ئاجرىشىش قىلتىقى (دەرتمەن 119)

dartman119

	ئاجرىشىش قىلتىقى       ھىندىستاننىڭ بومباي شەھىرىدە ئولتۇرۇشلۇق بىر بوۋاي نيۇيوركتىكى ئوغلىغا تېلېفون قىلدى.       - ئوغلۇم، ئەسلى سېنى پاراكەندە قىلماي دېگەن، بىراق بىر ئىشنى ئېيتمىسام بولمىدى، ئاپاڭ بىلەن ئاجرىشىپ كېتەي دەيمەن. بىز توي قىلغىلى 35 يىل بوپتۇ، مەن بۇ تۇرمۇشتىن جاق تويدۇم.       - دادا، نېمە دەيدىغانسەن، - دېدى ئوغلى ھاڭ - تاڭ قالغان ھالدا.       - ئاپاڭ ئىككىمىز بىر - بىرىمىزنى كۆرەرگە كۆزىمىز قالمىدى، - دېدى بوۋاي، - بۇ ئىشنى تىلغا ئالغۇممۇ يوق، شۇڭا سېنى شياڭگاڭدىكى ھەدەڭگە تېلېفون قىلىپ، ئەھۋالنى ئېيتىپ قويامدىكىن دېگەن ئىدىم.       بوۋاينىڭ ئوغلى دەرھال ھەدىسىگە تېلېفون قىلىپ ئەھۋالنى ئېيتتى، ھەدىسى ئەھۋالنى بىلگەندىن كېيىن ئاچچىقىدا چېچىلىپ سۆزلەپلا كەتتى.       - ئۇلار بىر ئوبدان ئۆتۈۋېتىپ، نېمىشقا ئاجرىشىشنى ئويلاپ قالغاندۇ. بۇ ئىشقا قاراپ تۇرساق بولمايدۇ.       ئۇ دەرھال بومبايدىكى ئۆيىگە تېلېفون قىلىپ، دادىسىغا:       - سىلەر ئاجراشماي تۇرۇڭلار، ھېچبولمىغاندا ئىنىم ئىككىمىز ئۆيگە يېتىپ بېرىشتىن بۇرۇن ئاجراشماڭلار. ھېچ ئىش قىلماي ئولتۇرۇپ تۇرۇڭلار، ئاڭلىدىڭىزمۇ، - دېدى.       بوۋاي تۇرۇپكىنى جايىغا قويۇپ، ئۆرۈلۈپ مومىيىغا قارىدى ۋە:       - ئەمدى بولدى، ئىش ھەل بولدى دېگەن گەپ، ھەر ئىككىلىسى بىزنىڭ توي خاتىرە كۈنىمىزگە قاتنىشالايدىغان بولدى، - دېدى كۈلۈمسىرگەن ھالدا.       بۈگۈنكى كۈندە، ھەممە ئادەم بەك ئالدىراش، ئەمما ئۆزىڭىز خالىسىڭىزلا چوقۇم ۋاقىت چىقىرىپ ئاتا - ئانىڭىزنى يوقلاپ كېلەلەيسىز ئەلۋەتتە....       مەنبە: uycnr تورى

hak suz

	مەزمۇنى قىسقا ئەمما تولىمۇ ئەھمىيەتلىك تىما بوپتۇ .رەھمەت .ھارمىغايسىز

kvmvx

	قىززىقچى بوۋايكەن بۇ !

nargiz

	راسلا ئەقىل ئىشلىتىپتۇ، بولمىسا بالىلار ئاتا-ئانىسنى يوقلىمايدىكەندە

sarwi

	ياشانغانلار  بالىلارنىڭ مېھرى- مۇھەببىتىگە مۇھتاج بولىدۇ ، لېكىن ھازىر نۇرغۇن ئائىلىلەردە ياشانغانلار بالىلارنىڭ مېھرى - مۇھەببىتىدىن بەھرىمەن بولالماي ، كۈنلىرىنى يىراقتىكى بالىلىرىنى سېغىنىش ، ئۇلارنىڭ ھال سوراپ ئۇرغان تېلىفونلىرىغا ئىنتىزار بولۇش ، قۇتلۇق كۈنلەرنى بالىلىرى بىلەن بىللە ئۆتكۈزۈپ ھايات خۇشاللىقلىرىدىن بىرلىكتە بەھرىمەن بولۇشقا ئىنتىلىش بىلەن ئۆتكۈزۋاتىدۇ . ئەسەردىكى بوۋاي - مومايمۇ ئۆزلىرىنىڭ 35 يىللىق توي خاتىرە كۈنى  بالىلىرى بىلەن جەم بولۇش ئىستىكىدە ، ئەنە شۇنداق ئۈنۈملۈك يالغان ھېكايىدىن بىرنى توقۇپ چىقىشقا مەجبۇر بولغان . ئاتا-ئانىلىرىمىز بىزگە چەكسىز مېھرى- مۇھەببىتىنى بەردى ، ھاياتقا قانداق مۇئامىلە قىلىشنى ، ھاياتنىڭ خىلمۇ - خىل سىناقلىرىغا قانداق تاقابىل تۇرۇش كېرەكلىكىنى ئۆگەتتى ، لېكىن ، نۇرغۇنلىرىمىز ئۇلار مېھرى- مۇھەببەتكە مۇھتاج بولغان ۋاقىتتا ، ئۇلار بىزگە بەرگەن مېھر - مۇھەببەتنىڭ يېرىمىنى بولسىمۇ بېرەلىدۇقمۇ ؟!

maripat0996

	بولىدىغان  پىلان  ئىكەنغۇ

wtajalli

	پەرزەنتلىرىمىزگە كۆڭۈل بۆلگەندەك ئاتا - ئانىمىزغا كۆڭۈل بۆلەلىسەك ياخشى بولاتتى ؛

saki

	ھەي........  راسلا تەربىييۋى ئەھمىيتى بار  تىمىكەن..

ｄｉし__SｉЯｉ

	خىلى قىززىقچى ئادەمكىنا ئۇ؟ شۇنداق دەپ بالىلىرى بىلەن بىر يۈز كۆرۈشۈۋالاي دەپتۇ-ھە، ھەممىسىنى بىسەرەمجان قىلىپ،

wwe-okyan

	ھەي قول قويدۇم جۇمۇ .ما بوۋاينىڭ قاقۋاش لىقىنى توۋا .