سۈت «ئىچكەن» تاۋۇز يوغىناپ كەتتى

نەسىمى

	سۈت «ئىچكەن» تاۋۇز يوغىناپ كەتتى       جىڭ ناھىيەسى داخېيەنزە بازىرى ھۈسەيىنتېرەك كەنتىدىكى تاۋۇز يېتىشتۈرۈش تەتقىقاتچىسى جاۋ شياۋدۇڭ ئۆزى يېتىشتۈرگەن ناھايىتى يوغان بىر تاۋۇزنى كۆرسەتتى، ئۇ بۇ يىل 60 كىلوگىرام كېلىدىغان «كالا سۈتىدە بېقلغان تاۋۇز» نى 2 - نۆۋەتلىك جۇڭگو ئاسىيا - ياۋروپا كۆرگەزمىسىگە قاتناشتۇرىدىغانلىقىنى بىلدۈردى.       جاۋ شياۋدۇڭنىڭ تاۋۇز يېتىشتۈرۈۋاتقىنىغا 30 يىل بولغان، ئۇ ئەينى چاغدا ئالىي مەكتەپنىڭ ئىگىلىك باشقۇرۇش كەسپىدە ئوقۇغان بولۇپ، مەكتەپ پۈتكۈزگەندىن كېيىن يۇرتى شەندۇڭدا تاۋۇز يېتىشتۈرگەن، بۇ جەرياندا ئاغىنىلىرىدىن كالا سۈتىدە تاۋۇز بېقىش ئۇسۇلىنى ئىگىلىگەن. 2005 - يىلى تۇرپاندا پارنىكتا تاۋۇز يېتىشتۈرۈشكە باشلىغان، 2009 - يىلى بىر ئاغىنىسى ئۇنى جىڭ ناھىيەسىدىكى بىر يېزا ئىگىلىك شىركىتىنىڭ تېخنىكى بىلەن تونۇشتۇرۇپ قويغان، ئۇ شۇنىڭدىن بۇيان «سۈت بىلەن بېقىلغان تاۋۇز» نى تەتقىق قىلىپ يېتىشتۈرگەن. بۇلتۇر ئۇ يېتىشتۈرگەن «كالا سۈرتى بىلەن بېقىلغان تاۋۇز» دىن 30 نەچچىسى تۇنجى قېتىم ھوسۇل بەرگەن، ئەڭ چوڭى 50 كىلوگىرامغا يەتكەن، ئۇ بۇ تاۋۇزلىرىنى جۇڭگو ئاسىيا - ياۋروپا كۆرگەزمىسىگە قاتناشتۇرغان.       بۇ يىل ئاپرېلنىڭ بېشىدا ئۇ يەنە پارنىكتا بۇ خىلدىكى تاۋۇزنى يېتىشتۈرۈپ تەتقىق قىلىشقا كىرىشكەن. ئۇنىڭ ئېيتىشىچە، بۇ خىل تاۋۇزنى يېتىشتۈرۈش ئۇسۇلى ئادەتتىكى تاۋۇزنى يېتىشتۈرۈش ئۇسۇلىغا قارىغاندا مۇرەككەپرەك بولۇپ، ئوغۇتلاش ئۇسۇلىمۇ ئوخشىمايدىكەن، ئادەتتىكى تاۋۇز 30 كۈن ئەتراپىدا چېچەكلەپ پىشىدىكەن، بۇ خىلدىكى تاۋۇز 60 كۈندىن 70 كۈنگىچە پىشىدىكەن، ئۇنىڭغا دەسلەپكى باسقۇچتىكى بىخلىنىش جەريانىنى قوشقاندا 150 كۈنلەردە پىشىدىكەن. نۆۋەتتە ئۇنىڭ پارنىكتىكى «سۈت بىلەن بېقىلغان تاۋۇز» لىرىنىڭ ئېغىرلىقى 40 كىلوگىرامغا يەتكەن بولۇپ، ئېغىرلىقى كۈنىگە بىر يېرىم كىلوگىرام ئەتراپىدا ئېشىۋېتىپتۇ، بۇلتۇرنىڭ ئوخشاش مەزگىلىدىكىدىن بەش كىلوگىرامدەك ئارتۇقكەن. بۇ خىلدىكى تاۋۇزنىڭ سۈيى ئادەتتىكى تاۋۇزنىڭكىدىن ئاز ئىكەن، بىراق رەڭگى قىزىل، تەمى بەك تاتلىق ئىكەن.       ئىگىلىنىشىچە، بۇ خىل تاۋۇزنىڭ تەننەرخى يۇقىرى بولۇپ، 30 كىلوگىراملىق بىر تاۋۇزنىڭ تەننەرخى 500 يۈەندىن 600 يۈەنگىچە، سېتىلىش باھاسى 2000 يۈەن ئەتراپىدا، 50 كىلوگىراملىق بىر تاۋۇزنىڭ سېتىلىش باھاسى 5000 يۈەن ئەتراپىدا بولىدىكەن.       سۈرەتتە: بىر تېخنىك ئادەتتىكى تاۋۇز بىلەن 40 كىلوگىراملىق «سۈت بىلەن بېقىلغان تاۋۇز» نى سېلىشتۇرماقتا.

nargiz

	تىكىس سەل قالايمىقانمۇ يە مەن چۇشۇنەلمىدىممۇ ، قايتا-قايتا ئۇقۇدۇم بولمىسا ،

kurban.qaydu

	تىكىس نىمە گەپ  بۇ ،،  ، تىما دىسىڭىز بۇلىدىغۇ

kurban.qaydu

	شۇنداقمۇيا  ئايشەمخان

SARBAX

	نەرگىز خانىم تاۋۇزنى سۇتتە بىقىپ چوڭايتىپتۇ.ئىغىرلىقى 60كىلوگىرام كىلىدىكەن

kurex

kurban.qaydu

	kurex يوللىغان ۋاقتى  2012-8-2 14:23 ئاپىرات تۇتۇپ تۇرۇپ بىر نۇقتىغا قاراپ تۇرۇشلىرى، بىر پىشقەدەم فۇتۇگىراپچىلارغا ئوخشايدۇ. بىراق ئىنكاس يىزىشلىرى قارا قۇساق ئادەمدەك تۇيغۇ بىرىدىكەن. مەن مۇشۇ مۇنبەرگە تىمىنى ئۇقۇپ ئەزا بۇلمىدىم. بەلكىم ئىنكاسلارنى ئۇقۇپ  مۇنبەرگە ئەزا بولغان. مۇشۇنداقلارنى نىمشقا  تۇرمىگە سۇلىمايدۇ،  قارا تىزىملىككە  يىزىپ قۇيۇڭلار بۇ يۇلداشنىڭ مۇبارەك ئىسمىنى

serjat

	مىنىڭچە كىلەر يىلى بۇ تاۋۇزنىڭ باھاسى چوقۇم چۈشۈپ كىتىشى مومكىن، خۇددى گۈلچايغا ئوخشاشلا...

sarsanroh

	تاۋۇز پادىشاھى دېسەك بولغىدەكتە ئۇنى!

Erkin

	نېمانچە يوغان تاۋۇز بۇ؟