دېھقان ئانا ، ئامان بول ، ئامان ! ( سەرۋى )

sarwi

	دېھقان ئانا ، ئامان بول ، ئامان ( بۇ شېئىرىمنى بارلىق دېھقان ئانىلارغا بېغىشلايمەن ) سەن شۇ قەدەر ئۇلۇغ پاسىبان ، مېھرىڭدىن نۇر ئىمىدۇ جاھان ، ئارمانلىرىڭ بولمىسۇن خازان ، دېھقان ئانا ، ئامان بول ،ئامان ! قان - تەرىڭدىن زېمىن كۆكىرەر ، ئاھلىرىڭدىن ئالەم چۆرگىلەر ، ھەسرىتىڭدىن قەلبىم ئۆرتىنەر، دېھقان ئانا ، ئامان بول ، ئامان ! كۈچۈڭنى سەن تۇرماسسەن ئاياپ ، تۆككەن ئىسسىق تەرىڭ بىھېساپ ! جىلۋە قىلار چېھرىڭدە ئاپتاپ ، دېھقان ئانا ، ئامان بول ، ئامان ! قاداق باسقان قوللىرىڭ گۈلكەن ، كۆڭلى - كۆكسۈڭ دېڭىزدىن كەڭكەن، يوللىرىڭنى باسمىسۇن تىكەن ، دېھقان ئانا ، ئامان بول ، ئامان ! ئېتىز سېنى ئەتكەندە باغاش ، يۈزۈڭگە نۇر سەپكەندە قۇياش، ۋۇجۇدۇڭمۇ بولاركەن ئوتقاش ، دېھقان ئانا ، ئامان بول ، ئامان ! نۇرلۇق چېھرىڭ بولمىسۇن سامان ، كۈلۈپ باقتى ساڭا بۇ زامان ، بەخت سېنى قۇچاقلار ھامان ، دېھقان ئانا ، ئامان بول ، ئامان ! 2012 - يىلى 9- ئاۋغۇست

xipayi

	ياخشى يىزىپسىز .دىھقان ئانىلارنى قانچە يازسەق قانچە ھورمەتلىسەك ئەرزىيدۇ رەھمەت..ئانا ئۇلۇغ ئانا مىھرىبان،ئانىلار قولىدا تەۋرەيدۇ جاھان،ئانىنىڭ قەدرىگەيەتمىگەنلەر ھەم ،بىر كۈنى پۇشايمان قىلىدۇ ھامان.

kurban.qaydu

	ياخشى يىزىپسىز شېئىرنى

koraxqan

	ئانا مۇقەددەس !ھەم ئۇلۇغ! دېھقان ئانىلارغا ۋاكالىتەن سىزگە رەخمەت!

rastqi

	دىھقان ئانىلىرىمىز مەڭگۇ ئامان بولغاي.

ronaK0000000

	بەلا ياخشى يىزىلغان شىېركەن بولوپمۇ دىخقان ئانىلىرمىزنى قانچىلىك مەدھىلىسەك ئازلىق قىلدۇ.رەىمەت

polat

	ياخشى مەدھىلەپسىز قەدىردانلارنى

دېھقانى

	بىر قولىدا تەۋرەيدۇ بۆشۈك، بىر قولىدا جانلىنار تۈشۈك، تۇرالامدىم كۈيلىمەي.خەپشۈك، دېھقان ئانا ئامان بول، ئامان!