شۇنداق ۋاقتىڭىز بولغانمۇ؟

ZUL@YH@

	شۇنداق ۋاقتىڭىز بولغانمۇ؟    يىغلىغۇڭىز بار تۇرۇپ ئەكسىچە كۈلگەن ۋاقتىڭىز بولغانمىدى؟    بىراۋلارغا كۆڭۈل بۆلگەن تۇرۇقلۇق، يەنە دىققەت قىلمىغان قىياپەتكە كىرىۋالغانمىدىڭىز؟    كېتىشنى شۇنچە خالىمىسىڭىزمۇ يەنە ئايرىلغان ۋاقىتلىرىڭىز بولغانمۇ؟    شۇنچە ئازابلانغان تۇرۇقلۇقمۇ يەنە: «بەختلىكمەن» دېگەنمىدىڭىز؟    ھەرقانچە قىلىپمۇ ئۇنتۇپ كېتەلمىگەننى «ئۇنۇتتۇم» دەپ يالغان ئېيتقانمىدىڭىز؟    بىز ھامان ئىككى دۇنياغا مەنسۇب ئادەملەر، دەپ يۈرۈپ يەنە ئۇنىڭدىن ۋاز كېچەلمىدىڭىز، شۇنداقمۇ؟    ئۇنىڭ ئالدىدا قەلبىڭىزدىكى گەپلىرىڭىزنى «بۇ  يالغان، ئېرەن قىلىپ كەتمەڭ» دېگەن چاغلىرىڭىزمۇ بولغانمۇ ؟    ئىلگىرىكى ۋاقىتنى ئارقىغا قايتۇرغىلى بولمايدىغانلىقىنى ئېنىق بىلىپ تۇرۇپ يەنە كەچمىشلەرنى ئەسلەۋاتىسىزغۇ دەيمەن؟    يالغاندىن خۇشال بولغان قىياپەتكە كىرىۋېلىپ ھېرىپ كەتكەن تۇرۇقلۇق يەنە ئۇنى داۋاملاشتۇرغان ۋاقىتلىرىڭىزمۇ ئەلۋەتتە ھەم بولغان ھە؟    سەۋەبسىزلا كۆڭلىڭىز يېرىم بولۇپ، ئادەم خالىماي، يالغۇز  ئولتۇرۇۋېلىپ بۇرۇنقى ئىشلارنى ھەم كىشىلەرنى ئەسلىگەن ۋاقتىڭىزنىڭ بولغانلىقىنى بىلمەيدۇ دەمسىز؟    ئەتراپىڭىزدىكى ئادەملەرنىڭ ھېچقايسىسىنىڭ ئۆزىڭىزنى چۈشەنمەيدىغاندەك ھېس قىلىپ، يالغۇزلۇق ھېس قىلغان ۋاقىتلىرىڭىزنى مەندىن يوشۇرماقچىمىدىڭىز ئەجىبا!    يەنە شۇنداق يىغلىغۇڭىز بار تۇرۇپمۇ يىغلىيالمىغان ۋاقىتلىرىڭىزمۇ بولغانمىدى؟    يېنىڭىزدا دوستلىرىڭىز كۆپ تۇرۇپمۇ يەنە يالغۇزلۇق ھېس قىلىۋاتىسز ھە!؟    تۇيۇقسىز ئۆزىڭىزنى يوقىتىپ قويۇپ تاپالمىغاندەك بولۇپ قالغان ۋاقىتلىرىڭىزچۇ؟    شۇنداق بىر ناخشىنى ئاڭلىغىنىڭىزدا ئىختىيارسىز شۇنداق بىر كىشىنى ئەسكە ئالدىڭىز، بۇ چاغدا بىر تۇرۇپ ناخشىدىن ئۆزىڭىزنى قاچۇرسىز، يەنە بىر تۇرۇپ تەكرار ئاڭلاشنى خالايسىز. قانداق تېپىۋالدىممۇ؟    ئۆزىڭىزگە كۆيۈنىدىغان، سىزنى ئاسرايدىغان بىرىنىڭ پەيدا بولۇشىنى ئۈمىد قىلغان ۋاقىتلىرىڭىزنى قانداقمۇ يوشۇرالايسىز؟    ... ... ...    شۇنداق، ئاشۇ چارىسىزلىك ئىچىدە ئىزتىراپ چېكىۋاتقانلارنىڭ ئىچىدە سىزبار، ئۇ بار، شۇنداقلا ھەم مەنمۇ بار.    تەرجىمە قىلىپ، مەزمۇن بېيىتكۈچى: نىھان

kvmvx

	بەك ئازابلىق قۇرلاركەن بۇ .

rastqi

	راس كۆڭىلدىكىنى  يېزپسىز،،،،،

wwe-okyan

	سىز تولا شۇنداق بولدىغان ئوخشاي سىز.

nargiz

	راس مەن ھەمىنى باشتىن كەچۇرگەن مېنىڭ شۇنداق ۋاقىتلىرىم بەك تولا

ｄｉし__SｉЯｉ

	بەزىلىرى مىنىڭ ھازىرقى ھالىتىمگە بەكلا ماسلىشىپتۇ

sarwi

	دىمىسىمۇ ئادەم بەزىدە مەڭگۈ قايتىپ كەلمەيدىغان ئۆتمۈشنى ئەسلەپ قالىدۇ ، ئۇنىڭ بىلەن ئۆزىگە تەسەللى تاپىدۇ ،ھەتتا ئاشۇ كۈنلەرنىڭ يەنە بىر قېتىم تەكرارلىنىش پۇرسىتىنىڭ بولمايدىغانلىقىدىن ئەپسۇسلىنىدۇ. ھازىر ئىچىدە ياشاۋېتىپ  ، ھازىرىمىزنىڭمۇ ئەتىلا ئۆتمۈشكە ئايلىنىدىغانلىقىنى ، ئۇنىڭ يەنە بىر قېتىم تەكرارلانمايدىغانلىقىنى ، شۇڭا ئۇنى چىڭ تۇتۇشىمىزنىڭ تولىمۇ زۆرۈرلىكىنى ئۇنتۇپ قالىمىز ، دەل شۇنداق بولغاچقا ، پۇشايمان بىزگە سايە تاشلاپلا تۇرىدۇ .

Nihan

	ئەسسالامۇ-ئەلەيكۇم تورداشلار! مەزكۇر تېما ناھايىتى ياخشى يوللىنىپتۇ. بۇ ئەسەرنىڭ ئەسلى ئاپتورى «نىھان» بولۇش سۈپتىم بىلەن بۇ تېمىنىڭ «تەڭرىتاغ مۇنبىرى» گە يوللانغانلىقىدىن بەكمۇ خۇش بولدۇم ھەم ھاياجانلاندىم. بۇ تېمنى ئەسلى مەن تەرجىمە قىلىپ 2012-يىلى 8-ئاينىڭ 9-كۈنى 21:41:41 ئۆتكەندە «ئاچچىق ھايات» مۇنبىرىگە يوللىغان ئىدىم. مانا بۇ ئادرېسى:http://aqqikhayat.com/bbs/forum.php?mod=viewthread&tid=237   ئەمدىلىكتە بۇ تېمامنىڭ ئۆزۈم ھەركۈنى زىيارەت قىلىپ تۇرىدىغان بۇ مۇنبەردىن ئورۇن ئالغانلىقىدىن تولىمۇ سۆيۈنگەن بولساممۇ بىراق، بىر ئىش كۆڭلۈمنى شۇنداق غەش قىلدى. تېمىنىڭ مەنبەسى «نىھان» دەپ ئەسكەرتىلىپتۇيۇ، لېكىن  كۆچۈرۈپ كېلىنگەندە «ئاچچىق ھايات مۇنبىرى» دېگەن ئېنىق مەنبەسى ئەسكەرتىلمەپتۇ. بۇ ھەقىقەتەن ياخشى بولماپتۇ. باشقا مۇنبەردىن تېمىلارنىڭ كېلىپ تۇرۇشى ناھايىتى نورمال ئىش، بۇنىڭ ھېچ خاتاسى يوق. ئەمما ئەڭ ئالدى بىلەن مەنبەسى، قايسى توربەتتىن كۆچۈرۈپ كېلىنگەنلىكى چوقۇم ئەسكەرتىلىشى كېرەك. بۇ ئەقەللىي بىر ساۋات. شۇنداقكەن، مېنى ئەپسۇسلاندۇرغان بۇ ئىش ئۇيغۇر مۇنبەرلىرىدە خېلى سالماقنى ئىگىلەيدىغان «تەڭرىتاغ مۇنبىرى» ئۈچۈن سەت بولماسمۇ؟

Nihan

	قىززىق!

ZUL@YH@

	wwe-okyan يوللىغان ۋاقتى  2012-8-16 15:19 سىز تولا شۇنداق بولدىغان ئوخشاي سىز. سىز پەقەت ئۇنداق بولۇپ باقمىغانما؟