لامپۇچكا ئالماشتۇرۇش
ئۆينىڭ چىرىغى كۆيۈپ كېتىپ ،لامپۇچكا ئالماشتۇرۇشقا توغرا كەپتۇ ،لېكىن ئەركماننىڭ بالىسى ھورۇنلۇق قىلىپ ،ئورۇندۇق ئەكەلگىلى ئۇنىماپتۇ ،ئەركمان بالىسىنى گەپكە كىرگۈزەلمەي :
-ئۇنداقتا مۈرەمگە چىقىپ ئالماشتۇرغىن ، - دەپتۇ .
شۇنىڭ بىلەن بالىسى لامپۇچكىنى ئېلىپ دادىسىنىڭ مۈرىسىگە چىقىپتۇ ،خېلى ۋاقىت ئۆتكەن بولسىمۇ بالىسى جىممىدە تۇرغاندىن كېيىن ،ئەمەت ئۇنىڭدىن:
-ئالماشتۇرۇپ بولدۇڭمۇ ؟-دەپ سوراپتۇ .
-بۇرمىلىق لامپۇچكا ئىكەن ،سەن ئايلىنىپ بەرمىسەڭ قانداق ئالماشتۇرىمەن ؟ -دەپتۇ بالىسى .
ئېسىگە ئېلىش
سەرۋى بەك ئۇنتۇغاق ئىكەن ،بىر كۈنى ئۇ بىر ئىش قىلماقچى بولغانلىقىنى ئېسىگە ئاپتۇ ،لېكىن نېمە ئىش ئىكەنلىكىنى ئەسلىيەلمەپتۇ ، ئۇ شۇنداق ئويلىنپ يېرىم كېچىگىچە ئولتۇرۇپتۇ - دە :
- ھە راست ، بۈگۈن كەچ بالدۇر ئۇخلىماقچى بولغانىدىم ، - دەپتۇ ھېلىقى ئىش ئېسىگە كېلىپ .
چاشقان دورىسى
تەڭرىتاغ چاشقان دورىسى سېتىۋىلىپ ، ئۇنى دائىم چاشقان ئۆتىدىغان يولغا تاشلاپ قويۇپتۇ ،بىراق نەچچە كۈن ئۆتكەن بولسىمۇ چاشقانلار ئۆلمەپتۇ ، تەڭرىتاغ سودىگەرنى تېپىپ ،ئۇنىڭغا بەرگەن دورىسىنىڭ پايدىسى بولمىغانلىقىنى ئېيتىپتۇ ،سودىگەر تەڭرىتاغقا :
- چاشقاننى تۇتۇپ ،ئىلمان سۇ بىلەن دورىنى ئىچۈرۈڭ ،شۇنداق قىلسىڭىز دورىنىڭ ئۈنۈمىنى كۆرگىلى بولىدۇ ، -دەپتۇ .
تەڭرىتاغ دېگىنىدەك قىلغان بولسىمۇ ئۈنۈمى بولماپتۇ ،شۇنىڭ بىلەن تەڭرىتاغ يەنە سودىگەرنى ئىزدەپ بېرىپ بولغان ئەھۋالنى ئېيتىپتۇ .
-بۇ دورىنى بىر باسقۇچتا ئالتە قاپ ئىچۈرىسىز ، -دەپتۇ سودىگەر .
يوللىغان ۋاقتى 2012-9-20 19:57:48
