەن باققان كۆزلىرىدە،بىر كۈلكە ۋاللىدە يورۇپ كەتتى -ھېلىقى ئالىيە دېگەن قىزچۇ؟ئۇ سىزنى راستىنلا ياخشى كۆرەمدىغاندۇ؟ئەگەر ئۇ سىزنى راستىنلا ياخشى كۆرىدىغان بولسا،سىزنىڭ كېسىلىڭىزنى ئۇنىڭغا دەيلى،ئۇ قوشۇلسا،شۇنىڭ بىلەن توي قىلسىڭىزمۇ بولىدۇ ،ھېلىقى بالا ،مەيلى بولسۇن ياكى بولمىسۇن،ئۇنىڭغا ئاتىلىق مېھرىڭىزنى بېرىش بەدلىگە ،ئۇ سىز بىلەن توي قىلسا مەيلى ئەمەسمۇ ئاكا.
-بۇ مۇمكىن ئەمەس سىڭلىم،ئۇ قوشۇلغان تەقدىردىمۇ مەن قوشۇلالمايمەن،ئۇنىڭ مېھراي ئىككىمىزنى ئايرىش ئۈچۈن قىلغانلىرىنى مەڭگۈ يادىمدىن چىقىرىپ بولالمايمەن -مەن ئايزىبانىڭ تەكلىپىنى دەرھال رەت قىلدىم.

-ئاكا،ئۆزىڭىز دېدىڭىزغۇ؟بۇ كېسەل بېلەن مېھراي ئاچام بېلەن ياراشمايمەن ،دەپ،ئۇنىڭ ئۈستىگە بۇ دۇنيادىن يالغۇز ياشاپ بولغىنى بولسۇنمۇ؟كېيىن بىرسى بىلەن توي قىلسىڭىز،كېسىلىڭىز راستىنلا سىز دېگەندەك ،ھەممە يېرىڭىزگە تاراپ كەتسە،ئۇ ئايال ،بۇنى كۆرۈپ ھەددىدىن ئاشسا،يەنە بىر قېتىم ئائىلىڭىزنىڭ بۇزۇلىشىغا بەرداشلىق بېرەلەمسىز؟ياخشىراق ئويلۇشۇپ بېقىڭ ئاكا،كېسىلىڭىزنى بىلمەيدىغان ساھىبجاماللار بېلەن توي قىلىپ،ئۇلارغا يالۋۇرغىنىڭىزدىن كۆرە،كېسىلىڭىزنى بىلىدىغان ،توغرا قارايدىغان ،ئالىيە بېلەن توي قىلغىنىڭىز ياخشى ئەمەسمۇ؟ئۇنىڭ ئۈستىگە مۇشۇ پۇرسەتتە ،ئالىيە دېگەن بۇ قىزنىڭ ،سىزنى ھەقىقى ياخشى كۆرىدىغان .ياكى كۆرمەيدىغانلىقىنى  بىلىۋالاليمىز ئەمەسمۇ؟ئەگەر ئۇ سىزنى ھەقىقى ياخشى كۆرىدىغان بولسا،چوقۇم ،سىزنىڭ كېسىلىڭىزنى بىلسىمۇ ،سىز بىلەن بىللە ياشاشقا جۈرئەت قىلالايدۇ،ئەگەر ئۇ سىزدىن پايدىلىنىش ئۈچۈن،مۇشۇنداق قىلىۋاتقان بولسا،مۇشۇ پۇرسەتتە ،ئۇنىڭ ھەقىقى ئەپتىبەشىرىسىنى كۆرۈۋالالايمىز ؟

ئايزىبا ئىككىمىز ئۇنى ،بۇنى دېيىشىپ يۈرۈپ ،ئاخىرى ،ئايزىبا ،ئالىيەگە ھەقىقى ئەھۋالنى ئېيتىدىغان ،بىز ئالىيەنىڭ پوزىتسىيەسىگە قاراپ ،ئىش تۇتىدىغان بولۇپ كېلىشتۇق.
شۇ كۈنى ،ئايزىبانىڭ يولدىشىمۇ بىزنىڭ ئۆيگە كەلدى،بىر ئائىلە كىشىللىرى جەم بولۇشۇپ،يېرىم كېچىدىن ئاشقانغا قەدەر ،كەڭ كۇشادە پاراڭلاشتۇق،مېنىڭ ئەتىگەندىكى كۆڭۈلسىزلىكلىرىممۇ،سەل پەسەيگەندەك بولۇپ قالدى.