ئادىلجان سۇلايماننى بىلەمسىز؟

تەڭرىتاغ

	ئادىلجان سۇلايمان ھەققىدە     ئادىلجان سۇلايمان 1967-يىلى خوتەندە تۇغۇلغان بولۇپ، جۇڭگو ئەرلەر ۋاسكىتبول كوماندىسىنىڭ ئىلگىرىكى ئاساسلىق بېكى. ھازىر <<بىرىنچى ئاۋغۇست>> ئەرلەر ۋاسكىتبول كوماندىسىنىڭ تېرىنېرى. 1986-يىلى <<1-ئاۋغۇست>> ئەرلەر ۋاسكىتبول كوماندىسىغا، 1989- يىلى دۆلەت كوماندىسىغا قوبۇل قىلىنغان. ئۇ مەملىكىتىمىز ۋاسكىتبولچىلىق تارىخىدا تۇنجى بولۇپ ئاپتونوم رايونىمىزدىن چىققان ماھىر ھېسابلىنىدۇ. ئۇنىڭ مۇداپىئە قىلىش ۋە ھۇجۇم تەشكىللەش ئىقتىدارى ناھايىتى كۈچلۈك، مۇسابىقە ئەھۋالىنى كۈزىتىشكە ماھىر بولغاچقا، كىشىلەر تەرىپىدىن«ۋاسكىتبول مەيدانىدىكى سېھرىگەر»دەپ ئاتالغان.     ئادىلجان كىچىكىدىن ۋاسكىتبولغا قىزىقاتتى. 1979-يىلى ئادىلجان 13ياش ۋاقتىدا دادىسى سۇلايمان ئۇنىڭ بۇ جەھەتتىكى تالانتىنى بايقاپ، ئۇنى شىنجاڭ تەنتەربىيە مەكتىپىگە ئوقۇشقا ئەۋەتمەكچى بولىدۇ، لېكىن ئادىلجاننىڭ بويى ئۆلچەمگە توشمىغانلىقتىن، ئۇ ۋاسكىتبول سىنىپىغا كىرەلمەي ئامالسىز پۇتبول سىنىپىغا كىرىدۇ. 3ئايدىن كېيىنكى بىر ۋاسكىتبول مۇسابىقىدە، ئۇ باشچىلىقىدىكى پۇتبول سىنىپى ۋاسكىتبول سىنىپىنى يېڭىۋالىدۇ. شۇنىڭدىن كېيىن ئۇنىڭ ۋاسكىتبول ئويناش ھاياتى رەسمىي باشلىنىدۇ.     <<1-ئاۋغۇست>> ۋاسكىتبول كوماندىسى تارىخىدا ئادىلجاننىڭ ئىسمى كوماندا ئەزالىرى ۋە توپ مەستانىلىرىنىڭ قەلبىگە چوڭقۇر ئورناپ كەتكەن. 1986-يىلى 3-ئايدا، ئادىلجان <<1-ئاۋغۇست >> ۋاسكىتبول كوماندىسىنىڭ يېشى ئەڭ كىچىك ئەزاسى سۈپىتىدە خۇنەننىڭ چاڭشادا مەيدانغا چىققان. شۇنىڭدىن باشلاپ، ئادىلجاننىڭ ۋاسكىتبول ماھارىتى بارغانسېرى يۇقىرى كۆتۈرۈلۈپ، ئۇنىڭ نامى ئېغىزدىن -ئېغىزغا تارقالغان. 1.82 مېتىرلىق بۇ ياش ئۇيغۇر يىگىتى بېشىغا قىزىل لېنتا باغلاپ، 5-نومۇرلۇق توپ كىيىمىنى كەيگىنىچە مەملىكىتىمىزدىكى نۇرغۇنلىغان مۇسابىقىلەردە ئۆزىنىڭ تالانتى بىلەن كىشىلەرنىڭ قەلبىدە چوڭقۇر تەسىر قالدۇرغان.     بۈگۈنكى كۈنگە كەلگەندە ئادىلجان <<1-ئاۋغۇست>> كوماندىسىدىكى يېشى ئەڭ كىچىك ئەزادىن يېشى ئەڭ چوڭ ئەزاغا ئايلاندى. ھازىر ئۇ دۆلەت ئەرلەر ۋاسكىتبول كوماندىسىنىڭ ياردەمچى تېرىنېرى، <<1-ئاۋغۇست >> ئەرلەر ۋاسكىتبول كوماندىسىنىڭ باش تېرىنېرى. ھازىر ئادىلجاننىڭ بىر ئوغلى ۋە بىر قىزى بار بولۇپ، ئۇ ئايالى بىلەن بىرلىكتە بالىلىرىنى ياخشى تەربىيەلىمەكتە.

xipayi

	ئادىلجاندىن پەخىرلەندىم،بۈگۈنلا تونۇپ چىقتىم ھەم بىلدىم.ئادىلجانغا تىخىمۇ كۆپ ئۇتۇقلار تىلەيمەن. ياخشى يوللاپسىز رەھمەت.

manglisa

	بۇنداق تېرنېرنىڭ بارلىقىدىن بىخەۋەر  ئىكەنمەن  ، ئەمدى بىلۋالدىم رەھمەت سىزگە.

Barcelona

	ئادىلجان ئوغلى ئارسلانجان بىلەن .

hiyalparas

	پەخىرلەندىم،بۈگۈنلا تونۇپ چىقتىم ھەم بىلدىم.ئادىلجانغا تىخىمۇ كۆپ ئۇتۇقلار تىلەيمەن.

653225mamtimin

	ئادىلجاندىن چىرا  ناھىيىسىدىكى ھەمملەيلەن پەخىرلىنىدۇ.

XAL

	ئەختەم ئۆمەر قىلغانتى بايان، «ۋاسكىتبول چۆلپىنى ئادىلجان». «تەڭرىتاغ»دا كۆرگەن بۇ ئەسەر، تۆھىپىلارنى قىلغانتى ئايان. توردا كۆرۈپ بۈگەن مەن يەنە، يۇرتدېشىمغا قىلدىم تەنتەنە. باتۇر، چۆلپان كۆپلەپ چىقىدۇ، بۇ ئەجداتتىن قالغان ئەنئنە. پەخىرلىنىش بىرەر كۈچ قۇۋۋەت، ۋاسكىتبولبولغا كېتەر ماھارەت. تېخنىكىسى ياخشى ئادىلجان. نئىجات قىلدى توپتىمۇ سەنئەت.

TEREXQAN

	پەخىرلەندىم، 、

zamzam

	بۇلتۇرغۇ دەيمەن، CCTV_5 دا تۇنۇشتۇرغانتى بۇ ئادەمنى.

polat

	پەخىرلىك ئوغلانلىرىمىزنىڭ يۇلى يەنىمۇ پارلاق بولغاي