بالىلار نادىر ھېكايە فىلىمى:«يالقۇنتاغدىن كەلگەن داپچى»ھەققىدە

wolfiram

	بالىلارنادىر ھېكايە فىلىمى : «يالقۇنتاغدىن  كەلگەن  داپچى» ھەققىدە        يالقۇنتاغدىن كەلگەن داپچى-ئاتاقلىق رېژىسسور-گۇاڭ چۈنلەننىڭ بالىلار كىنوسىنىڭ تۇنجىسى بولۇپ، جۇڭگو بالىلار نەشىرىياتى تەرىپىدىن سۈرەتكە ئېلىنىپ نەشىر قىلىنغان. بۇ فىلىمنىڭ سىنارېستى-مايەن، رېژىسسور- گۇاڭ چۈنلەن، ئاساسلىق روللاردا:     كۈرەش-قۇربانجان مېھمان،شېرىنئاي- ئاينۇر ،لالىگۈل-خانقىز قاتارلىقلار. بۇ فىلىمدە يالقۇنتاغ باغرىدىكى بىر يېزىدا ياشايدىغان كۈرەش ئىسىملىك بىر ئوغۇل بالىنىڭ داپ چېلىشقا ئۇستا ئىكەنلىكى، ئۇنىڭ ئانىسى ئاتاقلىق ئۇسسۇلچى بولۇپ، ئۇ ئۆلۈپ كەتكەندىن كېيىن كۈرەش ئىزچىل ھالدا يالقۇنتاغدىكى چوڭ دادىسىنىڭ ئۆيىدە تۇرغانلىقى بايان قىلىنىدۇ. بىر كۈنى بۇ يېزىغا بىر تىياتىر ئۆمىگى كېلىپ ئويۇن قويىدۇ. بۇ «كىچىك ئاي» بالىلار سەنئەت ئۆمىكى بولۇپ، كۈرەشنىڭ داپ چېلىش جەھەتتىكى ئارتۇقچىلىقى بۇ سەنئەت ئۆمىكىدىكىلەرنىڭ دىققىتىنى تارتىدۇ ھەمدە بىر قىسىم بالىلارنىڭ ھەسەت قىلىشىغا ئۇچرايدۇ. ئاخىرى ئۇلار ئارىسىدىكى ئاقكۆڭۈللۈك، پاك دىللىق خىسلىتى ئۇلارنىڭ ياخشى دوست بولۇپ چىقىشىغا تۈرتكە بولىدۇ. بۇ فىلىم ئۇيغۇر بالىلىرىنى ئاساسىي تېما قىلغان ناخشا-ئۇسسۇللۇق فىلىم بولۇپ، يازغۇچى ماھىرلىق بىلەن يېڭى دەۋرنىڭ ئالاھىدىلىكىنى چىڭ تۇتۇپ، بالىلارنىڭ تۇرمۇشىدىكى غايە ئۈچۈن، تىرىشىشتەك توختىماي، ئالغا ئىلگىرىلەش روھىغا مەدھىيە ئوقۇلغان. شۇڭلاشقا بۇ فىلىم تېخىمۇ تەسىرلىك، تېخىمۇ رەڭدار خۇسۇسىيەتكە ئىگە بولغان.      بۇ فىلىم ئۇيغۇر بالىلىرىنىڭ تۇنجى قېتىم تۇرمۇشى ئەكىس ئەتتۈرۈلگەن ھېكايە فىلىم بولۇش سۈپىتى بىلەن ئەينى دەۋىردىكى شىنجاڭ بالىلىرىنىڭ مەنىۋىي قىياپىتىنى قانداق ئەكىس ئەتتۈرۈش،خاراكتېر ئالاھىدىلىكىنى ۋە تۇرمۇش ھالىتىنى قانداق يارىتىش جەھەتتە قىيىنچىلىققا ئۇچرىغان بولسىمۇ، گۇاڭ چۈنلەن بالىلار كىنوسىنى ناخشا-ئۇسسۇل بىلەن بىرلەشتۈرۈپ، بالىلارنى ناخشا-ئۇسسۇل ماكانى بولغان جەمئىيەت ئۈستىگە قويۇپ، ناخشا-ئۇسسۇل ئارقىلىق بالىلارنىڭ مەدەنىيەت تۇرمۇشىنى ئەكىس ئەتتۈرگەن. بۇ ئىسلاھات، ئىشىكنى ئېچىۋىتىش يولغا قويۇلغاندىن كېيىنكى بىر ئەۋلاد مائارىپ، تەلىم-تەربىيىسىدىكى مۇھىم بىر تېمىغا ئايلانغان. بالا ئارتىسلار كىنودىكى ئەڭ مۇھىم يورۇق نۇقتىغا ئايلانغان. ئۇلارنىڭ ناخشا-ئۇسسۇلغا ماھىرلىقى بۇ فىلىمنى غەلبىلىك تاماملاشقا ياردەم بېرىپ قالماي، يەنە بالىلارنىڭ ساددا ۋە سۆيۈملۈك ھېسسىياتلىرى، جاراڭلىق ئاۋازلىرى تاماشىبىنلارنى قاتتىق تەسىرلەندۈرگەن.  فىلىم ئاددى تۇرمۇشتىن تاللاپ ئېلىنغان،ئەمما ئۇستىلىق بىلەن سەنئەت ئارقىلىق پىششىقلاپ ئىشلەنگەن. فىلىمدىكى كىچىك ئارتىسلارنىڭ ناھايىتى تەبىئىي جانلىق ھەرىكەتلىرى ئۇيغۇر ياش-ئۆسمۈرلىرىنىڭ مەنىۋىي قىياپىتىنى تولۇق ئەكىس ئەتتۈرۈپ بېرىپ، كەڭ ئۆسمۈر بالىلارنى چوڭقۇر تەربىيەگە ئىگە قىلغان. فىلىمنىڭ سۈرەتكە ئېلىنىشى شىنجاڭنىڭ ئۆرپ-ئادەتلىرى، كىچىك ئارتېستلارنىڭ رول ئېلىشلىرى- بالىلارنىڭ قىزىقىش تېمىسىغا ئايلانغان. بۇ فىلىمدە بالىلار ھەم ناخشا ئېيتىدۇ، ھەم ئۇسسۇل ئوينايدۇ.      بۇ فىلىمنى جۇڭگو بالىلار كىنو ئىسىتۇدىيىسى 1991-يىلى ئىشلىگەن بولۇپ، ياش-ئۆسمۈرلەرنىڭ كەلگۈسى گۈزەل تۇرمۇشقا بولغان گۈزەل ئارزۇ-ئارمانلىرىنى ئوبرازلىق ھالدا سۈرەتلەپ بەرگەن.    يازغۇچى-ئابدۇمىجىت مۇھەممەتئېلى قەشقەر، 2012-يىلى21-سىنتەبىر

wolfiram

	بۇ فىلىم بالىلار تۇرمۇشى تەسۋىرلەنگەن نادىر فىلىم بولۇپ،،بالىلارنىڭ ئۆگىنىش، تۇرمۇش ۋە كەلگۈسىگە بولغان غايىسى رۇشەن ھالدا سۈرەتلەپ بېرىلگەن. فىلىمنىڭ ۋەقەلىگى تەسىرلىك بولۇپ، تاماشىبىنلارنىڭ ياخشى كۆرىشىگە ئىگە بولالايدۇ.

(نۇر)

	بۇ پىلىمنى تۇرپاندا ئىشلىگەن بولۇپ ،مەن كۆرمەپتىمەنكەن.

KALBIM

	سىز دائىم كىشلەرنى قىزىقتۇرۇپ قويىدىكەنسىز....لېكىن ئەمەلىي فىلىمىچۇ  ؟؟؟؟؟؟؟؟

wolfiram

	مەن تورغا كىگىنى ئەمدى ئىككى ئايدىن ئاشتى. توردا فىلىم يوللاشنى تېخى ئۆگىنىپ بولالمىدىم، بۇ فىلىملار بازاردا خېلى كۆپقۇ دەپ قارايمەن. 5-6 يىلدەك بولدى، ئۈن-سىن نەشىرياتلىرى نەشىر قىلىپ تارقاتقان ئىدى. ئەگەر لازىم بولسا، مەن يوللاپ بېرىشكە تىرشاي.

ronaK0000000

	بۇ فىلىمنى مەنمۇ كۇرمەپتىكەنمەن بولسا بىر كۇرساك بولغۇدەك؟

kvmvx

	بالىلىقىمنى ئەسلەتتى.

رۇجەك

	سىز دائىم مىسرانىمدا ماشتا تىما يوللاپ بالىلانىڭ تىل دەشنىمىگە قالدىغان مۇئەللىم بوپ قالماڭ يەنە  ،

Ayberchin

	بالىلىقىم يادىمغا يېتىپ قالدى، رەھمەت!

未来和田

	مەن بۇ فىلىمنى قايتا-قايتا كۆرگەن بەك ياخشى.