مۇنبەرداشلار سەمىگە: ئىملاغا دىققەت قىلايلى!

نىدائىي

   ھۆرمەتلىك تورداشلار، تەڭرىتاغ ئۇيغۇر مۇنبىرىمىز ئېچىلغان قىسقىغىنە ۋاقىتتىن بۇيان، كەڭ تورداشلىرىمىز تۈرلۈك تېمىدىكى نادىر تېمىلىرى ۋە ئىنكاسلىرى بىلەن مۇنبىرىمىزنىڭ مەزمۇنلىرىنى بېيىتىپ كېلىۋاتىدۇ. بىز بۇنىڭدىن تولىمۇ خۇرسەنمىز. تور، مەتبۇئاتلاردا ئىملا ۋە گىرامماتىكىغا قاتتىق ئەمەل قىلىنىدۇ. بۇ ھەممىگە مەلۇملۇق.  ئەگەر يوللانغان ماقالە–ئەسەرلەردە، ئىنكاسلاردا ئىملا ۋە گىرامماتىكىلىق خاتالىقلىرى سادىر بولغىنىدا، شۇ ئەسەرنىڭ سۈپىتى ۋە مەزمۇنىغا تەسىر يەتكۈزۈپلا قالماستىن، بەلكى، مۇنبىرىمىزنىڭ ئابروي–ئىناۋىتىگە نۇقسان يەتكۈزىدۇ.  مەن مۇشۇ مۇناسىۋەت بىلەن بارلىق تورداشلارغا شۇنى ئەسكەرتمەكچىمەنكى، ھەممەيلەن ئىمكانىيەتنىڭ بارىچە ئىملا ۋە گىرامماتىكىغا دىققەت قىلساڭلار. بەزى ئەسەرلەردە ئىملا خاتالىقلىرى ھەددىدىن زىيادە كۆپ بولغاچقا، بىزنىڭ نۇرغۇن ۋاقتىمىزنى ئېلىپ كېتىۋاتىدۇ. يوللانغان تېما ۋە ئىنكاسلارنى تېز ھەم ۋاقتىدا تەستىقلاپ چىقىرىشىمىزغا توسالغۇ بولۇۋاتىدۇ.
   بەزى تورداشلار ‹‹ئې، ئى›› تاۋۇشلىرىنى  دائىم ئالماشتۇرۇپ ئىشلىتىدىغان، ‹‹ئو، ئۇ، ئۆ، ئۈ›› قاتارلىق تۆت سوزۇق تاۋۇشتىن پەقەت بىرىنىلا ئىشلىتىدىغان، يەنى مەسىلەن، ‹‹ئو›› تاۋۇشىنى ئىشلىتىدىغان ئورۇنغا ‹‹ئۇ، ئۈ، ئۆ›› تاۋۇشلىرىنىڭ خالىغان بىرىنى ئىشلىتىۋېرىدىغان ئەھۋاللار كۆپرەك سادىر بولۇۋاتىدۇ. يەنە بەزى ماقالىلەردە بىر–بىرىنىڭ ئورنىنى باسالمايدىغان تاۋۇشلارنى ئىشلىتىدىغان، مەسىلەن، ‹‹س›› تاۋۇشىنىڭ ئورنىغا ‹‹م›› ياكى ‹‹غ›› تاۋۇشلىرىنى ئىشلىتىپ سالىدىغان ئەھۋاللارمۇ كۆپ ئۇچراۋاتىدۇ. بۇ ھال بىزنىڭ كىشى ئىسىملىرى، يەر–جاي ناملىرى قاتارلىقلارنىڭ توغرىلىقىغا ئېغىر تەسىر يەتكۈزۈۋاتىدۇ. ئىملاغا، گىرامماتىكىغا دىققەت قىلماسلىق ئانا تىلغا ھۆرمەت قىلماسلىق، ئۇنىڭ ئىززەت–ئابرويىنى قوغدىمىغانلىق ھېسابلىنىدۇ.
   تورداشلار، ھەممەيلەن ئورتاق تىرىشىپ، ئەڭ زور تىرىشچانلىقىمىز بىلەن تەڭرىتاغ ئۇيغۇر مۇنبىرىدىن ئىبارەت بۇ كەڭ سەينادا ئۆزىمىزنىڭ ئىجادىيەت مېۋىلىرىنى كۆرەك قىلايلى. ئىملا خاتالىقىغا ھەرگىز سەل قارىمايلى.
   ناۋادا يوللانغان ماقالە–ئەسەرلەردە ئىملا ۋە گىرامماتىكىلىق خاتالىقلار بىر قەدەر كۆپ بولسا، بىز بىراقلا تەستىقلىمايمىز ياكى نەچچە ئون كۈنلەردىن كېيىن ۋاقتىمىز چىققاندا توغرىلاپ تەستىقلايمىز.   

noshirwan

ئىملاغا چوقۇم دىققەت قىلىشىمىز زۆرۈر. ۋاقتىدا ئەسكەرتىلگىنى ياخشى بوپتۇ.
ئىملاسىدا مەسىلە كۆپ ئەسەرلەرنى يوللىغۇچىنىڭ تۈزىتىشىگە ئەسكەرتىپ، تۈزىتىلگەندىن كېيىن تەستىقلاشقا بولامدۇ-يوق، ئويلىشىپ باققايسىلەر.

Erkman

مەن چوقۇم دىققەت قىلىمەن، بەزىدە بىخۇدلىقتىن يوللىنىپ كەتكەندە ئۆزۈم تەھرىرلىۋېتىمەن!

tuygun

شىخىنى بەك پۇتۇۋەتسەڭلار يېلتىزىنى قۇرۇتۇپ قويسىلەر ........... ھەممە ئىش ئاستا - ئاستا بولغىنى ياخشىمىكىن .

نىدائىي

   ھۆرمەتلىك تۇيغۇن ئەپەندىم، شېخىنى پۇتىمايمەن دەپ، ئۆز مەيلىگە قويۇۋەتسەك خاتا، تايىنى يوق تېمىلار يوللىنىپ كەتسە قانداق بولىدۇ. بۇ مۇنبەرنىڭ ساغلاملىقىغا تەسىر يەتمەمدۇ. سىز نېمىشقا پاسسىپ گەپ قىلىسىز.  قارىغاندا سىز ئانا تىلىڭىزنىڭ ھۆرمىتىنى قىلمايدىغان ئوخشىمامسىز؟

uighur

ناھايىتى ئوبدان گەپ بۇ. بەك خوش بولدۇق.

admin

بەك چوڭ ئېملا خاتالىقىغا دىققەت قىلايلى 100% توغرا يىزىش سەل مۇمكىن بولمايدۇ . تىل دىگەن ئالاقە قورالى ، بىرنجى تەرەپنىڭ مەقسىىتىنى ئىككىنجى تەرەپ چۈشەنسلا بولدى ، لىكىن ئامال بار توغرا يىزىشقا ئادەتلىنەيلى.

guzalkizqak

بۇرۇنقىلارنىڭ گپ قىلغۇچىدا ئەيىپ يوق ، ئاڭلىغۇچى ئىبىرەت ئالسۇن دەيدىغان گەپ بار ، لىكىن مىنىڭچە ھازىر تېما ئۆزگەردى ، يەنى سۆزلىگۈچى ئوڭشاپ سۆزلىسۇن ، ئاڭلىغۇچى راۋان ئاڭلىسۇن .

بىلگئەر

          ياخشى تەكلىپ. ھەممىمىز ئورتاق تىرىشمىساق بولمايدۇ. تەڭرىتاغ ئۇيغۇر مۇنبىرىنى سەرخىل مۇنبەر قىلىش ئۈچۈن كۆپ جەھەتلەردىن ئىزدىنىش كېرەك. بۇنىڭ ئىچىدە، سەل قاراشقا بولمايدىغان، ھەم ئۇزۇن مۇددەت ئىلىپ بىرىلىدىغان مۇھىم خىزمەتنىڭ بىرسىمۇ دەل ئىملا خاتالىقىنى تۈزۈتۈش. مۇنبەردىكى باشقۇرغۇچىلار باش بولۇپ بۇ مەسىلىنى چىڭ تۇتۇپ ئىشلىسە، كۆپچىلىكمۇ يىقىندىن ماسلىشىپ، ئۆزلىرىنىڭ ماقالىلىرى ۋە ئىنكاسلىرىدىكى ئىملا خاتالىقىنى تۈزۈتۈپ چىقارسا دەيمەن.
         تەكلىپ: قارىسام مۇنبەردە ئەدەبىيات بىلەن شۇغۇللىنىدىغانلار خىلى كۆپ ئوخشايدۇ. ئىملا توغرىسىدا ماقالە ۋە سىستېمىلىق چۈشەنچىلەر بولسا تەمىنلەپ بەرسەڭلار.

tursun007

admin يوللىغان ۋاقتى  2011-10-12 19:07
بەك چوڭ ئېملا خاتالىقىغا دىققەت قىلايلى 100% توغرا يىزىش ...

ئورۇنلۇق پىكىر بولۇپتۇ، مەن تولۇق يازىمەن دېگەن ئىددىيىدە تۇرۇپ تېما يوللىساممۇ يەنە ئويلىمىغان يەردىن قىسمەن كىچىك ئىملا خاتالىقى كۆرۈلۈپ قىلىۋاتىدۇ.
شۇنداقتىمۇ توغرا يىزىشقا ئادەتلىنەي!