6 نەپەر ئانا يۇرت ئەزىمىتى لۇنىڭ پۇتبول مەكتىپىگە قوبۇل قىلىندى
بۇ يىل شەندۇڭ لۇنىڭ پۇتبول مەكتىپىدە ئۆتكۈزۈلگەن «لۇنىڭ لوڭقىسى» نى تالىشىش مەملىكەتلىك ئۆسمۈرلەر تەكلىپلىك مۇسابىقىسگە غۇلجا شەھەرلىك 12 - باشلانغۇچ مەكتەپتىن ئىككى كوماندا بېرىپ قاتنىشىپ، قوش چىمپىيون بولۇپ قايتىپ كەلگەن ئىدى.
بۈگۈن 2012 - يىلى 8 - ئاينىڭ 6 - كۈنى چۈشتىن كېيىن شىنجاڭ ۋاقتى بەش يېرىمدا 6 نەپەر ئانا يۇرت ئەزىمىتى لۇنىڭ پۇتبول مەكتىپىنىڭ چاقىرتىشى بىلەن شەندۇڭ لۇنىڭ پۇتبول مەكتىپىگە ئوقۇشقا ماڭماقچى. ئەتە، يەنى 7 - ئاغۇست ئەتىگەندە ئۈرۈمچىگە چۈشۈپ، كەچ سائەت يەتتە يېرىمدا ئۇلار ئۈرۈمچى ۋوگزالىدىن شەندۇڭ جىنەنگە قاراپ يولغا چىقىدۇ. شۇنىڭ بىلەن بۇلتۇر قوبۇل قىلىنغان تۆت نەپەر ئەزىمىتىمىزنى قوشقاندا، لۇنىڭ پۇتبول مەكتىپىدە ئانا يۇرت ئەزىمەتلىرىدىن 10 نەپىرى تەربىيەلىنىدۇ. ئۇلارنىڭ ئاتا - ئانىسى ۋە بارلىق ئانا يۇرت خەلقىنىڭ ئۈمىدىنى ئاقلاپ، جاپا - مۇشەققەتلەرگە بەرداشلىق بېرىپ، ئىجتىھات بىلەن ئۆگىنىپ، كەلگۈسىدە دۇنياغا تونۇلغان پۇتبول چولپانلىرىدىن بولۇپ، ئانا يۇرت پۇتبولچىلىقىنى دۇنياغا تونۇتۇشىغا تىلەكداشمىز.
بۇ ئەزىمەتلەر
ئالدىدىكىلىرى ئوڭدىن رەھمىتۇللام، شۆھرەت، ئەسقەر،
كەينىدىكىلىرى ئوڭدىن سۇبھى، ئابلىمىت، بىلال، ھىلالىدىن
ئارقىسى ئوڭدىن بىرىنچىسى نىغمەت ۋە ئۇنىڭدىن باشقا بىزنىڭ 11 - نومۇرلۇق
پۇتبولچىمىز ئەزىمەت نېغمەت قاتارلىقلار، كەينى سولدىن جۇشقۇن تۇيغۇن، ئالدى ئوڭدىن پەرمان قۇربانتاي، ئابدۇرۇسۇل، ئابدۇقىيىملار بۇلتۇر لۇنىڭ پۇتبول مەكتىپىگە قوبۇل قىلىنغان.
بۇ ئەزىمەتلەرنى ئۇزىتىش مۇناسىۋىتى بىلەن غۇلجا شەھەرلىك 12 - باشلانغۇچ مەكتەپتە بىر قېتىملىق خوشلىشىش مۇسابىقىسى ئۇيۇشتۇرۇلدى. تۆۋەندىكى فىلىم بۇ مۇسابىقىنىڭ تولۇق فىلىمى، تورغا يوللىنىۋاتىدۇ، پات ئارىدا سىلەر بىلەن يۈز كۆرۈشىدۇ.
تۆۋەندىكىسى ئانا يۇرت ئەزىمەتلىرىنىڭ لۇنىڭ سەپىرىدىكى رەسىملەردىن ئىشلەنگەن خاتىرە ئەلبوم نۇسخىسى بولۇپ، چۈشۈرۈپ كومپىيوتىردا قوش چېكىپ ئىجرا قىلسىڭىزلا قويۇلىدۇ. خاتىرە قىلىپ ساقلىغۇچىلار ئۈچۈن بوشلۇققا چۈشۈرۈپ قويدۇق. ساقلىۋېلىشنى خالايدىغانلار چۈشۈرۈۋېلىڭ.
ئەلبومنى چۈشۈرۈشتۆۋەندىكىلەر بولسا مۇسابىقە جەريانىدا تارتىلغان خاتىرە سۈرەتلەر
يوللىغان ۋاقتى 2012-8-6 18:13:31
