بىر كۈنى Asir

Asir

	بىر كۈنى    Asir بالاڭ ئازسا، ئاھ ئۇرما، يول تاپىدۇ بىر كۈنى، ئامان بولسا، ئۇلارمۇ پۇل تاپىدۇ بىر كۈنى . خاتا باسقان قەدەملەر قالدۇرغاندا قاتاردىن ، ئۆزى ماڭغان چاتقالغا ئوت ياقىدۇ بىر كۈنى. گەدەنكەشلىك ھېچكىمدىن ئۇدۇم ئەمەس ئۇلارغا. ئۆزى كېلىپ ئالدىڭغا گەپ ئاچىدۇ بىر كۈنى. ئات بولغۇچە ئاساۋتاي ھەر يان چاپسا چاپمامدۇ. ئۇلارغىمۇ بۇ دۇنيا يۈك ئارتىدۇ بىر كۈنى. ‹ئاق›نى چەككەن ئاغزىدا ئۇقۇپ ئەپسۇس-پۇشايمان. قاراپ ئۇلار كەينىگە ئۇھ تارتىدۇ بىر كۈنى. كوچىلارغا تۈن بويى بۈگۈن پاتماي يۈرگەنلەر. چىللىسىمۇ كوچىلار جىم ياتىدۇ بىر كۈنى. تەييار توقاچ قولۇڭدىن يەۋەرمەيدۇ ئۇلارمۇ. ئۆزلىرىمۇ ئۇن تارتىپ نان ياقىدۇ بىر كۈنى. بۇ ئالەمدە ھەر ئىشنىڭ سائىتى-بار ۋاقتى بار. خۇددى سەندەك ئۆي تۇتۇپ ئۆي قاقىدۇ بىر كۈنى. كۆندۈرىدۇ بۇ جاھان تالاي ئىشقا ئۇلارنى، شۇلار چاپقان ئۆستەڭدە سۇ ئاقىدۇ بىر كۈنى. بىز ئوينىغان نورۇزنى بىزدەك ئويناپ شۇلارمۇ، ئىزىمىزدا ئىگەرلەپ ئات چاپىدۇ بىر كۈنى. پىشانەڭگە ئاسماندىن ئىللىق قۇياش نۇر چاچسا، يۈرۈكۈڭگە بالاڭمۇ نۇر چاچىدۇ بىر كۈنى. سەنمۇ ئاتا-ئاناڭنى ئۆتكەن بولساڭ ئەزىزلەپ، ئوغۇل-قىزىڭ ساڭىمۇ تون ياپىدۇ بىر كۈنى. شۇ ئىشلارنى كۆرەلمەي ئۆلۈپ كەتسەڭ ئامال يوق، ھايات بولساڭ مەيدەڭگە گۈل تاقايدۇ بىر كۈنى. يامان دىسەڭ بالاڭنى، كىم بىرىدۇ ياخشىنى، ھازىر يامان بولسىمۇ ئاسقاتىدۇ بىر كۈنى. مەنبە : 2012-يىلى 8-ئاينىڭ 5-كۈنى كورلا شەھىرى‹‹ بىر رىستۇراندا خاتىرلىۋالغىنىم›› 2012-يىلى 8-ئاينىڭ 8-كۈنى

دېھقانى

	مۇھەممەدجان راشىدىن ئاكىمىزنىڭ ياخشى چىققان شېئىرىغۇ ئۇ..... يوللىنىڭىز بەلەن بوپتۇ... بولسا مەنبەسىنى  ئېنىق دەۋەتكەن بولسىڭىز بەك ياخشى بولاركەندۇق....

sarwi

	ئاتاغلىق شائىرىمىز    مۇھەممەدجان راشىدىن ئاكىنىڭ  شېئىرلىرىنىڭ تىلى شۇ قەدەر يېقىملىق ،  ئۇنىڭ شېئىرلىرى خەلقنىڭ قەلب سۆزىنى جاراڭلاتقان شېئىرلار .

rastqi

	ما شئىر ماڭا  بەك ياقتى.تىلى بەك راۋانكەن

serjat

	توغرا دەيسىز توردىشىم سەرۋى،  مۇھەممەتجان راشىدىن ئاكىمىزنىڭ شىئېرلىرى ئارتۇقچە مۇبالىغە، چىكىدىن ئىشىپ كەتكەن ئىستىلىستىكىلىق ۋاستىلەر ۋە دەبدەبىلىك سۆزلەردىن خالىي، شۇڭا شەخسەن مەنمۇ مۇھەممەتجان ئاكىمىزنىڭ شىئرلىرىنى ياقتۇرۇپ ئوقۇيمەن. بەزى شائىرلارمۇ نەدىكى چاقماق، چىقىن، روھ ... دىگەندەك دەبدەبىلىك تىلدا  شىئېر يازماي، مۇشۇنداق ئاممىباپ، ئىخچام ئۇسۇلدا شىئېر يازسا نىم بولار دەيمەن(شەخسىي پىكى)

hiyalparas

	مۇھەممەدجان راشىدىن ئاكىمىزنىڭ ياخشى چىققان شېئىرى

ajayep

	ھەي بۇرادەرلەر بۇنداق قارغۇلارچە سۆزلەۋەرمەڭلا .شۇ بىر كۈنى دەپ  بولغان ھالىمىز مۇشۇ .بەلكىم شائىرمۇ مۇشۇ شىئرنىڭ ئوقۇرمەنلەگە بەرگەن بۇ نداق خاتا چۇشەنچىدىن ئەپسۇسلېندىغاندۇ.