ھېكمەت جەۋھەرلىرى
مۇھەممەدئىمىن ھەسەن
1-سېنىڭ ھاياتلىق مۇساپەڭدە ئېرىشىدىغىنىڭ پەقەتلا نىيەت-ئىقبالىڭ ۋە قىلمىشىڭنىڭ مەھسۇلىدۇر.
2- بۇ دۇنيادا ھەرقانداق كۆيۈۋاتقان ئوتنى ئۆچۈرۈش مۇمكىن، بىراق ھەسەت ئوتىنى ئۆچۈرۈش ئەسلا مۇمكىن ئەمەس.
3-پەقەت ھەسەتخور ئادەملا بۇ دۇنيانىڭ گۈزەللىكىدىن ۋە بەختىدىن ھوزۇر ئالالمايدۇ.
4-ئىنسان ئۈچۈن بارلىق شان-شەرەپ نەپسىنى تىزگىنلەشتىن كېلىدۇ .
5-سەن باشقىلارنىڭ ئۆزۈڭنى ھۆرمەتلىشىنى ۋە قەدىرلىشىنى ئۈمۈد قىلامسەن؟ ئۇنداقتا ئالدى بىلەن ئۆزۈڭگە ئۆزۈڭ شۇنداق قىل.
6-سەن باشقىلاردىن ئۆزۇڭگە قانداق مۇئامىلە قىلىشنى ئارزۇ قىلساڭ ،سەنمۇ باشقىلارغا شۇنداق قىل.
7-بۇ دۇنيادا ئىنسانغا بارلىق ياۋۇزلۇق ۋە رەزىللىك زىيادە ئاچكۆزلۈكتىن ۋە شەخسىيەتچىلىكتىن كېلىدۇ.
8-سېنىڭ مەخپىيەتلىكىڭ كىشىلەرگە سۆزلىنىشتىن بۇرۇن ساڭا تەۋە بولۇپ،سۆزلىگەندىن كېيىن ئاڭلىغۇچىغا تەۋەدۇر.
9-تارىخ- ياراتقۇچىلىرى بىلەن ئەمەس،يازغۇچىلىرى بىلەن ھاياتتۇر.
10-مەيلى سەن ياخشىلىق قىل ياكى يامانلىق قىل ھەر ئىككىلىسى ئۆسۈمى بىلەن ئۆزۈڭگە قايتۇرۇلىدۇ.
11-ھاراق ئىچىپ مەست بولغان ئادەم ھامان بىر كۈنى ئوڭشىلىشى،پۇشايمان قىلىشى مۇمكىن، بىراق دۇنيا ئىشقىدا مەست بولغان ئادەم ئۆلگۈچە ئوڭشالمايدۇ.
12-ئىلىمنىڭ تۆۋەن چېكى ئۆزىنىڭ كىملىكىنى تونۇش ،ئەڭ يۇقىرى پەللىسى ھەسەتتىن قول ئۈزۈشتۇر.
ئاپتور:قاغىلىق ناھىيە شاتلىق دوختۇرخانىسىدىن.
يوللىغان ۋاقتى 
